ߖߊ߲߬ߖߏ߲߬ ߛߌߦߊߡߊ߲߫ ߠߋ߬ ߞߍ߫ ߘߊ߫ ߞߏ߲ߓߌߕߌ߮ ߕߟߋ߬ ߁߅ ߡߊ߬ ߝߘߊ߬ߝߌ߲߬ߠߊ߬ ߞߣߐ߫߸ ߡߍ߲ ߕߍ߫ ߓߐ߫ ߟߊ߫ ߡߐ߰ ߦߟߌ߫ ߟߊ߫߸ ߞߵߏ߬ ߞߎ߲߭ ߞߍ߫ ߖߊ߲߬ߖߏ߲ ߘߏ߫ ߟߎ߫ ߟߊ߫ ߢߐ߲߯ߓߍ߲ ߘߌ߫ ߟߏ߲ߓߊ ߣߌ߲߬ ߡߊ߬.
߁߉߅߀ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߊߝߙߌߞߌ߬ ߓߍ߯ߦߊ ߟߊ߬ߘߍ (RDA) ߟߊ߫ ߞߎ߲߬ߜߙߊ ߝߌߟߊߣߊ߲ ߞߍ߫ ߘߊ߫ ߓߎߟߑߓߌߣߍ߫߸ ߞߵߊ߬ ߕߊ߬ ߞߏ߲ߓߌߕߌ߮ ߕߟߋ߬ ߁߅ ߡߊ߬ ߞߵߊ߬ ߛߌ߰ ߊ߬ ߕߟߋ߬ ߁߈ ߠߊ߫، ߞߎ߲߬ߜߙߊ ߏ߬ ߟߋ ߛߋ߲߭ߝߍ߬߸ ߖߌ߬ߣߍ߬ ߓߍ߯ߦߊ ߞߙߎߞߊ (PDG) ߟߊ߫ ߞߏ ߟߎ߬ ߘߊߡߌ߬ߣߊ߬ ߘߊ߫ ߞߏߞߎߘߊ߫߸ ߞߙߎߞߊ ߏ߬ ߡߍ߲ ߞߊ߬ ߖߌ߬ߣߍ߬ ߟߊ߫ ߖߘߍ߬ߕߌ߰ߦߊ ߛߍ߬ߘߏ߲ ߞߍ߫ ߞߊ߬ߣߌ߲߬.
߁߉߆߃ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߝߊ߬ߙߊ߲߬ߛߌ߫ ߣߊ߲߬ߕߌ߮ ߟߎ߬ ߟߊ߫ ߘߊ߯ ߟߊߓߊ߲ ߞߵߊ߬ ߘߏ߬ߣߌ߲ ߠߊߛߘߌ߬ ߓߌߖ߭ߍߙߕ߸ ߞߵߏ߬ ߞߍ߫ ߝߊ߬ߙߊ߲߬ߛߌ߫ ߣߊ߲߬ߕߌ߰ ߞߏ ߓߊ߲ߣߍ߲ ߘߌ߫ ߕߣߎߛߌ߫ ߘߎ߰ߞߟߏ ߞߊ߲߬، ߏ߬ ߟߏ߲ ߠߋ߬ ߦߋ߫ ߞߟߌ߫ ߟߊ߫ ߘߐ߬ߝߐ ߞߣߐ߫ ߞߏ߫ ߔߏ߬ߘߏ߲߬ߞߌ߬ߟߌ ߟߏ߲ߓߊ߸ ߊ߬ ߛߌ߲ߞߐߡߌߘߊ߫ ߢߊ߯ߢߊ߮ ߦߋ߫ ߞߍ߫ ߟߊ߫ ߛߊ߲߭ ߓߍ߯ ߟߋ߬ ߡߊ߬ ߝߊ߬ߛߏ ߟߊ߫ ߖߘߍ߬ߕߌ߰ߦߊ ߕߐ߰ߡߊ߬ߛߙߋ ߘߌ߫.
߁߉߈߇ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߢߍߡߌߘߊ߫ ߕߏߡߊ߫ ߛߊ߲ߞߙߊ߫߸ ߓߙߎߞߌߣߊ߫ ߝߊ߬ߛߏ߬ ߞߊ߲ߕߌ߮ ߝߊ߰ ߘߊ߫ ߞߊ߬ߝߏ߬ ߖߊߛߏ߲ ߘߏ߫ ߘߐ߫ ߥߊ߱ߘߎ߰ ߞߣߐ߫߸ ߞߊ߬ߝߏ߬ ߖߊߛߏ߲ ߏ߬ ߡߍ߲ ߢߍߡߌ߬ߣߊ߬ߣߍ߲߫ ߕߘߍ߬ ߊ߬ ߛߋ߲߬ߘߏ߲߬ߢߐ߲߯ ߓߑߟߍߖ߭ ߞߐ߲ߔߊߥߏߙߋ߫ ߓߟߏ߫، ߟߊ߬ߕߎ߬ߣߎ߲߬ߠߌ߲ ߏ߬ ߞߊ߬ ߘߊ߲߭ߛߌ߰ ߘߋ߲ߡߌ߬ߛߍ߲ ߞߍ߲ߘߍ ߟߊ߫ ߛߊ߲߬ ߣߊ߯ߣߌ߲߫ ߡߊ߬ߙߊ ߟߋ߬ ߟߊ߫ ߥߎ߬ߦߊ߲߬ߞߌ߬ߟߌ ߘߝߊߣߍ߲ ߘߐ߫ ߓߙߎߞߌߣߊ߫ ߝߊ߬ߛߏ߬ ߞߣߐ߫، ߊ߬ߟߋ ߡߍ߲ ߕߋ߬ߟߋ ߘߐ߫߸ ߦߟߍ߬ߡߊ߲ ߘߏ߲߬ ߘߊ߫ ߞߏ߫ ߛߌߦߊߡߊ߲߫ ߘߐ߫߸ ߤߊ߲ߞߟߌ ߟߎ߬ ߟߊߞߎߣߎ߲߫ ߘߊ߫ ߞߏ߫ ߛߌߦߊߡߊ߲߫ ߡߊ߬߸ ߞߊ߬ ߝߘߊ߬ߝߌ߲߬ߠߊ߬ ߟߊ߫ ߖߘߍ߬ߕߌ߰ߦߊ ߛߍ߬ߘߏ߲ ߠߊߘߏ߲߬ ߓߘߍ߬ߓߘߍ߬ߟߌ ߘߐ߫.
߁߉߉߃ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߣߐߙߑߝ߭ߍߖ߭ ߣߏߓߍߟ ߘߍ߬ߘߊ ߞߊ߬ ߖߐ ߣߐߓߍߟ ߞߐ߲ߘߐ߲ ߘߌ߫ ߥߙߏ߬ߘߎ߰ ߊߝߙߌߞߌ߬ ߡߐ߰ߘߐ߬ߜߍ߫ ߝߌ߬ߟߊ߫ ߡߊ߬ ߞߋߟߋ߲ߘߌ߫߸ ߣߊߟߌ߬ߡߎ߲߫ ߣߍߟߑߛߐ߲߫ ߡߊ߲ߘߋߟߊ߫ ߣߌ߫ ߝߙߋߘߋߙߌߞ ߘߋ߬ ߞߑߟߍߙ ߘߌ߫߸ ߊ߬ߟߎ߬ ߞߍ ߞߏߛߐ߲߬ ߞߊ߬ ߘߊ߲߭ߛߌ߰ ߛߎ߯ߟߊߝߛߊ߫ ߝߊ߲ߞߊ ߟߊ߫߸ ߞߊ߬ ߣߊ߬ ߓߍ߯ߦߊ ߣߌ߫ ߛߎ߯ߥߙߍߦߊ ߘߌ߫ ߥߙߏ߬ߘߎ߰ ߊߝߙߌߞߌ߬ ߞߣߐ߫.
߁߉߉߇ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߞߊ߬ߝߏ߬ ߖߊߛߏ߲ ߞߍ߫ ߘߊ߫ ߞߊ߲ߕߌ߯ ߔߊߛߑߞߊߟ ߟߌߛߎߓߊ߫ ߟߊ߫ ߞߏ߲ߜ߭ߏ ߓߙߊߝ߭ߌߟ ߖߡߊ߬ߣߊ ߞߣߐ߫، ߘߋ߬ߣߌߛ ߛߊߛߎ߫ ߒߖߋߛߏ߫ ߞߊ߬ ߝߊ߲߬ߞߊ ߕߊ߬߸ ߞߊ߬ ߘߊ߲߭ߛߌ߰ ߛߏ߫ ߞߣߐ߫ ߞߟߍ ߟߊ߫߸ ߏ߬ ߡߍ߲ ߞߎ߲߭ ߕߘߍ߬ ߛߌߦߊ߫ ߞߟߍ ߘߌ߫، ߤߊߟߌ߬ ߣߌ߫ ߞߊ߬ ߛߐ߬ߘߐ߲߬ ߞߏ߫ ߞߐߝߟߌ ߘߏ߫ ߦߋ߫ ߘߴߏ߬ ߟߊ߫ ߞߐ ߟߊ߫.
߂߀߀߇ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߛߎߘߊ߲߫ ߞߊ߲ߕߌ߮߸ ߎߡߊߙ ߍ߬ߟߑߓߋ߬ߛ߭ߌߙ ߞߊ߬ ߢߊߞߎߘߦߊߟߌߓߊ ߘߏ߫ ߟߊߘߏ߲߬ ߊ߬ ߟߊ߫ ߞߎ߲߬ߠߊ߬ߛߌ߮ ߟߊ߫ ߞߏ ߘߐ߫߸ ߞߊ߬ ߛߎߘߊ߲߫ ߡߌ߬ߙߌ߲߬ߘߌ ߞߊ߲ߠߊߓߌߟߊ ߕߏ߰ߝߏ ߞߐߦߌߘߊ ߘߏ߫ ߟߎ߫ ߟߊߘߏ߲߬ ߏ߬ ߞߣߐ߫߸ ߞߵߊ߬ ߓߍ߲߬ ߖߐ ߟߊߘߏ߲߬ ߞߏ ߡߊ߬߸ ߏ߬ ߡߍ߲ ߓߍ߲߬ߞߊ߲ ߞߟߊ߬ߣߐ߬ߦߊ߬ ߘߊ߫ ߂߀߀߅ ߟߊ߫߸ ߞߊ߬ ߘߊ߲߭ߛߌ߰ ߛߏ߫ ߞߣߐ߫ ߞߟߍ ߟߊ߫ ߖߡߊ߬ߣߊ ߞߐ߰ߘߎ߯ ߥߙߏ߬ߘߎ߮ ߘߐ߫.
߂߀߁߀ ߞߏ߲ߓߌߕߌ߮ ߕߟߋ߬ ߁߅ ߟߋ߬ ߡߊ߬߸ ߞߊ߲ߕߌ߯ ߢߣߊߕߊߟߌ ߓߙߊߡߊߖߊ߲ߓߊ߲ ߠߊߥߊ߲߬ߞߊ߲߬ ߘߊ߫ ߜߋ߲ߞߐ߰ߖߌ߬ߘߊ ߟߊ߫ ߦߋߙߋ߲ߦߋߙߋ߲ ߡߊ߬، ߏ߬ ߡߍ ߞߍ߫ ߘߊ߫ ߓߘߍ߬ߓߘߍ߬ߟߌ߬ ߞߏ߬ߖߊ ߘߏ߫ ߖߎ߬ߛߌ߮ ߘߌ߫، ߓߊߏ߬߸ ߢߣߊߕߊߟߌ ߏ߬ ߟߋ ߣߊ߬ ߘߊ߫ ߥߟߏ߫ ߡߊ߲߬ߞߊ߲ ߘߏ߲߭ ߠߊ߫߸ ߞߊ߬ ߘߊ߲߭ߛߌ߰ ߟߏߙߊ߲߫ ߜߊ߬ߜߏ߬ ߟߊ߫ ߞߊ߲ߕߌ߯ߦߊ ߟߊ߫߸ ߞߊ߬ ߊߟߛߊߣ ߘߙߊ߬ߡߊߣ ߥߊߕߙߊ߫ ߟߊߣߊ߬ ߖߡߊ߬ߣߊ ߞߎ߲߬ߠߊ߫، ߏ߬ ߡߍ߲ ߦߴߊ߬ ߝߍ߬ ߞߊ߬ ߟߐ߬ߒ߬ߞߋ߬ߟߊ߬ ߣߊ߯ߣߌ߲ߣߊ߲ ߞߍ߫ ߛߊ߬ߙߌ߬ߦߊ߬ ߛߐߛߐ ߞߊ߲߬ ߕߋ߲߬߸ ߣߴߊ߬ ߡߊߓߎ߬ߙߎ߲߬ߕߌ߬ߣߍ߲߫ ߡߐ߰ ߛߌߦߊߡߊ߲߫ ߓߟߏ߫، ߓߊߏ߬߸ ߟߊ߬ߞߙߐ߬ߛߟߌ߬ߟߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߞߊ߫ ߞߊ߲߫ ߞߵߊ߬ ߖߌߖߊ߬ ߕߘߍ߬߸ ߞߊ߬߬ ߛߋ߫ ߓߐ߫ ߟߊ߫ ߘߐ߬ߝߐ ߘߓߊ ߝߍ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
