߂߀߂߅ ߛߊ߬ߡߊ ߘߐ߫߸ ߖߌ ߞߊ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߡߊ߬ߟߌ߫ ߖߡߊ߬ߣߊ ߞߣߐ߫، ߞߊ߬ߕߎ߲߯߸ ߞߵߊ߬ ߕߊ߬ ߛߊ߬ߡߊ ߘߊߡߌ߬ߣߊ߬ ߕߎߡߊ ߡߊ߬߸ ߞߊ߬ ߣߵߊ߬ ߛߌ߰ ߞߏ߲ߓߌߕߌ߮ ߟߊ߫߸ ߢߊߢߌߣߌ߲ߠߌ߲ ߠߎ߬ ߞߵߊ߬ ߦߌ߬ߘߵߊ߲ ߠߊ߫߸ ߞߏ߫ ߖߌ ߞߊ߬ ߕߌߢߍߟߌ ߛߌ߰ߦߙߐ߬ߡߊ߬ ߄߄ ߠߋ߬ ߞߍ߫ ߡߊߟߌ߫ ߞߣߐ߫، ߊ߬ ߦߋ߫ ߘߊ߫ ߝߣߊ߫ ߞߏ߫ ߟߎ߫ ߂߆߈߀߸ ߏ߬ ߟߎ߫ ߟߋ߬ ߞߊ߬ ߕߌߢߍߟߌ߫ ߛߐ߬ߘߐ߲߬، ߡߐ߰ ߂߅߇߄߸ ߏ߬ ߟߎ߫ ߟߋ߬ ߓߟߏߝߋ߲ ߠߎ߬ ߕߌߢߍ߫ ߘߊ߫، ߊ߬ ߣߌ߫ ߓߏ߲߫ ߁߂߃߀ ߓߋ߬ ߘߊ߫، ߏ߬ ߞߊ߬ߛߙߊ ߏ߬ ߞߍ߫ ߘߊ߫ ߛߊߓߎ߫ ߘߌ߫߸ ߞߊ߬ ߡߐ߰ ߂߄ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߃߅ ߡߊߘߌߡߌ߲߫.
ߛߊ߲߬ ߞߋߟߋ߲ ߣߌ߲߬ ߞߣߐ߫߸ ߖߌ ߟߊ߫ ߕߌߢߍߟߌ ߞߊ߬ ߟߊ߬ߖߌ߰ߣߍ߬ߞߊ ߟߎ߬ ߝߣߊ߫ ߛߍ߰ ߞߏߛߓߍ߫، ߞߎ߲߬ߠߊ߬ߛߌ߮ ߟߎ߬ ߞߊ߲߫ ߞߏ߫ ߡߐ߰ ߅߀ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫، ߕߌߢߍߟߌߖߍ߬ߘߍߖߍ߬ߘߍ ߞߊ߬ ߡߍ߲ ߠߎ߬ ߡߊߛߐ߬ߘߐ߲߬߸ ߏ߬ ߟߋ ߡߊ߬ߣߍ߬ߦߊ߬ߞߊ ߟߎ߬ ߘߌ߫߸ ߏ߬ ߦߋ߫ ߞߐ߰ߦߊ߫ ߡߊ߬ߙߊ ߟߋ߬ ߘߐ߫، ߖߌ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߘߎ߱ ߟߋ߬ ߜߊ߬ߟߊ߲߬ߞߌ߫ ߦߋ߲߬߸ ߏ߬ ߝߣߊ߫ ߞߍߘߊ߫ ߛߊߓߎ߫ ߘߌ߫ ߞߊ߬ ߡߐ߰ ߁߅ ߟߋ߬ ߓߐ߬ߣߐ߫ ߊ߬ ߣߌ ߘߐ߫ ߘߓߊ߬ߓߌߟߊ ߟߊ߫߸ ߞߊ߬ ߡߐ߰ ߁߂ ߡߊߘߌߡߌ߲߫߸ ߘߏ߫ ߟߎ߫ ߕߎߣߎ߲߫ ߘߊ߫߸ ߏ߬ ߟߎ߬ ߡߊ߫ ߦߋ߫.
ߖߋ߬ߟߌ߬ߓߟߊ߬ߞߊ ߟߎ߬ ߝߣߊ߫ ߝߍ߬ ߦߋ߲߬߸ ߡߐ߰ ߁߅߀ ߟߋ߬ ߞߊ߬ ߣߌ߲߬ ߕߙߐߦߊ ߛߐ߬ߘߐ߲߬߸ ߊ߬ߟߎ߬ ߟߊ߫ ߞߊ߬ߝߏ߬ ߈ ߢߐ߲߰ ߞߣߐ߫߸ ߊ߬ߟߎ߬ ߟߊ߫ ߓߏ߲ ߠߎ߬ ߓߋ߬ ߘߊ߫߸ ߊ߬ߟߎ߬ ߟߊ߫ ߛߣߍ߬ߝߋ߲ ߠߎ߬ ߝߣߊ߫ ߕߌߢߍ߫ ߘߊ߫.
ߛߌߕߊ߲߬ ߞߊ߬ߓߊ ߓߟߏ߫
