ߓߌ߬ ߞߎߣߎ߲ߟߏ߲ ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߂߈ ߢߌ߲߬ ߠߋ߬ ߛߐ߰ߡߊ߬ߘߊ ߞߍߣߍ߲߫ ߡߊ߬ߛߎ߬ߓߊ߬ߞߏ ߘߏ߫ ߘߌ߫ ߞߵߏ߬ ߞߎ߲߭ ߞߍ߫ ߕߊ ߟߊߓߐߟߌ ߘߌ߫ ߏ߬ ߡߍ߲ ߛߓߊߓߎ ߞߍߣߍ߲߫ ߢߎߡߍ ߘߌ߫ ߞߊ߬ߣߌ߲߬߸ ߞߊ߬ ߓߐ߬ߟߐ߲߬ߞߊ߬ ߤߊߖߊ߬ ߡߊߙߌߦߡߊ߫ ߓߐ߬ߣߐ߫ ߊ߬ ߣߌ ߘߐ߫߸ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߆߈ ߖߊ߬ߕߋ߬ ߘߐ߫߸ ߞߍߣߍ߲ߘߋ߲߫ ߞߌ߲߬ߘߊ ߟߊ߫، ߞߌ߲ߘߌߦߊ߫ ߖߍ߬ߘߍ ߛߏ ߞߣߐ߫.
ߛߙߋ ߘߏ߫ ߟߊ߫ ߝߐߟߌ ߞߵߊ߬ ߦߌ߬ߘߊ߬ ߒ߬ ߠߊ߫߸ ߞߏ߫ ߡߊ߬ߛߎ߬ߓߊ߬ߞߏ ߣߌ߲߬ ߞߍߣߍ߲߫ ߓߌ߬ ߞߎߣߎ߲ߟߏ߲ ߛߐ߰ߡߊ߬ߘߊ ߇ ߕߎߡߊ ߝߊ߲߭ ߝߍ߬ ߟߋ߬.
ߊ߬ ߘߋ߲ߞߍ ߣߌ߫ ߞߌ߲߬ߘߊ߬ ߞߣߐ߬ߡߐ߮ ߟߎ߬ ߛߘߍߡߊ߲߫ ߠߋ߬ ߞߵߌ ߛߋߞߏ ߞߍ߫،ߛߊ߫ ߞߊ߬ ߛߋ߫ ߡߏ߬ߛߏ ߣߌ߲߬ ߡߞߊߘߊ߲߫ ߠߊ߫ ߥߊ߬ߥߎߟߋ߲ ߣߌ߲߬ ߕߍߡߊ߬،ߓߊ߬ߙߌ߬ ߥߊߦߌߞߊ߫ ߹
ߊ߬ ߟߊߓߊ߲߫ ߘߊ߫ ߛߊ߬ߦߊ ߟߋ߬ ߡߊ߬ ߤߊ߲߰ ، ߞߊ߬ ߛߌ߰ߢߐ߲߰ߡߊ ߟߎ߬ ߣߌ߫ ߞߐߙߍ ߟߎ߬ ߕߏ߫ ߛߎ߬ߣߎ߲߫ ߘߍ߰ߜߍ ߘߐ߫.
ߟߌ߬ߤߟߊ ߟߎ߬ ߦߴߊ߬ ߔߋߔߘߋߟߊߕߍ߰ ߟߊ߫ ߞߏ߫ ߞߏߕߐ ߓߐߣߍ߲߫ ߕߍ߬ߘߍ ߟߋ߬ ߞߊ߬ ߕߊ߯ ߡߊ߲߬ߝߋ߲ ߠߎ߬ ߛߊ߲߬ ߦߌߟߊ، ߦߏ߫ ߊ߬ ߕߎ߲߬ ߘߍ߬ߙߌ߬ߣߴߏ߬ ߟߊ߫ ߢߊ ߡߍ߲ ߡߊ߬ ߞߘߐ߬ߡߊ߲߫߸ ߒ߬ߓߊ߬، ߊ߬ ߣߐ߬ ߊ߬ ߞߐߛߊ߬ߦߌ߲߬ ߠߊ߫ ߛߊ߫،ߊ߬ ߥߊ߫ ߘߊ߫ ߓߐ߫ ߊ߬ ߗߍ߬ ߖߊ߲߬ߞߊ߬ߙߏ߬ߕߐ ߡߊ߫.
ߏ߬ ߞߐߝߍ߬ ߊ߬ ߣߊ߬ ߘߊ߫ ߟߎ ߡߊ߬ ߞߊ߬ ߘߏ߲߬ ߊ߬ ߛߌ߰ ߓߏ߲߫ ߞߣߐ߫ ߞߵߊ߬ ߘߋ߲ߞߍ ߟߊ߫ ߘߐ߬ߛߙߋ ߟߎ߬ ߕߊ߬،ߏ߬ ߡߍ߲ ߦߋ߫ ߡߊ߬ߖߌ߮ ߘߐ߫ ߝߊ߬ߙߊ߲߬ߛߌ߫ ߞߊ߬ߣߌ߲߬.
ߒ߬ߓߊ߬߸ ߕߎ߬ߡߊ ߏ߬ ߟߋ߬ ߟߊ߫ ߛߊ߫ ،ߡߊ߲߬ߞߊ߲ ߘߏ߫ ߣߐ߬ ߘߌ߫ ߞߍ߫ ߞߐߙߍ ߕߐ߬ߡߊ ߟߎ߬ ߟߊߛߐ߬ߓߌ߬ ߟߊ߫ ߏ߬ ߟߋ߬ ߘߐ߫ ߓߙߊ߬ߒ߬ߘߐ߬ ߓߟߏ ߡߊ߬.
ߞߊ߬ ߣߊ߬ ߕߏ߫ ߟߌ߬ߤߟߊ߬ ߡߊߞߌ߬ߣߌ߬ߞߌ߬ߣߍ߬ߣߍ߲ ߣߌ߲߬ ߞߎ߲߬ߠߊߞߊ߬ ߟߊ߫.
ߊ߬ ߞߐ߬ߣߌ߲߬ ߡߊ߫ ߟߐ߲߫ ߝߟߐ߫، ߡߍ߲ ߞߍߣߍ߲߫ ߕߊ ߟߊߓߐߟߌ ߣߌ߲߬ ߞߎ߲߬ ߖߐ߲ߖߐ߲ ߘߌ߫،ߓߊߏ߬ ߏ߬ ߡߊ߫ ߟߊߕߍ߰ ߝߊ߰ߡߊ ߟߎ߬ ߓߟߏ߫ ߝߟߐ߫
ߟߌ߬ߤߟߊ߬ ߛߎ߮ ߣߌ߲߬ ߦߴߊ߲ ߦߟߌߓߌ߬ߟߊ߬ ߟߊ߫ ߢߎߡߍ ߟߊ߫ ߡߊ߬ߛߎ߬ߓߊ߬ߞߏ ߟߎ߫ ߟߋ߬ ߞߐ߫߸ ߡߍ߲ ߦߋ߫ ߓߐ߫ ߟߊ߫ ߓߏ߲߫ ߞߣߐߟߊ ߝߟߊߝߟߊ ߟߎ߬ ߓߊ߯ߙߊ߫ ߢߊ ߟߎ߬ ߘߐ߫.
ߏ߬ ߘߐ߫،ߡߐ߰ ߓߴߌ ߖߊ߲߬ߕߏ߬ ߢߎߡߍ ߟߎ߬ ߓߊ߯ߙߊ߫ ߢߊ ߟߎ߬ ߘߐ߫ ،ߞߵߊ߬ߟߎ߬ ߞߍ߫ ߊ߬ ߢߌ߬ߡߊ ߟߊ߫ ߛߐ߲߬߸ߏ߬ ߟߋ߬ ߘߌ߫ ߡߐ߰ ߞߛߌ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߛߎ߮ ߟߎ߬ ߡߊ߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߞߌ߲ߘߌߦߊ߫
