ߞߐ߰ߦߊ߬ ߞߕߌߓߋߟߋ߲ ߞߵߊ߬ ߝߐ߫ ߞߵߊ߬ ߟߊߕߍ߰ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߅ ߕߎߟߊߝߌ߲ ߕߟߋ߬ ߀߁߭߸ ߞߏ߫ ߘߐ߲߬ߞߟߌ߬ߟߊ߬ߟߊ߫ ߛߍ߲ߜ߭ߑߟߋߕߐߣ ߡߊߝߌ߲߬ߣߍ߲߫ ߡߐ߰ ߝߊ߰ ߞߏ ߘߏ߫ ߘߐ߫ ߡߟߊߥߟߌߡߊ߫ ߓߟߏ ߡߊ߬߸ ߏ߬ ߡߍ߲ ߞߍߣߍ߲߫ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߏ߫ ߞߐߝߍ߬߸ ߣߴߊ߬ ߞߊ߬ ߔߏߔߏ߫ ߕߌ߮ ߘߏ߫ ߟߊߜߊ߬ߛߌ߫ ߘߓߊ߬ߓߌߟߊ ߕߋ߬ߟߋ߫ ߂߈ ߕߊ߬ߡߌ߲߬ߣߍ߲ ߡߊ߬.
ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߘߊ߫ ߓߌߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߈ ߡߊ߬߸ ߁߇ߙߋ߲ ߝߊ߲߭ ߝߍ߬߸ ߝߏߙߋߞߊߙߌߦߊ߫ ߣߌ߫ ߞߐ߰ߦߊ߬ ߕߍߟߊ ߝߏ߲߬ߘߏ߬ߓߊ ߝߙߍߕߍ߫ ߂߲ ߞߊ߲߬߸ ߕߏߖߌߙߏ߲߫ ߘߌ߲߬ߞߌߙߊ ߘߐ߫. ߞߕߌߓߋߟߋ߲ ߠߊ߫ ߝߐߟߌ߫ ߘߐ߫߸ ߛߍ߲ߜ߭ߑߟߋߕߐߣ ߖߍ߬ߘߍ ߕߍ߬ߘߍ߫ ߞߐ߲߬ߛߏ ߡߍ߲ ߓߏ߬ߙߌ ߞߊ߲߬߸ ߏ߬ ߟߋ ߣߌ߫ ߔߏߔߏ߫ ߕߌ߮ ߘߏ߫ ߛߋ߫ ߘߊ߫ ߢߐ߲߮ ߡߊ߬߸ ߝߏ߫ ߞߊ߬ ߡߏ߬ߤߊ߬ߡߍ߬ߘ ߟߊ߬ߡߌߣ ߕߙߊߥߟߋ߫ ߓߐ߬ߣߐ߫ ߊ߬ ߣߌ ߘߐ߫߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߆߂ ߘߐ߫߸ ߊ߬ߟߋ ߡߍ߲ ߕߍ߬ߘߍ߫ ߖߎ߬ߟߊ߬ ߘߌ߫ ߡߊ߬ߖߌ߮ ߘߐ߫ ߡߊ߬ߝߍ߬ߙߍ߲߬ߧߊ߫.
ߘߓߊ߬ߓߌߟߊ ߕߋ߬ߟߋ߫ ߂߉ ߡߊ߬߸ ߛߊ߬ߓߊ߰ߕߐ ߟߊ߫ ߡߐ߱ ߟߎ߫ ߞߊ߬ ߞߏ ߟߊ߫ ߛߊ߬ߙߌ߬ߦߊ߬ ߞߘߐ߫߸ ߞߕߌߘߊ ߝߣߊ߫ ߞߊ߬ ߛߌߟߊ ߘߌ߫ ߞߏ߫ ߞߊ߬ ߛߎ߭ ߘߏ߲߬߸ ߞߊ߬ ߓߊ߲߫ ߞߊ߬ ߞߐ߰ߦߊ߫ ߕߐ߲ߓߟߏߡߊ߫ ߞߕߌߟߊߡߐ߮ ߟߎ߬ ߟߐ߬ ߘߐ߬ߛߏ߰ߙߋ߬ߟߌ ߛߌ߰ ߟߊ߫ ߛߋ߲߬ߠߊ߫ ߣߌ߲߬ ߞߏ ߘߐ߫߸ ߞߵߊ߬ ߓߍ߲߬ ߖߌ߬ߣߍ߫ ߓߌ߲߬ߓߊ߬ߥߏ߬ߟߌ߬ ߞߎߙߎ߲ߘߎ ߞߎ߲߬ߕߋߟߋ߲ ߡߊ߬.
ߕߊ߯ߡߊ ߟߎ߬ ߞߐߝߍ߬߸ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߛߊ߫߸ ߘߐ߲߬ߞߟߌ߬ߟߊ߬ߟߊ߫ ߛߍ߲ߜ߭ߑߟߋߕߐߣ ߖߍ߬ߘߍ ߕߊ߯ ߘߴߊ߬ ߖߘߍ߬ ߡߊߟߐ߬ ߞߕߌߓߋߟߋ߲ ߠߊ߫ ߞߐ߰ߦߊ߫، ߊ߬ ߛߋ ߦߋ߲߬߸ ߛߊ߬ߙߌ߬ߦߊ߬ ߝߣߊ߫ ߞߊ߬ ߟߊ߬ߞߙߐ߬ߛߌ߬ߟߌ ߟߎ߬ ߣߌ߫ ߘߊ߬ߟߎ߬ ߢߌߣߌ߲ ߠߎ߬ ߛߌ߰ ߛߋ߲߬ߠߊ߫߸ ߞߊ߬ ߞߕߌ ߞߏߟߊߕߍ߮ ߟߎ߬ ߕߊ߬߸ ߞߵߊ߬ߟߎ߫ ߞߎ߲߬ߛߌ߲߫ ߓߌ߬ߟߊ߬ߒ߬ߘߐ߬ߖߎ߮ ߞߐ߫ ߦߙߐ ߟߊ߫، ߏ߬ ߟߋ ߘߐ߫߸ ߞߕߌߓߋߟߋ߲ ߞߊ߬ ߡߙߌߘߐ߫ ߣߊ߬ߕߐ ߢߌ߲߬ ߠߎ߫ ߕߊ߬: ߞߊ߬ ߞߕߌ ߟߊߥߟߌ߬ ߛߍ߲ߜ߭ߑߟߋߕߐߣ ߞߐ߫ ߖߡߊ߬ߣߊ ߕߐ߯ ߘߐ߫߸ ߊ߬ ߣߌ߫ ߖߡߊ߬ߣߊ߬ߘߋ߲ ߠߎ߬ ߖߍ߬ߘߍ ߕߐ߯ ߘߐ߫، ߝߣߊ߫߸ ߞߏ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߦߋ߫ ߜߍ߫ ߘߐ߫ ߞߏ ߟߋ߬ ߘߌ߫߸ ߡߍ߲ ߡߊ߬ߞߏ߬ ߕߍ߫ ߡߛߍ߬ߡߛߍ߬ߞߍ߬ ߛߌߦߊߡߊ߲߫ ߠߊ߫، ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߓߘߊ߫ ߖߊ߬ߡߊߙߌ ߘߌ߫߸ ߞߊ߬ ߛߍ߲ߜ߭ߑߟߋߕߐߣ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߡߎߣߎ߲߬.
ߝߘߏ߬ߓߊ߬ ߞߕߌߘߊ ߞߵߊ߬ ߦߌ߬ߘߊ߬ ߞߏ߫ <<ߡߐ߰ ߛߌ߫ ߞߊ߬ ߞߎ߲߬ߞߏ ߘߐߕߍ߰߸ ߡߍ߲ ߣߌ߫ ߟߊ߬ߕߐ߲߬ߠߌ߲ ߦߊ߫ ߞߊ߲߫߸ ߊ߬ ߞߍߓߊ߮ ߞߍ߫ ߘߴߊ߬ ߛߎ߯ ߺ ߎ ߺ ߛߎ߯ ߘߌ߫߸ ߏ߬ ߣߌ߫ ߣߐ߬ߝߍ߬ߜߍ߲߬ߠߌ߲ ߠߋ߬ ߞߊ߫ ߞߊ߲߫ ߢߊ ߓߍ߯ ߓߍ߬߸ ߞߊ߬ ߖߊ߬ߡߊ ߟߊ߫ ߖߛߎ߬ߛߎߡߊ ߡߞߊߘߊ߲߫߸ ߞߊ߬ ߓߍ߲߭ ߛߌ߲ߛߌ߲߫߸ ߞߊ߬ ߓߊ߲߫ ߞߊ߬ ߞߏߕߐ ߤߊߞߍ ߘߴߊ߬ ߡߊ߬.>>
ߒ߬ߓߊ߬߸ ߛߍ߲ߜ߭ߑߟߋߕߐߣ ߕߏߕߐ߫ ߥߛߎ ߟߊ߫ ߟߋ߬ ߛߍߣߍ߲߬߸ ߒߊ߲߯ ߊ߬ ߟߊ߫ ߞߕߌ ߦߋ߫ ߘߊߡߌ߬ߣߊ߬߸ ߏ߬ ߡߍ߲ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߕߎߟߊߝߌ߲ ߕߋ߬ߟߋ߫ ߃ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
