ߛߊ߬ߓߊ߰ߕߐ ߟߎ߬ ߘߐ߫߸ ߗߍ߬ ߞߋߟߋ߲߫߸ ߡߛߏ߬ ߥߐ߯ߙߐ߫߸ ߊ߬ ߣߌ߫ ߘߋ߲ߣߍ߲߫ ߡߐ߰ ߥߐߙߐ߲ߝߌ߬ߟߊ߬߸ ߡߍ߲ ߠߎ߬ ߛߌ߬ߞߛߊ߬ߓߌ ߦߋ߫ ߘߊߡߌ߬ߣߊ߬ ߟߊ߫ ߛߊ߲߬ ߝߌ߬ߟߊ߫ ߡߊ߬ ߞߊ߬ ߥߴߊ߬ ߛߌ߰ ߛߊ߲߬ ߁߁ ߠߊ߫، ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߦߊߥߎ߲ߘߋ߫ ߞߎ߲߬ߠߊ߬ߛߌ߰ ߢߍߡߐ߮ ߟߋ߬ ߓߟߏ߫߸ ߊ߬ ߟߊ߫ ߝߐߟߌ߫ ߘߐ߫߸ ߝߙߍ߬ ߞߎ߬ߘߊ߬ ߓߘߊ߫ ߕߊ߬ ߞߊ߲ߕߌ߮ ߟߊ߫ ߛߊ߬ߙߌ߬ߦߊ ߟߎ߬ ߞߣߐ߫߸ ߖߐ߲߰ߛߊ߫ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ ߡߊ߬ߙߊ ߣߌ߲߬ ߞߣߐ߫، ߡߐ߰ ߁߄ ߜߘߍ߫ ߝߣߊ߫ ߖߐߞߌ߫ ߘߊ߫ ߟߋ߬.

ߡߍ߲ ߠߎ߬ ߕߊ߬ ߘߴߊ߬ ߣߐ߬ߞߟߊߡߊ߲ ߘߐ߫ ߞߊ߬ ߘߊ߲ߘߊߛߏ ߡߊߜߍ߲߫، ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߞߣߐ߫ ߝߣߊ߫߸ ߞߏ߫ ߝߙߍ߬ ߞߎ߬ߘߊ߬ ߓߘߊ߫ ߕߊ߬ ߞߊ߲ߕߌ߯ ߔߏߟ ߓߌߦߊ߫ ߟߊ߫ ߛߊ߬ߙߌ߬ߦߊ ߞߣߐ߫߸ ߡߍ߲ ߞߍߕߐ߫ ߡߙߊ߬ߒ߬ߡߊ߬ߟߌ ߡߍ߲߬ ߠߎ߬ ߢߍߕߍ߰ ߟߊ߫، ߡߙߊ߬ߒ߬ߡߊ߬ߟߌ ߏ߬ ߟߎ߬ ߡߍ߲ ߠߎ߬ ߦߋ߫ ߖߡߊ߬ߣߊ ߣߌ߲߬ ߞߣߐ߫ ߞߊߙߏ߫ ߘߊ߲ߘߐ߫ ߞߣߐߟߊ ߘߐ߫߸ ߕߌ߲߬ߞߎߘߎ߲ ߣߌ߲߬ ߞߣߐ߫߸ ߞߊ߬ߙߊ߲߬ߝߊ ߟߎ߬ ߣߌ߫ ߖߡߊ߬ߣߊ ߓߊ߯ߙߟߊ ߟߎ߬ ߦߋ߫ ߘߌߦߊߜߏߦߊ߫ ߡߌߣߊ߫ ߟߊ߫ ߟߋ߬߸ ߘߏ߫ ߟߎ߫ ߖߍ߬ߘߍ ߦߋ߫ ߝߊ߰ ߟߊ߫ ߟߋ߬ ߡߙߊ߬ߒ߬ߡߊ߬ߟߌ ߘߊߞߎ߲ ߠߎ߬ ߘߐ߫.

ߘߍ߬ߡߍ߲߬ߠߌ߲߬ ߞߙߎ ߞߵߊ߬ ߟߊ߫ ߛߎ߬ߣߎ߲ ߦߌ߬ߘߊ߫ ߞߏߢߊ ߣߌ߲߬ ߘߐ߫߸ ߞߏ߫ ߞߊ߬ߦߌ߯ ߡߙߊ߬ߒ߬ߡߊ߬ߟߌ ߘߊߡߌ߬ߣߊ߬ ߘߊ߫߸ ߡߐ߰ ߛߌߦߊߡߊ߲߫ ߠߋ߬ ߣߌ ߓߘߊ߫ ߕߏ߫ ߊ߬ ߘߐ߫߸ ߊ߬ ߟߊ߫ ߝߐߟߌ߫ ߘߐ߫ ߝߣߊ߫߸ ߞߏ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ߣߍ߲߫ ߖߡߊ߬ߣߊ ߣߌ߲߬ ߥߙߏ߬ߘߎ߮ ߣߴߊ߬ ߕߟߋ߬ߓߋ ߕߍߟߊ ߘߐ߫ ߞߊ߬ ߕߊ߬ߡߌ߲߫ ߊ߬ ߝߊ߲߬ ߜߘߍ߫ ߟߎ߫ ߞߊ߲߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.