ߛߋ߲߬ߘߐ߬ߞߎߟߎ߲ ߝߋ߲߫ ߓߐ߫ ߟߊ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫ ߡߎ߬ߕߎ߲߫ ߞߵߊ߬ ߞߎ߲߬ߛߌ߲߫ ߓߡߊ߬ߞߐ߬ ߟߊ߫߸ ߝߏ߫ ߖߡߊ߬ߙߌ߬ ߞߎߘߊ߫ ߦߋ߫ ߕߊ߬ ߕߎ߬ߡߊ ߡߍ߲ ߠߊ߫، ߏ߬ ߝߐ߫ ߘߊ߫ ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߋ߬ ߓߟߏ߫߸ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߞߏ߲߬ߓߏ ߊߓߋ߬ߛߊ، ߓߊߏ߬߸ ߊ߬ߟߎ߫ ߞߊ߬ ߖߊ߲߬ߞߊ߬ߙߏ߬ߕߐ ߘߏ߫ ߟߋ߬ ߟߊߓߐ߫ ߖߌ߬ߣߍ߫ ߦߊ߲߬ ߞߵߊ߬ ߟߊߕߊ߯ ߡߊ߬ߟߌ ߓߡߊ߬ߞߐ߫߸ ߦߋ߲߬ ߘߊ߲ߘߊߟߌߟߊ ߟߎ߫ ߞߵߊ߬ߟߎ߫ ߓߊ߲߬ ߊ߬ ߟߊߛߣߍ߫ ߞߏ ߡߊ߬߸ ߞߏ߫ ߓߊߏ߬ ߊ߬ ߓߐߣߍ߲߫ ߖߌ߬ߣߍ߫ ߟߋ߬.

ߘߊ߯ߕߌ߯ ߘߊ߲ߘߊߟߌߟߊ ߣߌ߲߬ ߞߵߊ߬ ߝߐ߫߸ ߞߏ߫: <<ߊ߬ߟߎ߫ ߞߵߊ߬ߟߎ߬ ߕߊ߯ߡߊ߫ ߓߡߊ߬ߞߐ߬ ߢߊߝߍ߬߸ ߊ߬ߟߎ߬ ߓߊ߯ ߛߋ߫ ߦߙߐ ߺ ߦߙߐ߫߸ ߓߟߏ ߡߊ߫ ߛߌ߰ ߊ߬ߟߎ߬ ߞߘߐ߫߸ ߞߏ߫ ߊ߬ߟߎ߬ ߕߍ߫ ߖߌ߬ߣߍ߫ ߖߊ߲߬ߞߊ߬ߙߏ߬ߕߐ ߝߍ߬.>>

ߖߊ߲߬ߞߊ߬ߙߏ߬ߕߐ ߡߍ߲ ߠߊ߫ ߞߎߡߊ ߦߴߌߘߐ߫ ߣߌ߲߬߸ ߊ߬ ߕߐ߯ ߟߋ߬ ߞߏ߫ ߕߏߡߊߛ߸ ߊ߬ߟߋ ߦߋ߫ ߓߙߎߞߌߣߞߊ߫ ߛߊߣߌ߲߫ ߢߌߣߌ߲ߠߊ ߟߋ߬ ߘߌ߫߸ ߡߍ߲ ߕߍ߬ߘߍ߫ ߛߌ߱ ߘߐ߫ ߓߎ߬ߙߋ߬، ߊ߬ ߟߊߟߊ߫ ߘߊ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫ ߂߀߂߆ ߣߍߣߍߓߊ ߕߋ߬ߟߋ߫ ߃ ߟߋ߬ ߡߊ߬ ߀߃ߕߎߡߊ߄߀ ߟߊ߫، ߊ߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍ߫ ߔߏߔߏ ߞߊ߲߬߸ ߞߵߊ߬ ߜߍ߬ߟߍ߲ ߞߊߘߌ߫، ߘߊ߲ߘߊߟߌ ߡߊ߬ߝߟߍ߬ߟߌ ߞߐߝߍ߬߸ ߊ߬ ߦߋ߫ ߘߊ߫ ߞߏ߫ ߊ߬ ߛߋ߲߭ ߞߊߘߌߣߍ߲߫ ߢߊ ߡߍ߲ ߡߊ߬ ߏ߬ ߘߌ߫߸ ߏ߬ ߕߍ߫ ߛߋ߫ ߓߊߛߌ߫ ߟߊ߫ ߛߌ߯ߙߌ߲߫ ߘߊ߲ߘߊߛߏ ߟߊ߫، ߏ߬ ߟߋ ߞߍ߫ ߘߴߊ߬ ߕߊ߬ ߢߊ ߘߌ߫ ߕߏߡߊߛ ߖߍ߬ߘߍ ߟߊ߫ ߟߊ߬ߢߌߣߌ߲ ߞߣߐ߫ ߞߊ߬ ߥߴߊ߬ ߘߌ߫ ߓߡߊ߬ߞߐ߫.

ߘߊ߲ߘߊߟߌߟߊ ߘߏ߫ ߣߌ߫ ߛߍߡߊ ߟߎ߫ ߞߵߊ߬ ߓߌ߬ߟߊ߫ ߛߋ߲߬ߘߐ߬ߞߎߟߎ߲ ߞߣߐ߫ ߣߍߣߍߓߊ ߕߟߋ߬ ߄ ߠߋ߬ ߡߊ߬ ߁߄ߕߎߡߊ߅߀، ߛߋ߲߬ߘߐ߬ߞߎߟߎ߲ ߥߊ߫ ߘߊ߫ ߘߏ߲߬ ߘߊ߲ߘߊߛߏ߫ ߜ߭ߊߓߙߌߦߍߟ ߕߎߙߋ ߟߊ߫ ߁߉ߕߎߡߊ߃߀ ߟߋ߬ ߟߊ߫، ߞߏ߬ߣߌ߲߬߸ ߊ߬ߟߎ߬ ߡߊ߫ ߛߐ߲߬ ߊ߬ߟߎ߬ ߓߟߏ ߛߌ߰ ߟߴߊ߬ ߞߘߐ߫ ߡߊ߬ߟߌ ߞߎߓߋߘߊ ߟߊ߫ ߦߋ߲߬߸ ߞߏ߫ ߓߊߏ߬ ߊ߬ߟߎ߬ ߓߐߣߍ߲߫ ߖߌ߬ߣߍ߫ ߟߋ߬ ߞߊ߬ ߥߊ߫.

 ߘߊ߲ߘߊߟߌߟߊ ߞߊ߲߫ ߞߏ߫ ߊ߬ߟߋ ߞߊ߬ ߞߟߌߟߌ ߞߍ߫߸ ߊ߬ ߡߊ߫ ߛߴߊ߬ߟߎ߬ ߡߊߛߐ߬ߘߐ߲߬ ߠߊ߫، ߓߊ߬ߙߌ߬߸ ߟߊ߬ߓߏ߬ߙߟߌ߬ߟߊ ߟߋ߬ ߞߵߊ߬ ߢߊߦߋ߫ ߛߊ߫߸ ߝߏ߫ ߓߟߏ ߛߋ߫ ߘߊ߫ ߛߌ߰ ߟߊ߫ ߖߊ߲߬ߞߊ߬ߙߏ߬ߕߐ ߞߘߐ߫، <<ߟߊ߬ߓߏ߬ߙߟߌ߬ߟߊ ߞߵߊ߬ ߞߐߛߊ߬ߦߌ߲߬ ߜ߭ߊߓߙߌߦߍߟ ߕߎߙߋ߫، ߊ߬ ߛߋ ߦߋ߲߬߸ ߊ߬ ߞߵߊ߬ ߝߐ߫ ߊ߬ߟߎ߬ ߦߋ߫ ߞߏ߫ ߒ߫߹ (ߊߟߎ߫ ߣߐ߬ ߊߟߎ߫ ߓߊ߲߬ ߠߊ߫ ߖߊ߲߬ߞߊ߬ߙߏ߬ߕߐ ߡߍ߲ ߘߐ߫ ߣߌ߲߬߸ ߖߌ߬ߣߍ߬ߞߊ߫ ߕߍ߫ ߘߋ߬߸ ߓߙߎߞߎߣߞߊ ߟߋ߬). ߏ߬ ߝߐ߸ ߊ߬ߟߎ߫ ߞߵߊ߬ߟߎ߬ ߓߟߏ ߛߌ߰ ߖߊ߲߬ߞߊ߬ߙߏ߬ߕߐ ߞߘߐ߫.>> ߞߏ߲߬ߓߏ ߊߓߋ߬ߛߋ ߞߵߏ߬ ߝߐ߫.

ߘߊ߲ߘߊߟߌߟߊ ߞߵߊ߬ ߦߌ߬ߘߊ߬ ߞߏ߫ ߓߍ߲߬ߡߊ߬ߞߊ߲ ߡߍ߲ ߦߴߊ߬ߟߎ߬ ߣߌ߫ ߜ߭ߊߓߙߌߦߍߟ ߕߎߙߋ ߕߍ߫߸ ߏ߬ ߟߎ߬ ߡߊ߫ ߓߍ߲߬ߞߊ߲߬ߡߊ ߏ߬ ߡߊߓߏ߲߬ߧߊ߬، ߓߊߏ߬߸ ߊ߬ߟߎ߫ ߓߍ߲߬ߣߴߊ߬ ߡߊ߬ ߟߋ߬ ߞߏ߫ ߖߊ߲߬ߞߊ߬ߙߏ߬ߕߐ ߡߍ߲ ߠߎ߬ ߓߕߐ߫ ߖߌ߬ߣߍ߬ ߞߣߐ߫߸ ߞߏ߫ ߞߊ߬ ߘߐ߰ߘߏ߲߬ ߞߍ߫ ߏ߬ ߟߎ߬ ߟߊ߫ ߞߊߟߌߦߊ߫ ߓߟߏ ߡߊ߬، ߏ߬ ߟߋ ߞߏߛߐ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߡߙߊ߬ߘߊ߬ߓߊ ߜߋߙߋ߲ߜߋߙߋ߲ߧߊ ߗߋߕߌ߯ߘߊ ߟߊߛߏ߬ߓߌ߬߸ ߞߊ߬ ߞߟߍ߬ߡߐ߰ߟߊ߬ ߟߊߛߏ߬ߓߌ߬߸ ߞߵߏ߬ ߟߊ߫ ߕߐ߲ߕߌ߯ߟߊ߫ ߣߌ߫ ߞߊ߲ߓߍ߲ ߞߕߌߞߊ߲ߘߊ ߞߊ߲߬.

ߏ߬ ߟߋ ߞߏߛߐ߲߬߸ ߊ߬ߟߎ߬ ߝߣߊ߫ ߞߊ߬ ߡߙߌߘߐߕߊ߬߸ ߞߏ߫ ߞߵߊ߬ ߕߊ߬ ߓߌ߬ ߡߊ߬ ߛߍߣߍ߲߬ <<ߤߊ߲߯ ߖߡߊ߬ߙߌ߬ ߞߎߘߊ߫ ߦߋ߫ ߕߊ߬ ߟߏ߲ ߡߍ߲߸ ߡߐ߰ ߛߌ߫ ߕߍ߫ ߟߊߕߊ߯ ߟߊ߫ ߡߊ߬ߟߌ ߟߊ߫ ߡߎ߬ߕߎ߲߬.>> ߏ߬ ߘߐ߫߸ ߞߏ߫ ߊ߬ߟߎ߬ ߟߊ߫ ߡߐ߱ ߓߍ߯ ߥߊߕߐ߫ ߡߎ߬ߕߎ߲߬ <<ߞߊ߲ߞߊ߲߫߸ ߤߊߡߊ߲ߕߍ߫ ߞߐߣߊߞߙߌ߫.>>

ߞߏ߲߬ߓߏ ߊߓߋ߬ߛߋ ߞߏ߬ߣߌ߲ ߡߴߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫߸ ߞߊ߬ ߝߐ߫ ߞߏ߫ ߣߌ߲߬ ߞߏ ߛߓߊߓߎ ߞߍߣߍ߲߫ ߘߊ߬ߡߊ߲߬ ߓߊ߯ߙߊ ߟߊߟߐ߬ ߞߏ ߢߌ߲߬ ߠߋ߬ ߘߌ߫، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߊ߬ ߞߏ ߞߍߟߌ ߣߴߏ߬ ߡߊ߲߬ߞߊ߲߲ ߠߋ߬ ߓߍ߲߬ߣߍ߲߬، ߞߊ߬ߕߎ߲߯߸ ߞߏ߲ߓߌߕߌ߮ ߟߊߓߊ߲ ߠߊ߫߸ ߘߊ߬ߡߊ߲߬ ߓߊ߯ߟߊ ߟߊߟߐ߬ ߘߊ߫ ߟߋ߬ ߛߌ߯ߙߌ߲߫ ߕߌ߲߬ߞߎߘߎ߲ ߘߐ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߊ߬ߡߊ߲߬ߛߋ߲߬ߠߊ ߟߎ߬ ߟߊߓߐ߫ ߘߊ߬ߡߊ߲߬ߘߊ ߟߎ߬ ߟߊ߫، ߏ߬ ߟߋ ߛߌߟߊ ߝߍ߬߸ ߡߊ߬ߟߌ߬ߞߊ ߟߎߎ߬ ߣߌ߫ ߓߙߎߞߌߣߞߊ ߟߎ߬ ߣߌ߫ ߖߡߊ߬ߣߊ߬ ߜߘߍ ߡߐ߱ ߡߍ߲ ߠߎ߬ ߕߍ߬ߘߍ߫ ߘߊ߬ߡߊ߲ ߠߎ߬ ߞߣߐ߫߸ ߏ߬ ߟߎ߬ ߝߣߊ߫ ߦߴߊ߬ߟߎ߬ ߞߐߛߊ߬ߦߌ߲ ߞߊ߲߬ ߞߊ߬ ߥߴߊ߬ߟߎ߬ ߓߘߊ.

ߊ߬ ߖߍ߬ߘߍ߸  ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ ߡߍ߲ ߠߎ߬ ߦߋ߫ ߞߍ߫ ߟߊ߫߸ ߏ߬ ߟߎ߬ ߞߊ߲߫ ߠߋ߬ ߞߏ߫ ߊ߬ߟߎ߬ ߟߊ߫ ߡߐ߱ ߟߎ߬ ߜߍ߲ߣߍ߲߫ ߠߋ߬، ߡߊ߬ߟߌ ߞߏߕߌ߯ ߝߟߐ ߕߊ߯ ߘߊ߫ ߟߋ߬ ߓߐߒߡߊߟߌ ߟߊ߫ ߞߎ߬ߙߋߡߊ߬ߟߋ߲߬ ߞߎߣߎ߲߬، ߏ߬ ߟߎ߬ ߟߊ߫ ߖߊ߬ߕߋ߬ߛߎ߬ ߓߐߣߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߐ߰ ߄߀ ߀߀߀ ߖߊ߬ߕߋ߫ ߟߋ߬ ߟߊߓߐߣߍ߲߫ ߖߌ߬ߣߍ߬ ߞߣߐ߫.