ߡߐ߰ ߁߁ ߠߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߊ߫ ߖߋ߬ߟߌ߬ߓߊߘߎ߯߸ ߞߵߊ߬ ߛߊߓߎ ߞߍ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߘߌ߫߸ ߟߌ߬ߤߟߊ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߟߋ߬ ߓߋ߬ ߘߊ߫ ߞߊ߲ߓߋ߲ ߝߌ߬ߟߊ߫ ߞߊ߲߬߸ ߞߊ߬ ߡߐ߰ ߡߍ߲߬ ߠߎ߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߛߌߦߊߡߊ߲߫ ߜߘߍ߫ ߟߎ߫ ߖߐߞߌ߫، ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߘߊ߲߬ߕߍ߰ߟߌ߫ ߛߌ߫ ߞߍ߫ ߣߌ߲߬ ߞߏ ߞߊ߲߬ ߝߟߐ߫.
ߖߋ߬ߟߌ߬ߓߊ߬ߘߎ߯ ߓߟߐߟߐ߫ ߞߊ߲߫ ߖߌߦߊߞߊ߲ߛߏ ߕߋߜ߭ߊߘߍߛ ߟߋ߬ ߞߊ߬ ߓߋ߬ߒ߬ߞߊ߲߬ߠߌ߲ ߣߌ߲߬ ߟߊ߬ߛߋ߬ߟߌ ߞߍ߫، ߖߌ߬ߦߊ߬ߞߊ߲߬ߛߏ ߣߌ߲߬ ߠߊ߫ ߟߌ߬ߤߟߊ ߟߎ߬ ߘߐ߫߸ ߞߊ߲ߓߋ߲߫߫ ߝߌ߬ߟߊ߫ ߡߍ߲߬ ߠߎ߬ ߕߍ߬ߘߍ߫ ߦߋ߫ ߓߐ ߟߋ߬ ߟߊ߫ ߊߙߟߌߕ ߞߎߣߎ߲߬ ߛߐ߰ߡߊ߬ߘߊ ߝߍ߬߸ ߞߵߊ߬ߟߎ߫ ߞߎ߲߬ ߟߊ߫ ߊߜ߭ߊߘߍߛ ߞߊ߲߬، ߛߙߋ ߘߏ߫ ߟߎ߫ ߦߵߊ߬ ߦߌ߬ߘߊ߬ ߟߊ߫߸ ߞߏ߫ ߞߊ߬ ߞߎߘߍ߫ ߃߅ ߕߏ߫ ߊ߬ߟߎ߬ ߣߌ߫ ߊߜ߭ߊߘߍߛ ߕߍ߫߸ ߓߋ߬ߒ߬ߞߊ߲߬ߠߌ߲߬ߠߊ ߡߍ߲߬ ߠߎ߬ ߞߊ߬ ߡߎ߮ ߟߊߥߌ߬ߟߌ߫ ߘߊߡߌ߬ߣߊ߫ ߊ߬ߟߎ߫ ߞߊ߲߬߸ ߝߣߊ߫ ߓߋ߬ߒ߬ߞߊ߲߬ߠߌ߲߬ߠߊ ߡߍ߲߬ ߠߎ߫ ߕߍ߬ߘߍ߫ ߦߋ߫ ߞߐ߲߬ߛߏ߫ ߛߊ߬ߓߊ߫ ߟߋ߬ ߞߣߐ߫.
ߝߊ߰ߓߊ߰ߕߐ߬ ߁߁ ߘߐ߫߸ ߣߊ߲߬ߕߌ߰ ߞߋߟߋ߲߫ ߦߴߏ߬ ߘߐ߫߸ ߊ߬ ߣߌ߫ ߡߐ߰ ߛߌߦߊߡߊ߲߫ ߜߘߍ߫ ߝߣߊ߫ ߞߊ߬ ߖߐߞߟߌ ߛߐ߬ߘߐ߲߬߸ ߓߋ߬ߒ߬ߞߊ߲߬ߠߌ߲ ߣߌ߲߬ ߞߎ߲߬ ߖߐ߲ߖߐ߲߫ ߟߐ߲ߣߍ߲߫ ߕߍ߫߸ ߕߐ߲߫ ߓߟߏߡߊ ߟߎ߬ ߟߊ߫ ߢߊߢߌߣߌ߲ߠߌ߲ ߠߎ߬ ߦߋ߫ ߛߋ߲߬ ߠߊ߫߸ ߞߊ߬ ߣߌ߲߬ ߢߊߘߐߜߍ ߟߐ߲߫، ߊ߲ ߠߊ߫ ߟߌ߬ߤߟߊ ߞߎ߲߬ߝߟߐ ߟߎ߬ ߘߐ߫߸ ߛߙߋ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߊ߬ ߝߘߊ߫ "ߖߋ߬ߟߌ߬ߓߊߘߎ߯ ߝߐ߰ߓߍ" ߟߊ߫߸ ߞߏ߫ ߛߊߣߎ߲߫ ߞߛߊߞߊ߫ ߛߌߦߊߡߊ߲߫ ߠߋ߬ ߕߍ߬ߘߍ߫ ߞߊ߲ߓߋ߲ ߣߌ߲߬ ߞߋߟߋ߲߫ ߞߣߐ߫، ߓߋ߬ߒ߬ߞߊ߲߬ߠߌ߲ ߟߐ߬ ߘߊ߫ ߏ߬ ߡߍ߲ ߠߎ߬ ߡߊ߬ ߞߊ߬ߣߌ߲߫.
ߣߌ߲߬ ߞߍ߫ ߘߊ߫ ߞߎߣߎ߲߬ ߞߐ߬ߟߏ߲ ߂߀߂߆ ߞߏ߲ߓߌߕߌ߯ ߕߋ߬ߟߋ߫ ߂߀ ߠߋ߬ ߡߊ߬߸ ߊ߬ߟߎ߫ ߕߘߍ߬ ߦߴߊ߬ ߞߊ߲߬ ߞߊ߬ ߓߐ߫ ߦߙߐ ߡߍ߲ ߠߴߊ߬ ߦߋ߫ ߊߙߟߌߕ ߘߌ߫߸ ߏ߬ ߡߊߟߐ߲ߣߍ߲߫ ߛߊߣߎ߲߫ ߛߐ߬ߘߐ߲߫ ߦߙߐ߫ ߖߐ߲ߖߐ߲߫ ߠߋ߬ ߘߌ߫߸ ߖߡߊ߬ߣߊ ߣߌ߲߬ ߞߐߘߐ߲ ߘߐ߫.
