ߡߐ߰ ߞߐ߬ߣߐ߲߬ߘߐ߫ ߟߋ߬ ߝߊ߰ߣߍ߲߫ ߞߎߣߎ߲߬ ߞߊ߯ߙߌ ߡߊ߬߸ ߊߙߌߞߌ߬ ߞߊ߬ߝߏ ߘߏ߫ ߞߣߐ߫ ߞߏ߫ ߝߑߟߏߙߌߘ، ߞߊ߬ߕߎ߲߯߸ ߛߊ߲ߡߊߞߎߟߎ߲߫ ߘߋ߲ߣߍ߲߫ ߟߊߙߑߖߍߕ ߆߀ ߟߋ߬ ߥߎ߬ߦߊ߬ߣߍ߲߫ ߞߌ߲߬ߘߊ ߘߏ߫ ߞߣߐ߫߸ ߞߊ߬ߝߏ ߛߊ߲ߡߊߘߊ߲ ߡߊ߬ߡߙߊ߬ߟߌ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.

ߊߡߙߌߞߌ߬ ߞߟߊ߬ߕߌ߮ ߡߍ߲ ߘߐ߱ߘߏ߲߬ߣߍ߲߫ ߡߊ߬ߘߏ߬ߣߌ߲߬ߠߌ߲ ߠߊ߫߸ ߣߴߊ߬ ߕߐ߯ ߞߏ߫ ߛ߭ߏߣ ߘߍ߳ߝߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߖߌ߬ߦߊ߬ߖߟߎ߬ ߞߎ߲ߞߎߘߎ߲ ߡߍ߲ ߦߋ߫ ߝߌߙߌ߲ߝߌߙߌ߲߫ ߠߊ߫ ߓߟߐߟߐ ߞߊ߲߬߸ ߏ߬ ߦߋ߫ ߕߎ߬ߢߊ ߟߋ߬ ߘߌ߫ ߖߐ߫، ߞߏ߫ ߡߐ߰ ߛߌ߫ ߕߘߍ߬ ߛߊ߲ߡߊߞߎߟߎ߲ ߣߌ߲߬ ߞߣߐ߫߸ ߊ߬ ߓߍ߯ ߟߋ߬ ߓߣߐ߬ ߘߴߊ߬ ߣߌ ߘߐ߫ ߞߊ߯ߙߌߟߏ߲ ߛߎ ߏ߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍߣߍ߲߫ <<ߡߊ߬ߛߎߓߊ ߘߝߊߣߍ߲>> ߠߋ߬ ߘߌ߫.

ߟߊ߬ߛߋ߬ߟߌ ߡߍ߲ ߞߍ߫ ߘߊ߫ ߞߙߎߝߊ ߛߊ߲ߡߊߘߊ߲ ߠߎ߬ ߡߊ߬ߡߙߊ߬ߟߌ߬ߘߊ ߓߟߏ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߊ߲ߡߊߞߎߟߎ߲ ߣߌ߲߬ ߞߵߊ߬ ߜߊ߲߫ ߕߍߞߑߖ߭ߊߛ ߡߊ߲߬ߕߏ߲߬ߕߍ߬ ߛߊ߲ߡߊߘߊ ߠߋ߬ ߟߊ߫߸ ߞߵߊ߬ ߞߎ߲߬ߛߌ߲߫ ߓߤߊߡߊ߫ ߛߊ߲ߡߊߘߊ߲ ߘߏ߫ ߟߊ߫.

ߊ߬ߟߎ߫ ߞߵߊ߬ ߟߊ߫ ߞߎߡߊ ߞߊ߲߬ ߝߣߊ߫߸ ߞߏ߫ ߊ߬ߟߎ߬ ߘߌߣߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߊ߬ߟߎ߬ ߣߌ߫ ߡߊ߬ߘߏ߬ߣߌ߲߬ߠߌ߲ ߠߎ߬ ߟߊ߬ߞߊ߲߬ߘߊ߬ߟߌ ߛߓߍߘߊ߫ ߝߊ߬ߛߏ߬ߟߊ߬ߞߊ ߘߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߖߐ߲߰ߛߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍߢߊ ߣߴߊ߬ ߕߊ߬ߡߌ߲߬ ߢߊ ߘߌ߫ ߟߐ߲߫.

ߕߐ߲ߓߟߏߡߊ ߟߎ߬ ߟߊ߫ ߛߓߍߘߊ ߞߵߊ߬ ߦߌ߬ߘߊ߬ ߞߏ߫ ߛߊ߲ߡߊߞߎߟߎ߲ ߣߌ߲߬ ߥߎ߬ߦߊ߬ ߘߊ߫ ߦߙߐ ߡߍ߲ ߘߐ߫߸ ߞߎߘߍ߫ ߁߀ ߘߐߙߐ߲߫ ߠߋ߬ ߕߍ߬ߘߍ߫ ߦߋ߲߬ ߣߌ߫ ߘߏߣߊߟ ߕߑߙߐ߲ߔ ߡߊߞߍ߫ ߦߙߐ ߕߍ߫߸ ߏ߬ ߡߍ߲ ߦߋ߫ ߔߊ߯ߡ ߓߌߗ ߕߌ߲ߕߊ߲ ߞߣߐ߫.

ߊߡߙߌߞߌ߬ ߝߐ߰ߓߍ߬ߘߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߘߏߣߊߟ ߕߑߙߐ߲ߔ ߓߐ߫ ߘߴߊ߬ ߡߊߞߍ߫ ߦߙߐ ߏ߬ ߘߐ߫ ߞߊ߯ߙߌߟߏ߲߫ ߞߋߟߋ߲ ߏ߬ ߛߐ߰ߡߊ߬ߘߊ ߟߋ߬ ߟߊ߫ ߞߊ߬ ߥߊ߫ ߊߦߌߦߏߥߊ߫߸ ߊ߬ ߣߌ߫ ߞߊ߲ߖ߭ߊߛ߸ ߞߊ߬ ߥߴߊ߬ ߟߊ߫ ߢߣߊߕߊߟߌ ߓߋߟߋ߲ߠߊ ߞߍ߫ ߞߊ߲ߡߊ߬ ߦߋ߲߬ ߠߎ߬ ߘߐ߫߸ ߟߐ߬ߒ߬ߞߋ߬ߟߊ߬ ߕߍߡߟߊ ߢߣߊߕߊߟߌ ߡߊ߬ߛߎߘߎ߲ߧߊ ߣߌ߲߬ ߘߐ߫ ߞߊ߬ߣߌ߲߬، ߞߊ߬ߕߎ߲߯߸ ߜߟߍ߬ߦߊ ߘߏ߫ ߟߎ߫ ߞߎߡߊ ߓߘߊ߫ ߝߐ߫ ߊ߬ ߟߊ߫ ߞߙߎߞߊ ߟߊ߫ ߞߎ߲߬ߠߊ߫.