ߕߟߋ߬ ߦߙߌߞߊ߫ ߟߊ߬ߟߐ߬ߟߌ ߣߴߊ߬ ߕߊ߫߸ ߡߊ߬ߙߐߞߎ߬ ߘߋ߲ߡߌߛߍ߲ ߠߎ߬ ߓߘߊ߫ ߥߟߌ߬ ߕߎ߲߯߸ ߡߍ߲ ߠߎ߬ ߦߋ߫ ߞߟߌ߫ ߟߊ߫ ߞߏ߫ ߖ߭ߣߋߙߊߛߌߦߐ߲߫ ߖ߭ߍߘ߸ ߊ߬ߟߎ߬ ߓߘߴߊ߬ߟߎ߬ ߟߊ߫ ߔߊߞߌߛߦߊ ߟߊߥߟߌ߬ ߞߏߞߎߘߊ߫، ߊ߬ߟߎ߬ ߦߋ߫ ߜߟߍ߬ߦߊ ߡߍ߲ ߘߐ߫߸ ߊ߬ߟߎ߬ ߓߘߴߊ߬ߟߎ߬ ߞߊ߲ߠߊߘߌ߫ ߞߎ߲߬ߠߊ߬ߛߌ߮ ߡߊ߬ ߞߏ߫ ߛߌߦߊߡߊ߲߫ ߠߋ߬ ߘߐ߫߸ ߊ߬ߟߎ߬ ߦߴߊ߬ߟߎ߬ ߞߐߜߊ߭ ߞߊ߲߬߸ ߏ߬ ߟߎ߬ ߟߊ߫ ߡߊ߲߬ߞߎ ߣߴߊ߬ ߕߊ߫߸ ߊ߬ߟߎ߬ ߕߍ߫ ߛߍ߰ ߟߊ߫.
ߕߟߋ߬ ߘߊ߲ߘߐ߫ ߢߐߢߐ߲ߠߌ߲ ߞߐߝߍ߬߸ ߡߊ߬ߙߐߞߎ߬ ߘߋ߲ߡߌߛߍ߲ ߠߎ߬ ߓߘߊ߫ ߥߟߌ߬ ߞߏߞߎߘߊ߫߸ ߞߊ߬ ߛߌߟߓߊ߫ ߞߊ߲ߠߊ ߟߎ߬ ߟߊߝߌ߲߭ ߘߊߡߌ߬ߣߊ߬߸ ߏ߬ ߡߍ߲ ߖߎ߭ߛߌ߰ ߘߴߊ߬ߟߎ߬ ߓߟߏ߫ ߞߍ߲ߘߍߟߏ߲ ߡߊ߬ ߌߞߘߐ߫߸ ߙߓߊ߫ ߞߣߐ߫، ߖ߭ߍ߲߫ ߖ߭ߍߘ ߔߊߞߌߛߦߊߟߊ ߡߍ߲ ߠߎ߬ ߦߋ߫ ߕߋ߲߬߸ ߊ߬ ߝߊ߲߬ߓߊ ߦߋ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߣߌ߫ ߘߋ߲ߡߌߛߍ߲߫ ߓߊ߯ߙߊߞߍߟߊ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߡߊߞߊ߬ߛߌ߬ ߟߴߊ߬ߟߎ߬ ߟߊ߫ ߡߊ߲߬ߕߎ߬ߙߋ߬ߦߊ ߟߋ߬ ߞߐ߫߸ ߕߍߕߋߟߋ߲ ߠߋ߬ ߞߐ߫ ߡߐ߱ ߟߎ߬ ߣߌ߫ ߢߐ߲߯ ߕߍ߫ ߘߍ߭ ߞߣߐ߫߸ ߞߊ߬ ߝߘߊ߫ ߢߣߊߕߐߡߐ߲ߠߌ߲ ߠߊ߫߸ ߞߊ߬ ߓߍ߯ ߟߊߞߢߊ߫ ߛߊ߬ߙߌ߬ߦߊ߬ ߢߊߞߘߐ߫ ߜߋ߲߫.
ߔߊߞߌߛߦߊߟߊ ߘߏ߫߸ ߞߏ߫ ߙߋߘߊ߬߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߤߊߟߌ߬ ߣߴߊ߬ ߞߵߊ߬ ߛߐ߬ߘߐ߲߬ ߞߏ߫ ߊ߲ ߓߘߊ߫ ߕߟߋ߬ ߁߀ ߢߐ߲߰ ߞߍ߫ ߢߐߢߐ߲ߠߌ߲ ߘߐ߫߸ ߊ߲ ߧߋ߫ ߥߊ߫ ߒ߬ ߕߊ ߕߌ߲߬ ߡߊ߬ ߟߋ߬߸ ߊ߬ ߕߍ߫ ߟߊߟߐ߬ ߟߊ߫ ߝߏ߫ ߊ߲ ߠߊ߫ ߟߊ߬ߢߌߣߌ߲ ߠߎ߬ ߓߊ߯ ߞߍ߫ ߕߎ߬ߡߊ ߡߍ߲ ߠߊ߫، ߊ߬ ߕߍ߫ ߘߊ߲߬ ߠߊ߫ ߞߎߡߊ߫ ߡߎ߯ ߡߊ߬ ߦߋ߲߬ ߕߋ߲߬ ߘߋ߬߸ ߝߏ߫ ߊ߬ ߦߋ߫ ߓߌ߬ߟߊ߬ ߞߍߟߌ ߡߎ߬ߙߊ߲ ߠߋ߬ ߞߣߐ߫.>> ߙߋߘߊ߬ ߟߋ߬ ߞߵߏ߬ ߝߐ߫߸ ߔߊߞߌߛߦߊߟߊ ߘߏ߫، ߊ߬ߟߋ ߝߍ߬߸ ߊ߬ߟߎ߬ ߟߊ߫ ߓߐߟߌ߫ ߞߎߘߊ ߣߌ߲߬ ߘߐ߫߸ ߊ߬ߟߎ߬ ߢߊ߲ߛߊ߲ ߓߘߊ߫ ߛߌߦߊߦߊ߫ ߓߊߟߋ߬߸ ߞߵߏ߬ ߞߎ߲߭ ߞߍ߫ ߡߐ߰ ߛߌߦߊߡߊ߲߫ ߝߊ߬ߙߊ ߘߴߊ߬ߟߎ߫ ߞߊ߲߬.
ߡߊ߬ߙߐߞߎ߬ ߘߋ߲ߡߌߛߍ߲ ߠߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߡߍ߲ ߝߍ߬߸ ߏ߬ ߟߋ ߦߟߍ߬ߡߊ߲ ߖߍ߬ߘߍߖߍ߬ߘߍ ߟߊߘߏ߲߭ ߘߌ߫ ߞߏ ߘߏ߫ ߟߎ߫ ߘߐ߫߸ ߦߏ߫ ߓߊ߯ߙߊ߫ ߛߐߘߐ߲߸ ߟߊ߬ߞߟߏ߬ߞߟߏ߬ߟߌ߸ ߜߋߙߋ߲ߜߋߙߋ߲ߧߊ، ߞߵߊ߬ ߛߐ߬ߘߐ߲߬ ߞߊ߲߫ ߝߟߐ ߡߍ߲ ߕߍ߬ߘߍ߫ ߊ߬ߟߎ߬ ߘߊ߫ ߔߊߞߌߛߦߊ߫ ߕߊ߬ߡߌ߲߬ߣߍ߲ ߠߎ߬ ߘߐ߫߸ ߡߍ߲ ߠߎ߬ ߡߊߘߊ߲߫ ߛߊ߲ ߦߴߊ߲ ߓߟߏ߫ ߣߌ߲߬߸ ߏ߬ ߟߎ߫ ߕߎ߲߬ ߕߴߏ߬ ߟߎ߬ ߘߐ߫، ߊ߬ߟߎ߫ ߕߎ߲߬ ߞߵߊ߬ ߝߐ߫ ߟߋ߬ ߝߟߐ ߘߐ߫ ߞߏ߫: ߞߊ߬ ߕߌ߲߬ߞߎߘߎ߲ ߕߍߞߢߊߓߊߟߌߦߊ ߟߊߟߐ߬߸ ߊ߬ ߣߌ߫ ߥߙߎߞߟߌ ߘߐ߫ ߞߢߊߓߊߟߌߦߊ ߣߌ߫ ߛߌߦߊߡߊ߲߫ ߜߘߍ߫ ߟߎ߫،
ߡߊ߲߬ߛߊ߬ ߡߏ߬ߤߊ߬ߡߍ߬ߘ ߆߲ ߞߊ߬ ߓߋߟߋ߲ߠߊ ߡߍ߲ ߞߍ߫ ߞߏ߲ߓߌߕߌ߮ ߕߟߋ߬ ߁߀ ߡߊ߬ ߞߎߡߊߞߍߓߏ߲ ߢߊߞߘߐ߫߸ ߊ߬ ߞߎߡߊ߫ ߘߊ߫ ߖߡߊ߬ߣߊ ߞߏ߫ ߛߌߦߊߡߊ߲߫ ߞߊ߲߬߸ ߡߙߌߦߊ ߡߍ߲ ߠߎ߬ ߦߴߊ߬ ߟߊ߫߸ ߊ߬ ߣߌ߫ ߢߍߥߟߊ߫ ߛߌߦߊߡߊ߲߫، ߓߊ߬ߙߌ߬ ߥߊߦߌߞߊ߫߸ ߊ߬ ߡߊ߫ ߕߏ߰ߝߏ ߕߐ߯ߘߐߕߍ߰ ߡߎ߰ߡߍ߫، ߊ߬ ߟߊ߫ ߡߊ߬ߞߎ߲ ߏ߬ ߟߋ ߖߊ߬ߕߋ߬ߣߍ߲߫ ߘߋ߲ߡߌߛߍ߲ ߘߏ߫ ߟߎ߫ ߓߟߏ߫ ߖߐ߬ߒ߬ߡߊ߬ߦߊ ߘߌ߫، ߝߏ߫ ߘߏ߫ ߟߎ߫ ߞߵߊ߬ ߟߊ߫ ߞߎߡߊ ߟߊߥߟߏ߫ ߢߊ߫ ߛߌߦߊߡߊ߲߫ ߡߊ߬ <<ߔߊߞߌߛߦߊ ߘߏ߫ ߟߎ߫ ߣߐ߬ ߊ߬ ߦߋ߫ ߟߊ߫ ߟߋ߬߸ ߞߏ߫ ߡߊ߲߬ߛߊ ߞߎߡߊߣߴߊ߬ߟߎ߫ ߞߊ߲߬ ߡߊ߬ߛߊ߲߬ߕߊ߬ߡߎ߲߬ ߓߟߏ ߟߋ߬ ߡߊ߬، ߓߊ߬ߙߌ߬ ߘߏ߫ ߟߎ߫ ߡߊ߫ ߛߍߥߴߊ߬ ߟߊ߫ ߞߎߡߊ߫ ߢߊ ߏ߬ ߟߊ߫ ߟߋ߬ ߡߎ߰ߡߍ߫.>> ߟߊ߬ߞߙߐ߬ߛߌ߬ߟߊ ߘߏ߫ ߟߋ߬ ߞߎߡߊ߫ ߞߊ߲ ߦߴߏ߬ ߘߌ߫ ߖߊ߬ߡߊ ߘߐ߫ ߦߋ߲߬.
ߣߴߌ ߞߊ߬ ߣߊߖߌ߫ ߡߊߝߟߍ߫߸ ߔߊߞߌߛߦߊߟߊ߫ ߜߘߍ߫ ߟߵߏ߬ ߘߌ߫߸ ߏ߬ ߞߊ߲߫ ߞߏ߫ ߥߊ߯ߕߌ߫ ߣߊ߬ߕߐ ߞߏ߬ߣߌ߲ ߘߐߝߌ߲߬ߣߍ߲߬ ߞߏߛߓߍ߫ <<ߒ ߕߊ߫ ߡߙߌ߫ ߘߐ߫߸ ߥߊ߯ߕߌ ߓߘߊ߫ ߛߎ߬ߘߎ߲߬ߧߊ߬ ߛߍߣߍ߲߬ ߜߐߞߎ߫ ߞߵߊ߬ ߟߐ߲߫߸ ߣߌ߫ ߕߏߏ߰ߝߏ ߣߌ߲߬ ߘߴߊ߬ ߘߋ߲߫ ߞߍ߫، ߓߘߍ߬ߓߘߍ߬ߟߌ ߘߐ߫߸ ߞߏ ߟߎ߬ ߦߋ߫ ߥߟߏߡߊ߲ߖߊ߲߫ ߠߊ߫ ߟߋ߬߸ ߞߏ ߓߍ߯ ߘߌ߫ ߛߋ߫ ߡߊߝߊ߬ߟߋ߲߬ ߠߊ߫ ߟߏ߲߫ ߞߋߟߋ߲߫ ߔߋ߫ ߕߋ߲߬ ߌߞߘߐ߫، ߓߊ߬ߙߌ߬ ߡߍ߲ ߦߋ߫ ߕߛߊ ߘߊ ߘߌ߫߸ ߘߋ߲ߡߌߛߍ߲ ߠߎ߬ ߖߌ߰ߡߝߊ߬ߣߍ߲߫ ߠߋ߬ ߝߛߊߦߌ߫.>>
ߘߋ߲ߡߌߛߍ߲ ߢߌ߲߬ ߠߎ߫ ߞߏ߬ߣߌ߲ ߡߙߌߦߊ ߕߍ߫ ߘߏ߫ ߜߘߍ߫ ߘߌ߫߸ ߞߏ߫ ߝߏ߫ ߓߊ߯ߙߊ߫ ߛߐߘߐ߲ ߦߋ߫ ߣߐ߰ߦߊ߫߸ ߞߊ߬ߙߊ߲߸ ߊ߬ ߣߌ߫ ߞߍ߲ߘߍߦߊ߸ ߊ߬ߟߎ߬ ߣߌߘߐߞߏ ߦߴߏ߬ ߟߋ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
