ߞߵߊ߬ ߓߍ߲߬ ߓߟߐߟߐ߫ ߞߊ߲߫ ߞߎߡߟߊ߫ ߕߊ߬ߕߏ ߘߋ߬ ߔߐߙߑߕߏ߫ ߟߊ߫ ߓߐߟߌ ߘߏ߫ ߡߊ߬ ߥߊ߯ߕߌ߫ ߘߐ߫߸ ߣߴߊ߬ ߞߎߡߊ߫ ߘߊ߫ ߊߙߊߓߎ߫ ߞߊߙߊ߲ߕߊ߫ (ߡߊ߲ߘߙߊߛߊ) ߟߎ߫ ߡߊ߬߸ ߏ߬ ߟߋ ߡߊ߫ ߘߌߦߊ߫ ߊߙߊߓߎ߫ ߞߊ߲ ߞߊ߬ߙߊ߲߬ߓߊ߮ ߟߎ߬ ߣߌ߫ ߘߌ߯ߣߊ߫ ߢߍߡߐ߮ ߛߌߦߊߡߊ߲߫ ߦߋ߫، ߏ߬ ߟߋ ߞߏߛߐ߲߬߸ ߛߌ߬ߟߡߊ߬ ߘߍߞߙߎ ߟߎ߬ ߟߊ߫ ߘߏ߲߬ߖߟߎ߬ߡߊ߬ߘߊ ߞߵߊ߬ ߞߏ߫ ߦߋ߫ ߖߋ߬ߓߌ߬ߕߊ߫ ߘߌ߫߸ ߛߌ߬ߟߊ߬ߡߊ ߡߊ߲߫ ߞߊ߲߫ ߞߊ߬ ߕߏ߫ ߡߊ߬ߞߎ߲߬ ߘߐ߫ ߡߍ߲ ߘߊ ߝߍ߬.
ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߕߋ߫߬ߟߋ߫ ߂߁߸ ߝߐ߰ߓߍ߬ ߟߊ߬ߘߍ ߘߏ߫ ߟߋ߬ ߡߊߞߟߌ߫ ߘߊ߫ ߞߊ߲ߞߊ߲߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߏ߲ߓߊ ߟߊ߫߸ ߞߊ߬ ߝߘߊ߫ ߛߌ߬ߟߡߊ߬ ߘߍߞߙߎ ߟߎ߬ ߟߊ߫ ߘߏ߲߬ߖߟߎ߬ߡߊ߬ߘߊ ߟߊ߫߸ ߊ߬ߟߋ ߡߍ߲ ߘߏ߲߬ߖߟߎ߬ߡߊ߬ߟߌ߬ߟߊ ߦߋ߫ ߛߟߊߕߌ߯ ߖߌ߯ߓߊ߫ ߛߘߌ߬ߓߋ߬ ߘߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ <<ߞߎߡߊ ߕߊ߬ ߟߊ߫ ߓߌ߬ ߢߐ߲߰ ߟߏ߲߬ ߘߐ߫ ߖߘߍ߬ߟߊ߬ߜߍ߬ ߞߊ߲ ߠߋ߬ ߡߊ߬.>>ߞߵߏ߬ ߞߎ߲߭ ߞߍ߫ ߟߊ߬ߛߋ߬ߟߌ߬ߟߊ߫ ߕߊ߬ߕߏ ߘߋ߬ ߔߐߙߑߕߏ߫ ߟߊ߫ ߞߎߡߊ ߘߏ߫ ߘߌ߫ ߦߙߐ߫ ߞߊ߲߬߸ ߊ߬ߟߎ ߦߴߊ߬ ߝߐ߫ ߟߊ߫ ߡߍ߲ ߡߊ߬ ߞߏ߫ <<ߛߎ߬ߣߎ߲߬ߞߎ߲>> ߓߊߏ߬߸ ߘߍ߬ߞߙߏߝߏ ߦߴߊ߬ߟߎ߬ ߓߟߏ߫ ߛߎ߬ߣߎ߲߬ߞߎ߲ ߠߋ߬ ߘߌ߫.
ߖߌ߯ߓߊ߫ ߛߘߌ߬ߓߋ߬ ߟߊ߫ ߞߎߡߊ߫ ߘߐ߫ ߓߌ߬߸ ߘߌ߯ߣߊ߫ ߢߍߡߐ߯ߦߊ ߞߊ߬ߘߊ߲ ߞߣߐ߫߸ ߊ߬ ߣߌ߫ ߛߌ߬ߟߡߊ߬ߦߊ ߡߊߞߊ߲ߞߊ߲ ߞߊ߬ߘߊ߲ ߞߣߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߕߊ߬ߕߏ ߘߋ߬ ߔߐߙߑߕߏ߫߸ ߏ߬ ߡߍ߲ ߕߐ߯ ߓߘߍ ߦߋ߫ <<ߎߡߊߙ ߕߙߊߥߟߋ߫>> ߘߌ߫߸ ߞߏ߫ <<ߊ߬ ߓߘߊ߫ ߝߟߌ߬>>߸ ߞߵߏ߬ ߞߎ߲߭ ߞߍ߫ ߞߎߡߊ߫ ߟߎ߫ ߡߍ߲ ߘߌ߫ ߛߌ߬ߟߊ߬ߡߊ ߟߎ߬ ߓߟߏ߫߸ ߊ߬ ߣߌ߫ ߡߊ߲ߘߙߊߛߊ߫ ߞߎ߲ߕߌ߮ ߟߎ߬ ߣߌ߫ ߛߌ߬ߟߡߊ߬ ߘߍߞߙߎ ߟߎ߬ ߞߍ ߘߌ߫ ߞߊ߬ ߞߎߡߊ߫ ߡߍ߲߫߸ ߡߍ߲ ߣߐ߬ ߊ߬ߟߎ߬ ߕߙߐ߫ ߟߊ߫، ߓߊߏ߬߸ <<ߘߌ߯ߣߊ ߞߊ߬ ߘߐ߯ߦߡߊ ߛߐ߬ߘߐ߲߫ ߊ߬ ߘߐ߫، ߘߌ߯ߣߊ ߏ߬ ߞߊ߬ߙߊ߲߬ ߦߙߐ ߝߣߊ߫ ߞߊ߬ ߘߐ߯ߦߡߊ ߛߐ߬ߘߐ߲߫ ߊ߬ ߘߐ߫، ߡߐ߱ ߡߍ߲ ߓߊ߯ ߘߌ߯ߣߊ ߞߊ߬ߙߊ߲߬ ߦߙߐ ߘߐ߯ߦߊ߫߸ ߌ ߓߘߊ߫ ߛߌ߬ߟߡߊ߬ߦߊ ߘߐ߯ߦߊ߫.>> ߖߌ߯ߓߊ ߟߋ߬ ߞߊ߲߫ ߕߋ߲߬.
ߏ߬ ߟߋ ߞߏߛߐ߲߬߸ ߊ߬ߟߎ ߡߍ߲ ߠߎ߬ ߦߋ߫ ߘߌ߯ߣߊ߫ ߢߍߡߐ߯ ߘߌ߫߸ ߊ߬ߟߎ߬ ߕߴߛߋ߫ ߕߏ߫ ߟߊ߫ ߡߊ߬ߞߎ߲߬ ߘߐ߫߸ ߣߴߊ߬ߟߎ߬ ߡߊ߫ ߣߊ߬ ߖߘߍ߬ߟߊ߬ߜߍ ߏ߬ ߞߍ߫، ߞߊ߬ߕߎ߲߯߸ ߡߊ߬ߝߌ߬ ߘߙߌߞߌ ߡߍ߲ ߘߏ߲߬ߣߴߊ߬ߟߎ߬ ߞߊ߲ߠߊ߫߸ ߊ߬ߟߎ߬ ߣߴߏ߬ ߡߊ߲߫ ߞߊ߲߫، ߏ߬ ߟߋ ߘߐ߫߸ ߖߌ߯ߓߊ߫ ߛߘߌ߬ߓߋ߫ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߟߊ߫߸ ߞߏ߫ ߕߊ߬ߕߏ ߘߋ߬ ߔߐߙߑߕߏ߫ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫߸ ߞߏ߫ <<ߊ߬ ߕߍ߫ ߝߋ߲߫ ߞߊ߬ߟߊߡߊ߬ ߖߡߊ߬ߣߊ ߣߌ߲߬ ߛߌ߰ ߢߊ ߘߐ߫، ߊ߬ ߕߍ߫ ߝߋ߲߫ ߝߣߊ߫ ߞߊ߬ߟߊߡߊ߬ ߖߡߊ߬ߣߊ ߣߌ߲߬ ߟߐ߲ߠߌ߲ ߛߐ߬ߘߐ߲߬ ߢߊ ߘߐ߫.>> ߊ߬ ߞߵߏ߬ ߟߊߒߡߊ ߘߏ߫ ߟߎ߫ ߝߐ߫ ߕߊ߲߬:
<<ߎߡߊߙߎ߬ ߕߊ߬ߕߏ ߞߊ߲߫߸ ߞߏ߫ ߡߊ߲ߘߙߊߛߊ ߡߊ߫ ߝߏߦߌ߬ ߢߊ߬ ߟߊ߬ߖߌ߬ߣߍ߬ ߢߍ߫߸ ߡߊ߲ߘߙߊ ߦߋ߫ ߙߓߋߟߌߦߐ߲߫ ߝߐߙߑߡߋ߫ ߦߙߐ ߟߋ߬ ߘߌ߫، ߡߊ߲ߘߙߊߛߊ ߦߋ߫ ߕߊߕߌߢߍ߫ ߓߊ߯ߙߊ߫ ߦߙߐ ߟߋ߬ ߘߌ߫، ߞߏ߫ ߖߡߊ߬ߣߊ ߝߊ߰ߡߊ ߟߎ߬ ߦߴߌ ߖߊ߲߬ߕߏ߬ ߡߊ߲ߘߙߊߛߊ ߘߐ߫߸ ߊ߬ ߣߌ߫ ߡߊ߲ߘߙߊߛߊߦߌ߬ ߞߎ߲߬ߠߊ߬ߛߌ߰ ߡߐ߮ ߟߎ߬ ߘߐ߫، ߊ߲ ߘߴߊ߬ ߘߌߦߊߞߊ߬ ߎߡߊߙߎ߬ ߕߊ߬ߕߏ ߟߊ߫ ߖߋ߬ߓߌ߬ ߓߟߏ ߡߊ߬ ߞߏߡߊ ߏ߬ ߘߐ߫߸ ߞߊ߬ ߝߐ߬ ߞߏ߫ ߡߊ߲ߘߙߊߛߊ ߕߍ߫ ߏ߬ ߦߙߐ߫ ߘߌ߫؛ ߡߊ߲ߘߙߊߛߊ ߦߋ߫ ߊߟߊ߫ ߞߊߙߊ߲߫ ߦߙߐ ߟߋ߬ ߘߌ߫>> ߊ߬ ߞߵߊ߬ ߟߊ߫ ߞߎߡߊ ߟߊߕߎ߲߰ ߌߞߐ߫߸ ߞߵߊ߬ ߦߌ߬ߘߊ߬ ߞߏ߫: <<ߡߊ߲ߘߙߊߛߊ ߦߋ߫ ߡߐ߰ߓߊ ߟߎ߬ ߟߊߘߊ߲߫ ߦߙߐ ߟߋ߬ ߘߌ߫، ߡߊ߲ߘߙߊߛߊ߸ ߘߋ߲ ߡߍ߲ ߠߎ߬ ߓߘߊ߫ ߕߌߢߍ߫߸ ߊ߬ ߣߌ߫ ߡߍ߲ ߠߎ߬ ߦߋ߫ ߕߌߢߍ ߛߌߟߊ ߞߊ߲߬߸ ߏ߬ ߟߎ߬ ߡߊߦߟߍ߬ߡߊ߲߬ ߦߙߐ ߟߋ߬ ߡߊ߲ߘߙߊߛߊ ߘߌ߫߸ ߞߊ߬ ߖߡߊ߬ߣߊ ߟߊ߫ ߤߊ߲ߞߟߌ߫ ߓߘߍߓߘߍ ߘߏ߲߬ ߊ߬ߟߎ߬ ߘߐ߫.>>
ߞߎߡߊ ߣߌ߲߬ ߜߊ߬ ߘߊ߫ ߟߋ߬ ߘߌ߯ߣߊ ߡߐ߰ߓߊ ߢߌ߲߬ ߠߎ߬ ߟߊ߫ ߞߏߛߓߍ߫، ߏ߬ ߟߋ ߞߏߛߐ߲߬߸ ߊ߬ߟߎ߫ ߞߊ߬ ߟߊߒߡߊ߫ ߛߌߦߊߡߊ߲߫ ߕߊ߬ ߕߊ߲߬: <<ߊ߲ ߘߴߊ߬ ߝߐ߫ ߎߡߊߙߎ߬ ߢߍ߫߸ ߞߏ߫ ߡߊ߲ߘߙߊߛߊ߸ ߌ߬ߡߊߡߎ߲ ߠߎ߬ ߠߊߘߊ߲߫ ߦߙߐ ߟߋ߬، ߌ߬ߡߊߡߎ߲ ߡߍ߲ ߠߎ߬ ߞߵߊ߬ߟߋ߫ ߖߍ߬ߘߍ ߣߊ߫ ߝߘߎߛߘߌ߬߸ ߏ߬ ߟߎ߬ ߓߐߣߍ߲߫ ߡߊ߲ߘߙߊߛߊ ߟߋ߬ ߞߣߐ߫، ߊ߲ ߘߴߏ߬ ߝߐ߫ ߎߡߊߙߎ߬ ߢߍ߫، ߊ߬ ߟߊ߫ ߡߐ߰ߓߊ ߡߍ߲ ߠߎ߬ ߝߣߊ߫ ߓߘߊ߫ ߛߊ߬߸ ߡߍ߲ ߠߎ߬ ߦߴߌ ߟߐ߬ ߟߊ߫ ߏ߬ ߟߎ߫ ߞߎ߲߬ߠߊ߫ ߞߊ߬ ߏ߬ ߟߎ߬ ߡߛߊߟߌ߫߸ ߏ߬ ߟߎ߬ ߟߊߘߊ߲߫ ߦߙߐ ߟߋ߬ ߡߊ߲ߘߙߊߛߊ ߘߌ߫، ߊ߲ ߘߴߊ߬߬ ߝߐ߫ ߎߡߊߙߎ߬ ߢߍ߫߸ ߊ߲ ߠߊ߫ ߗߍ ߡߍ߲ ߠߎ߬ ߦߋ߫ ߘߐߝߘߊ߫ ߟߊ߫ ߛߌ߬ߟߡߊ߬ߦߊ ߞߣߐ߫߸ ߞߊ߬ ߝߕߌߣߊ ߡߊߕߊ߲߬ߞߊ߬ ߛߏ ߞߣߐ߫߸ ߞߊ߬߬ ߝߕߌߣߊ ߡߊߕߊ߲߬ߞߊ߫ ߖߡߊ߬ߣߊ ߞߣߐ߫߸ ߛߌ߰ ߞߍߣߍ߲߫ ߟߐ߲ߠߌ߲ߓߊ߮ ߡߍ߲ ߠߎ߬ ߡߊ߬߸ ߏ߬ ߟߎ߬ ߝߐߙߑߡߋߣߍ߲߫ ߏ߬ ߡߊ߲ߘߙߊߛߊ ߟߋ߬ ߞߣߐ߫߸ ߞߊ߬ ߗߍ ߘߊߝߘߊ߫ ߢߊ ߢߊߝߐ߫ ߊ߬ߟߎ߬ ߢߍ߫.>>
ߞߎߡߊ߫ ߘߊߞߎ߲߫ ߛߊ߬ߓߊ߫ ߟߋ߬ ߕߍ߬ߘߴߊ߬ߟߎ߬ ߓߟߏ߫߸ ߏ߬ ߝߟߐߡߊ ߟߋ߬ ߞߍ߫ ߘߊ߫ ߡߊ߲ߘߙߊߛߊ߫ ߞߏ ߕߐ߬ߣߐ ߢߊߝߐ ߘߌ߫، ߊ߬ ߓߊ߲߫ ߘߊ߫ ߏ߬ ߟߋ ߟߊ߫߸ ߞߊ߬ ߘߏ߲߬ ߞߎߡߊ߫ ߘߊߞߎ߲ ߝߌߟߊߣߊ߲ ߘߐ߫߸ ߏ߬ ߡߍ߲ ߦߋ߫ ߛߙߊ߬ߒ߬ߞߊ߲߬ߠߊ ߘߌ߫ ߖߡߊ߬ߣߊ ߝߊ߰ߡߊ ߟߎ߬ ߟߊ߫، ߊ߬ߟߎ߫ ߞߵߊ߬ ߦߌ߬ߘߴߊ߬ߟߎ߬ ߟߊ߫ ߞߎߡߊ ߘߐ߫߸ ߞߏ߫ ߣߊ߫ ߢߊ߫ ߡߊ߫ ߢߌߣߌ߲߫ ߓߌ߬ߟߊ߬ߢߐ߲߰ߡߊ߬ ߞߎߡߊ ߟߎ߫ ߡߊ߬ ߓߌ߬ ߕߟߋ ߣߌ߲߬ ߘߐ߫߸ ߊ߬ ߘߌߣߊ߬ ߞߍ߫ ߝߙߋߞߋ ߘߌ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ ߝߊ߰ߡߊ ߟߎ߬ ߦߋ߫ <<ߞߊ߲߲߭ ߠߎ߬ ߞߣߐ߬ߜߍ߲߬ ߠߊ߫ ߢߊ ߡߍ߲ ߡߊ߬߸ ߊ߱ ߊ߲ ߠߊ߫ ߓߐߕߏ߲ ߠߎ߬ ߞߣߐ߬ߜߍ߲߬ ߠߊ߫ ߢߊ ߡߍ߲ ߞߊ߲߬߸ ߊ߲ ߧߴߊ߬ ߝߍ߬ ߊ߱ ߏ߬ ߢߐ߲߰ ߞߣߐ߬ߜߍ߲߬ߠߌ߲ ߟߊ߫ ߖߡߊ߬ߣߊ ߓߌ߬ߟߊ߬ߢߐ߲߰ߡߊ ߞߊ߲߬.>>
ߞߊ߬ߕߎ߲߯߸ ߊ߬ ߞߵߊ߬ ߦߌ߬ߘߊ߬ ߞߏ߫ ߕߊ߬ߕߏ ߡߊ߲߬ߜߏ߬ߦߊ߬ߕߊ ߟߋ߬߸ ߤߊ߲߯ ߊ߬ ߦߴߊ߬ ߞߐߛߊ߬ߦߌ߲߫ ߕߎ߬ߡߊ ߡߍ߲ ߠߊ߫، ߓߊߏ߬߸ <<ߊߟߊ߫ ߡߊ߫ ߕߎ߬ߓߌ ߘߊ ߕߎ߲߯>> ߡߐ߰ ߢߍ߫߸ ߊ߬ߟߎ ߕߍߣߵߏ߬ <<ߕߎ߲߯ ߠߊ߫>> ߕߊ߬ߕߏ ߢߍ߫. ߏ߬ ߟߋ ߘߐ߫߸ ߊ߬ ߞߵߊ߬ ߟߊ߫ ߞߎߡߊ ߟߊߓߊ߲߫ ߞߎߡߊ߫ ߘߊߞߎ߲ ߛߓߊߣߊ߲ ߠߋ߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߛߌ߬ߟߊ߬ߡߊ ߓߍ߯ ߟߊߘߍ߬ߣߍ߲ ߦߋ߫ ߕߊ߬ߕߏ ߘߋ߬ ߔߐߙߕߏ ߟߊߜߏߦߊߢߍ߫߸ ߞߵߊ߬ߟߎ߫ ߓߊ߲߬ ߊ߬ ߘߐ߫߸ ߞߵߊ߬ ߣߴߊ߬ ߓߟߏߝߋ߲ ߓߍ߯ ߕߏ߫ ߦߋ߲߬، <<ߝߋ߲ ߺ ߋ ߺ ߝߋ߲߫ ߣߌ߫ ߛߌ߬ߟߊ߬ߡߊ ߟߵߌ ߘߌ߫߸ (…)߸ ߓߍ߯ ߦߴߊ߬ ߟߊߜߏߦߊߢߍ߫ ߌ ߖߛߎ߬ߞߎ߲ ߞߣߐ߫، ߞߊ߬ߡߊߛߐ߬ߘߐ߲߬ ߊ߬ ߓߘߊ߫ ߝߋ߲߫ ߝߐ߫ ߘߌ߯ߣߊ ߡߊ߬߸ ߊ߬ ߓߘߊ߫ ߝߋ߲߫ ߞߍ߫ ߘߌ߯ߣߊ ߟߊ߫߸ ߊ߬ ߣߌ߫ ߡߍ߲ ߡߊ߲߫ ߞߊ߲߫، ߟߊ߬ߜߏߦߊߢߍ ߏ߬ ߦߋ߫ ߞߍ߫ ߊ߬ ߖߛߎ߬ߞߎ߲߬ߘߐ߬ߕߊ ߟߋ߬ ߘߌ߫߸ ߊ߬ ߞߊߣߊ߬ ߞߍ߫ ߊ߬ ߜߍߘߐߕߊ߫ ߘߌ߫، ߏ߬ ߞߐߝߍ߬߸ ߓߍ߯ ߦߋ߫ ߖߌ߰ ߞߊ߬ ߓߐ߫ ߊ߬߬ ߟߊ߫ ߖߊ߬ߕߋ߬ߘߊ ߟߊ߫، ߊ߬ ߓߊ߯ ߘߏ߲߬ ߖߡߊ߬߬ ߛߌ߫ ߘߐ߫߸ ߓߍ߯ ߦߴߊ߬ ߥߌ߬ߟߌ߫ ߞߵߊ߬ ߞߋߟߋ߲߫ ߕߏ߫ ߦߋ߲߬.>>
ߤߊ߲߯ ߊ߬ ߟߊ߫ ߞߎߡߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߞߊߣߵߊ߬ ߕߊ߫ ߝߘߎ߫߸ ߡߐ߰ ߞߊߣߵߊ߬ ߘߋ߲߫ ߘߴߊ߬ ߡߊ߬߸ ߡߐ߰ ߞߊ߫ ߛߐ߲߬ ߊ߬ߟߎ߬ ߦߋ߫ ߕߊ߯ߡߊ߫ ߟߊߘߍ߬ ߞߐ߲߬ߛߏ ߞߣߐ߫، ߌ ߟߊ߫ ߤߙߊ ߓߊ߯ ߞߍ߫ ߖߊ߬ߡߊ ߘߐ߫ ߢߊ߫ ߛߌ߫ ߡߊ߬߸ ߣߌ߫ ߕߊ߬ߕߏ ߘߏ߲߬ ߘߊ߫߸ ߞߏ߫ ߓߍ߯ ߦߴߊ߬ ߥߟߌ߬.
ߞߎߡߊ ߞߎ߲߬ߘߏ߲ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ <<ߓߍ߯ ߦߴߊ߬ ߥߌ߬ߟߌ߫ ߞߵߊ߬ ߟߐ߬߸ ߗߍ߬ߓߊ ߘߏ߫ ߟߎ߫ ߞߊ߬ ߡߎ߬ߙߎ ߕߊ߬ ߞߋߟߊ ߝߍ߬.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
