ߡߐ߰ ߝߌ߬ߟߊ ߡߍ߲ ߛߎ߭ ߦߋ߫ ߘߊ߫ ߞߐ߲߬ߛߏ߬ ߘߊߕߎ߲߯ߣߍ߲ ߞߣߐ߫ ߔߋ߬ߕߌ߫ ߛߌ߲߬ߓߊ߬ߦߊ߫߸ ߏ߬ ߟߎ߬ ߟߊ߫ ߞߏ ߦߋ߫ ߕߊ߬ߡߌ߲߬ ߠߊ߫ ߡߐ߱ ߟߎ߬ ߘߊߘߐߖߊ߬ ߟߊ߫ ߟߋ߬ ߞߘߊߎ߫، ߓߊߏ߬߸ ߊ߬ ߓߘߊ߫ ߦߌ߬ߘߊ߬ ߞߏ߫ ߘߊ߲ߘߊߟߌߟߊ ߟߎ߬ ߟߊ߫ ߢߊߢߌߣߌ߲ߠߌ߲ ߞߐߝߍ߬߸ ߊ߬ ߕߌߕߌ߯ ߞߊ߬ߙߊ߲߬ߝߊ߫ ߤߛߊߣ ߓߊ ߟߊ߫ ߞߎߡߊ߫ ߘߐ߫߸ ߞߏ߫ ߡߐ߰ ߝߌ߬ߟߊ ߢߌ߲߬ ߠߎ߫ ߛߊ߬ߣߍ߲߫ ߞߵߊ߬ ߛߊߓߎ ߞߍ߫ ߓߌ߬ߟߊ߬ߒ߬ߘߐ ߟߋ߬ ߘߌ߫، ߓߌ߬ߟߊ߬ߒ߬ߘߐ ߛߎ߯ߦߊ ߡߍ߲ ߦߋ߫߸ ߊ߬ߟߎ߫ ߣߐ߬ ߘߌ߫ ߞߍ߫ ߞߋ߬ߡߎ߲߬ ߛߏ߲ߛߎ߲ߞߋߟߋ߲ߡߊ ߟߋ߬ ߛߊ߬ߡߊ߲߬ ߠߊ߫ ߣߌߟߊߞߟߌ߫ ߝߢߐ ߝߍ߬.

ߛߎ߬ߡߊ߬ߝߟߍ ߡߍ߲ ߞߍߣߍ߲߫ ߞߵߊ߬ߟߎ߫ ߛߊ߬ ߢߊ ߢߊߢߌߣߌ߲߫ ߘߊ߲ߘߊߟߌߟߊ ߟߎ߬ ߓߟߏ߫ ߞߵߊ߬ ߟߐ߲߫߸ ߏ߬ ߟߎ߬ ߞߊ߲߫ ߞߏ߫ ߊ߬ߟߎ߬ ߡߊ߫ ߝߋ߲߫ ߣߐ߬ ߣߌ߫ ߡߐ߰ ߣߐ߬ ߦߴߊ߬ ߡߊ߬߸ ߜߊ߬ߛߟߌ߬ ߣߐ߫ ߣߌ߫ ߝߌ߬ߙߌ߲߬ߜߌ߬ ߡߊ߫ ߦߴߊ߬ߟߎ߫ ߡߊ߬، ߕߐ߰ߡߊ߬ߛߙߋ߬ ߖߎ߰ ߜߘߍ߫ ߝߣߊ߫ ߡߊ߫ ߦߋ߫ ߞߐ߲߬ߛߏ ߡߊ߬.

ߘߊ߲ߘߊߟߌߟߊ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߊ߬ߟߎ߫ ߡߐ߰ ߝߌ߬ߟߊ ߓߍ߯ ߛߌ߰ߣߍ߲߫ ߕߍ߬ߘߍ߫ ߞߐ߲߬ߛߏ ߟߋ߬ ߞߣߐ߫، ߘߞߊߘߌ߫ ߣߐ߫ ߕߎ߲߬ ߕߍ߫ ߞߐ߲߬ߛߏ ߡߊ߬، ߡߊ߬ߘߌ߬ߡߌ߲߬ߠߌ߲߬ ߣߐ߬ ߝߏߦߌ߬ ߘߏ߲߬ ߕߎ߲߬ ߕߍ߫ ߛߎ߭ ߝߌ߬ߟߊ ߢߌ߲߬ ߡߊ߬߸ ߡߐ߰ ߘߴߊ߬ ߓߟߏ ߟߐ߬ ߡߍ߲ ߠߊ߫.>> ߘߊ߲ߘߊߟߌߟߊ ߞߵߏ߬ ߝߐ߫.

ߞߊ߬ߙߊ߲߬ߝߊ߫ ߤߛߊߣ ߓߊ ߟߊ߫ ߝߐߟߌ߫ ߘߐ߫߸ ߞߐ߲߬ߛߏ ߣߌߘߐ ߞߊ߬ ߥߊ߯ߕߌ߫ ߖߊ߲߫ ߠߋ߬ ߞߍ߫߸ ߕߊ ߦߴߊ߬ ߘߐ߫، ߘߊ߬ߡߊ߲߬ߛߊ߫߸ ߏ߬ ߟߋ ߞߍߣߍ߲߫ ߥߊߦߌ߲߫ ߓߊ߰ߡߊ ߖߍ߲ߛߍ߲ ߘߌ߫ ߊ߬ߟߎ߫ ߛߌ߰ ߦߙߐ ߘߐ߫߸ ߞߵߊ߬ ߛߐ߬ߘߐ߲߬ ߘߎ߬ߡߊ ߓߍ߯ ߘߊߕߎ߲߯ߣߍ߲ ߦߋ߫.

ߏ߬ ߟߋ ߞߍߣߍ߲߫ ߞߋ߬ߡߎ߲߬ ߛߏ߲ߛߎ߲ߞߋߟߋ߲ߡߊ ߦߍ߬ߟߍ ߘߌ߫ ߊ߬ߟߎ߬ ߣߌߟߊߞߟߌ ߝߍ߬ ߞߵߊ߬ߟߎ߬ ߕߏ߫ ߛߎ߬ߣߐ߮ ߘߐ߫߸ ߞߵߏ߬ ߞߍ߫ ߊ߬ߟߎ߫ ߓߐ߬ߣߐ ߘߴߊ߬ߟߎ߬ ߣߌ ߘߐ߫ ߡߎ߬ߕߎ߲߬ ߛߊ߫.

ߘߊ߲ߘߊߟߌߟߊ ߞߵߊ߬ ߦߌ߬ߘߊ߫ ߏ߬ ߘߐ߫߸ ߞߏ߫ ߡߐ߰ ߘߌ߫ ߛߴߊ߬ߟߎ߬ ߟߊ߫ ߛߊ߬ߦߊ ߟߊ߫ ߟߊ߫ ߡߍ߲ ߞߎ߲߬߸ <<ߏ߬ ߟߋ ߓߌ߬ߟߊ߬ߒ߬ߘߐ߬ ߛߦߊ ߘߌ߫߸ ߊ߬ߟߎ߫ ߓߊ߰ߦߊ ߞߏߛߐ߲߬ ߞߋ߬ߡߎ߲߬ ߛߏ߲ߛߎ߲ߞߋߟߋ߲ߡߊ ߟߊ߫.>>

ߏ߬ ߞߐߝߍ߬߸ ߞߏ߫ ߜߘߍ߫ ߝߣߊ߫ ߦߋ߫ ߘߊ߫ ߛߦߊ߬ ߞߏ ߣߌ߲߬ ߘߐ߫: ߘߟߐ߬ ߘߎ߲ ߘߏ߫ ߦߋ߫ ߘߊ߫ ߦߋ߲߬߸ ߖߌ ߛߎ߮ ߘߏ߫ ߦߴߏ߬ ߘߐ߫߸ ߡߍ߲ ߛߎ߯ ߞߋߟߋ߲߫ ߟߐ߲ߣߍ߲߫ ߕߍ߫، ߘߊ߲ߘߊߟߌߟߊ ߞߊ߲߫ ߞߏ߫ ߊ߬ ߘߌ߫ ߛߋ߫ ߞߍ߫ ߟߊ߫߸ ߝߋ߲ ߡߍ߲ ߦߴߏ߬ ߞߣߐ߫߫߸ ߏ߬ ߟߋ ߣߐ߬ ߊ߬ߟߎ߫ ߟߊߛߎ߬ߣߐ߰ ߞߏ߬ߖߎ߰ߦߊ ߞߍ߫ ߟߊ߫߸ ߝߏ߫ ߣߌߘߐ ߝߢߐ ߞߵߊ߬ߟߎ߫ ߓߊ߰ߦߊ߫، ߏ߬ ߞߏ߬ߣߌ߲ ߕߍ߫ ߕߍ߰ߒ߬ߞߊ߲߬ ߘߌ߫߸ ߏ߬ ߦߋ߫ ߘߌߞߍߘߌߞߍߦߊ߫ ߓߟߏ ߟߋ߬ ߡߊ߬.

ߏ߬ ߝߣߊ߫ ߞߐߝߍ߬߸ ߖߌ߬ߣߍ߬ ߕߊߡߊ߲ ߂߃ ߄߂߀ ߀߀߀ ߕߊ߬ߣߍ߲ ߞߵߊ߬ ߟߊ߫ ߜߋߟߋ߲ߜߋߟߋ߲߫ ߝߌ߬ߟߊ߫ ߞߊ߲߬߸ ߏ߬ ߟߎ߬ ߦߋ߫ ߘߊ߫ ߟߋ߬ ߞߐ߲߬ߛߏ ߞߣߐ߫߸ ߏ߬ ߟߎ߬ ߦߋ߫ ߢߊߢߌߣߌ߲ߠߌ߲ߠߊ ߟߎ߬ ߓߟߏ߫ ߕߋ߲߬.

ߘߊ߲ߘߊߟߌߟߊ ߞߊ߲߫ ߞߏ߫: <<ߕߐ߲ߓߟߏߡߊ ߡߍ߲ ߠߎ߬ ߘߐ߱ߘߏ߲߬ߣߍ߲߫ ߣߌ߲߬ ߞߏ ߢߊߢߌߣߌ߲ ߠߊ߫߸ ߏ߬ ߟߎ߫ ߟߋ߬ ߞߍߕߐ߫ ߥߊߘߌ ߓߐ߫ ߦߙߐ ߢߊߢߌߣߌ߲߫ ߠߊ߫߸ ߞߵߏ߬ ߟߊ߫ ߜߋߟߋ߲ߜߋߟߋ߲߫ ߝߌ߬ߟߊ ߞߊ߲߬߸ ߏ߬ ߡߍ߲ ߓߍ߯ ߦߴߊ߬ߟߎ߬ ߕߊ߫ ߓߟߏ ߡߊ߬ ߦߋ߲߬.>>

ߣߌ߫ ߓߌ߬ߟߊ߬ߒ߬ߘߐ߬ ߞߏ ߓߘߊ߫ ߟߐ߲߫ ߊ߬ ߞߏ ߘߐ߫߸ ߤߊߟߌ߬ߛߊ߫߸ ߢߊߢߌߣߌ߲ߠߌ߲ ߕߐ߭ ߟߋ߬ ߕߊ߬ߡߌ߲߬ߕߐ߫ ߛߊ߬ߦߊ ߣߌ߲߬ ߛߓߊߓߎ ߟߊ߲ߞߣߍߡߊ߫ ߟߊ߫ ߓߘߍߞߍ߭߸ ߞߵߊ߬ ߘߐߝߌ߲߬ ߦߙߐ ߟߎ߬ ߘߐߞߣߍ߫.