ߕߊ ߟߋ߬ ߥߟߌ߬ߣߍ߲߫ ߝߍߙߍ߲ߛߊ߫ ߦߌߟߊ ߘߏ߫ ߟߊ߫ ߒߓߊ߯ߟߌߦߊ߫ ߝߊ߬ߙߊ ߺ ߞߣߐ߫ ߂߲ ߞߌ߲߬ߘߊ ߟߊ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߣߍߣߍߓߊ ߕߟߋ߬ ߀߇߸ ߁߆ߕߎߡߊ ߟߊ߫߸ ߞߊ߬ ߓߊ߯ߙߊ߫ ߦߙߐ ߣߌ߲߬ ߞߣߐ߫ ߝߋ߲ ߡߎ߰ߡߍ ߖߋ߬ߣߌ߲߬، ߦߙߐ߫ ߕߌ߮ ߦߋ߫ ߡߏ߬ߤߊ߲߲ߡߊߘ ߛߊ߲ߓߊ߬ ߛߏ، ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߬ ߕߏ߫ ߘߊ߫ ߓߊ߯ߙߊ ߟߋ߬ ߟߊ߫߸ ߕߊ ߥߟߌ߬ ߘߊ߫ ߢߎߡߍߛߎ߲ ߠߊ߫߸ ߡߍ߲ ߡߊ߫ ߛߋ߫ ߟߊߓߍ߲߬ ߠߊ߫ ߡߎ߬ߕߎ߲߬.

<<ߊ߲ ߕߏ߫ ߘߊ߫ ߓߊ߯ߙߊ ߟߋ߬ ߟߊ߫߸ ߢߎߡߍߛߎ߲
ߞߊ߬ ߡߊߛ ߞߍ߫߸ ߕߊ ߥߟߌ߬ ߘߊ߫ ߒߞߘߐ߫߸ ߞߊ߬ ߝߟߊߝߟߊ ߟߎ߬ ߟߊߡߌ߬ߣߊ߬، ߊ߲ ߞߵߊ߬ ߦߋ߫ ߕߊ ߓߘߊ߫
ߥߙߊ߬߸ ߊ߲ ߞߊ߬ ߘߋ߲ߣߍ߲ ߠߎ߬ ߟߊߓߐ߫ ߞߣߍߡߊ߬، ߓߊߏ߬߸ ߘߋ߲ߣߍ߲߫ ߛߌߦߊߡߊ߲߫ ߕߘߍ߬ ߊ߲ ߓߟߏ߫ ߦߊ߲߬
ߡߞߊ߬ߙߊ߲߬ߧߊ߬ߟߌ߬ ߓߟߏ ߡߊ߬، ߏ߬ ߟߋ ߘߐ߫߸ ߊ߲ ߞߵߏ߬ ߟߎ߬ ߡߞߊߘߊ߲߫ ߞߏ ߟߋ߬ ߓߌ߬ߟߊ߬ ߢߍߝߍ߬
ߡߎߣߎ߲߬߸ ߞߊ߬ ߕߙߏ߬ߞߏ ߣߌ߫ ߦߙߌ ߟߎ߬ ߕߏ߫ ߦߋ߲߬.>> ߊ߬ ߞߵߏ߬ ߦߌ߬ߘߊ߬.
ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߊ߫ ߞߍ߫ ߡߐ߰ ߟߊ߫
ߕߊߓߐ ߣߌ߲߬ ߘߐ߫߸ ߡߊ߬ߘߌ߬ߡߌ߲߬ߠߌ߲ ߛߌߟߊ ߝߍ߬߸ ߊ߬ ߣߌ߫ ߛߊ߬ߦߊ ߛߌߟߊ ߝߍ߬، ߊ߬ ߞߏ߬ߣߌ߲ ߞߍ߫ ߘߊ߫
ߞߊ߬ߛߙߊ ߘߌ߫ ߞߏߛߓߍ߫، ߓߊߏ߬: <<ߕߙߏ߬ߞߏ߬ ߞߎ߲߬ߓߊ߬ߓߊ߬ ߣߊ߯ߣߌ߲߫ ߠߋ߬ ߕߌߢߍ߫ ߘߊ߫߸ ߝߌ߬ߟߊ߬
ߓߍ߫߸ ߏ߬ ߦߋ߫ ߞߋ߲߬ߥߟߎ߫ ߂߅߸ ߘߏ߫ ߝߣߊ߫ ߓߍ߫߸ ߏ߬ ߦߋ߫ ߞߋ߲߬ߥߟߎ߬ ߆߀، ߊ߲ ߘߌ߫ ߛߴߊ߬ ߝߐ߫ ߟߊ߫
ߞߏ߫ ߞߋ߲߬ߥߟߎ߫ ߗߡߍ߬ ߣߌ߫ ߞߐ߫ ߟߋ߬ ߕߏߣߍ߲߫ ߣߌ߲߬ ߞߏ ߘߐ߫ ߕߙߏ߬ߞߏ ߟߎ߬ ߟߊ߫ ߞߎ߲߬ߠߊ߫، ߣߴߏ߬
ߕߍ߫߸ ߣߌ߫ ߦߙߌ ߟߊ߫ ߞߎ߲߬ߠߊ߫ ߟߋ߬߸ ߏ߬ ߕߌߢߍߟߌ ߕߍ߫ ߓߊ߲߫ ߖߊ߬ߕߋ߬ ߟߊ߫߸ ߞߵߏ߬ ߞߎ߲߭ ߞߍ߫߸
ߞߏ߲߫ ߛߌߦߊߡߊ߲߫߸ ߞߏ߲ߕߏ ߣߌ߫ ߦߙߌ߫ ߘߐߓߍ߲߬ߕߊ ߟߎ߬.>>

ߞߌ߲߬ߕߌ߮ ߝߣߊ߫ ߕߘߍ߬ ߞߣߍ߫ ߞߋߟߋ߲ ߢߌ߲߬
ߞߊ߲߬߸ ߡߏ߬ߤߊ߬ߡߍߘ ߛߥߊ߬ߣߍ߫߸ ߏ߬ ߞߊ߬ ߕߊ ߟߊ߫ ߡߊ߬ߛߎߓߊ ߟߊߞߊ߬ߟߌ߬߸ ߞߵߊ߬ ߦߌ߬ߘߊ߬ ߞߏ߫ ߕߊ
ߝߊ߲߬ߞߊ ߓߏ߲߬ߓߊ߫ ߟߋ߬ ߕߘߍ߬ ߝߋߝߋ߫، <<ߕߊ ߛߎ߯ߦߊ ߡߍ߲ ߕߘߍ߬߸ ߌ ߕߍ߫ ߛߴߊ߬ ߝߐ߫ ߟߊ߫
ߞߏ߫ ߌ ߘߌ߫ ߖߌ ߓߐ߫ ߝߊ߲߬ ߛߌ߫ ߘߐ߫ ߞߵߊ߬ ߟߊߛߊ߬، ߏ߬ ߘߐ߫߸ ߕߊߟߛߊ ߟߎ߬ ߞߏ߬ߣߌ߲߸ ߊ߲ ߘߴߊ߬ ߝߐ߫
ߞߏ߫ ߊ߬ߟߎ߬ ߟߊ߫ ߣߊ߬ߟߌ ߓߍ߲߬ ߘߊ߫.>>
ߊ߬ߟߋ ߞߙߊ ߛߋ߫ ߘߊ߫ ߕߊߟߛߊߟߊ ߡߍ߲ ߠߎ߬ ߡߊ߬
ߏ߬ ߘߌ߫߸ ߞߓߊ ߟߋ߬ ߟߊߝߟߌ߬ ߘߊ߫ ߏ߬ ߟߎ߬ ߟߊ߫ ߕߊ߫ ߟߛߊ߫ ߞߊ߲ߓߋ߲ ߞߐ߫ ߓߌ߬ ߘߋ߲ߡߌߛߍ߲ ߠߎ߬
ߓߟߏ߫، ߓߊߏ߬߸ ߞߏ߫ ߊ߬ߟߎ߬ ߞߟߌ߫ ߘߊ߫߸ ߒ߬ߞߵߊ߬ߟߎ߬ ߡߊ߫ ߣߵߊ߬ߟߎ߫ ߣߊ߬ ߕߎߡߊ߫ ߟߊ߫، ߞߌ߲߬ߕߌ߮
ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߒ ߞߵߊ߬ߟߎ߬ ߞߟߌ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߒ ߠߊ߫ ߞߏ߫
ߊ߬ߟߎ߬ ߦߋ߫ ߣߊ߭ ߟߊ߫، ߊߟߊ߫ ߞߵߊ߬ ߞߍ߫߸ ߊ߬ߟߎ߫ ߞߊ߬ ߕߎ߬ߡߊ߬ ߖߊ߲߬ߓߊ߫ ߕߊ߬߸ ߊ߲ ߡߴߊ߬ ߟߐ߲߫ ߏ߬
ߘߍ߲ߣߍ߲߫ ߕߍ߬ߘߍ߫ ߊ߬ ߛߎ߯ ߺ ߎ ߺ ߛߎ߯ ߟߊ߫، ߌߞߏߡߌ߲߬ ߡߐ߱ ߟߎ߫ ߕߎ߲߬ ߓߘߊ߫ ߘߐߞߎ߬ߡߎ߲߬߸ ߊ߬ߟߎ߬
ߓߘߊ߫ ߡߐߣߍ߫ ߞߏߖߎ߯ߦߊ߫߸ ߊ߬ߟߎ߫ ߣߊ߭ ߡߍ߲ ߞߍ߫ ߘߊ߫߸ ߘߏ߫ ߟߎ߫ ߞߊ߬ ߞߓߊ ߟߊߝߟߌ߬، ߊ߬ߟߎ߬ ߛߌߟߊ߲߫
ߘߊ߫ ߞߊ߬ ߥߊ߫.>> ߞߌ߲߬ߕߌ߮ ߞߵߏ߬ ߦߌ߬ߘߊ߬.

ߞߊ߬ߕߎ߲߯߸ ߕߊߟߛߊߟߊ ߟߎ߬ ߥߊ ߞߐ ߘߐ߫߸ ߕߊ ߡߊ߫ ߛߋ߫ ߡߊߣߐ߬ ߟߊ߫ ߢߊ߫ ߛߌ߫ ߡߊ߬، ߡߊ߬ߘߌ߬ߦߊ߬ߟߌ ߟߎ߬ ߞߐߝߍ߬ ߡߎ߬ߕߎ߲߬ ߛߊ߫߸ ߊ߬ߟߎ߫ ߞߵߊ߬ߟߎ߬ ߞߐߛߊ߬ߦߌ߲߫ ߞߊ߬ ߣߊ߬ ߕߊ ߟߊߛߊ߬، ߏ߬ ߟߋ ߞߏߛߐ߲߬߸ ߕߊߟߛߊߟߊ ߟߎ߬ ߟߊ߫ ߥߛߊ߬ߘߊ߬ߕߌ߮ ߡߍ߲ ߕߘߍ߬ ߗߋߦߊߟߌ ߢߍ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߞߊ߲ߓߋ߲ ߡߍ߲ ߦߋ߫ ߕߋ߲߬߸ ߊ߬ߟߎ߬ ߕߊ ߟߋ߬߸ ߊ߲ߠߎ߬ ߕߊ߫ ߕߍ߫، ߊ߬ߟߎ߬ ߦߋ߫ ߝߘߴߊ߲ ߠߊߓߍ߲߬ ߠߊ߫ ߥߢߊߞߌߦߊ ߟߊ߫߸ ߊ߲ ߧߋ߫ ߓߊ߯ߙߊ߫ ߟߴߊ߬ߟߎ ߟߋ߬ ߦߋ߫، (...) ߕߊ ߦߋ߫ ߞߊߓߋ߫ ߞߏ ߟߋ߬ ߘߌ߫߸ ߁߭ ߣߌ߫ ߂߲߸ ߒ߬ߞߊ߬ ߃߲ ߣߌ߫ ߄߲߸ ߡߐ߰ ߛߌ߫ ߕߍ߫ ߛߴߏ߬ ߟߊߛߊ߬ ߟߊ߫ ߝߏ߫ ߊ߲ߠߎ߬.>> ߌߞߏߡߌ߲߬ ߡߐ߱ ߟߎ߬ ߦߴߊ߬ߟߎ߬ ߡߊߝߌ߲߬ ߠߊ߫ ߞߊ߬ ߓߍ߲߬ ߊ߬ߟߎ߬ ߟߊ߫ ߛߎߡߦߊ ߡߊ߬߸ ߥߛߊ߬ߘߊ߬ߕߌ߮ ߣߌ߲߬ ߞߵߊ߬ ߦߌ߬ߘߊ߬ ߞߏ߫: <<ߣߌ߫ ߕߊ ߓߐ߫ ߘߊ߫߸ ߞߊ߬ ߔߏߔߏ ߕߊ߬ ߞߊ߬ ߥߴߊ߲ ߞߐ߫߸ ߏ߬ ߕߴߊ߬ ߢߊ߫ ߘߌ߫، ߜߋߟߋ߲ߜߋߟߋ߲ ߠߋ߬ ߘߌ߫ ߛߴߊ߬ ߢߊߓߐ߫ ߟߊ߫، ߞߊ߬ߕߎ߲߯߸ ߞߊ߲ߓߋ߲ ߣߌ߲߬ ߦߋ߫ ߝߢߐ ߟߋ߬ ߕߊ߬ ߟߊ߫ ߞߣߊ߬ߕߏ߫ ߥߟߌ߬ ߟߊ߫، ߝߣߊ߫߸ ߞߊ߬ ߦߙߐ ߛߌߝߴߊ߲ ߧߋ߫ ߊ߬ ߢߌ߬ߡߊ ߟߊ߫.>>
ߞߌ߲߬ߕߌ߮߸ ߡߏ߬ߤߊ߬ߡߍߘ ߛߥߊ߬ߣߍ߫ ߞߵߊ߬ ߟߊ߫
ߞߎߡߊ ߞߎ߲߬ߝߊ߮ ߞߍ߫ ߓߊ߯ߙߊߞߍߟߊ ߟߎ߬ ߟߊߟߌ ߟߋ߬ ߘߌ߫، ߓߊߏ߬߸ ߊ߬ ߡߊ߫ ߡߍ߲߫ ߡߎߣߎ߲߬߸ ߕߊ ߣߌ߲߬
ߓߐߣߍ߲߫ ߦߙߐ ߡߍ߲ ߘߐ߫߸ ߥߊߦߌ߲ ߝߏߘߏ߲߫ ߘߊ߫ ߦߋ߲߬߸ ߝߏ߫ ߞߊ߬ ߡߐ߱ ߓߐ߬ߣߐ߫ ߊ߬ ߣߌ ߘߐ߫،
<<ߊ߲ ߘߌ߫ ߛߋ߫ ߡߍ߲ ߝߐ߫ ߟߊ߫ ߓߍ߯ ߦߋ߫߸ ߓߊ߯ߙߟߊ ߝߊ߬ߓߏ߲ ߓߍ߯ ߦߴߊ߬ߟߎ߬ ߘߐߖߊ߬߸ ߊ߬ߟߎ߬
ߦߋ߫ ߛߋ߫ ߓߟߏߘߐߓߍ߲߫ ߖߐ߲ߖߐ߲ ߠߎ߬ ߞߍ߫ ߟߴߊ߬ߟߎ߬ ߟߊ߫ ߓߊ߯ߙߊ߫ ߘߊߞߎ߲ ߠߎ߬ ߘߐ߫߸ ߛߴߊ߲ ߘߌ߫
ߕߊ߲߬ߞߊ߫ ߣߌ߲߬ ߞߏ߫ ߛߎ߮ ߟߎ߫ ߡߊ߬.>>
ߦߙߐ߫ ߕߌ߮ ߛߊ߲ߓߊ߬ ߛߏ ߞߵߊ߬ ߞߊ߲ߠߊߘߌ߫
ߞߎ߲߬ߠߊ߬ߛߌ߮ ߟߎ߬ ߣߌ߫ ߓߐߒߖߘߍߘߐ߫ ߡߐ߮ ߟߎ߫ ߡߊ߬߸ ߞߊ߬ ߓߍ߲߬ ߊ߬ߟߎ߬ ߡߊߘߍ߬ߡߍ߲߬ ߞߏ ߡߊ߬،
ߓߊߏ߬߸ ߞߏ߫ ߟߎߕߌ߯ ߛߌߦߊߡߊ߲߫ ߠߊ߫ ߓߊߟߏ߫ ߛߐߘߐ߲ ߘߍ߲ߣߍ߲߫ ߦߙߐ ߢߌ߲߬ ߠߋ߬ ߟߊ߫߸ ߊ߬ ߣߌ߫ ߡߞߊ߬ߙߊ߲߬ߘߋ߲߬
ߛߌߦߊߡߊ߲߫ ߠߋ߬ ߦߴߊ߬ߟߎ߬ ߓߟߏ߫ ߦߋ߲߬߸ ߝߋ߲߫ ߘߏ߲߬ ߡߊ߫ ߓߐ߫، <<ߌߞߏߡߌ߲߬ ߊߟߊ߫ ߞߵߊ߬
ߞߍ߫ ߡߐ߰ ߡߊ߫ ߕߏ߫ ߊ߬ ߘߐ߫߸ ߣߴߊ߬ߟߎ߬ ߛߋ߫ ߘߴߊ߲ ߡߊߘߍ߬ߡߍ߲߬ ߠߊ߫߸ ߊ߲ ߡߊ߬ߞߏ ߦߋ߫ ߘߍ߬ߡߍ߲߬ߠߌ߲
ߠߊ߫، ߓߊߏ߬߸ ߥߊ߯ߕߌ ߢߌ߲߬ ߠߊ߫ ߕߋ߲߬߸ ߘߋ߬ߙߌ߬ ߓߘߊ߫ ߞߍ߫ ߕߙߏ߬ߞߏ߬ ߟߊ߬ ߓߊ߯ߙߊ ߟߊ߫߸ ߣߴߊ߬ߟߎ߫
ߞߵߊ߲ ߡߊߘߍ߬ߡߍ߲߫ ߏ߬ ߟߊ߫߸ ߏ߬ ߘߌ߫ ߘߌߦߴߊ߲ ߧߋ߫ ߞߏߛߓߍ߫.>> ߊ߬ ߞߵߏ߬ ߦߌ߬ߘߊ߬.






