ߘߎ߰ߞߘߐ߬ ߣߊ߲߬ߝߟߏ߬ ߛߌߦߊߡߊ߲߫ ߠߋ߬ ߦߴߊ߲ ߓߟߏ߫߸ ߊ߬ ߣߌ߫ ߞߵߊ߬ ߟߊ߫ ߢߎߡߍ ߟߎ߬ ߞߊ߲߬߸ ߓߊ߬ߙߌ߫߸ ߏ߬ ߣߴߊ߬ ߕߊ߫߸ ߞߎߓߋߘߊ߫ ߒߕߊ߲ߧߊ ߦߋ߫ ߦߋ߲߬ ߞߵߏ߬ ߟߎ߬ ߟߊߓߊ߯ߙߴߊ߬ ߢߊ߫ ߡߊ߬߸ ߝߘߊ߬ߝߌ߲߬ߠߊ߫ ߞߊ߫ ߞߊ߲߫ ߞߊ߬ ߓߐߘߊ߫ ߛߐ߬ߘߐ߲߬ ߜߟߍ߬ߦߊ ߢߌ߲߬ ߡߊ߬߸ ߖߐ߲߰ߛߊ߫ ߞߵߊ߬ ߟߊ߫ ߘߎ߰ߞߘߐ߬ ߣߊ߲ߝߟߏ ߓߊ߯ߙߊ ߟߎ߬ ߛߊ߲ߞߘߐߕߊ߬߸ ߊ߬ ߣߌ߫ ߞߵߏ߬ ߞߍ߫ ߥߙߎߞߌ ߕߏ߬ߕߍ߬ߡߊ߬ߕߏ߲ ߘߌ߫߸ ߣߌ߲߬ ߠߋ߬ ߕߎ߲߬ ߦߋ߫ ߘߎ߰ߞߘߐ߬ ߣߊ߲ߝߟߏ ߟߎ߬ ߣߌ߫ ߢߎߡߍߞߏ ߜߙߊ߬ߓߊ ߕߊ߬ߞߏ߬ ߝߌߟߊߣߊ߲ ߞߣߐ߫ ߞߎߡߊ߫ ߞߟߏߡߊ ߘߏ߫ ߟߋ߬ ߘߌ߫، ߏ߬ ߡߍ߲ ߘߊߡߌ߬ߣߊ߬ ߘߊ߫ ߞߊ߬ߦߌ߯ ߞߎߣߎ߲߬߸ ߊߓߌߖߊ߲߬ ߘߎ߱ ߞߣߐ߫߸ ߟߊ߬ߘߍ ߣߌ߲߬ ߞߊ߬ ߘߎ߰ߞߘߐ߬ ߣߊ߲ߝߟߏ ߓߊ߯ߙߟߊ ߟߎ߬ ߣߌ߫ ߖߋ߬ߣߌ߲߬ߕߊ ߕߊ ߟߎ߫ ߝߙߊ߬ ߢߐ߲߮ ߞߊ߲߬ ߠߋ߬.
ߘߎ߰ߞߘߐ߬ ߣߊ߲߬ߝߟߏ߬ ߛߌߦߊߡߊ߲߫ ߠߋ߬ ߦߋ߫ ߝߘߊ߬ߝߌ߲߬ߠߊ߫߸ ߓߊ߬ߙߌ߫߸ ߝߘߊ߬ߝߌ߲߬ߠߊ߫ ߘߛߍߣߍ߲߫ ߠߴߏ߬ ߟߎ߬ ߕߣߐ߬ߓߐ߫ ߟߊ߫߸ ߏ߬ ߘߏ߲߬ ߞߎ߲߭ ߦߋ߫ ߞߎߓߋߘߊ߫ ߞߏ ߟߋ߬ ߘߌ߫߸ ߊ߬ ߣߌ߫ ߣߊ߲߬ߝߟߏ߬ ߒߕߊ߲ߧߊ߸ ߡߍ߲ ߘߌ߫ ߞߍ߫ ߞߵߏ߬ ߟߎ߬ ߟߊߓߊ߯ߙߊ߫߸ ߝߘߊ߬ߝߌ߲߬ߠߊ߫ ߘߏ߲߬ ߠߊ߫ ߓߟߏߘߌߢߐ߲߰ߡߊ ߟߋ߬ ߦߋ߫ ߜߟߍ߬ߦߊ ߏ߬ ߓߐߘߊ ߘߌ߫߸ ߜߋ߲ߞߐ߰ߖߌ߬ߘߊ ߞߊ߲ߕߌ߯ ߛߙߍߞߍ߸ ߟߊ߫ ߞߎߡߊ ߞߍ߫ ߘߊ߫ ߏ߬ ߟߎ߫ ߟߋ߬ ߞߊ߲߬߸ ߟߊ߬ߘߍ ߘߟߊߞߊ߬ ߕߎߡߊ ߟߊ߫߸ ߊ߬ ߞߊ߲߫ ߞߏ߫ <<ߝߘߊ߬ߝߌ߲߬ߠߊ߫ ߖߡߊߣߊ ߟߎ߬ ߞߊ߫ ߞߊ߲߫ ߠߋ߬ ߞߵߊ߬ߟߎ߬ ߟߊ߫ ߝߊ߲߬ߞߊ ߟߎ߬ ߣߴߊ߬ߟߎ߬ ߟߊ߫ ߛߋ ߟߎ߬ ߟߊ߫ ߢߐ߲߮ ߞߊ߲߬߸ ߏ߬ ߟߋ߬ ߞߏߛߐ߲߬߸ ߕߐ߬ߣߐ ߦߴߊ߬ ߟߊ߫ ߞߵߊ߲ ߠߊ߫ ߟߐ߬ߟߌ ߓߊ߯ߙߊ ߟߎ߬ ߤߊߞߟߌߣߊ߲ ߠߎ߬ ߛߌ߲ߛߌ߲߫ ߢߐ߲߮ ߞߊ߲߬߸ ߡߍ߲ ߠߎ߬ ߘߌ߫ ߓߏ߬ߙߌ߫ ߖߡߊ߬ߣߊ߬ ߛߌߦߊߡߊ߲߫ ߞߊ߲߬߸ ߏ߬ ߘߴߊ߲ ߘߍ߬ߡߍ߲߫ ߖߐ߰ߣߍ߬ ߓߐߕߊ ߟߎ߬ ߟߊ߫߸ ߊ߬ ߣߌ߫ ߞߊ߬ ߛߌߦߊߡߊ߲߫ ߝߙߊ߬ ߝߘߊ߬ߝߌ߲߬ߠߊ߫ ߟߊ߫ ߛߐ߬ߘߐ߲ ߞߊ߲߬>> ߏ߬ ߟߋ߬ ߞߍ߫ ߘߊ߫ ߜߋ߲ߞߐ߰ߖߌ߬ߘߊ ߞߊ߲ߕߌ߯ ߛߙߍߞߍ ߟߊ߫ ߞߎߡߊ ߘߌ߫.


