ߏ߬ ߡߍ߲ ߞߍ߫ ߘߊ߫ ߘߍ߬ߒ߬ߡߊ߬ ߟߊ߬ߛߋ߬ߟߌ ߘߌ߫߸ ߂߀߂߆ ߣߍߣߍߓߊ ߕߋ߬ߟߋ߫ ߂ ߡߊ߬߸ ߣߌ߫ ߞߏߕߌ߯ ߡߐ߰ ߟߏ߯ߟߎ߫ ߞߵߊ߬ ߞߟߊ߬ߣߐ߬ߦߊ߫߸ ߣߊߟߌ߬ߡߎ߲߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߣߌ߫ ߟߊ߬ߞߊ߲߬ߘߊ߬ߟߌ ߣߌ߫ ߘߎ߰ߞߣߍ ߣߌ߫ ߓߐ߰ߝߍ ߣߌ߫ ߘߊ߬ߡߊ߲ ߞߏߕߌ߮ ߟߎ߬ ߘߌ߫، ߟߊ߬ߛߋ߬ߟߌ ߏ߬ ߟߋ߬ ߘߐ߫߸ ߊ߬ ߝߐߣߍ߲߫ ߞߏ߫ ߛߌ߯ߙߌ߲߫ ߘߎ߰ߞߟߏ ߓߘߊ߫ ߘߐߖߊߛߌ߫ ߟߋ߬ ߞߏߛߓߍ߫، ߓߊߏ߬߸ <<ߜߋ߬ߟߎ߲߬ߠߌ߲ ߣߌ߫ ߞߘߐߓߐߟߌ ߗߋߦߊߟߌ ߡߍ߲ ߠߎ߬ ߟߊߥߟߌ߬ ߘߊ߫ ߞߊߙߏ߫ ߛߊ߬ߣߍ߲ ߠߊ߫ ߞߊ߬ ߕߊ߯ ߛߌ߯ߙߌ߲߫ ߕߌ߲߬ߞߎߘߎ߲ ߘߐ߫߸ ߏ߬ ߟߎ߫ ߞߵߊ߬ ߟߊߞߙߐ߬ߛߌ߬ ߞߏ߫ ߌ ߓߊ߯ ߦߋ߲߬ ߓߐ߰ߝߍ ߡߊߝߟߍ߫ ߕߋ߲߬߸ ߌ ߢߊߖߌ ߓߐ߫ ߟߊ߫، ߞߵߏ߬ ߞߎ߲߭ ߞߍ߫ ߊ߬ ߘߐߕߌߢߍ ߘߌ߫ ߛߊߣߌ߲߫ ߢߌߣߌ߲ߠߊ ߟߎ߬ ߓߟߏ߫ ߘߊ߬ߡߊ߲ ߞߣߐ߫߸ ߡߍ߲ ߠߎ߬ ߕߴߊ߬ ߞߍ߫ ߟߊ߫ ߛߊ߬ߙߌ߬ߦߊ߬ ߞߣߐ߫.>>
ߟߊ߬ߛߋ߬ߟߌ߬ ߞߋߟߋ߲߫ ߔߋ߫ ߏ߬ ߟߋ߬ ߞߣߐ߫߸ ߊ߬ ߝߐߣߍ߲߫ ߝߣߊ߫ ߞߏ߫ ߛߊߣߌ߲߫ ߢߌߣߌ߲ߠߊ ߟߎ߬ ߦߋ߫ ߕߙߏ߬ߞߏ ߡߍ߲ ߠߊߓߊ߯ߙߊ߫ ߟߊ߫߸ ߏ߬ ߓߘߊ߫ ߘߎ߰ߞߟߏ ߘߐߕߌߢߍ߫߸ ߞߊ߬ ߛߣߍ߬ߘߎ߰ ߞߏ ߓߊ߲߫߸ ߞߊ߬ ߦߙߌ ߟߎ߫ ߤߟߊ߬ߞߌ߬، ߞߏ߫ ߣߴߌ ߞߊ߬ ߖߋ߬ߟߌߓߊ߬ ߓߊߓߊ ߡߊߝߟߍ߫ (ߣߌߖ߭ߍߙ)߸ ߞߊ߬ ߓߊߝߌ߲ߓߊ߫ ߡߊߝߟߍ߫ (ߕߍ߲ߞߌߛߏ߫)߸ ߞߵߏ߬ ߟߴߊ߬ߟߎ߬ ߟߊߡߌߣߌ߲ ߞߊ߲߬߸ ߏ߬ ߟߎ߬ ߓߘߊ߫ ߕߌߢߍ߫߸ ߞߵߊ߬ߟߎ߬ ߘߐߞߛߐ߫߸ ߞߵߊ߬ߟߎ߬ ߜߋߘߋ߲߫ ߞߌ߬ߢߍ ߟߊ߫. 
ߞߊ߬ߓߊ ߞߏ߲߬ߓߏ߬ߟߋ߲ ߕߙߊߥߟߋ߫ ߡߍ߲ ߦߋ߫ ߘߊ߬ߡߊ߲߬ߛߋ߲߬ߠߊ߫ ߘߌ߫ ߛߌ߯ߙߌ߲߫߸ ߣߴߊ߬ ߓߘߊ߫ ߛߊ߲߬ ߁߀ ߢߐ߲߰ ߓߐ߫ ߛߊߣߌ߲߫ ߢߌߣߌ߲ ߠߊ߫ ߦߋ߲߬߸ ߊ߬ߟߋ ߟߊ߫ ߝߐߟߌ߫ ߘߐ߫߸ ߊ߬ ߓߘߊ߫ ߛߊ߲߬ ߦߙߌߞߊ߫ ߓߐ߫߸ ߊ߬ߟߎ߬ ߟߊ߫ ߞߏ ߓߍ߯ ߘߍ߲ߣߍ߲߫ ߘߊ߬ߡߊ߲ ߠߋ߬ ߟߊ߫߸ ߊ߬ߟߎ߫ ߘߏ߲߬ ߕߍߣߊ߬ ߛߋ߫ ߟߊ߫ ߓߊ߯ߙߊ߫ ߜߘߍ߫ ߞߍ߫ ߟߊ߫ ߏ߬ ߞߐ߫߸ ߞߵߊ߬ߟߎ߬ ߘߴߊ߬ ߢߊߦߋ߫<<ߣߴߊ߬ ߕߏ߫ ߘߊ߫ ߘߊ߬ߡߊ߲ ߠߊߟߐ߭ ߟߋ߬ ߡߊ߬߸ ߊ߬ߟߎ߬ ߦߋ߫ ߘߌ߬ߢߍ߫ ߞߊ߬ ߞߊߙߏ߫ ߞߋߟߋ߲߫ ߘߴߊ߲ ߡߊ߬ ߥߟߴߊ߬ߟߎ߬ ߦߋ߫ ߕߟߋ߬ߡߊ ߣߌ߲߬ ߘߴߊ߲ ߡߊ߬߸ ߣߌ߫ ߛߊ߬ߡߊ ߘߏ߲߬ ߘߊ߫߸ ߊ߲ ߓߍ߯ ߘߌ߫ ߥߊ߫ ߛߣߍ߬ߞߍ߬ ߦߙߐ>> ߊ߬ ߞߵߏ߬ ߝߐ߫߸ ߓߊߏ߬߸ ߊ߬ߟߎ ߡߍ߲ ߠߎ߬ ߟߊ߫ ߓߊ߯ߙߊ ߘߍߣߍ߲߫ ߘߊ߬ߡߊ߲ ߠߊ߫߸ ߣߌ߫ ߘߊ߬ߡߊ߲ ߠߊߟߐ߬ ߘߊ߫ ߕߋ߲߬߸ ߊ߬ߟߎ߬ ߕߴߛߋ߫ ߓߊ߯ߙߊ߫ ߜߘߍ߫ ߝߏߛߌ߬ ߟߋ߬ ߞߍ߫߸ ߛߍ߬ߣߍ ߥߊ߯ߕߌ߫ ߕߍ߫߸ ߣߴߌ ߘߴߊ߬ ߝߐ߫ ߞߏ߫ ߒ ߧߋ߫ ߥߊ߫ ߛߣߍ߬ߞߍ߬ ߦߙߐ߸ ߘߏ߫ ߜߘߍ߫ ߘߏ߲߬ ߕߴߛߋ߫ ߞߍ߫ ߟߊ߫.
ߞߊ߬ߦߌ߯ ߘߊ߬ߡߊ߲ ߠߊߟߐ߬ ߘߊ߫߸ ߓߊߟߏ߫ ߕߍ߫ ߛߐ߬ߘߐ߲߬ ߠߊ߫ ߘߊ߬ߡߊ߲߬ߛߋ߲߬ߠߊ ߟߎ߬ ߓߟߏ߫ ߓߎ߬ߕߎ߲߫߸ ߛߏ߲߬ߧߊ߬ߟߌ ߘߏ߲߬ ߓߘߊ߫ ߛߌߦߊߦߊ߫ ߝߣߊ߫߸ ߞߊ߬ߓߊ ߕߙߊߥߟߋ߫ ߟߊ߫ ߞߎߡߊ߫ ߘߐ߫ <<ߖߎ߬ߟߊ ߡߍ߲ ߠߎ߬ ߦߋ߫ ߛߏ ߞߣߐ߫߸ ߊ߬ߟߎ߬ ߕߍ߫ ߡߊߢߌ߬ߣߌ߲߬ߞߊ߬ ߟߊ߫ ߟߋ߬ ߝߊ߲߭ ߒ ߕߍߣߊ߬ ߞߎߡߊ߫ ߛߊ߲߬ߣߌ߲߬ ߞߏ ߡߊ߬߸ ߘߊߥߎ߲ߠߌ߲߫ ߕߍ߫ ߛߐ߬ߘߐ߲߬ ߠߊ߫ ߞߋߟߋ߲߫߸ ߛߏ߲߬ߧߊ߬ߟߌ ߓߘߊ߫ ߥߙߊ߬ߦߊ߫߸ ߡߐ߱ ߟߎ߬ ߟߊ߫ ߡߕߏ ߟߎ߬ ߦߋ߫ ߛߏ߲߬ߧߊ߬ ߟߊ߫>> ߊ߬ ߞߵߏ߬ ߟߋ߬ ߝߐ߫߸ ߛߏ߲߭ ߠߎ߬ ߦߋ߫ ߥߊ߫ ߟߊ߫ ߓߋ߬ ߟߊ߫ ߝߎ߲ߞߎ߲߫ ߕߌ߮ ߟߎ߬ ߞߊ߲߬ ߠߋ߬ ߕߋ߲߬ ߞߵߊ߬ߟߎ߬ ߘߊ ߟߎ߬ ߞߊߘߌ߫߸ ߞߊ߬ ߡߐ߱ ߟߎ߬ ߓߟߏߝߋ߲ ߠߎ߬ ߕߊ߬߸ ߊ߬ߟߎ߬ ߓߊ߯ ߘߏ߲߬ ߓߏ߲ ߠߎ߬ ߞߣߐ߫ ߕߋ߲߬߸ ߓߟߏ߫ ߝߋ߲߫ ߛߌ߫ ߕߍ߫ ߕߏ߫߸ ߝߊ߰ߣߌ߲߬ ߕߍ߫ ߕߏ߫߸ ߥߊߘߌ߫ ߞߏ߫ ߞߎߡߊ߫ ߞߏ߬ߣߌ߲߬ ߕߍ߫ ߥߍ߫߸ ߤߊߟߌ߬ ߡߊ߬ߟߏ߬ ߓߘߐ ߣߴߊ߬ߟߎ߬ ߞߵߊ߬ ߦߋ߫߸ ߊ߬ߟߎ߬ ߘߴߊ߬ ߕߊ߬߸ ߞߊ߬ߓߊ ߞߏ߲߬ߓߏ߬ߟߋ߲ ߕߙߊߥߟߋ߫ ߞߵߊ߬ ߦߌ߬ߘߊ߬߸ ߊ߬ߟߋ ߣߐ߬ ߞߎ߲߬ߠߊ߬ߝߎߟߋ߲ ߡߍ߲ ߡߍ߲߫ ߠߊ߫߸ ߞߏ߫ ߘߊ߬ߡߊ߲ ߠߊߟߐ߭ ߣߌ߫ ߛߌߛߍ߲߬ ߕߍ ߘߐ߫߸ ߔߏߔߏ ߡߍ߲ ߓߘߊ߫ ߛߏ߲߬ߧߊ߫߸ ߊ߬ ߘߌ߫ ߔߏߔߏ߫ ߇ ߢߐ߲߰ ߓߐ߫.
 ߓߍ߯ ߓߘߊ߫ ߤߊߡߌ߲߫ ߊ߬ ߖߘߍ߬ ߘߌ߫ ߟߎ ߞߣߐ߫߸ ߡߍ߲ ߘߌ߫ ߛߐ߬ߘߐ߲߫ ߞߵߊ߬ ߘߊߥߎ߲߫߸ ߏ߬ ߛߐ߬ߘߐ߲ ߓߘߊ߫ ߞߍ߫ ߞߣߐ߬ߘߐ߬ߝߟߌ ߘߌ߫، ߊ߬ ߘߏ߲߬߸ ߦߊ߬ߣߌ߫ ߞߎ߲߬ߠߊ߬ߛߌ߮ ߦߋ߫ ߘߊ߬ߡߊ߲߬ ߓߊ߯ߙߊ ߟߊߟߐ߬߸ ߊ߬ߟߎ߬ ߡߊ߫ ߟߊ߬ߟߐ߲߬ߠߌ߲߬ߠߌ߲߫ ߛߌ߫ ߟߋ߬ ߞߍ߫߸ ߞߵߊ߬ ߦߌ߬ߘߊ߬ ߡߐ߱ ߟߎ߬ ߟߊ߫ ߞߏ߫ ߘߊ߬ߡߊ߲߬ ߓߊ߯ߙߊ ߞߊ߫ ߞߊ߲߫ ߞߊ߬ ߟߊߟߐ߬߸ ߞߊ߬ߓߊ ߞߏ߲߬ߓߏ߬ߟߋ߲ ߕߙߊߥߟߋ߫ ߞߵߊ߬ ߦߌ߬ߘߴߊ߲ ߠߊ߫߸ ߞߏ߫ ߟߊ߬ߟߐ߲߬ߠߌ߲߬ߠߌ߲ ߞߍ߫ ߘߊ߫ ߔߏߞߑߟߍ߲߫ ߓߊ߯ߙߟߊ ߟߎ߬ ߟߋ߬ ߡߊ߬<<ߔߏߞߑߟߍ߲߫ ߕߌ߮ ߟߎ߬ ߟߋ߬ ߟߊߟߐ߲ߠߌ߲߫ ߘߊ߫߸ ߣߌ߲߬ ߘߏ߲߬ ߓߍ߯ ߥߟߌ߬ ߘߊ߫ ߔߏߞߑߟߍ߲߫ ߕߌ߮ ߟߎ߬ ߟߋ߬ ߝߍ߬߸ ߔߏߞߑߟߍ߲߫ ߞߏ ߛߍ߬ߘߏ߲ ߞߍ߫ ߘߊ߫߸ ߞߏ߫ ߞߊ߬ ߔߏߞߑߟߍ߲߫ ߠߊߟߐ߬߸ ߓߊߏ߬߸ ߏ߬ ߟߎ߬ ߦߋ߫ ߓߊ߯ߙߊ߫ ߟߊ߫ ߞߐ߰ ߞߣߐ߬ߟߊ ߡߍ߲ ߠߎ߬ ߘߐ߫߸ ߊߘߊߡߊ߬ߘߋ߲ ߡߊ߬ߞߏ ߦߋ߫ ߖߌ ߟߊ߫ ߞߏߛߓߍ߫، ߊ߬ߟߎ߬ ߦߋ߫ ߖߌ ߡߍ߲ ߘߐߕߏ߬ߟߌ߬ ߟߊ߫ ߏ߬ߘߌ߫߸ ߏ߬ ߟߋ߬ ߞߊ߬ ߔߏߞߑߟߍ߲߫ ߞߏ ߜߏߦߊ߫ ߛߌ߯ߙߌ߲ߞߊ ߦߋ߫، ߞߏ߬ߣߌ߲߬ ߞߵߊ߬ ߝߐ߫ ߞߏ߫ ߘߊ߬ߡߊ߲߬ ߞߎ߬ߘߎ߲߬ߣߍ߲ ߠߊߟߐ߬ ߕߐ߫߸ ߊ߲ ߡߴߏ߬ ߞߎߡߊ߫ ߡߍ߲ ߝߐ߰ߓߍ߬ߘߊ߬ ߛߌߟߊ ߝߍ߬߸ ߖߌ߬ߦߊ߬ߞߊ߲߬ߛߏ߬ ߟߊ߫߸ ߊ߲ ߘߏ߲߬ ߡߴߊ߬ ߟߊ߬ߟߐ߲߬ߠߌ߲߬ߠߌ߲ ߛߐ߬ߘߐ߲߬ ߓߟߐߟߐ߫ ߛߌߟߊ ߝߍ߬>> 
ߊ߬ ߞߵߏ߬ ߝߐ߫߸ ߊ߬ ߟߊ߫ ߞߎߡߊ߫ ߟߊߓߊ߲߫ ߘߐ߫߸ ߊ߬ ߣߐ߬ ߡߞߊ߬ߛߌ߬ߟߌ ߟߋ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߝߍ߬߸ ߞߎ߲߬ߠߊ߬ߛߌ߮ ߦߋ߫ ߘߌ߬ߢߍ߫߸ ߊ߬ߟߎ߬ ߦߋ߫ ߓߊ߯ߙߊ߫ ߕߟߋ߬ߡߊ ߣߌ߲߬ ߘߐ߫߸ ߣߌ߫ ߛߊ߬ߡߊ ߘߏ߲߬ ߘߊ߫߸ ߊ߬ߟߎ߬ ߘߌ߫ ߘߊ߬ߡߊ߲ ߠߊߟߐ߬߸ ߣߴߏ߬ ߕߍ߫߸ ߊ߬ߟߎ߬ ߕߍ߫ ߣߊ߬ ߛߋ߫ ߟߊ߫ ߓߊ߯ߙߊ߫ ߜߘߍ߫ ߝߏߦߌ߬ ߟߋ߬ ߞߍ߫ ߟߊ߫ ߕߋ߲߬߸ ߊ߬ߟߎ߬ ߘߴߊ߬ߟߎ߬ ߡߎ߬ߛߊ߬ߞߊ ߛߐ߬ߘߐ߲߬ ߡߍ߲ ߘߐ߫.