ߡߐ߰ ߣߊ߯ߣߌ߲߫ ߓߘߊ߫ ߕߏ߫ ߓߌ߬ߟߊ߬ߒ߬ߘߐ߬ߖߎ߮ ߘߐ߫߸ ߓߊߙߊ߲ߕߏ߲߫ ߥߎߟߋ߲ ߠߊ߫ ߝߐߟߌ߫ ߘߐ߫، ߞߵߏ߬ ߕߎ߬ߙߎ ߞߍ߫ ߞߐ߲߬ߛߏ ߘߏ߫ ߞߍ ߘߌ߫ ߞߵߊ߬ ߛߌ߰ ߞߊ߲ߓߋ߲ ߘߏ߫ ߣߴߊ߬ ߘߏ߬ߣߌ߲ ߓߋ߬ߣߍ߲ ߞߎ߲߬ ߖߍ߲ߓߎߙߍ߲ ߝߍ߬.

ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍߣߍ߲߫ ߛߌ߯ߙߌ߲߫ ߣߌ߫ ߞߊ߲ߞߊ߲߫ ߕߍ ߛߌߟߓߊ ߞߊ߲߬ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߣߍߣߍߓߊ ߕߟߋ߬ ߁߈ ߖߍ߲ߓߎߙߍ߲ ߝߍ߬߸ ߞߊ߬ ߡߐ߰ ߣߊ߯ߣߌ߲߫ ߓߐ߬ߣߐ߫ ߊ߬ ߣߌ ߘߐ߫، ߞߐ߲߬ߛߏ ߘߏ߫ ߟߋ߬ ߥߊߣߴߊ߬ ߛߌ߰ ߟߊ߫ ߞߊ߲ߓߋ߲߫ ߓߋ߬ߣߍ߲ ߘߏ߫ ߞߎ߲߬ ߛߌߟߊ ߞߊ߲߬߸ ߞߵߊ߬ ߞߣߐ߫ ߡߐ߯ ߣߊ߯ߣߌ߲߫ ߓߐ߬ߣߐ߫ ߊ߬ ߣߌ ߘߐ߫ ߝߏߘߋߞߊߙߌߦߊ߫ ߣߌ߫ ߘߟߊ߬ߓߊ߬ ߕߍߟߊ ߘߐ߫، ߟߏ߲߬ߛߋߣߌ߲߫ ߘߎ߲ߓߎߦߊ߫ ߟߊ߫ ߝߐߟߌ߫ ߘߐ߫߸ ߝߏߘߋߞߊߙߌߦߊ߫ ߓߊ߬ߟߌ߬ߡߊ߲߰ߠߊ߫ ߓߊߙߊ߲ߕߏ߲߫ ߥߎߟߋ߲ ߖߋ߬ߓߌ߬ߦߊ߬ߟߊ ߘߏ߫، ߊ߬ ߞߊ߲߫ ߞߏ߫<<ߛߐ߰ߡߊ߬ߘߊ ߣߌ߲߬ ߠߊ߫ ߒ ߟߊߣߍ߲߫ ߠߋ߬ ߕߏ߫ ߘߊ߫ ߒ ߕߋߙߌ߫ ߞߍ ߞߊ߬ ߒ ߥߋ߯ߟߋ߫ ߞߏ߫ ߒ ߧߋ߫ ߣߊ߬߸ ߊߛߌߕߑߘߊ߲ߕ ߓߘߊ߫ ߞߍ߫߸ ߊ߲ ߥߟߌ߫ ߘߊ߫ ߞߣߊ߬߸ ߊ߲ ߥߌ߬ߟߌ ߞߣߊ߬߸ ߊ߲ ߣߊ߬ ߘߴߊ߬ ߦߋ߫ ߡߐ߰ ߣߊ߯ߣߌ߲߫ ߠߋ߬ ߕߏ߫ ߘߴߊ߬ ߘߐ߫>>

 
ߊ߬ ߞߵߏ߬ ߟߋ߬ ߝߐ߫، ߞߐ߲߬ߛߏ ߣߌ߲߬ ߕߎ߲߬ ߦߋ߫ ߓߐ߫ ߟߋ߬ ߛߌ߯ߙߌ߲߫ ߝߊ߲ߝߍ߬߸ ߖߍ߲ߓߎߙߍ߲ ߕߎ߬ߡߊ ߝߍ߬߸ ߆ ߕߎߡߊ ߟߊ߫، ߊ߬ߟߋ ߣߊ߬ ߘߊ߫ ߞߊ߲ߓߋ߲ ߘߏ߫ ߟߋ߬ ߓߋ߬ߣߍ߲߫ ߛߐ߬ߘߐ߲߫߸ ߊ߬ ߞߵߊ߬ ߛߌ߰ ߏ߬ ߟߋ߬ ߞߎ߲߬߸ ߞߵߏ߬ ߞߐߝߟߌ ߞߍ߫ ߡߐ߰ ߣߊ߯ߣߌ߲߫ ߛߕߊ ߘߌ߫ ߌߞߘߐ߫، ߞߟߍ߬ߡߐ߮ ߟߎ߬ ߟߊ߫ ߢߊߢߌߣߌ߲ߠߌ߲ ߞߐߝߍ߬߸ ߏ߬ ߟߎ߫ ߞߊ߬ ߛߎ߭ ߟߊߕߊ߬ߡߌ߲߬ ߓߊߙߊ߲ߕߏ߲߫ ߥߎߟߋ߲ ߡߊ߬߸ ߛߎ߭ ߟߊߘߏ߲߬ ߘߊ߫ ߛߋ߲߬ߘߐ߬ߞߎߟߎ߲ ߞߣߐ߫ ߓߎ߬ߕߎ߲߫ ߞߊ߬ ߥߴߊ߬ ߘߌ߫، ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߘߊ߫ ߦߙߐ߫ ߕߌ߯ߕߌ߯ ߡߍ߲ ߘߐ߫߸ ߏ߬ ߟߋ߬ ߣߏߙߊߞߐ߬ ߘߌ߫.

ߣߏߙߊߞߐ߬ ߦߋ߫ ߝߏߘߋߞߊߘߌߦߊ߫ ߣߌ߫ ߘߟߊ߬ߓߊ߬ ߕߍߟߊ ߟߋ߬ ߘߐ߫߸ ߖߋ߬ߓߌ߬ߦߊ߬ߟߊ ߟߊ߫ ߞߎߡߊ߫ ߘߐ߫߸ ߡߐ߰ ߣߊ߯ߣߌ߲߫ ߡߍ߲ ߕߏ߫ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߢߌ߲߬ ߘߐ߫߸ ߊ߬ ߓߍ߯ ߕߘߍ߬ ߦߋ߫ ߞߐ߲߬ߛߏ߬ ߞߋߟߋ߲߫ ߢߌ߲߬ ߠߋ߬ ߞߣߐ߫߸ ߊ߬ ߛߋ߫ ߘߊ߫ ߞߐ߲߬ߛߏ߬ ߜߘߍ߫ ߡߍ߲ ߡߊ߬߸ ߏ߬ ߟߊ߬ߓߏ߬ߙߌ߬ߟߊ ߖߐߞߌ߫ ߘߊ߫ ߟߋ߬.