ߞߎ߲߬ߠߊ߬ߛߌ߰ߟߌ ߟߎ߬ ߕߌ߲߬ߞߎߘߎ߲߫ ߣߌ߲߬ ߞߣߐ߫
ߟߐ߲ߞߏ ߣߌ߫ ߜߋߙߋ߲ߜߋߙߋ߲ߧߊߓߌ߬ ߟߋ߬ ߓߌߦߊ߲ ߠߎ߬ ߟߊ߫ ߝߊ߬ߕߐ߬ߦߊ ߣߴߊ߬ߟߎ߬ ߟߊ߫ ߗߌ߲ߠߌ߲ ߞߍ߬ߟߍ ߟߏ߲ߓߊ ߘߌ߫، ߒ߬ߓߊ߬߸ ߥߟߎ߬ ߓߟߏߕߋ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߜߞߋߘߎ߯ ߞߣߐ߫ ߞߐ߬ߓߊ߬ߟߏ߲ ߢߌ߲߬ ߡߊ߬߸ ߂߀߂߆ ߕߎߟߊߝߌ߲ ߕߋ߬ߟߋ߫ ߂߈ ߡߊ߬.
ߜߋߙߋ߲ߜߋߙߋ߲ߧߊߞߏߕߍߓߊ߲߫ ߠߊ߫ ߘߏߕߎ ߛߓߍߘߊ ߣߐ߬ ߞߎߟߎ߲ߖߋߟߌ ߝߏ߬ߟߌ߬ ߓߟߏߕߍ߰ߓߊߟߌ ߟߋ߬ ߟߊߛߋ߫ ߟߊ߫ ߒߞߏ ߘߏ߲߬ߞߏ ߟߎ߫ ߡߊ߬߸ ߞߊ߬ ߓߍ߲߬ ߊ߬ߟߎ߬ ߟߊ߫ ߛߊ߲߬ߠߊ߬ ߟߊߞߐ߯ߟߌ ߞߍߞߏ߫ ߛߓߊߣߊ߲ ߛߎߘߊ߲ ߡߊ߬ ߞߐߣߊߞߙߌ߫߸ ߛߎߘߊ߲ ߞߐߟߌߞߐߟߌ ߟߊ߫.
ߜߋߙߋ߲ߜߋߙߋ߲ߧߊߢߐ߲߯ߦߋߓߊ߫ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߒ.ߓ.ߘ ߓߟߏ߫ ߞߊ߲ߞߊ߲߫ ߡߙߊ߬ߘߊ߬ߓߊ ߡߙߊ߬ߓߊ߰ߘߊ ߞߣߐ߫ ߞߍ߲ߘߍߟߏ߲ ߢߌ߲߬ ߡߊ߬߸ ߒ.ߓ.ߘ ߞߏߟߊߕߍ߮ ߟߎ߬ ߛߋ߫ ߘߴߊ߬ߟߎ߬ ߟߊ߫ ߛߌ߲߬ߝߏ߲߬ߧߊ߬ߟߌ ߦߌ߬ߘߊ߬ ߟߊ߫ ߡߍ߲ ߞߣߍ ߞߊ߲߬߸ ߞߵߊ߬ߟߎ߬ ߟߊ߫ ߞߍߣߍ߲ ߠߎ߬ ߝߐ߫߸ ߞߵߊ߬ߟߎ߫ ߣߕߊ߬ ߘߐ߬ ߞߏ ߟߎ߬ ߝߣߊ߫ ߝߐ߫߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߰ߟߊ ߣߌ߫ ߡߙߊ߬ߓߊ߮ ߓߍ߯ ߢߊ ߦߋ߫ ߜߍ ߘߐ߫ ߤߊ߲߯ ߞߊ߬ ߟߊ߬ߘߍ ߞߎ߲߭ߝߊ߰.
ߟߐ߲ߞߏ ߣߌ߫ ߜߋߙߋ߲ߜߋߙߋ߲ߧߊߝߘߊ߬ߝߌ߲߬ߠߊ߫ ߕߟߋ߬ߓߋ ߖߡߊ߬ߣߊ߬ ߛߌߦߊߡߊ߲߫ ߘߊ߲ߘߊߟߌߟߊ ߟߎ߫ ߟߋ߬ ߣߐ߬ ߊ߬ߟߎ߬ ߢߐ߯ߓߍ߲߬ ߠߊ߫ ߞߐߣߊߞߙߌ߫߸ ߊ߬ߟߎ߬ ߟߊ߫ ߝߘߊ߬ߝߌ߲߬ ߘߊ߲ߘߊߟߌ ߟߐ߲ߠߌ߲ ߠߎ߬ ߡߊߞߊ߬ߝߏ߬ ߞߊ߲ߡߊ߬.
ߜߋߙߋ߲ߜߋߙߋ߲ߧߊߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߡߐ߰ ߁ ߈߀߁ ߠߋ߬ ߓߘߊ߫ ߛߊ߬ߦߊ ߡߊߛߐ߬ߘߐ߲߬ ߋߓߏߟߊ ߖߊ߲߬ߞߊߙߏ ߞߏߛߐ߲߬، ߏ߬ ߞߎߡߊ ߝߐ߫ ߘߴߊ߬ߟߎ߬ ߟߊ߫ ߝߐ߰ߓߍ߬ߘߊ ߟߎ߬ ߣߌ߫ ߓߌ߬ߟߊ߬ߢߐ߲߰ߡߊ ߞߏߕߌ߯ߘߊ ߟߋ߬ ߓߟߏ߫ ߟߊ߬ߛߋ߬ߟߌ ߘߏ߫ ߘߐ߫.
ߜߋߙߋ߲ߜߋߙߋ߲ߧߊߘߊ߲ߘߊߟߌߟߊ߫ ߡߐ߰ ߦߙߌߞߊ ߟߋ߬ ߣߐ߬ ߝߎ߬ߙߎ߲߬ߞߎ߬ߟߌ ߛߌ߰ ߟߊ߫ ߛߋ߲߬ߠߊ߫ ߓߌ߬ ߞߍ߲ߘߍߟߏ߲ ߞߊ߬ߙߌ߬ߝߐ ߕߋ߬ߟߋ߫ ߂߅ ߂߀߂߆ ߣߌ߲߬ ߡߊ߬ ߋߓߏߟߊ ߘߊ߲ߘߊߛߏ߫ ߕߊ߲ߓߊ߲ ߋߟߌߞߌߦߊ߫ ߟߊ߫߸ ߓߎߣߌߦߊ߫ ߛߏ ߞߣߐ߫߸ ߞߊ߬ ߓߊ߯ߙߊ ߟߊߟߐ߬ ߊ߬ߟߎ߬ ߓߟߏ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߫ ߛߙߊ߬ߓߊ߬ߟߌ߬ߦߊ ߘߌ߫ ߞߊߙߏ߫ ߝߌ߬ߟߊ߫ ߖߊ߬ߣߍ߲߬ ߞߘߐ߫، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߋߓߏߟߊ ߝߎ߬ߖߎ߰ߖߎ߬ߓߊ߰ߕߐ ߓߘߊ߫ ߛߎ߬ߘߎ߲߬ߧߊ߫ ߡߐ߰ ߃ ߀߀߀ ߘߐ߫.
ߜߋߙߋ߲ߜߋߙߋ߲ߧߊߘߎߢߊ߫ ߞߍ߲ߘߍߦߊ ߞߏߟߊߘߍ ߟߎ߬ ߟߊ߫ ߦߟߌߡߊߛߌ߮ ߣߴߊ߬ ߕߊ߫߸ ߋߓߏߟߊ ߝߎ߬ߖߎߖߎ ߦߋ߫ ߕߊ߬ߡߌ߲߬ ߠߊ߫ ߝߊ߲߬ߞߊ ߟߋ߬ ߛߐ߬ߘߐ߲߬ ߠߊ߫ ߓߍ߯ߦߊ ߞߏ߲߬ߜ߭ߏ߬ ߞߊ߲ߓߍ߲ ߞߣߐ߫، ߏ߬ ߟߋ ߘߐ߫߸ ߞߣߊߘߊ߫ ߞߊ߬ ߟߊ߬ߛߋ߬ߟߌ ߞߍ߫߸ ߞߊ߬ ߞߏ߲߬ߜ߭ߏ߫ ߕߟߋ߬ߝߌ߬ߟߊ߬ ߞߍ߬ߟߊ ߟߎ߬ ߟߊ߫ ߘߏ߲߬ߠߌ߲ ߠߊߕߐ߲߫ ߞߣߊߘߊ߫ ߖߡߊ߬ߣߊ ߞߣߐ߫.
ߜߋߙߋ߲ߜߋߙߋ߲ߧߊߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߦߋ߫ ߋߓߏߟߊ ߞߍ߬ߟߍ ߟߋ߬ ߞߊ߲߬ ߕߋ߲߬ ߢߊ ߓߍ߯ ߡߊ߬، ߓߊ߬ߙߌ߬߸ ߊ߬ ߞߏ ߦߋ߫ ߕߊ߬ߡߌ߲߬ ߠߊ߫ ߖߎ߯ߦߊ߫ ߟߊ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߞߊ߲߫ ߞߏ߫ ߡߐ߰ ߁ ߉߂߆ ߓߘߊ߫ ߛߐ߬ߘߐ߲߬߸ ߋߓߏߟߊ ߦߋ߫ ߡߍ߲ ߠߊ߫߸ ߇߀߂ ߓߘߊ߫ ߛߊ߬ ߋߓߏߟߊ ߞߏߛߐ߲߬߸ ߖߡߊ߬ߣߊ ߡߙߊ߬ߓߏ߬ߟߏ߲߬ ߟߏ߯ߟߎ߫ ߖߊ߬ߕߋ߬ ߞߣߐ߫.
ߜߋߙߋ߲ߜߋߙߋ߲ߧߊߛߎߘߊ߲߫ ߞߣߐߟߊ ߡߞߊ߬ߘߊ߲߬ߠߌ߲ ߛߌ߲߬ߝߏ߲߬ߘߊ ߘߏ߫ ߓߘߴߊ߬ ߟߊߛߋ߫ ߞߏ߫ ߕߏ߬ߒ߬ߞߊ߲߭ ߝߎ߬ߖߎ߰ߖߎ߮ ߓߘߊ߫ ߘߏ߲߬ ߘߎ߰ߣߍ߲߫ ߂߀ ߖߊ߬ߕߋ߬ ߞߣߐ߫߸ ߞߊ߬ ߡߐ߰ ߃߀ ߝߊ߰.
ߜߋߙߋ߲ߜߋߙߋ߲ߧߊߘߊ߲ߘߊߟߌߟߊ ߘߏ߫ ߟߋ߬ ߕߊ߯ߣߍ߲߫ ߕߘߍ߬ ߡߐ߰ߦߊ ߗߋߦߊߟߌ ߟߊ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߏ߬ ߓߘߊ߫ ߡߊߝߟߍ߫ ߞߵߊ߬ ߦߋ߫ ߞߏ߫ ߋߓߏߟߊ߫ ߓߊ߰ߙߋ߲ ߦߴߊ߬ ߝߊ߬ߘߌ ߞߘߐ߫، ߊ߬ߟߋ ߟߋ߬ ߞߍߣߍ߲߫ ߋߓߏߟߊߕߐ߫ ߝߟߐ ߘߌ߫ ߝߊ߬ߙߊ߲߬ߛߌ߬ ߞߣߐ߫ ߋߓߏߟߊ ߥߟߌ߬ ߞߏ߬ ߞߐߟߕߊ ߢߌ߲߬ ߘߐ߫߸ ߏ߬ ߞߎߡߊ ߝߐ߫ ߘߊ߫ ߜߋߙߋ߲ߜߋߙߋ߲ߧߊ ߞߏߕߌ߯ߘߊ ߟߋ߬ ߓߟߏ߫ ߓߌ߬ ߞߎߣߎ߲ߟߏ߲ ߢߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߄.
ߜߋߙߋ߲ߜߋߙߋ߲ߧߊߞߣߐߡߦߊ ߞߊߙߏ߫ ߉ ߕߎ߬ߜߍ߬ߕߎ߬ߜߍ ߣߴߊ߬ ߘߐߞߏ ߟߎ߬ ߘߐߞߊ߬ߙߊ߲߬ ߘߍ߫߸ ߞߊ߬ߙߊ߲߬ߝߊ ߡߏߙߌ߫ ߖߐ߲߬ߡߊ߬ߛߌߣߌ߲ߟߐ߲߫ ߞߡߊ߬ߙߊ߬ ߟߊ߫ ߞߊ߬ߟߊ ߞߣߐ߫.
ߜߋߙߋ߲ߜߋߙߋ߲ߧߊߕߊ ߞߍߣߍ߲߫ ߓߊߛߌ߫ ߝߎߝߎ߫ ߂߇߁ ߠߋ߬ ߘߐ߫ ߞߐ߬ߓߌߞߐ߬ߙߐ߫ ߛߎ߬ߣߎ߲߬ߞߎ߲߬ߓߊ ߞߊ߲߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߁߁߸ ߊ߬ߟߎ߬ ߦߌߘߊߞߊ߭ ߞߐ ߘߐ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߞߎ߲߬ߢߐ߲߯ ߕߊ߬ߡߌ߲߬ߣߍ߲، ߞߕߌ ߞߏߟߊߕߍ߮ ߟߎ߬ ߕߊ߬ߣߍ߲ ߞߵߊ߬ ߟߊ߫ ߜߋߙߋ߲ߜߋߙߋ߲ߧߊ ߘߏ߲߬ߞߏ ߟߎ߫ ߞߊ߲߬߸ ߊ߬ ߣߌ߫ ߟߊ߬ߞߊ߲߬ߘߊ߬ߟߌ ߝߊ߰ߡߊ ߟߎ߬߸ ߊ߬ߟߎ߬ ߓߊ߲ ߞߐ ߊ߬ ߟߐ߲߫ ߠߊ߫ ߞߏ߫ ߥߟߏߒߘߐ ߢߌ߲߬ ߠߎ߬ ߡߊ߲߫ ߘߌ߫ ߡߐ߱ ߟߎ߬ ߟߊ߫ ߞߍ߲ߘߍߦߊ ߟߊ߫߸ ߊ߬ߟߎ߫ ߞߵߊ߬ߟߎ߫ ߖߋ߬ߣߌ߲߬ ߞߏ ߡߙߌߘߐߦߊ߫ ߏ߬ ߟߋ ߘߐ߫.
ߜߋߙߋ߲ߜߋߙߋ߲ߧߊߖߋ߬ߟߌ߬ߛߌ߲ߓߌ ߟߋ߬ ߞߵߊ߬ ߞߍ߫ ߗߍ߭ ߣߌ߲߬ ߞߊ߲߬ ߂߀߂߃ ߟߊ߫߸ ߡߊߕߋߥ ߊߟߌߞ، ߊ߬ ߞߊ߬ ߡߌ߬ߛߍ߲߬ ߁߀ ߞߍ߫ ߓߎ߬ߙߋ߬ ߟߊ߬ ߛߦߊ ߘߐ߫߸ ߊ߬ ߣߊ߬ ߘߊ߫ ߥߌ߬ߟߌ߫ ߏ߬ ߞߐ ߘߐ߫، ߖߊ߲߬ߖߏ߲ ߡߍ߲ ߕߊ߬ߡߌ߲߬ ߘߊ߫ ߕߟߋ߬ ߘߊ߲ߘߐ ߏ߬ ߞߣߐ߫߸ ߝߏ߫ ߊ߬ ߞߊ߬ ߕߋ߬ߟߋ߫ ߃ ߝߣߊ߫ ߞߍ߫ ߜߘߎ ߘߐ߫߸ ߊ߬ ߛߋ߫ ߘߴߏ߬ ߞߍ߫ ߟߊ߫ ߞߝߊ߬ ߘߌ߫߸ ߞߊ߬ ߡߐ߱ ߟߎ߬ ߟߊߟߌ߫ ߊ߬ ߟߊ߫.
ߜߋߙߋ߲ߜߋߙߋ߲ߧߊߒߞߏ ߓߊߛߌߦߊ ߞߙߎߝߓߊ ߘߏ߲߬ߞߏ ߟߎ߬ ߓߘߊ߫ ߟߊߘߍ߬ ߞߊ߲ߞߊ߲߫ ߞߣߐ߫ ߕߟߋ߬ ߣߊ߯ߣߌ߲߫ ߟߊ߬ߞߐ߰ߟߌ ߞߊ߲ߡߊ߬߸ ߡߍ߲ ߓߍߣߊ߬ ߞߍ߫ ߓߏߟߏ߲ߓߊ߫ ߛߊ߬ߓߊ߫ ߞߊ߲߬: ߓߊߛߌߦߊ ߣߌ߫ ߟߊ߬ߕߙߎ ߣߌ߫ ߥߊߟߌߝߦߊ.
ߜߋߙߋ߲ߜߋߙߋ߲ߧߊߘߎ߰ߣߍ߲ ߢߌ߲߬ ߠߎ߫ ߘߏ߲߬ ߞߋߟߋ߲߫ ߕߍ߫ ߘߋ߬߸ ߡߊߡߎ߲߫ ߛߏ߫ ߞߣߐߟߊ ߝߣߊ߫ ߞߣߐ߫߸ ߞߌ߲߬ߘߊ ߘߏ߫ ߟߎ߫ ߕߐ߮ ߡߊߝߊ߬ߟߋ߲߬ ߘߊ߫ ߟߋ߬ ߦߋ߲߬ ߠߎ߬ ߘߐ߫߸ ߦߏ߫ ߓߜ߭ߎߤߐߦߌ߬ ߞߎ߲߬ߘߊ ߞߣߐ߫߸ ߛߊ߯ߓߎ߬ ߞߌ߲߬ߘߊ ߡߊߝߊ߬ߟߋ߲߬ ߘߊ߫ ߞߵߊ߬ ߞߍ߫ ߤߊߡߑߘߟߊߦߌ߬ ߘߌ߫، ߓߎ߯ߘߎ߫ ߞߎߦߋ߫ ߞߎ߲߬ߘߊ ߝߣߊ߫ ߞߣߐ߫߸ ߗߍߥߑߜ߭ߐߟ ߞߌ߲߬ߘߊ ߕߐ߮ ߦߟߍ߬ߡߊ߲߬ ߘߊ߫ ߞߵߊ߬ ߞߍ߫ ߘߊߙߑߛߊ߬ߟߊߡ ߘߌ߫، ߤߊߟߌ߬ ߔߋߕߍߟ ߖߌߘߊ߬ ߘߝߐ߬ߡߊ߬ ߦߙߐ߬ߓߊ ߡߍ߲ ߝߣߊ߫ […]
