ߞߊ߬ߙߊ߲߬ߘߋ߲ ߡߍ߲ ߠߎ߬ ߝߋ߬ߙߋ߬ߝߙߋߟߋ߲ ߦߋ߫ ߞߍ߫ ߟߊ߫ ߛߏ ߢߊߝߍ߬ ߞߊ߲ߞߊ߲߫ ߞߣߐ߫ ߞߊ߬ߙߊ߲߬ ߕߎߡߊ ߟߎ߬ ߟߊ߫ ߛߐ߲߬߸ ߟߌ߬ߤߟߊ ߣߌ߲߬ ߘߌߡߊ߲߫ ߕߴߏ߬ ߟߎ߬ ߟߊ߫، ߓߊߏ߬߸ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߕߌߞߊ߲ߘߊ ߌߓߙߊߤߌߡߊ ߁߭ ߞߡߊ߬ߙߊ߬ ߓߘߊ߫ ߡߌ߬ߣߊ߬ߞߊ߲ ߘߏ߲߬ ߕߐ߲ߓߟߏߡߊ ߟߎ߬ ߓߟߏ߫߸ ߞߏ߫ ߞߊ߬ߙߊ߲߬ߘߋ߲ ߡߍ߲ ߠߎ߬ ߦߋ߫ ߛߏߝߍߕߊ߯ߡߊ ߞߍ߫ ߟߊ߫ ߞߊ߬ߙߊ߲߬ ߕߎߡߊ ߟߎ߬ ߟߊ߫ ߛߐ߲߬߸ ߞߊ߬ ߕߍ߮ ߞߍ߫ ߏ߬ ߟߎ߬ ߘߐ߫.

ߘߐ߬ߛߙߋ ߡߍ߲ ߦߋ߫ ߕߋ߲߬߸ ߊ߬ ߞߎߡߊ ߟߐ߬ߣߍ߲߫ ߞߊ߲ߞߊ߲߫ ߕߌ߲߬ߞߎߘߎ߲ ߕߐ߲ߓߟߏߡߊߛߏ ߟߋ߬ ߡߊ߬߸ ߞߵߏ߬ ߖߡߊ߬ߙߌ߬ ߞߏ߫ ߊ߬ߟߎ߬ ߦߴߊ߬ߟߎ߬ ߢߣߊߞߊߟߊ߲߫ ߞߊ߲ߞߊ߲߫ ߛߏ ߞߣߐ߫߸ ߞߊ߬ߙߊ߲߬ߛߏ ߟߎ߬ ߟߊߡߌߣߌ߲ ߘߐ߫߸ ߡߌ߲߬ߓߏ߲ ߠߎ߬ ߟߊ߫߸ ߛߎ߰ߘߎ߬ ߝߎ߬ߙߋ߬ ߞߣߍ ߞߊ߲߬ (ߓߊ߬ߕߏ߲߬ߓߊ ߘߊߞߘߐߟߊ)߸ ߊ߬ ߣߌ߫ ߖߌ߰ߦߊ߬ߓߏ߲ ߠߎ߬ ߣߌ߫ ߕߍ߲ߖߋߕߌ߯ߛߏ ߟߎ߬ (ߝߊߕߎߓߏ߲ ߠߎ߬).

ߞߕߌߞߊ߲ߘߊ ߞߊ߲߫ ߞߏ߫ ߣߴߌ ߞߵߊ߬ ߦߋ߫ ߊ߬ߟߎ߫ ߞߊ߬ ߡߙߌߘߐ ߢߌ߲߬ ߕߊ߬߸ <<ߞߊ߬ߙߊ߲߬ߘߋ߲ ߠߎ߬ ߟߊ߫ ߔߊߟߊ߲ߞߊ ߟߋ߬ ߓߘߊ߫ ߥߙߊ߬>>߸ ߊ߬ߟߎ߬ ߟߊ߫ ߡߌ߲߬ߠߌ߲߬ߝߋ߲߬ ߡߌ߲ ߓߘߊ߫ ߛߌߦߊߦߊ߫߸ ߖߌ߬ߦߊ߬ߖߟߎ߬ ߞߍ ߓߘߊ߫ ߛߌߦߊߦߊ ߕߌߞߑߕߐߞ ߞߊ߲߬߸ ߊ߬ ߣߴߊ߬ߟߎ߬ ߜߎ ߦߋ߫ ߞߏ߫ ߟߎ߫ ߞߍ߫ ߟߊ߫߸ ߡߍ߲ ߠߎ߬ ߕߍ߫ ߓߍ߲߬ ߝߋߎ߫.

ߊ߬ ߟߊ߫ ߡߌ߬ߘߊ߬ߞߊ߲߬ ߛߓߍ ߣߌ߲߬ ߞߣߐ߫߸ ߞߕߌߞߊ߲ߘߊ ߞߵߊ߬ ߝߐ߫ ߞߏ߫: <<ߞߊ߬ߙߊ߲߬ߘߋ߲߫ ߞߎ߲߬ߠߊ߬ߓߌߟߊ ߡߍ߲ ߠߎ߬ ߓߊ߯ ߦߋ߫ ߛߏ ߟߊ߫ ߞߊ߬ߙߊ߲߬ ߕߎߡߊ ߟߊ߫ ߛߐ߲߬߸ ߞߊ߬ߙߊ߲߬ߓߏ߲ ߠߊߡߌߣߌ߲ ߘߐ߫߸ ߞߊ߬ ߕߍ߮ ߞߍ߫ ߏ߬ ߟߎ߬ ߓߍ߯ ߘߐ߫.>>

ߣߌ߫ ߕߍ߮ ߞߍ߫ ߘߊ߫ ߡߍ߲ ߠߎ߬ ߘߐ߫ ߛߏߝߍߕߊ߯ߡߊ߫ ߞߏ ߢߌ߲߬ ߘߐ߫߸ ߊ߬ ߞߎ߲ߠߊ߬ߓߌߟߊ ߘߐ߫߸ ߏ߬ ߟߎ߫ ߡߌ߬ߣߊ߬ߕߐ߫ ߞߊ߬ ߥߴߊ߬ߟߎ߬ ߘߌ߫ ߖߊ߲߭ ߣߌ߫ ߖߏ߮ ߣߌ߫ ߘߋ߲ߣߍ߲ߧߊ߫ ߟߊߕߊ߲߬ߞߊ ߛߓߍߘߊ (ߏߔߙߏߖ߭ߍߡ) ߟߊ߫߸ ߞߵߊ߬ߟߎ߬ ߟߊ߫ ߞߏ ߢߊߢߌߣߌ߲߫.

ߞߏ߬ߣߌ߲߬߸ ߢߌ߬ߣߌ߲߬ߞߊ߬ߟߌ ߦߋ߫ ߦߙߐ ߡߍ߲ ߘߐ߫ ߛߊ߫߸ ߦߊ߯ߟߊ߫߸ ߡߙߌߘߐ ߡߍ߲ ߕߊ߬ߣߍ߲߫ ߣߌ߲߬߸ ߊ߬ ߘߌ߫ ߓߐ߫ ߊ߬ ߛߌߟߊ ߝߍ߬ ߓߊ߬؟ ߓߊߏ߬߸ ߞߐ߬ߓߊ߬ߟߏ߲ ߢߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߛߍߝߍ߲ߘߊ ߞߊ߬ ߞߊ߬ߙߊ߲߬ߘߋ߲ ߠߎ߬ ߦߋ߫ ߟߋ߬ ߞߊ߲ߞߊ߲߫ ߝߊ߲߬ ߛߌߦߊߡߊ߲߫ ߘߐ߫߸ ߞߵߊ߬ ߛߐ߬ߘߐ߲߬ ߞߊ߬ߙߊ߲ ߦߴߌߘߐ߫.

ߣߴߊ߬ ߟߊߥߟߌ߬ߣߍ߲߫ ߞߊ߬ߙߊ߲ ߝߊ߲߬ߞߊߘߏ߲߭ ߣߌ߫ ߞߊ߬ߙߊ߲߬ߘߋ߲ ߠߎ߬ ߖߏ߯ߘߏ߲߭ ߠߋ߬ ߡߊ߬߸ ߊ߬ ߡߊ߲߫ ߞߊ߲߫ ߞߊ ߞߍ߫ ߥߊ߯ߕߌߣߍ߲߫ ߞߏ߫ ߘߌ߫ ߘߋ߬، ߝߊ߬ߣߌ߫ ߞߊ߬ߙߊ߲ ߦߴߌߘߐ߫߸ ߊ߬ ߡߊ߲߫ ߞߊ߲߫ ߞߊ߬ ߟߊߟߐ߬، ߏ߬ ߟߋ ߘߐ߫߸ ߢߌ߬ߣߌ߲߬ߞߊ߬ߟߌ ߦߋ߫ ߡߌ߲߫߸ ߕߐ߲ ߡߍ߲ ߛߌ߰ߣߍ߲߫ ߣߌ߲߬߸ ߊ߬ ߘߌ߫ ߘߐߖߊ߬ ߞߊ߬ ߥߴߊ߬ ߝߍ߬ ߓߊ߰߸ ߥߟߴߊ߬ ߓߊ߯ ߘߏߣߍ߲߫ ߞߍ߫ ߌߞߘߐ߫ ߊ߬ ߟߊߟߐ߬ߕߐ߫ ߟߋ߬ ߦߏ߫ ߊ߬ ߘߋ߬ߙߌ߬ߣߍ߲߬ ߞߍ߫ ߟߊ߫ ߢߊ ߡߍ߲ ߞߘߐ߬ߡߊ߲߬؟