ߓߙߎߞߌߣߊ߫ ߝߊ߬ߛߏ߬߸ ߢߍߡߌߘߊ ߌߓߙߊߤߌߡ ߟߊ߫ ߞߊ߲ߕߌ߯ߦߊ ߓߘߊ߫ ߛߊ߲߬ ߛߓߊ߬ ߓߐ߫߸ ߛߊ߲߬ ߂߀߂߂ ߕߎߟߊߝߌ߲ ߕߟߋ߬ ߃߀ ߟߋ߬ ߟߊ߫߸ ߞߊ߬ߝߏ߬ߖߊߛߏ߲ ߞߍ߫ ߘߊ߫߸ ߊ߬ ߟߊ߫ ߞߊ߬ߝߏ߬ߖߊߛߏ߲ ߏ߬ ߡߍ߲ ߞߎ߲߭ ߞߍ߫ ߘߴߊ߬ ߓߟߏ߫߸ ߞߏ߫ ߞߎ߲߬ߠߊ߬ߛߌ߮ ߡߍ߲ ߠߎ߬ ߦߋ߫ ߦߋ߲߬߸ ߏ߬ ߟߎ߬ ߕߍ߫ ߛߋ߫ ߟߊ߫ ߞߊ߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߫ ߞߟߍ߬߸ ߊ߬ ߛߌ߰ߣߍ߲ ߞߐ ߞߊ߲ߕߌ߯ߦߊ ߟߊ߫߸ ߊ߬ ߞߵߊ߬ ߞߊ߲ߕߏ߫ ߞߏ߫ ߊ߬ ߓߍߣߊ߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߛߌߟߊߛߊ߬ ߤߊߟߌ߬ ߊ߬ ߕߍ߫ ߡߍ߲߫.
ߊ߬ ߟߊ߫ ߛߊ߲߬ ߛߊ߬ߓߊ ߞߊ߲ߕߌ߯ߦߊ ߣߌ߲߬ ߘߐ߫߸ ߤߊߟߌ߬ ߛߊ߫ ߓߋ߬ߒ߬ߞߊ߲߬ߠߌ߲ ߦߴߊ߬ ߞߊ߲߬ ߞߊ߬ ߛߌߟߊ߫ ߛߐ߬ߘߐ߲߬߸ ߟߊ߬ߞߊ߲߬ߘߊ߬ߟߌ ߢߊߝߐ߫ ߛߌߟߊ ߝߍ߬ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߞߟߍ߬ߓߟߏ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߊ߬ ߞߊ߲߬ߞߊ߬ߙߌ߬ߡߊ߬ߘߊ ߞߍ߫ ߣߊ߲߬ߕߌ߮ ߘߏ߫ ߟߎ߫ ߦߋ߫߸ ߞߏ߫ ߣߊ߲߬ߕߌ߰ ߝߏߛߌ߬ ߟߋ߬ ߡߊ߲߫ ߞߊ߲߬ ߞߊ߬ ߞߎߡߊ߫ ߞߊ߲ ߘߏ߫ ߟߎ߫ ߟߊߛߋ߫ ߡߍ߲ ߞߏ ߡߊ߬ ߟߊߕߍ߰߸ ߓߊߏ߬߸ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߝߘߊߝߘߊߟߌ ߟߊߘߏ߲߬ ߣߊ߲߬ߕߌ߮ ߟߎ߬ ߣߌ߫ ߢߐ߲߯ ߕߍ߫.
ߊ߬ ߘߏ߲߬ ߦߋ߫ ߞߏ ߟߋ߬ ߘߌ߫߸ ߡߍ߲ ߡߊ߲߫ ߞߊ߲߫ ߞߊ߬ ߦߋ߫ ߣߊ߲߬ߕߌ߮ ߖߏ߮ ߘߐ߫߸ ߞߊ߯ߙߌ߫ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߘߐ߬ߕߊߡߌ߲ ߞߊ߲ߕߌ߮ ߢߍߡߌߘߊ߫ ߌߓߙߊߤߌߡ ߞߎߡߊ߫ ߘߊ߫ ߟߋ߬ ߟߊ߬ߞߊ߲߬ߘߊ߬ߟߌ ߞߊ߲߬ <<ߒ ߕߘߍ߬ ߞߊ߬ ߟߊ߬ߤߘߌ ߟߋ߬ ߕߊ߬ ߞߏ߫ ߒ ߘߌߣߊ߬ ߓߋ߬ߒ߬ߞߊ߲߬ߠߌ߲߬ߠߊ ߟߎ߫ ߛߌߟߊߛߊ߬ ߞߊߙߏ߫ ߘߊ߲ߘߐ߫ ߞߎ߲߬ߕߊ߯ ߞߘߐ߫߸ ߓߊ߬ߙߌ߫߸ ߜߟߍ߬ߦߊ߬ ߛߌߦߊߡߊ߲߫ ߠߋ߬ ߞߊ߬ ߒ ߡߊߛߐ߬ߘߐ߲߬ ߥߊ߯ߕߌ߫ ߟߊߓߊ߲߫ ߢߌ߲߬ ߠߎ߬ ߟߊ߫>> ߊ߬ ߞߏ߬ߣߌ߲߫ ߞߵߊ߬ ߛߌ߲ߛߌ߲߫ ߞߟߍ߬ ߡߎ߬ߙߊ߲߬ ߞߏ ߟߎ߬ ߣߌ߫ ߣߊ߲߬ߕߌ߮ ߟߎ߬ ߡߊߞߊ߬ߝߏ ߟߋ߬ ߞߊ߲߬.
ߊ߬ ߟߊ߫ ߛߊ߲߬ ߛߊ߬ߓߊ߫ ߞߊ߲ߕߌ߯ߦߊ ߣߌ߲߬߸ ߘߐ߬ߕߊߡߌ߲ ߞߊ߲ߕߌ߮ ߓߘߴߊ߬ ߦߌ߬ߘߊ߬ ߞߏ߫ ߞߟߍ߬ ߡߎ߬ߙߊ߲߬ ߛߌߦߊߡߊ߲߫ ߠߋ߬ ߓߘߊ߫ ߛߊ߲߬߸ ߊ߬ ߣߌ߫ ߞߊ߬ ߘߏ߫ ߝߙߊ߬ ߣߊ߲߬ߕߌ߮ ߟߎ߬ ߓߙߍ߬ߦߊ ߞߊ߲߬ ߡߊ߬ߘߍ߬ߡߍ߲߬ߠߌ߲ ߓߟߏߡߊ߬߸ ߖߊ߬ߕߋ߬ ߡߌ߬ߣߊ߬ ߛߌߦߊߡߊ߲߫ ߠߋ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߓߋ߬ߒ߬ߞߊ߲߬ߠߌ߲߬ ߛߌߦߊߡߊ߲߫ ߠߋ߬ ߓߘߊ߫ ߞߍ߫ ߖߡߊ߬ߣߊ߫ ߢߌ߲߬ ߞߣߐ߫߸ ߘߍ߬ߡߍ߲߬ߠߌ߲߬ ߞߙߎ ߟߊ߫ ߝߐߟߌ߫ ߘߐ߫߸ ߓߋ߬ߒ߬ߞߊ߬ߠߌ߲߬ ߛߌߦߊߡߊ߲߫ ߠߋ߬ ߞߍ߫ ߘߊ߫ ߂߀߂߄ ߣߴߊ߬ ߂߀߂߃ ߕߍߟߊ ߘߐ߫.
ߘߎ߰ߘߋ߲߬ ߦߙߌߞߊ߫ ߞߊ߬ ߛߊ߬ߦߊ ߡߊߛߐ߬ߘߐ߲߬ ߏ߬ ߡߍ߲ ߛߋ߲߭ߝߍ߬߸ ߞߊ߬ ߓߐ߫ ߡߐ߱ ߆߅߀߀ ߡߊ߬ ߞߵߊ߬ ߛߌ߰ ߥߊ߫ ߁߆ ߟߊ߫߸ ߏ߬ ߘߏ߲߬ ߕߘߍ߬ ߦߴߌߘߐ߫ ߟߋ߬ ߞߘߐ߬ߡߊ߲߫߸ ߦߊ߬ߣߌ߲߫ ߌߓߙߊߤߌߡ ߕߙߊߥߏߙߋ߫ ߦߋ߫ ߣߊ߬ ߞߊ߲ߕߌ߯ߦߊ ߟߊ߫߸ ߓߙߎߞߌߣߊ߫ ߦߋ߫ ߟߊ߫ ߟߊ߫ ߖߡߊ߬ߣߊ߫ ߟߎ߫ ߟߋ߬ ߞߊ߲߬ ߕߋ߲߬߸ ߓߋ߬ߒ߬ߞߊ߲߬ߠߌ߲ ߦߋ߫ ߞߍ߫ ߟߊ߫ ߖߡߊ߬ߣߊ ߡߍ߲ ߠߎ߫ ߞߣߐ߫.
