ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߡߍ߲ ߦߋ߫ ߡߊ߬ߟߌ ߞߊ߲ߓߍ߲ ߞߊ߲ߕߌ߮ ߘߌ߫߸ ߏ߬ ߞߊ߬ ߞߊ߲߫ ߞߋߟߋ߲߫ ߔߋ߫ ߟߋ߬ ߝߐ߫ ߡߊ߬ߟߌ ߕߎ߲ߞߊߙߊ߲ߞߋ ߟߎ߬ ߦߋ߫ ߙߎ߬ߛߌ߫ ߘߎ߰ߞߟߏ ߞߊ߲߬: ߏ߬ ߟߋ ߓߍ߲߭ ߘߌ߫، ߞߊ߬ߕߎ߲߯߸ ߙߎ߬ߛߌ߬ ߊߝߙߌߞߌ߬ ߟߊ߫ ߜߊ߬ߙߊ ߞߍߞߏ߫ ߛߓߊߣߊ߲ ߓߍ߲߬ߒ߬ߛߋ߲߬ߡߊ ߟߋ߬ ߞߏߛߐ߲߬߸ ߡߊ߬ߟߌ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ <<ߖߡߊ߬ߣߊ߬ ߟߊߗߋ߲߬ߛߎ߬ߣߍ߲ ߝߏߦߌ߬ ߕߴߛߋ߫ ߞߍ߬ߟߍ ߞߍ߫ ߟߊ߫.>>

ߊ߬ ߣߌ߫ ߕߎ߲ߞߊߙߊ߲ߞߋ ߟߎ߬ ߟߊ߫ ߢߐ߲߯ߦߋ ߣߌ߲߬ ߘߐ߫߸ ߟߊ߬ߘߍ ߘߊߡߌ߬ߣߊ߬ ߘߊ߫ ߝߊ߬ߛߏ ߞߎ߲߬ߘߐ߲ߞߟߌ ߟߋ߬ ߟߊ߫ ߡߎߣߎ߲߬، ߡߊ߬ߟߌ ߟߊ߬ߛߌ߰ߘߋ߲ ߡߍ߲ ߦߋ߫ ߙߎ߬ߛߌ߬߸ ߞߟߍ߬ߕߌ߯ ߛߋ߬ߦߌߘߎ߬ ߞߊ߬ߡߌ߬ߛߐ߯߸ ߏ߬ ߞߵߊ߬ ߦߌ߬ߘߊ߬ ߞߏ߫ ߡߊ߬ߟߌ߬ߞߊ߫ ߂ ߅߀߀ ߟߋ߬ ߙߎ߬ߛߌ߬߸ ߡߍ߲ ߠߎ߬ ߦߋ߫ ߣߊ߲߬ߕߌ߰ߦߊ߬ ߛߊ߲ߘߐ ߞߊ߬ߙߊ߲ ߞߊ߲߬߸ ߊ߬ ߣߌ߫ ߛߏ߬ߝߊ߬ ߘߏߝߊ߯ߘߋ߲ ߠߎ߬ ߣߌ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߣߌ߫ ߘߎ߲߬ߘߎ߬ߡߊ߬ ߘߊߞߎ߲ ߘߏ߫ ߟߎ߫ ߘߐ߫.

ߞߊ߬ߙߊ߲߬ߠߊ߬ߘߋ߲ ߠߎ߬ ߟߊ߫ ߞߐߦߌߘߊ ߕߎ߲߬ ߦߋ߫ ߘߊߎߘߊ߬ ߖߓߊ߬ߕߍ߫ ߟߋ߬ ߘߌ߫߸ ߊ߬ ߣߌ߫ ߕߎ߲ߞߊߙߊ߲ߞߋ ߟߎ߬ ߝߣߊ߫ ߞߐߦߌߘߊ ߞߏ߲߬ߓߏ߫ ߖ߭ߏ߬ߗ߭ߍߝ ߖߊߛߣߊ߫߸ ߏ߬ ߟߎ߫ ߞߵߊ߬ߟߎ߬ ߤߊߡߌߣߊ߲ߞߏ ߟߎ߬ ߢߊߝߐ߫ ߞߊ߲ߕߌ߮ ߦߋ߫߸ ߞߊ߬ ߓߍ߲߬ ߞߊ߬ߙߊ߲ ߟߌ߬ߤߟߊ ߣߌ߫ ߓߊ߯ߙߊ߫ ߞߏ ߟߌ߬ߤߟߊ ߟߎ߫ ߡߊ߬.

ߢߐ߲߯ߦߋ߫ ߘߊߞߎ߲ ߢߌ߲߬ ߠߋ߬ ߘߐ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߊߛߡߌ߫ ߞߵߊ߬ ߟߊ߫ ߞߎߡߊ ߞߍ߫ ߓߡߊߣߊ߲߫ ߞߊ߲ ߠߋ߬ ߘߐ߫߸ ߏ߬ ߡߍ߲ ߦߴߊ߬ ߡߌ߬ߙߌ߲߬ߘߌ ߛߌߦߊߡߊ߲߫ ߠߊ߫ ߞߊ߲߫ ߝߐߕߊ ߘߌ߫، ߊ߬ ߦߋ߫ ߝߐ߫ ߟߊ߫ ߘߏ߫ ߟߎ߫ ߓߟߏ߫ ߞߏ߫ ߊ߬ ߞߎߡߊ߫ ߘߊ߫ ߔߎߕߌߣ ߝߍ߬ ߓߡߊߣߊ߲߫ ߞߊ߲ ߠߋ߬ ߘߐ߫߸ ߢߊߢߌߣߌ߲ߠߌ߲ ߓߍ߯ ߞߐߝߍ߬߸ ߊ߲ ߡߊ߫ ߞߌ߬ߛߍ߬ ߦߴߏ߬ ߞߏ ߘߐ߫ ߡߎߣߎ߲߬، ߣߴߊ߲ ߞߏ߬ߣߌ߲ ߞߊ߬ ߘߊ߬ߟߎ߫ ߛߐ߬ߘߐ߲߫ ߏ߬ ߟߊ߫߸ ߊߟߎ߫ ߕߍ߫ ߞߢߊ߬ ߟߊߞߍ߫ ߟߴߏ߬ ߞߊ߬ߟߊߡߊ߬.

ߞߊ߲ߕߌ߮ ߣߌ߫ ߕߎ߲ߞߊߙߊ߲ߞߋ ߟߎ߬ ߟߊ߫ ߞߎߡߊ ߣߌ߲߬ ߘߐ߫߸ ߊߛߡߌ߫ ߞߵߊ߬ ߦߌ߬ߘߊ߬ ߞߏ߫ ߙߎ߬ߛߌ߫ ߞߵߊ߬ ߟߊ߫ ߟߊ߬ߤߘߌ߫ ߕߊ߬ߣߍ߲ ߝߊ߫ ߟߋ߬ ߂߀߂߃ ߟߊ߫: ߣߴߏ߬ ߦߋ߫ ߓߊ߲߬ߘߊ߬ߡߌߘߊ߫ ߃߀߀ ߘߟߌ ߘߌ߫߸ ߡߊ߬ߞߟߐ ߟߎ߬ ߟߊߞߐ߮߸ ߞߐߓߌߟߊ߫ ߞߏ ߖߊ߬ߕߋ߬ߘߐ߬ߛߌ߮߸ ߛߊߣߊ߲ߞߙߐߓߊ߫ ߕߟߋ߬ߟߊ߬ߢߎ߬ߡߍ߬ ߕߊ߲ߓߊ߲، ߊ߬ ߣߌ߫ ߓߍ߲߬ߞߊ߲߬ ߛߌߦߊߡߊ߲߫߸ ߡߍ߲ ߞߟߊ߬ߣߐ߬ߦߊ߬ ߘߊ߫ ߜߊ߬ߙߊ ߣߌ߲߬ ߛߋ߲߭ߝߍ߬ ߣߊ߲߬ߝߟߏ߬ߦߊ߬ߟߌ ߡߊ߬ߘߎ߮ ߘߐ߫߸ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫߸ ߖߊ߬ߥߏ ߡߊ߬ߘߎ߮ ߘߐ߫߸ ߊ߬ ߣߌ߫ ߛߣߍ߬ߞߍ ߣߌ߫ ߡߊ߬ߘߏ߬ߣߌ߲߬ߠߌ߲.

ߊ߬ ߞߊ߬ ߝߏ߬ߟߌ߬ ߞߋߟߋ߲ ߏ߬ ߢߐ߲߰ ߠߊߛߋ߫ ߟߋ߬ ߊߝߙߌߞߊ߫ ߞߐߙ ߘߏ߲߬ߞߏ ߟߎ߫ ߡߊ߬߸ ߡߍ߲ ߠߎ߬ ߦߋ߫ ߡߊ߬ߟߌ ߣߊ߲߬ߕߌ߮ ߟߎ߬ ߡߊߘߍ߬ߡߍ߲ ߞߊ߲߬ ߞߌ߬ߢߍ߬ߞߏ߲ߞߏ߫ ߞߊ߲߬ ߓߊ߰ߓߊ߰ߟߌ߬ߟߊ ߟߎ߫ ߞߍ߬ߟߍ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߰ߓߊ߰ߟߌ ߞߍ߬ߟߍ ߦߴߏ߬ ߟߎ߬ ߓߟߏ߫ ߊ߬ߟߎ߬ ߓߟߏ߫ ߝߌ߬ߟߊ ߟߋ߬ ߘߐ߫، ߊ߬ ߞߵߊ߬ ߞߊ߲ߠߊߘߌ߫ ߡߊ߬ߟߌ ߘߋ߲ߡߌߛߍ߲ ߠߎ߬ ߡߊ߬߸ ߡߍ߲ ߠߎ߬ ߕߊ߬ߣߍ߲߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫، ߞߏ߫ ߊ߬ߟߎ߬ ߦߴߊ߬ߟߎ߬ ߘߐߖߊ߬߸ ߞߊ߬ ߡߊ߬ߙߌ߬ߝߊ ߓߌ߬ߟߊ߬߸ ߞߊ߬ ߝߊ߬ߛߏ ߕߊ߬.

ߊ߬ ߞߵߊ߬ ߢߌߣߌ߲߫ ߕߎ߲ߞߊߙߊ߲ߞߋ ߟߎ߫ ߝߍ߬߸ ߞߏ߫ ߊ߬ߟߎ߬ ߦߴߊ߬ߟߎ߫ ߖߊ߲߬ߕߏ߬ ߞߏߛߓߍ߫߸ ߘߍ߬ߞߙߏߝߏ ߟߊ߫ ߓߎ߯ߟߌ ߕߎ߬ߡߊ ߢߌ߲߬ ߠߊ߫، ߊ߬ ߓߊ߲߫ ߘߊ߫ ߞߵߊ߬ ߝߐ߫ ߞߏ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߞߙߎߝߊߢߐ߲߯ߦߊ ߞߣߐ ߘߝߊߣߍ߲߫ ߠߋ߬ ߕߋ߲߬ ߞߐߟߌߞߐߟߌ߫، ߓߊߏ߬߸ ߞߏ߫ ߛߌ߲߬ߝߏ߲߬ߘߊ ߓߍ߯ ߘߝߊߣߴߊ߬ ߞߣߐ߫.

ߊ߬ ߞߵߊ߬ ߝߐ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߦߋ߫߸ ߞߏ߫ ߊ߬ ߘߴߊ߬ ߢߊ ߡߊߖߌ߰ ߊ߬ߟߎ߬ ߟߊ߫ ߡߞߊ߬ߛߌ߬ߞߊ߲ ߠߎ߬ ߞߘߐ߫߸ ߊ߬ ߕߌ߯ߕߌ߯ ߊ߬ߟߎ߬ ߟߊ߫ ߘߏߝߊ߯ ߞߏ ߢߊߓߐ، ߣߊ߲߬ߕߌ߮ ߡߍ߲ ߠߎ߬ ߝߣߊ߫ ߦߋ߫ ߟߊ߬ߞߐ߰ߟߌ ߟߊ߫߸ ߊ߬ ߞߵߊ߬ ߝߐ߫ ߏ߬ ߟߎ߬ ߦߋ߫ ߞߏ߫ ߊ߬ߟߎ߬ ߥߊ߫ ߞߏߢߊ߬.

ߊ߬ߟߎ߫ ߞߊ߬ ߡߌ߬ߛߍ߲߬ ߞߋߟߋ߲߫ ߛߌߡߊߟߌ߫ ߟߋ߬ ߞߍ߫ ߡߐ߰ ߟߎ߬ ߦߋ߫߸ ߡߍ߲ ߠߎ߬ ߕߏߣߴߊ߬ ߘߐ߫ ߓߊ߰ߓߊ߰ߟߌ ߞߏߛߐ߲߬.