ߊ߬ ߖߊ߲߬ߞߌ߬ߣߍ߲߫ ߖߡߊ߬ ߣߊ߲ߝߟߏ ߞߎ߲߬ߡߙߎ߬ ߞߏ ߟߋ߬ ߘߐ߫߸ ߊ߬ߟߋ ߡߍ߲ ߕߘߍ߬ ߝߊ߬ߛߏ ߣߊ߲߬ߝߟߏ߬ߦߊ߬ߟߌ ߟߎ߬ ߝߛߍ߬ߝߛߍ߬ߟߌ ߖߋ߬ߕߌ߰ߘߊ ߗߋߕߌ߮ ߘߌ߫߸ ߏ߬ ߟߋ ߕߐ߮ ߣߊ߬ ߘߎߢߊ߫ ߟߊߝߏ߬ ߟߊ߫ ߦߙߎ߬ߞߎ߬ߦߙߎ߬ߞߎ߬ ߞߏ ߣߌ߫ ߖߌ߬ߦߊ߬ߖߟߎ߬ ߄߀߀ ߞߏ ߘߏ߫ ߘߐ߫߸ ߡߍ߲ ߞߎߡߊ ߞߊ߬ ߘߎߢߊ߫ ߦߙߐ ߓߍ߯ ߟߊߝߏ߬.
ߓߊߟߑߕߖ߭ߊߙ ߋߓߊ߲ߜ߭ ߍ߲ߜ߭ߐ߲ߜ߭ߊ߫ ߦߋ߫ ߖߌ߬ߣߍ ߋߞߊߕߏߙߌߦߊߟ ߗߋߘߊߕߌ߯ߓߊ߫ ߟߋ߬ ߘߌ߫߸ ߣߌ߫ ߓߍ߯ ߦߴߊ߬ ߞߟߌ߫ ߟߊ߫ ߞߏ߫ <<ߓߋߟߏ߫>> ߏ߬ ߟߋ ߓߘߊ߫ ߖߊ߲ߞߌ߲߫ ߛߊ߲߬ ߛߋߦߌ߲߫ ߥߛߎߖߌ߲߫ ߘߊߕߎ߲߯ߣߍ߲ ߠߊ߫߸ ߞߊ߬ ߓߊ߲߫ ߞߊ߬ ߛߍߝߊ ߞߋ߲߬ߥߟߎ߫ ߗߡߍ߬ ߣߌ߫ ߡߎ߬ߥߊ߲ ߣߌ߫ ߟߏ߯ߟߎ߫ ߣߌ߫ ߥߊ߯ ߗߡߍ߬ ߣߊ߯ߣߌ߲߫ ߟߴߊ߬ ߞߎ߲߬߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߋߙߏ ߁߉߀ ߀߀߀ ߡߊ߬، ߏ߬ ߞߍ߫ ߘߊ߫ ߖߡߊ߬ߣߊ ߞߕߌߘߊ ߘߏ߫ ߟߋ߬ ߓߟߏ߫ ߓߌߦߞߏ߫، ߊ߬ ߞߎߡߊ ߟߊߛߋ߫ ߘߊ߫ ߡߟߊߓߏ߫ ߞߕߌߘߊ ߞߕߌߖߌ߲߫ ߛߊ߲ߘߐߕߊ ߝߐ߰ߓߍ߬ߦߊ߬ߟߌ ߗߋߕߌ߮ ߟߋ߬ ߓߟߏ߫߸ ߤߌߟߊߙߌߦߏ ߡߌߕߜ߭ߏ߫، ߊ߬ ߞߵߏ߬ ߝߐ߫ ߝߐ߰ߓߍ߬ߦߊ߬ߟߊ ߟߎ߫ ߟߋ߬ ߢߣߊ߫ ߓߊ߬ߘߏ߬ߢߐ߲߰ߦߊ ߘߏ߫ ߘߐ߫.
ߝߊ߬ߛߏ ߣߊ߲߬ߝߟߏ߬ߦߊ߬ߟߌ ߟߎ߬ ߝߛߍ߬ߝߛߍ߬ߟߌ ߖߋ߬ߕߌ߰ߘߊ ߗߋߕߌ߯ ߞߘߐ߸ ߋߓߊ߲ߜ߭ ߍ߲ߜ߭ߐ߲ߜ߭ߊ߫ ߣߌ߫ ߗߋߘߊߕߌ߯ ߛߊ߲ߘߐ߫ ߟߏ߯ߟߎ߫ ߜߘߍ߫ ߟߋ߬ ߝߣߊ߫ ߟߊ߫ ߞߕߌ ߞߍߣߍ߲߫ ߢߐ߲߮ ߝߍ߬߸ ߡߍ߲ ߠߎ߬ ߦߋ߫ ߓߛߌ߬ߞߌ߬ ߟߴߊ߬ ߛߋ߲߬ߘߏ߲߬ߢߐ߲߮ ߠߎ߬ ߘߌ߫، ߊ߬ߟߎ߬ ߞߍ ߘߐ߫ ߞߊ߬ ߖߊ߬ߡߊ ߓߟߏߝߋ߲ ߞߍ߫ ߊ߬ߟߎ߬ ߕߊ ߘߌ߫߸ ߞߵߊ߬ ߝߐ߫ ߏ߬ ߘߐ߫ ߕߋ߲߬ ߞߏ߫ ߊ߬ߟߎ߬ ߟߊ߫ ߗߋߦߊߟߌ߫ ߛߙߊ ߟߋ߬ ߦߴߏ߬ ߘߌ߫߸ ߡߍ߲ ߓߘߊ߫ ߘߌ߫ ߖߡߊ߬ߣߊ ߓߟߏ߫ ߞߘߐ߬ߡߊ߲߬، ߞߕߌ ߡߍ߲ ߕߍ߰ߣߍ߲߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߣߐ߬ ߥߊߘߌ ߡߍ߲ ߞߎ߬ߡߙߎ߬ ߟߊ߫߸ ߏ߬ ߦߋ߫ ߛߍߝߊ ߞߋ߲߬ߥߟߎ߬ ߅ ߤߊ߲߯ ߁߂߅ ߟߋ߬ ߘߐ߫߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߋߙߏ ߇߆߀߀ ߤߊ߲߯ ߁߉߀ ߀߀߀ ߢߐ߲߰ ߡߊ߬، ߣߊߟߌ߬ߡߎ߲߬ ߖߌ߬ߣߍ߬ ߕߊߡߊ߲ ߇ ߆߂߉ ߀߀߀ ߢߐ߲߰ ߡߊ߬.
ߊ߬ ߟߊ߫ ߞߏߢߊ ߣߌ߲߬ ߞߊ߬ ߘߎߢߊ߫ ߟߊߝߏ߬ ߂߀߂߄ ߣߍߣߍߓߊ ߟߋ߬ ߟߊ߫߸ ߓߊߟߑߕߖߵߊߙ ߕߐ߮ ߞߊ߬ ߦߙߐ߫ ߛߌߦߊߡߊ߲߫ ߠߊߝߏ߬߸ ߖߌ߬ߦߊ߬ߖߟߎ ߘߏ߫ ߟߎ߫ ߟߋ߬ ߦߋ߫ ߘߴߊ߬ ߟߊ߫ ߕߟߋ߬ߓߊ߮ ߞߣߐ߫߸ ߡߍ߲ ߠߎ߬ ߟߊߖߍ߲ߛߍ߲߫ ߘߊ߫ ߘߍ߬ߞߙߏߝߏ ߟߎ߬ ߞߊ߲߬߸ ߝߏ߫ ߊ߬ߟߎ߫ ߞߵߊ߬ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߓߑߟߊߞ ߓߌߗ ߥߛߎߖߌ߲ ߠߊ߫، ߖߌ߬ߦߊ߬ߖߟߎ ߡߍ߲ ߠߎ߬ ߦߋ߫ ߘߊ߫߸ ߊ߬ ߣߌ߫ ߡߏ߬ߛߏ ߘߏ߫ ߟߎ߫ ߟߋ߬ ߦߋ߫ ߞߍ߫ ߟߴߏ߬ ߟߎ߬ ߘߐ߫߸ ߖߡߊ߬ߣߊ ߡߐ߰ߘߐ߬ߜߍ߬ ߛߌߦߊߡߊ߲߫ ߡߏ߬ߛߏ ߦߋ߫ ߡߍ߲ ߘߐ߫߸ ߊ߬ ߟߊ߫ ߛߓߍߘߊ ߟߊ߫ ߣߊ߲߬ߝߟߏ߬ߦߊ߬ߟߌ ߞߏߕߌ߯ߘߊ ߟߊ߫߸ ߊ߬ ߣߌ߫ ߦߙߐ߫ ߛߌߦߊߡߊ߲߫ ߜߘߍ߫ ߟߎ߫ ߘߐ߫.
ߊ߬ ߟߊ߫ ߖߌ߬ߦߊ߬ߖߟߎ ߏ߬ ߟߎ߬ ߟߊߖߍ߲ߛߍ߲ ߞߍ߫ ߘߴߊ߬ ߕߊ߫ ߞߏ߫ ߟߋ߬ ߘߌ߫߸ ߡߍ߲ ߡߊ߫ ߘߊ߲߬ ߖߌ߬ߣߍ߫ ߋߞߊߕߏߙߌߦߊߟ ߞߋߟߋ߲߫ ߘߐ߫߸ ߊ߬ ߞߊ߬ ߦߙߐ ߓߍ߯ ߟߋ߬ ߟߊߝߏ߬، ߝߏ߫ ߊ߬ߟߎ߬ ߟߊ߫ ߞߎߎ߲߬ߠߊ߬ߛߌ߮ ߟߎ߫ ߞߊ߬ ߕߐ߲ߛߌ߰ ߊ߬ߟߌ߬ ߖߌ߬ߦߊ߬ߖߟߎ ߟߊ߫ ߘߍ߬ߞߙߏߝߏ ߟߎ߫ ߞߊ߲߬ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߓߟߐߟߐ ߞߊ߲߬، ߘߐ߲߬ߞߟߌ ߘߏ߫ ߟߎ߫ ߟߊߓߐ߫ ߘߊ߫߸ ߘߐ߲߭ ߘߏ߫ ߟߎ߫ ߕߘߍ߬ ߞߍ߫ ߟߊ߫ ߞߵߊ߬ ߟߊ߫ ߞߏ߫ ߞߍߢߊ ߟߎ߬ ߟߊߘߍ߲߰߸ ߊ߬ ߞߎߡߊ ߖߍ߲ߛߍ߲߫ ߘߊ߫ ߝߊ߲߬ ߓߍ߯، ߤߊߟߌ߬ ߘߏ߫ ߟߎ߫ ߞߊ߬ ߕߏߟߏ߲ ߘߏ߫ ߟߎ߫ ߛߌ߰ ߛߋ߲߬ߠߊ߫ ߞߏ߫ ߛߎߥߊߙߋ ߓߊߟߑߕߖ߭ߊߙ.
ߞߊ߲ߡߋߙߋ߲ ߣߌ߲߬ ߘߏ߲߬ ߕߍ߫ ߡߐ߰ ߘߋ߲߬ߣߍ߲߫ ߘߌ߫ ߖߌ߬ߣߋ ߋߞߊߕߏߙߌߦߊߟ߸ ߊ߬ ߝߊ߬ ߟߋ߬ ߓߊߟߑߕߖ߭ߊߙ ߍ߲ߜ߭ߐ߲ߜ߭ߊ ߋߖߏ߫ ߘߌ߫߸ ߏ߬ ߡߍ߲ ߦߋ߫ ߝߘߊ߬ߝߌ߲߬ߠߊ߬ ߕߊ߲ߓߊ߲߲ ߞߊ߬ߝߏ ߟߎ߬ ߟߊ߫ ߝߊ߬ߘߊ߲߬ߞߊ߬ ߞߏ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ (ߛߋߡߊߞ)، ߓߊߟߑߕߖ߭ߊߙ ߕߘߍ߬ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߡߐ߰ߓߊ߫ ߟߋ߬ ߘߌ߫߸ ߡߍ߲ ߕߘߍ߬ ߘߓߊ ߘߐ߫ ߝߋߎ߫، ߊ߬ ߛߌ߬ߞߛߊߓߌ ߦߋ߫ ߛߊ߲߬ ߓߌߟߏ߯ߟߎ߫ ߢߐ߲߰ ߠߋ߬ ߘߐ߫߸ ߊ߬ ߝߘߎߣߍ߲߫߸ ߘߋ߲ ߠߎ߬ ߦߴߊ߬ ߓߟߏ߫، ߊ߬ ߟߊ߫ ߡߐ߰ߦߊ ߘߐߞߏ ߟߎ߬ ߓߘߊ߫ ߓߌ߬ߟߊ߬ ߝߎߥߊ ߣߌ߫ ߝߊ߬ߙߊ ߕߍ߫߸ ߣߊ߲߬ߝߟߏ߬ ߞߏ ߣߌ߫ ߊߘߡߊߦߊ ߖߍ߬ߘߍ ߛߌߟߊ ߝߍ߬.
ߞߕߌߘߊ ߞߵߊ߬ ߦߌ߬ߘߊ߬߸ ߞߏ߫ ߌ ߓߴߊ߬ ߦߋ߫ ߊ߬ߟߎ߫ ߞߵߊ߬ ߖߊ߲ߞߌ߲߫߸ ߏ߬ ߟߊߥߟߌ߬ߣߍ߲߫ ߦߙߎ߬ߞߎ߬ߦߙߎߞߎ ߞߍ߬ߟߍ ߟߋ߬ ߡߊ߬ ߓߟߏ ߓߍ߯ ߘߏ߫ ߞߘߐ߫، ߊ߬ ߣߌ߫ ߡߍ߲ ߠߎ߬ ߡߊߝߌ߲߬ߣߍ߲߬ ߣߴߊ߬ߟߎ߬ ߟߊ߫ ߞߕߌ ߞߍ߫ ߘߊ߫ ߢߐ߲߮ ߝߍ߬߸ ߏ߬ ߟߎ߬ ߝߣߊ߫ ߓߍ߯ ߖߊ߲ߞߌ߲߫ ߘߊ߫ ߟߋ߬، ߓߊ߬ߙߌ߬߸ ߓߍ߯ ߓߌ߬ߟߊ߬ߣߍ߲߫ ߥߛߎ߫ ߟߋ߬ ߟߊ߫߸ ߊ߬ ߣߌ߫ ߓߌ߲߬ߓߊߥߏ߫ ߟߋ߬ ߟߊߣߍ߲߫ ߓߍ߯ ߞߊ߲߬߸ ߞߵߊ߬ ߓߍ߲߬ ߌ ߟߊ߫ ߣߊ߲߬ߝߟߏ߫ ߞߎ߲߬ߡߙߎ߬ߣߍ߲ ߞߛߊߞߊ ߟߋ߬ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
