ߖߋ߬ߟߌ߬ߓߊ߬ߟߊ߫ ߞߣߐ߫߸ ߡߐ߰ ߅߀ ߣߌ߫ ߞߐ߫ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߘߐ߫߸ ߞߵߏ߬ ߕߎ߬ߙߎ߫ ߞߍ߫ ߝߘߌߢߐ߲߯ߘߐ ߘߏ߫ ߘߌ߫߸ ߣߴߏ߬ ߦߋ߫ ߕߋ߰ߙߋ ߟߎ߬ ߣߌ߫ ߖߘߍ߬ ߟߊ߬ߞߊ߲߬ߘߊ߫ ߞߙߎ ߘߏ߫ ߟߎ߫ ߘߌ߫߸ ߣߌ߲߬ ߞߍ߫ ߘߊ߫ ߖ߭ߊߡߑߝߙߊ߫ ߡߊ߬ߙߊ ߟߋ߬ ߘߐ߫߸ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߕߋ߰ߙߋ ߟߎ߬ ߞߊ߫ ߛߌߦߊ߫ ߦߙߐ ߣߌ߲߬ ߘߐ߫ ߞߏߛߓߍ߫، ߛߙߋ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߕߋ߰ߙߋ ߟߎ߬ ߓߋ߬ ߘߊ߫ ߟߋ߬ ߜ߭ߏߡߊ߫ ߘߎ߱ ߞߊ߲߬߸ ߞߊ߬ ߡߐ߰ ߛߌߦߊߡߊ߲߫ ߘߌߦߊߜߏߦߊ߫ ߡߌߣߊ߫ ߦߋ߲߬߸ ߊ߬ߟߎ߬ ߓߊ߲ ߊ߬ߟߎ߬ ߟߊ߫ ߞߏߢߊ߫ ߞߏߙߏ߲ ߠߎ߬ ߟߊ߫߸ ߊ߬ߟߎ߬ ߣߌ߫ ߖߘߍ߬ ߟߊ߬ߞߊ߲߬ߘߊ߫ ߞߙߎ ߟߋ߬ ߣߐ߬ ߢߐ߲߯ ߓߍ߲߬ ߠߊ߫߸ ߞߊ߬ ߝߘߌ߫ ߢߐ߲߮ ߘߐ߫߸ ߛߙߋ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߞߊ߬ ߡߎ߮ ߝߏߙߏ߲ߕߏ߫ ߟߋ߬ ߢߐ߲߮ ߞߊ߲߬ ߞߏߛߓߍ߫.
ߡߊ߬ߙߊ ߢߌ߲߬ ߢߍߡߐ߮ ߘߏ߫ ߟߊ߬ ߞߎߡߊ߫ ߘߐ߫߸ ߞߵߊ߬ ߕߐ߯ ߕߏ߫ ߜߎ߬ߕߙߎ ߘߐ߫߸ ߖߘߍ߬ ߟߊ߬ߞߊ߲߬ߘߊ߫ ߞߙߎ ߡߐ߰ ߉ ߟߋ߬ ߣߌ ߕߏ߫ ߘߊ߫ ߝߘߌߢߐ߲߯ߘߐ ߘߐ߫߸ ߓߊ߬ߙߌ߫߸ ߖߘߍ߬ ߟߊ߬ߞߊ߲߬ߘߊ߫ ߞߙߎ ߡߍ߲߬ ߠߎ߬ ߛߋ߫ ߘߊ߫ ߞߊ߬ ߕߋ߰ߙߋ ߡߐ߰ ߄߄ ߠߋ߬ ߝߊ߰، ߜ߭ߏߡߊ߫ ߘߎ߰ߘߋ߲߬ ߜߘߍ߫ ߘߏ߲߬ ߝߣߊ߫ ߣߐ߬ ߊ߬ߟߋ ߟߊ߫ ߞߎߡߊ߫ ߞߋߟߋ߲߫ ߏ߬ ߕߎ߬ߢߊ߬ߒ߬ߕߋ߬ߦߊ߫߸ ߊ߬ ߣߌ߫ ߞߵߊ߬ ߢߌߣߌ߲߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߝߍ߬߸ ߊ߬ߟߎ߬ ߦߋ߫ ߝߙߍ߬ߞߍ߫ ߞߊ߬ ߞߟߍ߬ ߡߎߙߊ߲ ߘߏ߫ ߟߎ߫ ߘߌ߫ ߊ߬ߟߎ߫ ߟߊ߫ ߖߘߍ߬ ߟߊ߬ߞߊ߲߬ߘߊ߫ ߞߙߎ ߡߊ߬߸ ߖߐ߲߰ߛߴߊ߬ߟߎ߬ ߘߌ߫ ߛߋ߫ ߕߊ ߛߎ߫ ߟߊ߫ ߕߋ߰ߙߋ ߟߎ߬ ߞߏ ߞߘߐ߫.
ߣߌ߲߬ ߓߍ߯ ߞߐߝߍ߬߸ ߕߐ߲߫ ߓߟߏߡߊ ߟߎ߬ ߡߊ߫ ߛߋ߫ ߞߣߍ ߞߊ߲߬ ߝߟߐ߫߸ ߖ߭ߊߡߑߝߙߊ߫ ߕߐ߲ߓߟߏߡߘߊ ߓߋߟߋ߲ߠߊ ߟߊ߫ ߞߎߡߊ߫ ߘߐ߫߸ ߍߝߑߔߋ ߝߐ߰ߓߍ߬ߘߊ ߦߋ߫߸ ߞߏ߫ ߊ߬ߟߎ߬ ߡߊ߫ ߤߌ߬ߤߟߊ߫ ߛߐ߬ߘߐ߲߬ ߝߘߌߢߐ߲߯ߘߐ ߣߌ߲߬ ߞߊ߲߬߸ ߖߊ߬ߕߋ߬ߡߌ߬ߣߊ߬ ߓߟߏߡߊ߬߸ ߟߌ߬ߤߟߊ߬ ߛߐߘߐ߲ ߜߟߍ߬ߡߊ߲߫ ߡߊ߬ߙߊ ߣߌ߲߬ ߞߣߐ߫߸ ߟߌ߬ߤߟߊ ߟߎ߬ ߕߍ߫ ߛߌߟߊ ߛߐ߬ߘߐ߲߬ ߠߊ߫ ߖߏߣߊ߫.






