ߥߙߏ߬ߘߎ߰ ߊߝߙߌߞߌ߬ ߛߌ߰ߞߊ߲߬ ߞߕߌߖߌ߲ ߓߘߊ߫ ߞߢߊߓߊߟߌߦߊ ߟߊߥߌ߬ߟߌ߫ ߖߊ߲߭ ߠߎ߬ ߣߌ߫ ߢߐ߲߯ ߕߍ߫ ߡߎ߬ߕߎ߲߬߸ ߞߵߊ߬ ߟߊߘߌ߬ߢߍ߬ ߛߍߣߍ߲߬ ߞߏ߫ ߗߍ߭ ߘߌ߫ ߛߴߊ߬ ߡߏ߬ߛߏ ߖߊ߬ߡߎ߲ ߕߊ߬ ߟߊ߫ ߡߎ߬ߕߎ߲߬، ߏ߬ ߡߍ߲ ߠߊߕߐ߲ߣߍ߲߫ ߕߍ߬ߘߍ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߝߏ߫ ߡߐ߰ ߛߌߦߊߡߊ߲߫ ߕߎ߲߬ ߦߴߊ߬ ߓߛߌ߬ߞߌ߬ ߟߊ߫ ߞߏ߫ ߢߣߊߕߐߡߐ߲ ߘߌ߫.
ߥߙߏ߬ߘߎ߰ ߊߝߙߌߞߌ߬ ߛߊ߬ߙߌ߬ߦߊ ߓߘߊ߫ ߛߐ߲߬ ߡߎ߬ߕߎ߲߬߸ ߞߏ߫ ߗߍ߭ ߘߌ߫ ߛߴߊ߬ ߡߏ߬ߛߏ ߓߘߊ߫ ߡߐ߮ ߟߎ߬ ߖߊ߬ߡߎ߲ ߕߊ߬ ߟߊ߫ ߝߛߊߦߌ߫߸ ߏ߬ ߞߎߡߊ ߟߊߕߍ߰ ߘߊ߫ ߓߌ߬ ߓߌߟߏ߲ ߢߌ߲߬ ߠߋ߬ ߡߊ߬߸ ߛߌ߰ߞߊ߲ ߞߕߌߖߌ߲ ߓߟߏ߫، ߛߊ߬ߙߌ߬ߦߊ ߡߍ߲ ߕߍ߬ߘߍ߫ ߏ߬ ߟߊߕߐ߲߫ ߠߊ߫߸ ߞߵߏ߬ ߟߊߥߟߌ߬ ߘߏߦߌ߲߫߸ ߏ߬ ߡߍ߲ ߖߊ߬ߕߋ߬ߣߍ߲߫ ߕߘߍ߬ ߘߏ߫ ߟߎ߫ ߓߟߏ߫ ߞߏ߫ ߢߣߊߕߐߡߐ߲ ߘߌ߫ ߖߊ߲߭ ߠߎ߬ ߣߌ߫ ߢߐ߲߯ ߕߍ߫ ߞߊ߬ߣߌ߲߬.
ߌ ߓߊ߯ ߡߙߌߘߐ ߣߌ߲߬ ߕߊ߬ߣߍ߲ ߦߋ߫߸ ߡߞߊ߬ߛߌ߬ߟߌ ߘߏ߫ ߟߋ߬ ߞߍߣߍ߲߫ ߝߌ߬ߟߊ߬ߓߊ ߘߏ߫ ߟߎ߫ ߓߟߏ߫، ߝߟߐߡߊ ߘߐ߫߸ ߗߍ߭ ߡߏ߬ߛߏ ߛߐ߬ߘߐ߲߬ߓߊ߮ ߟߎ߫ ߟߋ߬ ߛߊ߬ ߘߊ߫ ߞߵߊ߬ߟߎ߫ ߘߐ߰ߡߊ߲߬ߣߍ߲ ߕߏ߫߸ ߞߵߊ߬ ߟߊߥߌ߬ߟߌ߫ ߊ߬ ߡߏ߬ߛߏ ߟߊ߫ ߡߐ߱ ߟߎ߬ ߛߌ߲ߞߐ߲ ߠߊߡߊ߲߬ߘߌ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߵߊ߬ ߡߏ߬ߛߏ ߟߊ߫ ߡߐ߱ ߟߎ߬ ߛߌ ߟߋ߬ ߟߴߊ߬ߟߋ ߟߊ߫ ߕߘߋ߫، ߝߌ߬ߟߓߊ߬ ߜߘߍ߫ ߝߣߊ߫ ߓߍ߫߸ ߡߏ߬ߛߏ ߞߋߟߋ߲߫ ߔߋ߫ ߟߋ߬ ߊ߬ ߛߐ߬ߘߐ߲߬ߓߊ߮ ߟߎ߬ ߓߟߏ߫ ߘߋ߲߫ ߘߌ߫߸ ߗߍ߭ ߕߴߊ߬ ߝߍ߬ ߞߵߊ߬ ߡߏ߬ߛߏ ߟߊ߫ ߡߐ߱ ߟߎ߬ ߓߐ߲ߛߐ߲߫ ߞߏ ߓߊ߲߫ ߡߎ߬ߕߎ߲߬، ߏ߬ ߟߋ ߘߐ߫߸ ߊ߬ ߝߣߊ߫ ߞߵߊ߬ ߣߕߊ߬ ߞߏ߫ ߝߏ߫ ߞߵߊ߬ ߡߏ߬ߛߏ ߛߌ ߟߋ߬ ߟߴߊ߬ ߟߊ߫ ߖߐ߫߸ ߛߴߏ߬ ߘߌ߫ ߞߍ߫ ߊ߬ ߡߏ߬ߛߏ ߟߊ߫ ߡߐ߱ ߟߎ߬ ߛߌ߲ߞߐ߲ߡߌߘߊ ߣߴߊ߬ߟߎ߬ ߣߐ߭ ߕߏ ߘߌ߫ ߘߎߢߊ߫ ߘߐ߫، ߒ߬ߓߊ߬߸ ߡߞߊ߬ߛߌ߬ߟߌ߫ ߝߌ߬ߟߊ ߏ߬ ߟߋ ߥߊߣߍ߲߫ ߟߊ߫ ߟߊ߫ ߛߊ߬ߙߌ߬ߦߊ߬ ߞߘߐ߫߸ ߞߵߊ߬ ߛߐ߬ߘߐ߲߬ ߞߏ߫ ߛߎ߮ ߏ߬ ߟߎ߬ ߟߊߕߐ߲ߣߍ߲߫ ߠߋ߬ ߖߡߊ߬ߣߊ ߞߣߐ߫.
ߞߊ߬ ߞߐ߲߰ ߞߕߌ ߢߍ߫߸ ߗߍ߬ ߜߘߍ߫ ߝߣߊ߫ ߕߎ߲߬ ߓߘߊ߫ ߕߊ߬ߡߌ߲߫ ߊ߬ߟߎ߬ ߟߊ߫ ߞߣߐߟߊ ߞߏߕߌ߮ ߝߍ߬ ߞߘߐ߬ߡߊ߲߬߸ ߞߵߊ߬ ߡߏ߬ߛߏ ߛߌ ߟߴߊ߬ ߖߘߍ߬ ߟߊ߫߸ ߏ߬ ߟߊߘߌ߬ߢߍ߬ ߘߊ߫ ߟߋ߬ ߞߵߊ߬ ߛߐ߬ߘߐ߲߬ ߛߊ߬ߙߌ߬ߦߊ߬ ߡߊ߫ ߕߵߊ߬ ߞߊ߲ߡߊ߬.
ߒ߬ߓߊ߬߸ ߏ߬ ߟߋ ߓߘߊ߫ ߓߐ߫ ߊ߬ ߘߐ߫ ߡߎ߬ߕߎ߲߬ ߛߊ߫߸ ߞߊ߬ ߛߊ߬ߙߌ߬ߦߊ߬ ߞߎߘߊ ߢߌ߲߬ ߠߊߘߏ߲߬ ߖߡߊ߬ߣߊ ߞߣߐ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߋߙߐߔߎ߬ ߖߡߊ߬ߣߊ ߘߏ߫ ߟߎ߫ ߞߣߐ߫ ߞߊ߬ ߓߊ߲߫߸ ߊ߬ ߣߌ߫ ߤߊߟߌ߬ ߊߡߙߌߞߌ߬ ߞߊ߬ߝߏ ߘߏ߫ ߟߎ߫ ߞߣߐ߫߸ ߘߌ߬ߢߍ߬ ߞߍߣߍ߲߫ ߦߋ߲߬ ߠߎ߬ ߘߐ߫߸ ߗߍ߭ ߘߌ߫ ߛߴߊ߬ ߡߏ߬ߛߏ ߛߌ ߕߊ߬ ߟߊ߫߸ ߛߊ߬ߙߌ߬ߦߊ߫ ߛߐ߲߬ߣߍ߲߫ ߏ߬ ߡߊ߬ ߝߋߎ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
