ߕߣߎߛߌߞߊ߫ ߡߐ߰ ߥߊ߯ ߦߙߌߞߊ߫ ߟߋ߬ ߣߐ߬ ߊ߬ߟߎ߬ ߡߊߝߐߦߌߐߝߐߦߌ߲߫ ߠߊ߫ ߛߌߟߊ ߞߊ߲߬ ߓߌ߬ ߞߍ߲ߘߍߟߏ߲ ߢߌ߲߬ ߡߊ߬ ߂߀߂߆ ߞߏ߲ߓߌߕߌ߮ ߕߟߋ߬ ߁߇߸ ߞߊ߬ ߓߐ߫ ߊ߬ߟߎ߬ ߟߊ߫ ߞߊ߲ߕߌ߮ ߞߊߦߌߛ ߛߊߦߍߘ ߞߊ߲ߡߊ߬، ߊ߬ߟߎ߬ ߦߴߊ߬ ߡߊߝߌ߲߬ ߠߊ߫ ߡߎ߲߬ ߞߏߛߐ߲߬߸ ߞߏ߫ ߊ߬ ߡߊ߬ߞߏ߬ ߕߍ߫ ߓߍ߯ߦߊ ߛߙߊߕߌ ߟߎ߬ ߡߊߓߏ߲߬ߧߊ ߟߊ߫߸ ߊ߬ ߕߴߛߋ߫ ߟߊ߫ ߖߡߊ߬ߣߊ ߡߙߊ߬ ߟߴߊ߬ ߢߌߡߊ ߟߊ߫ ߛߐ߬ߘߐ߲ ߛߌߟߊ ߝߍ߬، ߊ߬ ߛߊ߲߬ ߦߙߌߞߊ ߟߋ߬ ߕߋ߲߬߸ ߣߌ߲߬ ߔߊߞߌߛߦߊ ߢߐ߲߰ ߡߊ߫ ߞߍ߫ ߕߣߎߛߌ߫ ߞߣߐ߫ ߡߎߣߎ߲߬.

ߔߊߞߌߛߦߊ ߡߍ߲ ߦߋ߫ ߣߌ߲߬߸ ߊ߬ ߛߌ߰ߣߍ߲߫ ߛߋ߲߬ߠߊ߫ ߕߣߎߛߌ߫ ߓߊ߯ߙߊ ߝߘߏ߬ߓߊ߬ ߘߍ ߟߋ߬ ߓߟߏ߫߸ ߊ߬ ߣߌ߫ ߣߊ߲߬ߒ߬ߕߊ߲߬ ߘߍ ߘߏ߲߬ߞߏ ߟߎ߬߸ ߏ߬ ߟߎ߫ ߟߋ߬ ߣߐ߬ ߞߟߌߟߌ ߞߍ߫ ߟߊ߫߸ ߞߏ߫ ߓߍ߯ ߦߋ߫ ߓߐ߫، ߓߊߏ߬߸ ߖߡߊ߬ߣߊ ߓߘߊ߫ ߜߟߍ߬ߦߊ߬߸ ߝߘߏ߬ߓߊ߬ ߓߊ߯ߙߊ߫ ߘߊߞߎ߲ ߠߎ߬ ߓߘߊ߫ ߦߏ߰ߓߏ߬ߦߊ߯ߓߊ߫߸ ߖߌ ߦߋ߫ ߕߍ߰ ߟߊ߫ ߟߋ߬ ߛߎ ߣߌ߫ ߕߋ߬ߟߋ߸ ߢߎߡߍ ߦߋ߫ ߕߍ߰ ߟߊ߫ ߟߋ߬ ߞߘߊߎ߫߸ ߓߊߛߌ߫ ߞߏ߫ ߜߟߍߦߊ ߓߘߊ߫ ߘߏ߲߬߸ ߝߊߦߌߘߊ߫߸ ߢߊ߬ ߕߴߛߋ߫ ߞߍ߫ ߟߊ߫ ߝߋ߲ ߡߍ߲ ߠߎ߬ ߞߐ߫߸ ߏ߬ ߟߋ ߓߍ߯ ߞߏߖߊ ߦߋ߫ ߖߡߊ߬ߣߊ ߞߣߐ߫.

ߓߍ߯ ߓߘߊ߫ ߝߙߊ߬ ߓߐߓߊ߯ߕߐ ߢߌ߲߬ ߠߎ߫ ߞߊ߲߬߸ ߝߊ߲߬ߞߊߛߌ߬ߣߊ ߟߎ߬߸ ߟߊ߬ߝߛߊ߬ߟߌ߬ߟߊ ߟߎ߬߸ ߝߐ߰ߓߍ߬ߦߊ߬ߟߊ ߟߎ߬߸ ߘߊ߲ߘߊߟߌߟߊ ߟߎ߬߸ ߖߊߓߊ߯ߕߐ ߟߎ߬߸ ߓߍ߯ ߟߋ߬ ߓߐߣߍ߲߫ ߔߊߞߌߛߦߊ ߢߌ߲߬ ߘߐ߫߸ ߞߵߊ߬ߟߎ߬ ߡߊߕߊ߯ߡߊ߫ ߤߊߓߌߓ ߓߎߙߑߖߌߓߊ߫ ߛߌߟߊ ߞߊ߲߬، ߊ߬ ߘߏ߲߬߸ ߂߀߁߁ ߝߎ߬ߙߎ߲߬ߞߎ߬ߟߌ߬ߓߊ ߞߍ߫ ߘߊ߫ ߦߋ߲߬ ߠߋ߬ ߝߣߊ߫.

ߕߐ߲ߓߟߏߡߊ ߗߡߍ߬ ߦߙߌߞߊ߫ ߖߊ߲߫ ߠߋ߬ ߟߊߖߌ߰ ߘߊ߫ ߞߎߓߋߘߊ ߟߊ߫، ߔߊߞߌߛߦߊ ߟߎ߬ ߘߊߘߐ߫ ߞߊ߲ ߠߋ߬߸ ߞߏ߫: <<ߊ߲ ߕߍ߫ ߛߌߟߊ߫ ߠߊ߫߸ ߛߋߓߊ߯ߦߊ ߦߋ߫ ߡߌ߬ߙߌ߲߬ߘߌ ߟߋ߬ ߕߊ߫ ߘߌ߫.>> ߊ߬ ߣߌ߫ ߝߣߊ߫߸ ߞߏ߫: <<ߥߛߎ ߟߎ߬ ߓߘߊ߫ ߝߊ߫߸ ߞߐ߲ߞߐ ߦߋ߫ ߡߌ߬ߙߌ߲߬ߘߌ ߞߊ߲߬.>>

ߊ߬ߟߎ߫ ߞߵߊ߬ ߝߐ߫ ߝߣߊ߫߸ ߞߏ߫ ߝߊ߲߬ߞߊߛߌ߬ߣߊ ߡߍ߲ ߠߎ߬ ߦߋ߫ ߥߛߎ ߟߊ߫߸ ߞߏ߫ ߞߵߏ߬ ߟߎ߫ ߓߌ߬ߟߊ߬، ߊ߬ ߣߌ߫ ߝߣߊ߫߸ ߞߏ߫ ߕߐ߰ߕߐ߰ߟߌ߬ߟߊ ߟߎ߬ ߓߘߊ߫ ߘߐߜߍ߬ߘߍ߲߫ ߊ߬ߟߎ߬ ߤߊߞߍ ߝߍ߬.

<<ߘߏ߫ ߓߘߊ߫ ߞߍ߫ ߛߌߣߍ߲߬߹ ߖߡߊ߬ߣߊ ߘߌ߫ ߢߌߣߌ߲߫ ߞߊ߬ ߥߊ߬ߙߊ߲߬ߞߏ߬، ߖߌ߫ ߞߏߖߊ ߣߌ߫ ߢߎߡߍ߫ ߞߏߖߊ ߓߘߴߊ߲ ߓߐ߫، ߜߟߍ߬ߦߊ ߘߏ߫ ߓߊ߯ ߓߊ߲߫߸ ߘߏ߫ ߘߌ߫ ߣߊ߬.>> ߏ߬ ߝߐ߫ ߘߊ߫ ߦߊߛߌߣ ߜ߭ߊߙߑߛߋߟߌ߫ ߟߋ߬ ߓߟߏ߫߸ ߏ߬ ߓߐߣߍ߲߫ ߝߏ߯ ߛߑߝߊߞߛ ߟߋ߬ ߞߊ߬ ߣߊ߬ ߔߊߞߌߛߦߊ ߣߌ߲߬ ߘߐ߫߸ ߞߎߘߍ߫ ߂߅߀ ߟߋ߬ ߦߋ߲߬ ߣߌ߫ ߕߎ߳ߣߌߛ ߕߍ߫.

ߞߵߊ߬ ߕߊ߬ ߂߀߂߁ ߡߊ߬ ߤߊ߲߯ ߕߋ߲߬߸ ߞߊߦߌߛ ߛߊߦߍߘ ߓߘߊ߫ ߖߡߊ߬ߣߊ ߟߊߞߎ߬ߘߎ߫ ߊ߬ ߕߍ߯ ߞߘߐ߫߸ ߊ߬ ߡߊ߬ߞߏ߬ ߕߍ߫ ߖߡߊ߬ߣߊ ߝߊ߬ߛߏ߬ ߜߙߊ ߟߊ߫߸ ߊ߬ ߓߊ߯ ߓߌ߫ ߡߍ߲ ߞߍߟߌ ߡߊ߬߸ ߊ߬ ߦߋ߫ ߟߊ߬ߕߍ߰ߦߊ ߟߋ߬ ߕߊ߬ ߟߊ߫ ߞߵߏ߬ ߞߍ߫، ߏ߬ ߟߋ ߖߍ߬ߘߍ ߞߏߛߐ߲߬߸ ߊ߬ ߞߊ߬ ߝߊ߬ߛߏ߬ ߜߙߊ ߟߊߓߋ߬ ߟߋ߬ ߂߀߂߂ ߟߊ߫، ߊ߬ ߟߊ߫ ߖߡߊ߬ߣߊ ߝߊ߲߬ߞߊߛߌ߬ߣߊ ߟߎ߬ ߞߊ߲߫ ߏ߬ ߟߋ ߘߐ߫߸ ߞߏ߫ ߖߡߊ߬ߣߊ ߦߋ߫ ߡߙߊ߬ ߟߊ߫ ߞߊ߲ߕߌ߮ ߣߴߊ߬ ߟߊ߫ ߟߊ߬ߕߍ߰ߦߊ ߟߋ߬ ߓߟߏ߫߸ ߊ߬ ߕߘߍ߫ ߡߙߊ߬ ߟߊ߫ ߛߊ߬ߙߌ߬ߦߊ߬ ߓߟߏ߫، ߏ߬ ߘߐ߫߸ ߊ߬ ߓߘߊ߫ ߞߊ߬ߝߏ߬ ߖߊߛߏ߲ ߠߋ߬ ߞߍ߫ ߏ߬ ߘߌ߫. ߞߊ߲ߕߌ߮ ߞߊ߲߫ ߞߏ߫ ߕߎ߬ߢߊ߬ ߕߴߏ߬ ߘߌ߫.