ߘߋ߲ߡߛߏ ߣߌ߲߬ ߦߋ߫ ߓߊ߯ߙߊߘߋ߲ߧߊ ߟߋ߬ ߟߊ߫ ߛߊ߬ߥߎ߬ߘߌ߬ߦߊ ߟߊ߫߸ ߊ߰ ߓߐ߫ ߟߊ߫ ߞߋߣߌߦߊ߫ ߟߊ߫، ߏ߬ ߟߋ ߖߊ߲߬ߞߌ߬ߣߍ߲߫ ߞߏ߫ ߞߊ߬ ߜߏ߲߬ߛߊ߲ ߢߊ߫ ߁߀߀ ߓߐ߫ ߊ߬ ߘߐ߫، ߓߊߏ߬߸ ߞߏ߫ ߊ߬ ߟߊ߫ ߞߕߌ ߛߋ߲߭ߝߍ߬߸ ߊ߬ ߦߋ߫ ߘߊ߫ ߞߏ߫ ߊ߬ ߞߊ߬ ߢߊ߬ߡߐ߰ߦߊ ߞߍ߫ ߝߏ߫ ߞߊ߬ ߘߋ߲ ߛߐ߬ߘߐ߲߬߸ ߞߵߊ߬ ߛߐ߬ߘߐ߲߬ ߊ߬ ߕߍ߫ ߝߘߎ߫ ߞߣߐ߫.

ߍߛߑߕߍߙ ߥߊ߲ߖߊ ߡߎߕߏߣߌ߫ ߦߋ߫ ߓߊ߯ߙߊߘߋ߲ߧߊ ߟߊ߫ ߛߊ߬ߙߌ߬ߦߊ߬ ߓߟߏ ߟߋ߬ ߡߊ߬ ߛߊ߬ߥߎ߬ߘߌ߬ߦߊ ߟߊ߫ ߝߛߊߦߌ߫߸ ߡߤߊߙߊ߫ ߤߎߡߊ ߙߋߛߎߙߛ ߟߊ߫߸ ߏ߬ ߦߋ߫ ߥߊߟߌߘߊ ߘߏ߫ ߟߋ߬ ߘߌ߫ ߦߋ߲߬، ߒ߬ߓߊ߬߸ ߡߛߌߙߊ߲ߞߊ ߘߏ߫ ߟߋ߬ ߛߌ߱ ߘߐ߫ ߛߎ߰ߘߎ߬ߟߊ߫ ߦߋ߲߬߸ ߞߏ߫ ߘߏ߲߬ ߘߴߊ߬ ߣߴߏ߬ ߟߋ ߕߍ߫߸ ߝߏ߫ ߞߵߏ߬ ߟߊߓߊ߲߫ ߞߣߐ ߡߊ߬، ߂߀߂߅ ߘߓߊ߬ߓߌߟߊ ߟߊ߫ ߏ߬ ߘߐ߫߸ ߊ߬ ߞߊ߬ ߘߋ߲ߞߍ߫ ߞߎߘߎ߲ߓߊ߫ ߛߐ߬ߘߐ߲߬ ߜߏߘߊ߫߸ ߞߵߏ߬ ߕߐ߯ߟߊ߫ ߞߏ߫ ߊߓߎߘߌ߫، ߏ߬ ߞߍ߸ ߘߋ߲ ߝߊ߬ ߞߵߊ߬ ߓߏ߬ߙߌ߫ ߞߊ߬ ߖߡߊ߬ߣߊ ߓߌ߬ߟߊ߬، ߌߞߏߡߌ߲߬ ߘߋ߲ߡߛߏ ߡߏߦߌ߫ ߘߊ߫ ߊ߬ߟߎ߫ ߛߌ߬ߓߏ߲ ߠߋ߬ ߟߊ߫߸ ߜߋ߬ߟߎ߲߬ߠߌ߲߬ߠߊ ߘߏ߫ ߞߊ߬ ߡߏ߬ߛߏ ߣߴߊ߬ ߘߋ߲ ߦߋ߫ ߢߊ ߏ߬ ߟߋ ߡߊ߬߸ ߞߊ߬ ߥߴߊ߬ߟߎ߬ ߘߌ߫ ߘߊ߲ߘߊߛߏ ߟߊ߫߸ ߕߐ߲ߓߟߏߡߊ ߟߎ߬ ߝߣߊ߫ ߞߵߊ߬ ߡߌ߬ߣߊ߬ ߘߊ߲ߘߊߛߏ ߟߊ߫ ߦߋ߲߬ ߠߋ߬ ߞߵߊ߬ ߘߊߘߐߢߌ߬ߣߌ߲߬ߞߊ߬ ߞߣߐ߫ ߞߏ ߞߊ߲߬، ߓߟߏߓߐ߫ ߘߊ߫ ߘߋ߲ߡߛߏ ߘߐ߫ ߛߊ߫߸ ߞߏ߬ߣߌ߲߬߸ ߊ߬ ߛߌ߬ߓߏ߲߬ ߞߏ ߜߟߍ߬ߦߊ߬ ߘߴߊ߬ ߓߟߏ߫߸ ߡߐ߰ ߛߌ߫ ߡߴߊ߬ ߓߟߏ ߛߌ߰ ߊ߬ ߞߘߐ߫ ߡߎ߬ߕߎ߲߬.

ߏ߬ ߞߍ߸ ߍߛߑߕߍߙ ߥߊ߲ߖߊ ߡߎߕߏߣߌ߫ ߡߊ߫ ߘߍ߬ߡߍ߲߬ߠߌ߲߬ ߛߌ߫ ߛߐ߬ߘߐ߲߫ ߞߊ߬ ߝߘߊ߫ ߗߋߣߌߦߊ߫ ߟߊ߬ߛߌ߰ߘߊ ߟߊ߫، ߊ߬ ߟߊߓߊ߲߫ ߘߴߊ߬ ߡߊߞߍ ߡߊ߬ ߖߌߥߎߘߊ ߘߏ߫ ߟߋ߬ ߟߊ߫߸ ߦߋ߲߬ ߡߍ߲ ߕߎ߲߬ ߓߘߊ߫ ߡߛߏ߬ ߟߊߝߟߌ߬ߣߍ߲ ߛߌߦߊߡߊ߲߫ ߘߊ߯ ߦߌߟߊ ߘߌ߫ ߕߎ߲ߞߊߙߊ߲ߒߞߋ ߟߎ߬ ߘߐ߫߸ ߡߍ߲ ߝߊ߲߬ߓߊ ߦߟߌ߫ ߕߍ߬ߘߍ߫ ߊ߬ߟߎ߬ ߣߴߊ߬ߟߎ߬ ߘߋ߲ ߠߎ߬ ߜߍ߲߫ ߞߏ ߟߊ߫، ߣߌߥ ߦߐߙߞ ߕߊߦߡ ߝߐ߰ߓߍ߬ߘߊ ߞߊ߬ ߢߊߢߌߣߌ߲ߠߌ߲ ߘߏ߫ ߞߍ߫ ߡߛߏ߬ ߢߊߙߊ߲ߣߍ߲ ߏ߬ ߟߎ߬ ߟߊ߫ ߞߏ ߞߊ߲߬ ߂߀߂߅ ߟߊ߫߸ ߞߵߊ߬ ߛߐ߬ߘߐ߲߬ ߊߓߎߘߌ߫ ߛߐ߬ߘߐ߲ ߞߎ߲߬ߢߐ߲߯ ߝߌ߬ߟߊ ߟߋ߬ ߕߘߍ߬، ߊ߬ߟߎ߫ ߞߵߊ߬ ߦߋ߫ ߞߏ߫ ߘߋ߲߫ ߃߈߈ ߠߋ߬ ߦߋ߲߬߸ ߡߍ߲ ߛߐ߬ߘߐ߲߬ߣߍ߲߫ ߝߘߎ ߞߐߞߊ߲߬ (ߢߊ߰ߡߐ߰ߘߋ߲߬ߦߊ ߠߎ߬ ߞߊ߬ߣߌ߲߬)، ߏ߬ ߘߏ߲߬ ߝߊ߲߬ߓߊ ߦߋ߫ ߞߋߣߌߦߞߊ ߟߎ߫ ߟߋ߬ ߘߌ߫ ߘߋ߬߸ ߦߙߐ߫ ߜߘߍ ߕߐ߭ ߟߎ߬ ߕߊ ߕߴߏ߬ ߟߊ߫، ߝߐ߰ߓߍ߬ߦߊ߬ߟߊ ߘߏ߫ ߟߎ߫ ߣߴߊ߬ߟߋ߬ ߍߛߑߕߍߙ ߥߊ߲ߖߊ ߞߎߡߊ߫ ߘߊ߫ ߞߏ߲ߓߌߕߌ߯ ߕߊ߬ߡߌ߲߬ߣߍ߲ ߢߌ߲߬ ߠߊ߫߸ ߊ߬ ߝߐ ߡߍ߲ ߞߍ߫ ߘߊ߫ ߛߊ߬ߙߌ߬ߦߊ߬ ߓߟߏ߫ ߞߏ߫ ߜߢߍ ߡߊ߫ ߁߀߀ ߟߋ߬ ߞߊ߫ ߞߊ߲߫ ߞߊ߬ ߓߐ߫ ߊ߬ ߘߐ߫߸ ߊ߬ ߞߵߊ߬ ߝߐ߫ ߞߏ߫ : <<ߒ ߛߌߟߊ߲ߣߍ߲߫، ߒ ߡߊ߫ ߟߴߊ߬ ߟߊ߫ ߜߏ߲߬ߛߊ߲ ߏ߬ ߓߍ߯ ߘߌ߫ ߞߎ߲߫ ߒ ߘߐ߫.>>

ߡߏ߬ߛߏ ߣߌ߲߬ ߘߏ߲߬ ߢߐ߲߱ ߛߌߦߊߡߊ߲߫ ߠߋ߬ ߛߊ߬ߥߎ߬ߘߌ߬ߦߊ ߟߊ߫߸ ߡߍ߲ ߠߎ߬ ߦߟߌߡߊߘߌߦߊߣߍ߲߫ ߞߏ߫ ߘߌߦߊ ߛߎ߮ ߓߍ߯ ߟߋ߬ ߦߋ߲߬߸ ߊ߬ ߣߴߊ߬ ߦߋ߫ ߝߐ߫ ߟߊ߫ ߞߏ߫ ߊ߬ߟߎ߬ ߦߋ߫ ߡߊߘߍ߬ߡߍ߲߬ ߠߊ߫ ߞߋߣߌߦߊ߫ ߞߎ߲߬ߠߊ߬ߛߌ߮ ߓߟߏ߫߸ ߞߏ߬ߣߌ߲߬ ߝߏߦߊ߲߫߸ ߞߌ߬ߛߍ߬ ߕߴߊ߬ ߘߐ߫، ߊ߬ߟߎ߬ ߓߊ߯ ߛߋ߫ ߡߊ߲߬ߛߊ߬ߟߊ ߘߐ߫ ߦߋ߲߬߸ ߊ߬ߟߎ߬ ߘߴߊ߬ ߦߋ߫ ߞߏ߫ ߡߍ߲ ߝߐߣߴߊ߬ߟߎ߬ ߦߋ߫߸ ߊ߬ ߣߌ߫ ߡߍ߲ ߦߋ߫ ߞߣߍ ߞߊ߲߬߸ ߞߋߟߋ߲߫ ߕߍ߫.

ߞߏ ߘߏ߫ ߦߋ߫ ߣߌ߲߬ ߞߏ ߘߐ߫߸ ߘߋ߲ ߓߊ߯ ߛߐ߬ߘߐ߲߬ ߝߘߎ ߞߐߞߊ߲߬߸ ߊ߬ߟߎ߬ ߕߍ߫ ߛߐ߬ߘߐ߲߬ ߛߓߍ߫ ߟߊߘߊ߲߫ ߠߴߊ߬ ߟߊ߫، ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߢߊߢߌߣߌ߲ߠߌ߲ ߞߣߐߡߊ߬߸ ߞߋߣߌߦߊ߫ ߟߊ߬ߛߌ߰ߘߋ߲ ߡߍ߲ ߠߎ߬ ߝߣߊ߫ ߣߌ߫ ߛߐ߬ߘߐ߲߬ ߛߓߍ ߟߊߘߊ߲ ߦߊ߫ ߞߊ߲߫ ߞߵߊ߬ ߘߴߊ߬ߟߎ߫ ߡߊ߬߸ ߞߊ߬ ߓߊ߲߫ ߞߊ߬ ߡߏ߬ߛߏ ߏ߬ ߟߎ߫ ߘߍ߬ߡߍ߲߬ ߊ߬ߟߎ߬ ߦߴߊ߬ߟߎ߬ ߟߊ߫ ߖߡߊ߬ߣߊ ߟߊߛߐ߬ߘߐ߲߬߸ ߏ߬ ߟߎ߬ ߘߴߊ߬ ߞߍ߫ ߏ߬ ߟߎ߬ ߡߊߞߎߡߊ ߘߌ߫߸ ߞߵߊ߬ߟߎ߬ ߢߣߊߕߐ߬ߡߐ߲߫ ߊ߬ߟߎ߬ ߘߐ߫߸ ߞߋߟߋ߲߫ ߌ ߦߋ߫ ߥߊߘߌ ߓߐ߫߸ ߥߟߊ߫ ߌ ߦߴߌ ߖߘߍ߬ ߘߴߊ߬ߟߎ߫ ߡߊ߬ ߞߊ߬ߝߏ߬ߢߐ߰ߦߊ ߛߌߟߊ ߝߍ߬.

ߍߛߑߕߍߙ ߞߊ߬ ߛߊ߲߬ ߞߋߟߋ߲߫ ߠߋ߬ ߞߍ߫߸ ߊ߬ ߣߴߊ߬ ߟߊ߫ ߖߡߊ߬ߣߊ ߞߏߟߊߕߍ߮ ߟߎ߬ ߦߋ߫ ߢߐ߲߮ ߞߐ߫߸ ߛߴߊ߬ ߘߴߊ߬ ߝߊ߬ ߖߡߊߣߊ ߟߊߛߐ߬ߘߐ߲߬.

ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߦߋ߫ ߛߍ߬ߘߏ߲ ߞߊ߲߬߸ ߛߊ߫ ߍߛߑߕߍߙ ߘߴߊ߬ ߞߐߛߊ߬ߦߌ߲߫ ߊ߬ ߝߊ߬ߛߏ ߟߊ߫߸ ߞߵߊ߬ ߛߐ߬ߘߐ߲߫ ߜߏ߲߬ߛߊ߲ ߡߊ߫ ߓߐ߫ ߊ߬ ߘߐ߫، ߞߊ߬ߕߎ߲߯߸ ߡߊ߲߬ߛߊ߬ߟߊ ߞߣߐ߫ ߦߋ߲߬߸ ߘߏ߫ ߛߌߦߊߡߊ߲߫ ߓߍ߫ ߦߋ߲߬ ߡߎߣߎ߲߬߸ ߜߢߍ ߟߴߏ߬ ߟߎ߬ ߘߊ ߝߍ߬߸ ߦߏ߫ ߘߟߐ߬ߡߌ߲ ߣߌ߫ ߢߊ߬ߡߐ߰ߦߊ، ߊ߬ ߝߐ߫ ߘߊ߫ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߓߟߏ߫ ߂߀߂߀ ߠߊ߫ ߞߏ߫ ߞߵߏ߬ ߓߐ߫ ߊ߬ߟߎ߬ ߟߊ߫ ߛߊ߬ߙߌ߬ߦߊ ߞߏߟߊߕߐ߲ ߘߐ߫߸ ߞߏ߬ߣߵߏ߬ ߛߋ߲߭ ߡߊ߫ ߘߎ߰ ߛߐ߬ߘߐ߲߬.

ߊ߬ ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߏߡߊ߲߫ ߞߍߦߙߐ ߘߏ߫ ߓߍ߫ ߞߏ߫ ߡߎߥߊߕߍ߲߫߸ ߏ߬ ߞߵߊ߬ ߝߐ߫ ߞߏ߫ ߟߎ߫ ߞߣߐ߫ ߓߊ߯ߙߟߊ ߣߌ߲߬ ߞߋ߲߬ߥߟߎ߬ ߁،߅ ߟߋ߬ ߦߋ߲߬߸ ߡߍ߲ ߠߎ߬ ߦߋ߫ ߓߊ߯ߙߊ߫ ߟߊ߫߸ ߤߊߟߌ߬ ߢߐ߲ߢߐ߲ߠߌ߲߫ ߕߍ߫ ߟߊߘߊ߬ߤߊ߫ ߊ߬ߟߎ߬ ߦߋ߫ ߊ߬ߟߎ߬ ߟߊ߫ ߞߣߐߡߦߊ ߞߎ߲߬ߕߊ߮ ߣߌ߫ ߘߋ߲߫ ߛߐߘߐ߲ ߕߎ߬ߡߊ ߟߊ߫، ߓߊߏ߬߸ ߕߟߋ߬ ߃߀ ߝߏ߲߬ߖߏ߲߫ ߠߋ߬ ߘߌ߫ ߟߴߊ߬ߟߎ߫ ߡߊ߬ ߘߐߙߐ߲߫߸ ߏ߬ ߡߍ߲ ߦߋ߫ ߖߊ߲߬ߞߊߙߏ ߞߎ߲߬ߕߊ߮ ߘߌ߫.