ߕߋߟߋ߲ߓߊ߯ߦߊ߂߀߂߆ ߣߍߣߍߓߊ ߕߟߋ߬ ߁߇
ߓߍ߲߬ߞߊ߲ ߘߏ߫ ߟߋ߬ ߦߋ߫ ߛߋ߲߬ߠߊ߫ ߖߋ߬ߟߌ߬ߓߊ߬ߟߊ߫ ߣߴߊ߬ ߛߌ߰ߢߐ߲߰ ߖߡߊߣߊ ߟߎ߬ ߣߌ߫ ߢߐ߲߯ ߕߍ߫ ߞߊߡߋߙߎߣ، ߗߊߘߌ߬߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯ ߕߍ߫، ߟߊߞߊ߲ߘߊߓߊߟߌߦߊ ߞߍ߬ߟߍ ߞߣߐߡߊ߬.
ߕߋߟߋ߲ߓߊ߯ߦߊ߂߀߂߆ ߣߍߣߍߓߊ ߕߟߋ߬ ߁߆
ߞߕߌߞߊ߲ߘߊ ߣߐ߬ ߞߕߌ ߟߋ߬ ߟߊߥߟߌ߬ ߟߊ߫ ߓߘߍ߬ߓߘߍ߬ߟߌ߬ߟߊ ߘߏ߫ ߟߎ߫߸ ߣߊ߲߬ߕߌ߰ ߞߘߐ ߘߏ߫ ߟߎ߫߸ ߝߐ߰ߓߍ߬ߦߊ߬ߟߊ ߘߏ߫ ߟߎ߫ ߣߌ߫ ߓߟߐߟߐ߫ ߛߙߏߝߋ ߟߎ߫ ߟߋ߬ ߞߐ߫߸ ߡߍ߲ ߠߎ߬ ߡߊߝߌ߲߬ߣߍ߲߫ ߓߊ߰ߓߊ߰ߟߌ߬ ߞߏ ߟߎ߬ ߘߐ߫.
ߕߋߟߋ߲ߓߊ߯ߦߊ߂߀߂߆ ߣߍߣߍߓߊ ߕߟߋ߬ ߁߂
ߗߍ߭ ߘߏ߫ ߟߋ߬ ߣߐ߬ ߊ߬ ߖߍ߬ߘߍ߫ ߟߊ߲߬ߓߋ߬ ߟߊ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߠߎ߬ ߘߏ߫ ߘߌ߫߸ ߞߊ߬ ߊߦߌߝߏߣ ߞߋߟߋ߲߫ ߣߌ߫ ߕߟߋ߬ߓߊ߰ ߞߋߟߋ߲߫ ߞߊ߲ߛߏ߲߫ ߏ߬ ߛߊߓߎ߫ ߟߊ߫، ߊ߬ ߓߘߊ߫ ߛߋ߫ ߘߌ߬ߞߑߛߌߣ ߞߕߌ ߦߌߟߊߡߊ߫ ߝߟߐ ߢߊߞߘߐ߫.
ߕߋߟߋ߲ߓߊ߯ߦߊ߂߀߂߆ ߣߍߣߍߓߊ ߕߟߋ߬ ߀߈
ߞߊ߬ ߓߍ߲߬ ߘߊ߬ߡߊ߲߬ ߠߊ߬ߟߐ߬ߞߏ ߡߍ߲ ߠߊߛߋ߫ ߘߊ߫ ߞߎ߲߬ߠߊ߬ߛߌ߮ ߓߟߏ߫ ߟߐ߯ߞߎ߲߫ ߕߊ߬ߡߌ߲߬ߣߍ߲߸ ߣߌ߫ ߛߌ߯ߙߌ߲߫ ߣߴߊ߬ ߟߊߡߌߣߌ߲ ߡߙߊ߬ߞߍ߬ߟߊ ߓߍ߯ ߜߍ߲߫ ߘߴߊ߬ߟߎ߫ ߟߐ߬ߘߎ߮ ߘߐ߫߸ ߞߵߏ߬ ߞߎ߲߭ ߞߍ߫ ߛߊߣߌ߲ ߓߊ߯ߙߊ߫ ߢߊ߫ ߖߎ߮ ߘߌ߫ ߘߊ߬ߡߊ߲߬ߝߍ ߟߎ߬ ߘߐ߫، ߒ߬ߓߊ߬߸ ߏ߬ ߟߎ߬ ߓߘߊ߫ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߞߙߌߦߍߝ ߓߟߏ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߃߁
ߞߊ߬ߦߌ߯ ߘߓߊ߬ߓߌߟߊ ߟߋ߬ ߟߊ߫߸ ߕߍ߮ ߞߍ߫ ߘߊ߫ ߓߟߐߟߐߛߙߏߝߋ߫ ߕߐ߯ߟߡߊ߫ ߞߏߗ ߡߍߘߑߤߌ߫ ߘߐ߫߸ ߊ߬ ߡߊߝߌ߲߬ߣߍ߲߫ ߓߋ߬ߒ߬ߞߊ߲߬ߠߌ߲߬ ߞߏ ߟߋ߬ ߘߐ߫ ߡߛߏ߬ ߛߌߦߊߡߊ߲߫ ߓߟߏ߫، ߒ߬ߓߊ߬߸ ߊ߬ ߟߊߘߏ߲߬ ߘߊ߫ ߥߛߎ ߟߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬ ߊߓߌߖߊ߲߬ ߞߣߐ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߃߀
ߓߟߐߟߐ߫ ߛߙߏߝߋ߸ ߡߋߘߤߌ߫ ߛߊߓߙߊߥߎ߳، ߥߊ߯ߕߌ߫ ߢߌ߲߬ ߠߊ߫ ߡߊ߬ߝߌ߲߬ߠߌ߲߬ ߛߌߦߊߡߊ߲߫ ߠߋ߬ ߟߊߣߍ߲߫ ߊ߬ ߞߊ߲߬ ߜߋ߲ߞߐ߰ߖߌ߬ߘߊ ߞߣߐ߫߸ ߡߛߏ߬ ߛߌߦߊߡߊ߲߫ ߠߋ߬ ߓߘߴߊ߬ ߦߌ߬ߘߊ߬ ߓߟߐߟߐ ߞߊ߲߬߸ ߞߏ߫ ߗߍ߭ ߣߌ߲߬ ߣߐ߬ ߗߍ߬ߣߌ߬ߡߛߏ߬ߦߊ...
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߂߁
ߞߎߣߎ߲߬ ߞߐ߬ߟߏ߲ ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߂߀ ߠߋ߬ ߡߊ߬߸ ߓߙߎߞߌߣߕߊ߫ ߞߊ߬ ߝߊ߰ߟߌ ߓߌ߲߬ߓߊߏ ߟߊߞߎߘߦߊ߫ ߞߵߊ߬ ߛߌ߰ ߛߋ߲߬ߠߊ߫ ߛߌ߰ߞߊ߲ ߘߐ߫ ߞߏߞߎߘߊ߫، ߣߴߏ߬ ߕߍ߫߸ ߊ߬ ߟߊߓߋ߬ ߘߊ߫ ߟߋ߬ ߂߀߁߈ ߠߊ߫߸ ߞߵߊ߬ ߓߐ߫ ߛߌ߰ߞߊ߲ ߘߐ߫، ߞߏ߬ߣߌ߲߬߸ ߝߊ߬ߛߏ߬ ߜߙߊ ߥߛߊ߬ߘߋ߲߬ ߇߁ ߓߍ߲߬ ߘߴߊ߬ ߡߊ߬߸ ߞߏ߫ ߞߵߊ߬ ߕߊ߬߸ ߊ߬ ߘߏ߲߬ ߕߊ߬ ߘߊ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߂߀
ߞߋߣߌߦߊ߫ ߞߣߐ߫߸ ߔߏߟ ߡߊߞߋ߲ߖ߭ߌ߫ ߣߌ߫ ߡߐ߰ ߂߈ ߜߘߍ߫ ߟߋ߬ ߟߊ߫ ߞߕߌ ߦߴߌߘߐ߫߸ ߊ߬ߟߎ߬ ߓߍ߯ ߓߘߊ߫ ߦߋ߫ ߛߐ߲߬ߡߊ ߘߌ߫߸ ߞߵߏ߬ ߞߎ߲߭ ߞߍ߫ ߡߐ߰ ߁߉߁ ߝߊ߱ ߘߌ߫ ߊ߬ߟߎ߬ ߓߟߏ߫ ߛߎ߲߫ ߘߏ߲߫ ߞߏ ߕߐ߯ ߘߐ߫߸ ߛߴߊ߬ߟߎ߬ ߘߌ߫ ߌߛߊ߫ ߦߋ߫، ߛߎ߬ ߜߘߍ߫ ߟߎ߫ ߝߣߊ߫ ߦߋ߫ ߘߊ߫ ߝߏߟߏ߲߫ ߞߎߘߎ߲ ߞߣߐ߫߸ ߡߍ߲ ߞߊ߬ ߝߊ߬ߓߊ߰ߕߐ ߞߍ߫ ߡߐ߰ ߄߀߀ ߘߌ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߉
ߞߊ߲ߞߊ߲߫ ߞߣߐ߫ ߕߋ߲߬߸ ߖߊ߬ߡߊߙߌ߫ ߟߋ߬ ߝߘߊߣߍ߲߫ ߞߕߌߘߊ ߦߌߟߡߊ߫ ߝߟߐ ߞߕߌߞߊ߲ߘߊ ߟߊ߫߸ ߞߏ߫ ߣߌ߫ ߞߊ߬ߙߊ߲߬ߘߋ߲ ߡߍ߲ ߠߎ߬ ߞߵߊ߬ߟߎ߫ ߓߊ߲߬ ߥߊ߫ ߟߊ߫ ߞߊ߬ߙߊ߲߬ ߝߏ߮ ߞߣߐ߫ ߞߵߊ߬ ߞߍ߫ ߛߏߝߍߕߊ߯ߡߊ ߘߌ߫߸ ߞߏ߫ ߞߵߏ߬ ߟߎ߫ ߡߌ߬ߣߊ߬، ߊ߲ ߞߏ߬ߣߌ߲ ߛߌ߰ߣߍ߲ ߞߵߊ߬ ߡߊߝߟߍ߫߸ ߣߌ߫ ߛߊ߬ߙߌ߬ߦߊ ߢߌ߲߬ ߘߌ߫ ߡߊߓߏ߲߬ߧߊ߬߸ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߉
ߕߍ߮ ߞߍ߫ ߘߊ߫ ߡߐ߰ ߂߇ ߡߍ߲ ߘߐ߫ ߛߌ߯ߙߌ߲߫ ߖߊ߲߬ߓߊ߬ߘߊ߰ߖߊ߲߬ ߞߏ ߘߐ߫߸ ߊ߬ߟߎ߬ ߟߊ߫ ߞߕߌ ߓߘߊ߫، ߡߐ߰ ߁߉ ߟߋ߬ ߛߐ߲߭ ߦߋ߫ ߘߴߊ߬ ߘߐ߫߸ ߏ߬ ߟߎ߬ ߓߍ߯ ߖߊ߲߬ߞߌ߬ ߘߊ߫ ߞߊ߬ ߞߊߙߏ߫ ߥߐ߯ߙߐ߫ ߥߛߎ߫ ߟߋ߬ ߘߐ߲ߘߐ߫ ߊ߬ߟߎ߫ ߡߊ߬߸ ߊ߬ ߣߌ߫ ߖߕ ߞߋ߲߬ߥߟߎ߫ ߂ ߢߍ߬ߦߌ߲߬ߘߐ߬ߓߍ߲، ߡߐ߰ ߣߊ߯ߣߌ߲߫ ߦߋ߫ ߘߊ߫ ߛߐ߲߬ߒ߬ߕߊ߲ ߘߌ߫߸ ߘߋ߲ߣߍ߲߫ ߛߊ߬ߓߊ߫ ߕߎ߲߬ ߦߴߊ߬ ߘߐ߫߸ ߏ߬ ߟߎ߫ ߘߏ߲߬ ߘߴߊ߬ߟߎ߬ ߟߊ߫ ߡߐ߱ ߟߎ߬ ߓߟߏ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߆
ߞߕߌߖߌ߲ ߓߏ߲ߘߋ߲ ߠߎ߬ ߞߵߊ߬ߟߎ߬ ߟߊߘߍ߬ ߓߌ߬ ߛߌ߬ߣߌ߲߬ߟߏ߲ ߢߌ߲߬ ߡߊ߬߸ ߂߀߂߆ ߞߏ߲ߓߌߕߌ߮ ߕߟߋ߬ ߁߆ ߡߊ߬߸ ߞߕߌߞߊ߲ߘߊ߫ ߞߘߐ߫ ߊߟߑߜ߭ߊߛߌߡߎ߬ ߖߊߟߏ߫ ߟߊ߫ ߞߕߌ ߞߊ߲ߡߊ߬ ߘߌ߬ߞߑߛߌߣ ߞߕߌߘߊ ߦߌߟߡߊ߫ ߝߟߐ ߟߊ߫߸ ߊ߬ߟߋ ߡߍ߲ ߡߊߟߐ߲߫ ߘߊ߫ ߓߊߞߍ߬ ߂߀߀߉ ߕߎߟߊߝߌ߲ ߕߋ߬ߟߋ߫ ߂߈ ߞߕߌ ߛߋ߲߭ߝߍ߬، ߒ߬ߞߊ߬߸ ߓߌ߬ ߞߕߌ ߣߌ߲߬ ߡߊ߫ ߞߎ߲߬ߘߐߖߊ߲߰ߧߊ߬ ߤߊߟߌ߬ ߞߋߟߋ߲߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߆
ߖߊ߲߬ߓߊ߬ߘߊ߰ߖߊ߲ ߡߌ߲߬ߠߌ߲ ߞߍ߬ߟߍ ߡߍ߲ ߦߋ߫ ߛߋ߲߬ߠߊ߫ ߛߌ߯ߙߌ߲߫ ߞߣߐ߫߸ ߏ߬ ߦߴߊ߬ ߞߊ߲߬ ߤߊߟߌ߬ߛߊ߫، ߞߊ߬ߕߎ߲߯߸ ߡߐ߰ ߂߇ ߡߍ߲ ߡߌ߬ߣߊ߬ߣߍ߲߫ ߊ߬ ߞߏ ߖߏ߲߬ߖߊ߲ ߘߐ߫߸ ߏ߬ ߟߎ߬ ߓߘߊ߫ ߟߊߟߐ߬ ߛߊ߬ߙߌ߬ߦߊ߬ ߢߊߞߘߐ߫߸ ߊ߬ߟߎ߬ ߟߊ߫ ߞߕߌ ߘߊߡߌ߬ߣߊ߬ ߘߊ߫ ߛߌ߬ߣߌ߲߬ߟߏ߲ ߢߌ߲߬ ߡߊ߬߸ ߂߀߂߆ ߞߏ߲ߓߌߕߌ߮ ߕߟߋ߬ ߁߅،
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߅
ߓߌ߬ߟߊ߬ ߞߍߣߍ߲߫ ߎߛߑߡߊ߯ߣ ߞߊ߬ߓߊ ߟߋ߬ ߞߐ߫߸ ߞߏ߫ ߊ߬ ߓߘߊ߫ ߟߊ߬ߤߘߌ߬ ߕߌߢߍ ߞߍ߫߸ ߊ߬ ߣߌ߫ ߞߊ߬ߙߏ߲، ߓߊ߬ߙߌ߬ ߡߍ߲ ߟߐ߬ߣߍ߲߫ ߣߐ߬ߓߊ߬ߟߌ߬ ߞߎ߲߬ߡߙߎ߬ ߞߏ ߡߊ߬ ߛߊ߫߸ ߊ߬ ߡߊ߫ ߛߐ߲߬ ߏ߬ ߟߋ ߟߊߟߐ߬ ߟߊ߫߸ ߏ߬ ߡߍ߲ ߡߐ߬ߟߐ߲ ߥߊߣߍ߲߫ ߝߏ߯ ߘߟߊ ߞߋ߲߬ߥߟߎ߫ ߝߌ߬ߟߊ߫ ߖߊ߬ߕߋ߬.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߅
ߊߟߌߝߊ߫ ߞߐ߲ߘߍ߫ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ ߞߘߐ߫ ߡߏ߬ߤߊ߬ߡߍߘ ߖߊ߰ߣߍ ߟߊ߫ ߞߕߌ߫ ߝߟߐ ߞߐߝߍ߬߸ ߊ߬ ߞߵߊ߬ ߡߊߞߊ߬ߛߌ߬ ߞߏ߫ ߊ߬ ߡߊ߫ ߓߍ߲߬ ߞߕߌ ߏ߬ ߡߊ߬، ߒ߬ߓߊ߬߸ ߊ߬ ߓߘߊ߫ ߞߕߌ߫ ߞߕߌߡߛߊߦߌ߲ ߏ߬ ߟߋ ߘߐ߫ ߣߌ߲߬߸ ߞߊ߬ ߘߏ߫ ߓߐ߫ ߞߘߐ߬ߡߊ߲ ߠߊ߫ ߞߵߊ߬ ߕߏ߫ ߛߊ߲߬ ߣߊ߯ߣߌ߲߫ ߣߌ߫ ߞߊߙߏ߫ ߈ ߡߊ߬.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߟߋ߬ ߁߃
ߥߛߎߟߊߘߋ߲ ߠߎ߬ ߦߋ߫ ߡߊߘߏ߬ߣߌ߲߬ ߠߊ߫ ߘߎ߰ߞߎߟߎ߲ ߡߍ߲ ߞߣߐ߫߸ ߏ߬ ߟߋ ߞߍߣߍ߲߫ ߡߊ߭ߜߊ߬ߣߊ߲ ߘߌ߫ ߞߊ߬ ߘߎ߰ߘߋ߲ ߠߎ߬ ߡߊߘߏ߬ߣߌ߲߫ ߊ߬ ߞߣߐ߫ ߡߊ߬ߡߊ߬ߘߌ߫ ߥߎ߬ߟߊ߬ߙߋ߬ ߓߟߏ߫، ߕߋߟߋ߲ߓߊ߯ߦߊ ߞߏߕߌ߮ ߝߣߊ߫ ߣߐ߬ ߊ߬ ߖߊ߲߬ߞߌ߬ ߟߊ߫ ߏ߬ ߟߋ ߘߐ߫߸ ߞߵߊ߬ ߟߊߘߎ߲߫ ߊ߬ ߟߊ߫ ߓߊ߯ߙߊ ߘߐ߫ ߡߎߣߎ߲߲߬߸ ߞߊ߬ ߓߍ߲߬ ߖߏ߯ߘߏ߲ ߛߙߊߕߌ ߟߎ߫ ߡߊ߬ ߓߊ߯ߙߊ߫ ߘߊߞߎ߲ ߘߐ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߀߉
ߞߊ߬ ߓߍ߲߬ ߞߕߌ ߟߎ߫ ߛߋ߲߬ߠߊ߬ߛߎߡߦߊ ߡߊ߬߸ ߞߕߌ߫ ߥߊߘߌ ߟߎ߫ ߘߊ߲߬ߠߕߊ߬ߡߌ߲߬ ߝߐ߸ ߞߵߏ߬ ߟߊ߫ ߞߕߌ ߕߍ߰ߣߍ߲ ߞߐ ߡߙߌߘߐ ߟߎ߬ ߘߏ߲߬ߓߊߟߌߦߊ ߞߊ߲߬ ߊ߬ ߕߌ߱ ߟߎ߬ ߓߟߏ߫߸ ߕߋߟߋ߲ߓߊ߯ߦߊ ߞߏߕߌ߮ ߓߘߴߊ߬ ߓߌ߬ߟߴߊ߬ ߔߘߋߞߋ߬ߟߋ ߘߐ߫ ߞߊ߲ߞߊ߲߫ ߞߣߐ߫.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߀߉
ߕߋߟߋ߲ߓߊ߯ߦߊ ߞߏߕߌ߮ ߣߐ߬ ߊ߬ ߕߏ߫ ߟߊ߫ ߞߊ߲ߞߊ߲߫ ߠߋ߬߸ ߞߵߊ߬ ߝߐ߫ ߞߏ߫ ߞߕߌ߫ ߡߛߊߦߌ߲ߘߊ ߘߏ߫ ߟߎ߫ ߟߐ߬ ߞߏ ߖߊ߬ߕߋ߬ߘߐ߬ߛߌ߮ ߦߋ߫ ߛߋ߲߬ߠߊ߫߸ ߖߐ߲߰ߛߊ߫ ߡߐ߱ ߟߎ߬ ߘߌ߫ ߛߋ߲߬ߠߊߛߎ߬ߘߎ߲߬ߧߊ߫߸ ߞߊ߬ ߞߕߌ ߕߊ߯ߡߊ ߣߐ߰ߦߴߊ߬ߟߎ߫ ߡߊ߬.
ߕߋߟߋ߲ߓߊ߯ߦߊ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߀߉
ߞߊ߲ߞߊ߲߫ ߞߣߐ߫߸ ߓߊ߬ߘߌ߬ߕߊ ߟߎ߬ ߟߊߕߊ߲߬ߞߊ߬ߓߊ߮ ߣߐ߬ ߖߊ߬ߡߊߙߌ ߟߋ߬ ߘߌ߫ ߟߊ߫ ߞߕߌߘߊ ߓߊ߯ߙߟߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߛߓߍ߫ ߛߊ߬ߙߌ߬ߦߊ߬ ߟߊ߫ ߛߓߍ߫ ߟߊߘߊ߲ߕߊ ߟߎ߫ ߛߐ߲߬ߞߐ ߘߎ߲߫ ߜߍ ߘߐ߫߸ ߊ߬ ߞߵߊ߬ ߘߊߣߐ ߕߏ߫ ߛߐ߲߬ߞߐ߬ ߝߎ߰ ߡߌߣߊ ߡߊ߬߸ ߡߍ߲ ߕߍ߫ ߕߏ߫ ߟߊߕߐ߲ߓߊߟߌߦߊ ߘߐ߫ ߊ߬ ߓߟߏ߫.
ߞߍߞߎߘߊ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߀߂
ߞߊߙߏ߫ ߦߙߌߞߊ߫ ߥߛߎ ߞߐߝߍ߬߸ ߞߊ߲ߕߌ߮ ߓߘߊ߫ ߘߐ߬ߞߏ߬ߦߊ߬ߕߏ߬ߟߌ߬ ߞߍ߫߸ ߞߵߊ߬ ߓߟߏߓߐ߫ ߊߟߌߥߎ߬ ߓߊ ߘߐ߫ ߡߎ߬ߕߎ߲߬߸ ߞߵߊ߬ ߞߊ߲ߠߊߓߌ߬ߟߊ߬.
ߕߋߟߋ߲ߓߊ߯ߦߊ߂߀߂߆ ߕߎߟߊߝߌ߲ ߕߟߋ߬ ߃߀
ߡߎߛߊ߫ ߖߎ߬ߓߊ߬ߕߍ߫ ߣߐ߬ ߟߊ߬ߤߘߌ ߕߊ߬ ߟߊ߫ ߡߐ߱ ߘߏ߫ ߟߎ߫ ߟߋ߬ ߦߋ߫߸ ߞߊ߬ ߓߍ߲߬ ߤߖߌ߫ ߟߊ߫ ߕߊ߯ ߞߏ ߡߊ߬، ߒ߬ߓߊ߬߸ ߡߐ߰ ߁߈ ߠߋ߬ ߣߐ߬ ߊ߬ ߡߊߞߊ߬ߛߌ߬ ߟߴߊ߬ ߞߊ߲߬ ߞߏ߫ ߊ߬ߟߎ߬ ߡߊ߫ ߥߊ߫ ߡߞߊ߫߸ ߊ߬ߟߎ߬ ߡߴߊ߬ߟߎ߬ ߟߊ߫ ߥߊߘߌ ߛߐ߬ߘߐ߲߬، ߊ߬ ߖߊ߲߬ߞߌ߬ߣߍ߲߫ ߏ߬ ߟߋ ߘߐ߫ ߛߊ߲߭ ߝߌ߬ߟߊ߬ ߥߛߎ߫ ߟߊ߫߸ ߊ߬ ߣߌ߫ ߥߟߎ߬ߡߊ߬ ߞߋ߲߫ ߣߌ߫ ߞߋ߲߬ߥߟߎ߫ ߗߍ߬ߡߍ߫ ߛߊ߬ߓߊ߫ ߛߊ߬ߙߊ ߟߊ߫.
ߕߋߟߋ߲ߓߊ߯ߦߊ߂߀߂߆ ߕߎߟߊߝߌ߲ ߕߟߋ߬ ߃߀
ߡߐ߰ ߓߌߛߓߊ߬ ߣߌ߫ ߞߐ߬ߣߐ߲߬ߘߐ߬ ߓߘߊ߫ ߛߋ߫ ߞߊ߲ߞߊ߲߫ ߥߛߎߖߌ߲ߓߊ ߟߊ߫ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߕߋ߲߬، ߞߊ߬ߕߎ߲߯߸ ߞߊ߲ߓߍ߲ ߞߕߌߞߊ߲ߘߊ ߞߊ߲߫ ߞߏ߫ ߊ߬ߟߎ߫ ߣߐ߬ ߦߙߍߞߍߟߌ߫ ߟߋ߬ ߛߌ߰ ߟߊ߫ ߛߋ߲߬ߠߊ߫߸ ߞߊ߬ ߖߐ߭ ߟߊߛߌ߰ ߡߐ߰ ߞߏߙߏ߲ ߠߎ߬ ߢߍ߫߸ ߡߍ߲ ߠߎ߬ ߦߋ߫ ߓߌ߲߬ߘߌ߬ߓߊ߲߬ߘߊ߬ ߡߌ߲ ߞߊ߲߬.
ߞߍߞߎߘߊ߂߀߂߆ ߕߎߟߊߝߌ߲ ߕߟߋ߬ ߃߀
ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲ ߓߐ߫ ߘߊ߫ ߞߊ߲ߞߊ߲߫ ߥߛߎߖߌ߲ߓߊ ߟߊ߫ ߞߐ߬ߟߏ߲߸ ߞߊ߲ߓߍ߲ ߞߕߌߞߊ߲ߘߊ ߓߘߊ߫ ߢߊߝߐߟߌ߫ ߞߍ߫ ߊ߬ ߞߊ߲߬.
ߞߍߞߎߘߊ߂߀߂߆ ߕߎߟߊߝߌ߲ ߕߟߋ߬ ߀߆
ߊߟߑߜ߭ߊߛߌߡߎ߲߬ ߖߊߟߏ߫ ߞߟߊ߬ߘߐ߬ߞߍ߬ ߘߴߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߣߴߊ߬ ߞߐߙߍ ߡߊ߬ ߞߍ߲ߘߍߟߏ߲߸ ߊ߬ ߟߊ߫ ߞߏ ߓߘߊ߫ ߞߟߊ߬ߟߐ߲߫ ߞߊ߯ߙߌ ߣߌ߲߬ ߡߊ߬ ߖߌ߬ߣߍ߬ ߥߛߎ߫ ߞߏ ߡߊ߬ߡߙߊ߬ߟߌ ߗߋߕߌ߯ߘߊ ߟߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߞߣߐߡߊ߬.
ߕߋߟߋ߲ߓߊ߯ߦߊ߂߀߂߆ ߕߎߟߊߝߌ߲ ߕߟߋ߬ ߀߅
ߟߊ߬ߝߛߊ߬ߟߌ߬ߟߊ߬ ߟߊߞߊ߬ߝߏ߬ߣߍ߲ ߡߍ߲ ߦߋ߫ ߊߟߑߜ߭ߊߛߌߡߎ߬ ߖߊߟߏ߫ ߡߊߞߊ߲ߞߊ߲ ߞߊ߲߬ ߊ߬ ߡߌ߬ߣߊ ߞߐ ߣߌ߲߬ ߘߐ߫ ߛߊ߬ߙߌ߬ߦߊ߬ ߢߊߞߘߐ߫߸ ߏ߬ ߟߎ߬ ߓߘߊ߫ ߓߐ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߟߊ߬ߝߛߊ߬ߕߊ ߓߘߊ߫ ߕߎߣߎ߲߫߸ ߊ߬ߟߎ߫ ߞߵߊ߬ ߦߋ߫ ߟߋ߬߸ ߊ߬ ߕߴߊ߬ ߟߊ߫ ߥߛߎߓߏ߲ߣߍ߲ ߞߣߐ߫ ߕߎߟߊߝߌ߲ ߕߟߋ߬ ߢߌ߲߬ ߡߊ߬߸ ߊ߬ ߟߊ߫ ߞߐߙߍ ߓߊ߬߸ ߊ߬ ߟߊߝߛߊ߬ߓߊ߮ ߟߎ߬ ߓߊ߬߸ ߊ߬ߟߎ߬ ߛߌ߫ ߡߴߊ߬ ߦߙߐ߫ ߞߋߟߋ߲߫ ߟߐ߲߫ ߕߋ߲߬.
ߕߋߟߋ߲ߓߊ߯ߦߊ߂߀߂߆ ߕߎߟߊߝߌ߲ ߕߋ߬ߟߋ߫ ߀߃
ߞߎߣߎ߲ߟߏ߲ ߂߀߂߆ ߕߎߟߊߝߌ߲ ߕߋ߬ߟߋ߫ ߂߸ ߊߟߑߜ߭ߊߛߌߡߎ߬ ߖߊߟߏ߫ ߞߊ߬ ߕߎ߬ߡߊ߬ߙߋ߲߬ ߦߙߌߞߊ߫ ߟߋ߬ ߞߍ߫ ߞߕߌߖߌ߲ ߛߊ߲ߘߐߕߊ ߟߊ߫߸ ߊ߬ ߟߊߥߟߍ ߦߴߌߘߐ߫، ߏ߬ ߟߋ ߞߐߝߍ߬߸ ߛߊ߬ߙߌ߬ߦߊ߬ߓߊ߰ߙߟߊ߬ ߞߘߐ ߢߌ߲߬ ߕߊ߬ ߘߊ߫ ߕߐ߲ߓߟߏߡߊ ߟߎ߬ ߓߟߏ߫ ߞߊ߬ ߥߴߊ߬ ߘߌ߫ ߞߐ߰ߦߊ߬ ߥߛߎߖߌ߲ ߠߊ߫، ߞߊ߬ߕߎ߲߯߸ ߊ߬ߟߋ ߦߋ߫ ߞߕߌ߫ ߞߏ߫ ߟߋ߬ ߘߊߞߘߐ߫ ߣߌ߲߬߸ ߊ߬ ߦߌ߬ߘߊ߬ߣߍ߲߬ ߡߍ߲ ߘߐ߫ ߞߏ߫ ߖߡߊ߬ߣߊ ߟߊߟߏ߲߬ߓߏ߲߬ߟߊ߲߬ߓߊ߲߬ ߟߐ߮ ߕߎ߲߬ ߦߴߊ߬ ߟߊ߫߸ ߊ߬ ߣߌ߫ ߡߊߡߊߘߎ߫ ߛߋߟߎ߫ ߘߊߟߍ߬ ߖߊߟߏ߫ ߟߊ߫ ߞߏߟߊߛߘߌ ߞߣߐߡߊ߬، ߒ߬ߓߊ߬߸ ߊ߬ߟߋ ߜߍ߲ߣߍ߲߫ ߛߊ߬ߙߌ߬ߦߊ߬ߓߊ߯ߙߊ ߘߐ߫ ߏ߬ ߟߋ ߘߐ߫߸ ߞߵߊ߬ ߘߏ߲߬ ߛߊ߬ߙߌ߬ߦߊ߬ ߞߋߟߋ߲ ߏ߬ ߓߟߏ߫߸ ߊ߬ ߟߊ߫ ߞߏ ߛߍ߲߬ߛߍ߲߬ ߞߊ߲ߡߊ߬ ߛߍ߲ߛߍ߲ߠߌ߲ ߘߐ߫߸ ߞߏߟߊߕߐ߲ ߞߕߌߘߊ ߢߊߞߘߐ߫.
ߕߋߟߋ߲ߓߊ߯ߦߊ߂߀߂߆ ߘߓߊ߬ߓߌߟߊ ߕߟߋ߬ ߃߁
ߓߟߏ߫ ߓߐ߫ ߘߊ߫ ߛߏ߬ߙߌ߬ ߘߐ߫ ߞߏߡߊߦߟߍߡߊ߲߫ ߞߏ ߘߐ߫، ߓߊ߬ߙߌ߬ ߖߌߣߊߕߌ߮ ߖߊ߲߬ߞߌ߲߬ ߘߊ߫ ߞߊߙߏ߫ ߟߏ߯ߟߎ߫ ߥߛߎ߫ ߟߊ߫߸ ߞߘߎ߬ߟߌ ߣߌ߫ ߡߊ߬ߘߌ߬ߡߌ߲߬ߠߌ߲ ߝߍ߬ߙߍ ߕߍ߱ ߞߏߛߐ߲߬ ߊ߬ ߛߊߓߎ߫ ߟߊ߫.
ߕߋߟߋ߲ߓߊ߯ߦߊ߂߀߂߆ ߘߓߊ߬ߓߌߟߊ ߕߟߋ߬ ߀߁
ߘߋ߲ߡߛߏߣߍ߲ ߢߌ߲߬ ߡߊߝߌ߲߬ߣߍ߲߫ ߠߋ߬ ߞߏ߫ ߊ߬ ߞߵߊ߬ ߗߍ߬ ߎߛߑߡߊߣߌ߲߬ ߖߊ߰ߣߍ ߟߋ߬ ߝߊ߰ ߂߀߂߄ ߠߊ߫߸ ߛߊ߬ߙߌ߬ߦߊ߫ ߞߊ߬ ߘߋ߲ߣߍ߲ߧߊ ߡߊ߬ߤߌߣߊ ߟߴߊ߬ ߞߊ߲߬ ߞߵߊ߬ ߓߌ߬ߟߊ߫ ߛߊ߲߭ ߝߌ߬ߟߊ߬ ߥߛߎ߫ ߟߊ߫.
ߕߋߟߋ߲ߓߊ߯ߦߊ߂߀߂߆ ߘߓߊ߬ߓߌߟߊ ߕߟߋ߬ ߀߁
ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߓߌߟߊ ߕߟߋ߬ ߁߭߸ ߡߊ߬ߟߌ ߞߏߕߌ߯ ߝߟߐ߫ ߞߘߐ ߡߎߛߊ߫ ߡߊ߰ߙߊ ߓߐ߫ ߘߊ߫ ߥߛߎ ߟߊ߫߸ ߊ߬ ߕߍ߬ߘߍ߫ ߟߊ߬ߡߙߊ ߘߐ߫ ߦߋ߲߬ ߡߍ߲ ߘߐ߫ ߞߎ߬ߟߌ߬ߞߙߐ߫߸ ߞߵߏ߬ ߞߍ߫ ߊ߬ ߟߊ߫ ߛߊ߲߬ ߞߋߟߋ߲߫ ߥߛߎ ߞߎ߲߬ߘߏ߲ ߘߌ߫.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߟߋ߬ ߃߀
ߡߊ߲߬ߖߊ߲߬ߠߊ߫ ߞߕߌߘߊ ߦߌߟߡߊ߫ ߝߟߐ ߣߐ߬ ߡߎߛߊ߫ ߞߐ߲ߘߍ߫ ߘߏ߲߬ ߠߊ߫ ߛߊ߲߬ ߁߅ ߥߛߎ߫ ߟߋ߬ ߟߊ߫߸ ߊ߬ ߣߌ߫ ߞߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߇߀߀ ߛߊ߬ߙߊ ߟߴߊ߬ ߞߎ߲߬ ߢߍ߬ߢߌ߲߬ߘߐ߬ߓߍ߲ ߘߌ߫߸ ߊ߬ߟߎ߫ ߖߊ߬ߡߊ ߞߍ ߞߏߛߐ߲߬ ߞߊ߬ ߓߋ߬ߒ߬ߞߊ߲߬ߠߌ߲ ߞߍ߫ ߖߏ߬ߡߊ߬ ߓߊߟߊ߲ߘߎ߯، ߊ߬ ߕߐ߬ߢߐ߲߯ ߝߌ߬ߟߊ ߎߡߊߙ ߞߐ߲ߘߍ߫ ߣߌ߫ ߟߊ߲߬ߛߋ߬ߦߌ߬ ߞߋߕߊ߬ ߟߎ߬ ߦߋ߫ ߘߋ߲ߣߍ߲ ߠߋ߬ ߘߌ߫߸ ߏ߬ ߟߎ߬ ߟߊ߫ ߞߏ ߘߏ߲߬ ߘߊ߫ ߘߋ߲ߣߍ߲ ߠߎ߬ ߟߊ߫ ߞߕߌߘߊ ߟߋ߬ ߓߟߏ߫.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߈
ߞߕߌ ߘߏ߫ ߟߋ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߞߐ߬ߓߊ߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߊ߬ߟߋ ߞߕߌ ߦߴߌߘߐ߫ ߞߊ߬ ߓߍ߲߬ ߊ߬ ߗߍ߬ ߝߊ߰ ߞߏ ߟߋ߬ ߡߵߊ߬ ߓߟߏ߫، ߊ߬ ߝߘߎ߫ ߘߴߊ߬ ߛߊ߲߬ ߁߃ ߟߋ߬ ߡߊ߬߸ ߘߋ߲ߡߛߏ ߞߊ߲߫ ߞߏ߫ ߊ߬ ߞߵߏ߬ ߟߊߥߌ߬ߟߌ߫ ߟߋ߬ ߛߴߊ߬ ߘߌ߫ ߓߐ߫ ߕߙߐߦߊ ߞߘߐ߫ ߢߊ ߡߍ߲ ߡߊ߬߸ ߓߊ߬ߙߵߊ߬ ߡߴߊ߬ ߟߊߥߌ߬ߟߌ߫ ߝߊ߰ߟߌ߫ ߡߊ߬.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇
ߘߌ߬ߞߑߛߌߣ ߞߎ߲߬ߞߏ߬ߓߊ߬ߕߐ߬ߦߊ ߞߣߌߖߌ߲ ߡߍ߲ ߠߊߦߟߍ߬ߡߊ߲߬ߣߍ߲߫ ߞߐߣߊߞߙߌ߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߏ߬ ߞߊ߬ ߝߊߙߌ߲߫ ߓߌߦߍ߲ߝ߭ߋߣߎ߳ ߟߡߊ߫ ߟߊߜߍ߫ ߞߐ߬ߓߊ߬ߟߏ߲ ߢߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇߸ ߓߌ߬ߟߊ߬ ߞߍߣߍ߲߫ ߕߍ߬ߘߍ߫ ߊ߬ߟߋ ߡߍ߲ ߞߐ߫ ߂߀߀߉ ߕߎߟߊߝߌ߲ ߂߈ ߞߕߌ ߛߋ߲߬ߕߊ߬ ߝߌߟߊߣߊ߲ ߘߐ߫، ߒ߬ߓߊ߬߸ ߞߕߌߘߊ ߣߐ߬ ߊ߬ ߟߊߜߍ߫ ߟߊ߫߸ ߊ߬ߟߎ߫ ߞߵߊ߬ ߓߌ߬ߟߊ߬ ߞߏ ߖߊ߬ߡߊߙߌ ߘߌ߫ ߒߞߘߐ߫ ߞߏ߫ ߊ߬ ߘߌ߫ ߛߋ߫ ߥߊ߫ ߟߊ߫ ߟߎ ߡߊ߬.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇
ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ ߣߐ߬ ߞߏߕߌ߯ ߞߘߐ߫ ߏߦߋ ߖߌߟߊߝ߭ߏߖߌ߫ ߟߋ߬ ߖߊ߲߬ߞߌ߲߬ ߠߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇߸ ߞߊ߬ ߛߊ߲߬ ߇ ߥߛߎ߫ ߟߴߊ߬ ߞߎ߲߬߸ ߞߊ߬ ߓߊ߲߫ ߞߵߊ߬ ߓߟߏߝߋ߲߫ ߛߌߦߊߡߊ߲߫ ߕߵߊ߬ ߓߟߏ߫߸ ߞߵߏ߬ ߓߍ߯ ߟߊ߫ ߡߌ߬ߣߊ߬ߟߌ߬ ߛߓߍ ߞߊ߲߬.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߅
ߓߡߊ߬ߞߐ߫ ߞߕߌ߫ ߡߛߊߦߌ߲ߘߊ ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߣߐ߬ ߡߐ߰ ߥߐ߯ߙߐ߫ ߟߋ߬ ߖߊ߲߬ߞߌ߲߬ ߠߊ߫ ߞߵߊ߬ߟߎ߫ ߓߌ߬ߟߊ߬ ߥߛߎ ߟߊ߫ ߞߵߊ߬ ߕߊ߬ ߛߊ߲߬ ߇ ߥߛߎ߫ ߡߊ߬ ߞߵߊ߬ ߛߌ߰ ߛߊ߲߬ ߁߅ ߟߊ߫، ߞߵߏ߬ ߞߎ߲߭ ߞߍ߫ ߊ߬ߟߎ߬ ߛߎߡߊ߲ ߘߌ߫ ߞߊ߬ߝߏ߬ ߖߊߛߏ߲ ߘߐ߫߸ ߊ߬ ߣߌ߫ ߡߊ߬ߟߌ ߝߊ߰ߡߊ ߟߎ߬ ߢߊߞߘߐߣߐ߮ ߞߏߛߐ߲߬ ߊ߬ߟߎ߬ ߓߟߏ߫، ߞߕߌ ߕߍ߰ ߘߊ߫ ߛߌ߬ߣߌ߲߬ߟߏ߲ ߠߋ߬߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߄.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߟߋ߬ ߁߄
ߡߊ߬ߟߌ ߝߊ߬ߥߏ߬ߟߊ߬ߓߐ߬ߟߊ߫ ߛߘߊߡߓߊ߸ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߞߑߟߊ߬ߓߊ߸ ߏ߬ ߟߋ ߓߌ߬ߟߊ߬ߣߍ߲߫ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߄.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߟߋ߬ ߀߇
ߘߊ߯ߟߋ߲ ߞߟߍ߬ߕߌ߮ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߞߐߣߊߞߙߌ߫ ߕߋ߲߬߸ ߊ߬ ߣߌ߫ ߜߋ߬ߟߎ߲߬ߠߌ߲߬ ߗߋߦߊߟߌ ߟߋ߬ ߣߊ߬ߣߍ߲߫߸ ߞߊ߬ ߖߌ߬ߣߍ߫ ߞߟߍ߬ߞߙߎ ߟߊ߫ ߓߟߏߘߐߓߍ߲ ߞߛߊߞߊ ߡߊߝߟߍ߫߸ ߞߵߊ߬ߟߎ߬ ߛߋߞߏߦߊ ߝߣߊ߫ ߡߊߝߟߍ߫߸ ߣߴߊ߬ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߐ߫.
ߕߋߟߋ߲ߓߊ߯ߦߊ߂߀߂߆ ߞߊ߬ߙߌ߬ߝߐ ߕߟߋ߬ ߀߄
ߡߊ߬ߟߌ ߓߊ߬߸ ߓߙߎߞߌߣߊ߫ ߝߊ߬ߛߏ߫ ߓߊ߬߸ ߏ߬ ߟߎ߬ ߓߘߴߊ߬ ߦߌ߬ߘߊ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߍ߬ߟߊ߬ߞߊ ߟߊ߫ ߛߍߣߍ߲߬ ߔߊߞߌߛߊ߫߸ ߞߏ߫ ߊ߬ߟߎ߬ ߕߴߊ߬ ߘߐ߫ ߡߎ߬ߕߎ߲߬، ߊ߬ߟߎ߬ ߥߊߣߍ߲߫ ߖߋ߬ߟߌ߬ߓߊ߬ߘߎ߯ ߛߋ߲߬ߣߐ ߟߋ߬ ߞߊ߲߬ ߏ߬ ߘߌ߫، ߞߊ߬ߕߎ߲߯߸ ߡߙߌߦߊ ߣߌ߲߬ ߓߘߊ߫ ߕߊ߬ߡߌ߲߫ ߊ߬ߟߎ߬ ߟߊ߫ ߞߎߡߊ ߘߏ߫ ߛߍ߲ߓߍߘߏ߲߬ ߠߊ߫߸ ߊ߬ߟߎ߫ ߞߵߊ߬ ߝߐ߫ ߡߍ߲ߞߍ߬ ߂߀߂߅ ߕߎߟߊߝߌ߲ ߠߊ߫߸ ߞߏ߫ ߊ߬ߟߎ߬ ߦߋ߫ ߞߕߌ ߘߐ߫ ߖߘߍ߬ߕߌ߰ߦߊ ߟߋ߬ ߝߣߊ߫ ߝߍ߬ ߡߎ߬ߕߎ߲߬، ߒ߬ߓߊ߬߸ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߖߡߊ߬ߣߊ߫ ߛߊ߬ߓߊ ߓߘߴߊ߬ ߣߍ߰ߓߐ߫ ߘߋ߬.