ߞߐ߬ߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߞߎߣߎ߲ߟߏ߲ ߠߊ߫߸ ߏ߬ ߞߟߊߦߊ߫ ߘߊ߫ ߟߋ߬ ߛߌ߯ߙߌ߲߫ ߝߊ߲߭ ߝߍ߬ ߞߏߛߓߍ߫، ߓߊߏ߬߸ ߕߋ߰ߙߋ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߡߊ߬ߙߌ߬ߝߊ ߟߊ߫ ߝߌ߬ߢߊ ߺ ߟߊ߫߸ ߏ߬ ߦߋ߫ ߛߌ߯ߙߌ߲߫ ߠߋ߬ ߘߐ߫، ߝߏ߫ ߛߣߍ߬ߞߍ߬ߟߊ߫ ߛߊ߲߭ ߂߈ ߘߏ߫ ߓߣߐ߬ ߘߴߊ߬ ߣߌ ߘߐ߫߸ ߞߊ߬ ߡߐ߰ ߞߋߟߋ߲߫ ߜߘߍ߫ ߖߐߞߌ߫ ߞߌ߬ߛߍ ߟߊ߫߫، ߢߊߝߐߟߌ߫ ߞߎ߲߬ߝߟߐ ߟߎ߬ ߘߐ߫߸ ߡߐ߰ ߣߊ߯ߣߌ߲߫ ߠߋ߬ ߞߊ߬ ߛߌߟߊ ߕߍ߰ ߘߎ߰ߞߎߟߎ߲ ߦߋ߫߸ ߊ߬ ߞߍߣߍ߲߫ ߦߏ߫ ߡߐ߰ ߛߊ߬ߓߊ ߕߘߍ߬ ߕߐ߲ߓߟߏߡߊ߫ ߝߊ߯ߣߌ߲ ߠߋ߬ ߘߐ߫߸ ߏ߬ ߟߎ߫ ߟߋ߬ ߞߊ߬ ߛߌߟߊ ߕߍ߰ ߘߎ߰ߞߎߟߎ߲ ߣߴߊ߬ ߞߣߐ߫ ߡߐ߮ ߟߎ߬ ߦߋ߫.
ߓߊߘߋ߲ ߠߎ߬߸ ߡߙߊ߬ߒ߬ߡߊ߬ߟߌ߬ ߞߎߘߊ߫ ߟߋ߬ ߞߍߣߍ߲߫ ߛߌ߯ߙߌ߲߫ ߡߙߊ ߘߐ߫ ߌߞߐ߫߸ ߝߏ߫ ߞߊ߬ ߡߐ߰ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߞߍ߫ ߘߊ߫ ߞߐ߬ߟߏ߲ ߛߎ ߟߋ߬ ߘߐ߫߸ ߂߀߂߆ ߞߏ߲ߓߌߕߌ߮ ߕߟߋ߬ ߁߃߸ ߞߵߊ߬ ߘߎ߰ߛߊ ߜߍ߫ ߞߎߣߎ߲ߟߏ߲ ߠߊ߫߸ ߞߏ߲ߓߌߕߌ߮ ߕߟߋ߬ ߁߄، ߞߵߊ߬ ߛߐ߬ߘߐ߲߬ ߞߐ߲߬ߛߏ ߘߏ߫ ߓߕߐ ߦߋ߫ ߛߌ߯ߙߌ߲߫ ߝߊ߲߭ ߝߍ߬߸ ߞߵߊ߬ ߞߎ߲߬ߛߌ߲߫ ߝߌ߬ߢߊ ߺ ߟߊ߫ ߛߏߞߣߐߟߊ ߟߊ߫.
ߟߌ߬ߤߟߊ ߡߍ߲ ߛߐ߬ߘߐ߲߬ ߘߊ߫ ߞߏ߲߬ߓߏ߫ ߊߓߘߎߟߊߦߌ߫ ߓߊߛ߭ߌߙߎ߬ ߞߐ߲ߘߍ߫ ߟߊ߫ ߏ߬ ߘߐ߫߸ ߊ߬ߟߋ ߡߍ߲ ߦߋ߫ ߛߌ߯ߙߌ߫ߐ ߘߐ߬ߓߛߏ߬ߟߌ߬ ߘߊ߲ߘߊߟߌ ߓߟߏߡߊߘߍߡߍ߲ߠߊ߫ ߘߊ߲ߘߟߊ߫ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߘߎ߰ߞߎߟߎ߲ ߣߌ߲߬ ߞߣߐ߫ ߡߐ߮ ߟߎ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߦߋ߫߸ ߏ߬ ߞߍ߫ ߘߊ߫ ߓߍ߲߬ߕߍ ߘߏ߫ ߟߋ߬ ߘߐ߫߸ ߓߎ߬ߙߋ߬ ߛߏ߫ ߛߌߦߊߡߊ߲߫ ߛߌߟߊ ߦߋ߫ ߦߙߐ ߡߍ߲ ߘߐ߫.
ߡߐ߰ ߣߊ߯ߣߌ߲ ߏ߬ ߘߐ߫߸ ߕߐ߲ߓߟߏߡߊ߫ ߝߊ߯ߣߌ߲ ߠߋ߬ ߕߍ߬ߘߍ߫ ߡߐ߰ ߛߊ߬ߓߊ ߞߊ߲ߠߊ߫߸ ߊ߬ߟߎ߬ ߣߊ߯ߣߌ߲ߣߊ߲ ߕߎ߲߬ ߦߋ߫ ߣߊ߲߬ߒ߬ߕߊ߲߬ ߝߊ߯ߣߌ߲ ߘߐ߫، ߊ߬ߟߎ߫ ߞߵߊ߬ ߝߐ߫ ߟߊ߬ߓߏ߬ߙߟߌ߬ߟߊ ߡߊ߬ ߞߏ߫ ߊ߬ ߦߴߊ߬ ߟߐ߬، ߏ߬ ߡߊ߫ ߛߐ߲߬ ߊ߬ ߟߐ߬ ߟߊ߫ ߡߍ߲ߞߍ߬߸ ߊ߬ߟߎ߬ ߞߍߢߊ ߟߵߏ߬ ߘߌ߫ ߞߊ߬ ߡߎ߮ ߟߊߥߟߌ߬ ߒߞߘߐ߫.
ߟߊ߬ߓߏ߬ߙߌ߬ߟߌ߬ߟߊ ߛߋ߫ ߘߴߊ߬ ߘߏ߲߬ߘߊ ߟߊߞߊ߬ ߟߊ߫ ߝߊ߲߬ ߘߐ ߏ߬ ߝߍ߬ ߞߵߊ߬ ߓߏ߬ߙߌ߬، ߞߌ߬ߛߍ ߛߋ߫ ߘߊ߫ ߞߐ߲߬ߛߏ ߞߣߐ߫ ߡߐ߯ ߝߌ߬ߟߊ߫ ߡߊ߬ ߏ߬ ߢߊ ߟߋ߬.
ߞߵߏ߬ ߞߍ߫ ߡߐ߰ ߞߋߟߋ߲߫ ߓߣߐ߬ߣߍ߲߬ ߘߴߊ߬ ߣߌ ߘߐ߫، ߡߍ߲ ߝߊ߰ߣߍ߲߫ ߏ߬ ߘߌ߫߸ ߕߐ߯ ߟߋ߬ ߞߏ߫ ߡߊߡߊߘߎ߬ ߛߘߌ߬ߓߋ߫߸ ߏ߬ ߛߊ߲߭ ߂߈ ߠߋ߬ ߕߋ߲߬߸ ߊ߬ ߦߋ߫ ߛߣߍ߬ߞߍ߬ߟߊ ߟߋ߬ ߘߌ߫ ߛߌ߱ ߘߐ߫ ߝߌ߬ߢߊ ߺ ߟߊ߫߸ ߡߏ߬ߛߏ߫ ߝߌ߬ߟߊ߫ ߟߋ߬ ߕߎ߲߬ ߦߴߊ߬ ߞߎ߲߬߸ ߘߋ߲߫ ߡߐ߰ ߥߐߙߐ߲ߝߌ߬ߟߊ߬.
ߞߌ߬ߛߍ ߞߵߊ߬ߟߋ ߡߌ߬ߣߴߊ߬ ߘߛߌ ߟߋ߬ ߘߐ߫߸ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫ ߞߵߏ߬ ߞߎ߲߭ ߞߍ߫ ߡߊ߬ߘߌ߬ߡߌ߲߬ߠߌ߲߬ ߣߐ ߟߊ߫ ߖߎ߯ߦߊ ߘߌ߫، ߘߊ߲ߘߊߟߌߟߊ ߖߍ߬ߘߍ ߞߵߊ߬ ߦߌ߬ߘߊ߫ ߟߋ߬ ߞߏ߫ ߖߋ߬ߟߌ߬ߓߐ߬ ߛߌߦߊߡߊ߲ ߠߋ߬ ߞߍߣߍ߲߫ ߊ߬ ߟߊ߫ ߛߊ߬ߦߊ ߛߓߊߓߎ߫ ߖߏߣߊ ߘߌ߫.
ߞߌ߬ߛߍ ߛߋ߫ ߘߊ߫ ߡߐ߰ ߝߌߟߊߣߊ߲ ߡߍ߲ ߡߊ߬߸ ߏ߬ ߟߋ ߓߙߋ߬ߡߊ߫ ߖߊ߬ߞߌ߬ߕߋ߬ ߘߌ߫߸ ߏ߬ ߝߣߊ߫ ߦߋ߫ ߛߣߍ߬ߞߍ߬ߟߊ ߟߋ߬ ߘߌ߫ ߝߌ߬ߢߊ ߺ ߟߊ߫߸ ߊ߬ ߛߌ߰ߣߍ߲߫ ߦߋ߲߬ ߠߋ߬، ߡߏ߬ߛߏ߫ ߝߌ߬ߟߊ߫ ߟߵߊ߬ߟߋ ߝߣߊ߫ ߞߎ߲߬߸ ߘߋ߲߫ ߡߐ߰ ߕߊ߲߫ ߦߴߊ߬ ߓߟߏ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߆߃ ߖߊ߬ߕߋ߬ ߘߐ߫، ߞߌ߬ߛߍ ߞߵߊ߬ߟߋ ߡߌ߬ߣߴߊ߬ ߘߛߌ ߟߋ߬ ߘߐ߫.
ߊ߬ߟߋ߫ ߕߊ߬ ߘߊ߫ ߞߊߟߌߦߊ߫ ߓߟߏ ߡߊ߬ ߞߊ߬ ߥߴߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߏ߬ ߟߎ߫ ߞߵߊ߬ߟߎ߬ ߛߋߞߏ ߞߍ߫ ߊ߬ ߟߊ߫ ߞߏ ߘߐ߫߸ ߞߵߊ߬ ߘߐߓߛߏ߫.
ߟߌ߬ߤߟߊ ߡߍ߲ ߛߐ߬ߘߐ߲߬ߣߍ߲߫ ߘߊ߲ߘߊߟߌߟߊ ߟߎ߬ ߟߊ߫ ߞߐ ߢߌ߲߬ ߠߊ߫߸ ߏ߬ ߘߌ߫ ߡߐ߰ ߟߊߛߍߥߊ߫، ߓߊߏ߬߸ ߞߏ߫ ߊ߬ ߓߘߊ߫ ߞߍ߫ ߊ߬ ߖߍ߬ߘߍ߫ ߞߊ߬ߟߊߡߊ߬ ߞߊ߬ ߞߎߡߊ ߘߊߡߌ߬ߣߊ߫ ߡߐ߱ ߟߎ߫ ߝߍ߬߸ ߞߏ߫ ߕߴߊ߬ ߣߌ ߟߊ߫.
ߞߊ߬ ߝߌ߬ߢߊ ߺ ߟߊ߫ ߡߙߊ߬ߒ߬ߡߊ߬ߟߌ ߖߌ߲߬ߓߊ߲߬ߖߌ߲ߓߊ ߏ߬ ߕߏ߫ ߌߘߐ߫ ߛߎ߫ ߞߋߟߋ߲ ߏ߬ ߘߐ߫߸ ߘߏ߫ ߜߘߍ߫ ߝߣߊ߫ ߞߍ߫ ߘߊ߫ ߓߎߞߊߙߌߦߊ߫߸ ߘߊ߲ߘߊߟߌߟߊ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߡߙߊ߬ߒ߬ߡߊ߬ߟߌ ߞߏ߬ߣߌ߲ ߓߘߊ߫ ߞߍ߫ ߕߋ߬ߟߋ߲ߓߊ߲߭ ߞߏ ߘߌ߫ ߛߌ߯ߙߌ߲߫ ߝߊ߲߬ߝߌ߬ߟߊ ߏ߬ ߟߎ߬ ߘߐ߫ ߞߊߙߏ߫ ߞߋߟߋ߲ ߣߌ߲߬ ߞߣߐ߫ ߞߏߛߓߍ߫، ߝߏ߫ ߝߊ߰ߡߊ ߟߎ߬ ߦߋ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߟߊ߬ߞߊ߲߬ߘߊ߬ߟߌ ߞߙߐ߬ߛߌ߫ ߦߋ߲߬߸ ߖߐ߲߰ߛߊ߫ ߞߎ߲߬ߠߊ߬ߛߘߌ ߘߌ߫ ߡߊߛߍ߬ߟߍ߲߬ߓߍ߬ ߢߊ ߡߍ߲ ߡߊ߬.
