ߓߌ߬ ߞߍ߲ߘߍߟߏ߲ ߂߀߂߅ ߕߎߟߊߝߌ߲ ߂߇ ߢߌ߲߬ ߡߊ߬ ߸ ߝߎߣߎ߲ߞߋ߫ ߛߊ߲߬ ߂߂ ߢߐ߲߰ ߘߏ߫ ߟߋ߬ ߛߎ߭ ߦߋߣߍ߲߫ ߖߌ ߞߘߐ߫ ߡߌߛߌ߬ߙߊ߲߫ ߡߏߓߌߟ ߞߌ߲߬ߘߊ ߟߊ߫ ߸ߊ߬ ߞߎߘߎ߲߫ ߂߲ ߦߙߐ߫ ߘߐ߫ ߝߊ߬ߙߊ ߡߊߜߍ߲߫ ߘߐ߫ ߁߁ ߙߋ߲ ߕߎ߬ߡߊ ߝߊ߲߭ ߝߍ߬.
ߊߟߑߝߐ߲ߛ ߟߎ߬ߥߊ߬ ߸ ߏ߬ ߡߍ߲ ߦߋ߫ ߞߏߕߐ ߞߙߊ߰ߡߐ߰ ߘߌ߫ ߜߟߊߞߌ ߟߊ ߘߐ߫ ( ߞߊ߬ߙߏ߲߬ ߟߊ ߘߐ߫ ߞߊ߬ߣߌ߲߬) ߸ ߏ߬ ߛߋ߫ ߘߊ߫ ߞߵߊ߬ ߕߊ߫ ߤߊ߲ߞߟߌߣߊ߲ ߘߌ߫ ߥߊ߬ߥߎߟߋ ߣߌ߲߬ ߞߏߢߊ ߞߊ߲߬ :
<<ߣߌ߲߬ ߞߏ ߞߣߐ߬ߘߐ߬ߝߟߌ߬ߓߊ ߟߋ߬ ߒߠߋ ߖߍ߬ߘߍ ߟߊ߫ ߸ߞߊ߬ߕߎ߲߰،ߞߊ߬ߦߌ߯ ߛߐ߰ߡߊ߬ߘߊ ߟߊ߫߸ ߒ ߠߊ߫ ߟߐ߲ߠߌ߲ߧߊ߫ ߘߊ߫ ߞߏ߫߸ ߞߊ߬ߦߌ߯ ߞߎߣߎ߲߬ ߛߎ ߒ ߠߊ߫ ߞߊ߬ߙߊ߲߬ߘߋ߲߬ߞߍ ߓߐ߫ ߘߊ߫߸ ߤߊ߲߯ߕߋ߲߬ ߊ߬ ߡߊ߫ ߘߏ߲߬ ߡߎߣߎ߲߬ ߸ ߒ߬ߓߊ߬ ߏ߬ ߟߋ߬ ߓߍ߯ ߞߐߝߍ߬ ߛߊ߫ ߸ ߊ߲ ߞߊ߬ ߢߊߢߌߣߌ߲߫ ߛߌ߰ ߛߋ߲߬ߠߊ߫ ߤߊ߲߯ ߊ߲ ߣߊ߬ ߘߴߊ߬ ߟߊ߫ ߛߊ߬ߡߘߊ ߝߎ߲ߣߍ߲ ߦߋ߫ ߖߌ ߞߐߞߊ߲߬ ߸ߊ߲ ߞߊ߬ ߞߌ߲߬ߘߊ߬ ߞߎ߲ߕߌ߮ ߝߣߊ߫ ߟߊߛߐ߬ߓߌ߬ ߌߞߘߐ߫ ߸ߏ߬ ߝߣߊ߫ ߞߊ߲߫ ߞߏ߫ ߊ߲ ߕߊ߯ ߊ߲ ߧߋ߫ ߥߴߊ߬ ߘߐߜߍ߫ ߸ ߊ߬ ߓߊ߯ ߞߍ߫ ߟߌ߬ߤߟߊ ߡߍ߲ ߘߐ߫ ߊ߲ ߘߌ߫ ߝߊ߰ߡߊ ߟߎ߬ ߟߊ߫ ߟߐ߲ߠߌ߲߫ >>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ߦߌ߯ ߞߊ߲ߓߋߙߋ߲ ߓߐ߫ ߘߴߊ߬ ߛߌ߬ߓߏ߲ ߠߊ߫ ߞߎߣߎ߲߬ ߂߂ ߙߋ߲ ߠߋ߬ ߝߊ߲߭ ߊ߬ ߡߊ߫ ߦߋ߫ :
<< ߞߊ߬ߦߌ߯ ߞߎߣߎ߲߬ ߂߀ ߙߋ߲ ߣߌ߫ ߂߂ ߕߍߟߊ ߟߋ߬ ߘߐ߫ ߸ ߣߌ߲߬ ߞߏߢߊ ߘߊߡߌ߬ߘߊ߬ ߘߊ߫ ߸ߓߊߏ߬ ߊ߲ ߕߍ߫ ߘߌ߲߬ߞߌ߬ߙߊ߬ ߞߋߟߋ߲߫ ߘߐ߫ ߸ ߒߠߋ ߛߊ߲ߝߍ߬ ߟߋ߬ ߸ ߊ߬ߟߋ ߦߋ߫ ߘߎ߰ߟߊ߫ ߘߐ߫.
ߊ߬ ߞߐ߬ߣߌ߲ ߛߎ߭ ߦߋߣߍ߲߫ ߁߀ ߙߋ߲ ߣߌ߫ ߁߁ ߡߊߜߍ߲߫ ߠߋ߬ ߘߐ߫ ߸
ߡߛߏ߬ ߞߋߟߋ߲߫ ߠߋ߬ ߦߴߊ߬ ߞߎ߲߬ ߊ߬ ߣߌ߫ ߘߋ߲߫ ߝߌ߬ߟߊ߬ ߸ ߊ߬ ߡߏ߬ߛߏ ߖߍ߬ߘߍ ߝߣߊ߫ ߤߊ߬ߙߌ߬ߖߍ߰ߣߍ߲ ߠߋ߬ ߕߋ߲߬.
ߛߦߊ߬ߓߊ߰ߕߐ ߕߐ߯ ߞߏ߫ ߔߊߛߑߞߊߟ ߘߙߊ߬ߡߎ߲߬ >>
ߞߏߕߐ ߞߙߊ߰ߡߐ߯ ߟߋ߬ ߞߊ߲߫ ߕߋ߲߬.
ߥߊ߬ߥߎߟߋ߲ ߣߌ߲߬ ߞߍ߫ ߌߞߘߐ߫، ߌߛߊ߫ ߞߓߊ߬ ߡߍ߲ ߦߋ߫ ߡߌߛߌ߬ߙߊ߲߬ ߡߏߓߌߟ ߞߌ߲߬ߘߊ߬ ߞߎ߲ߕߌ߮ ߘߌ߫ ߸ߏ߬ ߝߣߊ߫ ߡߊ߫ ߕߏ߫ ߞߐ߫ ߞߵߊ߬ ߓߍ߲߬ ߣߌ߲߬ ߞߏߢߊ ߡߊ߬ ߸ ߏ߬ ߟߊ߫ ߛߙߊ߬ߣߎ߲߬ ߞߊ߲߫ ߝߟߍ߫ ߣߌ߲߬ :
<<ߒߠߋ ߟߐ߲ߞߏ ߡߍ߲ ߦߋ߫ ߛߎ߭ ߣߌ߲߬ ߦߋߟߌ ߘߐ߫߸ ߒ ߝߣߊ߫ ߞߟߌ߫ ߘߊ߫ ߉ ߙߋ߲ ߣߌ߫ ߁߀ ߙߋ߲ ߠߋ߬ ߟߴߊ߲ ߠߊ߫ ߞߎߘߎ߲߫ ߞߎ߲ߕߌ߮ ߓߟߏ߫߸ ߞߏ߫ ߛߎ߭ ߘߏ߫ ߓߘߊ߫ ߣߊ߬ ߦߋ߫ ߊ߲ ߠߊ߫ ߞߌ߲߬ߘߊ ߟߊ߫ ߦߊ߲߬߸ ߒ ߝߣߊ߫ ߞߵߊ߬ ߘߐߢߌ߬ߣߌ߲߬ߞߊ߬ ߒ ߞߏ߫ ߣߴߊ߬ ߢߊ ߓߘߊ߫ ߛߙߋߦߴߊ߬ ߡߊ߬߸ ߊ߬ ߞߊ߲߫ ߒ ߧߋ߫ ߞߏ߫ ߊ߬ ߦߋ߫ ߥߊ߫ ߟߋ߬ ߞߊ߲߬ ߦߋ߲߬ ߸ߒ ߝߣߊ߫ ߞߊ߲߫ ߞߏ߫ ߣߴߌ ߛߋ߫ ߘߊ߫ ߦߋ߲߬߸ ߌ ߦߋ߫ ߒ ߞߟߌ߫߸ ߊ߬ ߛߋ ߦߋ߲߬ ߌߞߘߐ߫߸ ߊ߬ ߝߣߊ߫ ߞߊ߬ ߒ ߞߟߌ߫߸ߕߘߍ߫، ߒ ߝߣߊ߫ ߞߊ߬ ߞߟߍ߬ߕߌ߮ ߥߟߋ߫ ߞߊ߬ߝߏ߬ߙߋ߲ ߠߊ߫ ߸ ߞߊ߬ ߕߐ߲ߕߌ߮ ߝߣߊ߫ ߥߟߋ߫ ، ߏ߬ ߝߣߊ߫ ߞߵߊ߬ ߟߊ߫ ߛߏ߬ߝߊ ߘߏ߫ ߟߊ߫ ߝߙߍߕߍ ߟߊߣߊ߬ ߒ ߡߊ߬ ߞߏ߫ ߒ ߧߴߏ߬ ߞߟߌ߫߸ ߒ ߣߌ߫ ߕߐ߲ߕߌ߮ ߦߋ߫ ߓߊ߲߫ ߠߊ߫ ߞߎߡߊ ߟߊ߫ ߌߞߘߐ߫ ߞߟߍ߬ߕߌ߮ ߝߣߊ߫ ߞߊ߬ ߒ ߞߟߌ߫߸ ߞߏ߫ ߒ ߧߴߊ߬ ߕߏ߫ ߝߟߐ߫ ߞߐ߲ߡߑߛߍߙ ߦߋ߫ ߣߊ߬ ߞߵߊ߬ ߡߊߝߟߍ߫ ߸ ߞߴߏ߬ ߓߊ߯ ߞߍ߫ ߕߐ߭ ߟߎ߬ ߘߌ߫ ߟߊߓߐ߫ ߊ߬ ߞߊ߬ߟߊߡߊ߬߸ ߏ߬ ߓߟߏߡߊ߬߸ ߕߐ߲ߕߌ߮ ߟߊ߫ ߡߐ߱ ߡߍ߲ ߕߘߍ߬ ߞߊ߫ ߞߊ߲߫ ߞߊ߬ ߣߊ߬߸ ߒߠߋ ߝߣߊ߫ ߣߌ߫ ߏ߬ ߕߌ߱ ߣߊ߬ ߘߊ߫ ߞߋߟߋ߲߫ ߘߌ߫߸ ߊ߲ߠߎ߬ ߝߣߊ߫ ߛߋ ߦߊ߲߬߸ ߌߞߏߡߌ߲߫ߛߎ߭ ߕߎߣߎ߲ߣߍ߲߫ ߠߋ߬ ߕߘߍ߬ ߖߌ ߞߘߐ߫߸ ߊ߲ ߞߵߊ߬ ߢߌߣߌ߲߫ ߜߟߋ߬ߞߋ ߟߊ߫ ߤߊ߲߯ ߞߵߊ߬ ߦߋ߫߸ ߊ߲ ߞߵߊ߬ ߟߊߓߐ߫ ߦߙߐ ߡߍ߲ ߞߵߊ߬ ߟߊ߫ ߜߙߋ ߟߊ߫߸ ߕߐ߲ߕߌ߮ ߞߊ߬ ߞߎ߲߬ߠߊ߬ߝߎߟߋ߲ ߘߏ߫ ߟߎ߫ ߕߊ߬ ߘߊ߭ߡߌ߬ߘߊ߫߸ ߏ߬ ߡߊ߫ ߘߏ߲߬ ߡߌ߬ߛߍ߲߬ ߁߀ ߘߐ߫ ߞߟߍ߬ߡߐ߮ ߟߎ߬ ߣߊ߬ ߘߊ߫>>
ߡߌߛߌ߬ߙߊ߲߬ ߡߐߓߌߟ ߞߌ߲߬ߘߊ߬ ߞߎ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߥߊ߬ߥߎߟߋ߲ ߣߌ߲߬ ߛߋ߲߬ߢߊ߬ ߝߟߐ ߕߍ߫ ߣߌ߲߬ :
ߣߌ߲߬ ߘߏ߲߬ ߛߎ߯ ߜߘߍ߫ ߝߣߊ߫ ߕߘߍ߬ ߓߘߊ߫ ߦߋ߫ ߞߘߐ߬ߡߊ߲߫߸ ߓߊ߬ߙߌ߫߸ ߏ߬ ߞߍ߫ ߘߊ߫ ߞߡߊ߬ߙߊ߬ߟߊ߫ ߘߋ߲߬ߞߊ ߟߋ߬ ߞߣߐ߫߸ ߞߎߘߎ߲߫ ߃߲ ߠߊ߫ ، ߘߋ߲ߣߍ߲߫ ߠߋ߬ ߞߏ߬ߣߌ߲ ߕߍ߬ߘߍ߫ ߏ߬ ߘߌ߫ ߛߊ߲߬ ߄ ߢߐ߲߰ ߠߊ߫߸ ߘߏ߫ ߡߍ߲ ߞߏ߬ߣߌ߲ ߦߋ߫ ߦߊ߲߬ ߘߐ ߕߋ߲߬߸ ߣߌ߲߬ ߦߋ߫ ߛߊ߲߬ ߂߀ ߓߙߍ߬ߦߊ ߟߋ߬ ߘߐ߫ ߞߊ߬ ߦߟߍ߬ ߸ ߘߋ߲߫ ߝߌ߬ߟߊ߫ ߟߋ߬ ߝߣߊ߫ ߦߴߊ߬ ߓߟߏ߫߸ ߊ߬ ߡߏ߬ߛߏ߫ ߘߏ߲߬ ߞߣߐߡߊ ߟߋ߬>>
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߊ߰ߡߊ߬ ߛߘߍߡߊ߲߫ ߠߋ߬ ߛߣߍ߫ ߘߊ߫ ߥߊ߬ߥߎߟߋ߲ ߣߌ߲߬ ߞߣߍ ߞߊ߲߬ ߸ ߞߊ߬ ߞߏߕߐ ߟߊ߫ ߛߊ߬ߦߊ ߞߎ߲߭ ߟߐ߲߫ ߣߌ߫ ߛߦߊ߬ ߛߎ߲ߞߎ߲ߡߊ ߟߋ߫ ߥߟߊ߫ ߍ߲߬ߍ߲߫.
<< ߞߟߍ߬ߡߐ߮ ߣߌ߫ ߕߐ߲ߓߟߏߡߊ ߣߌ߫ ߘߊ߲ߘߊߟߌߟߊ ߟߎ߬ ߓߍ߯ ߣߊ߬ߣߍ߲߫ ߠߋ߬ ߸ ߤߊߟߌ߬ ߞߕߌߞߊ߲ߞߊ ߖߍ߬ߘߍ ߝߣߊ߫ ߟߊ߫ ߟߐ߲ߠߌ߲ߧߊ ߘߊ߫ ߟߋ߬ ߸ ߏ߬ ߟߴߊ߬ ߦߌ߬ߘߊ߬ ߟߊ߫ ߞߏ߫ ߝߊ߰ߡߊ ߟߎ߬ ߓߍ߯ ߓߘߊ߫ ߞߍ߫ ߊ߬ ߞߊ߬ߟߊߡߊ߬.
ߒ߬ߓߊ߬ ߸ ߝߊ߰ߡߊ ߟߎ߬ ߟߊ߫ ߛߍ߲߬ߛߍ߲߬ߠߌ߲ ߞߐߝߟߌ߫ ߓߘߴߊ߬ ߦߌ߬ߘߊ߬ ߞߏ߫ ߝߐߦߌ߬ ߡߊ߫ ߛߋ߫ ߛߦߊ߬ߓߊ߰ߕߐ ߡߊ߬ ߸ ߊ߬ ߟߊ߫ ߛߊ߬ߦߊ ߦߋ߫ ߛߦߊ߬ ߛߎ߲ߞߎ߲ߡߊ ߟߋ߬ ߘߌ߫ ߛߎߏ߯ ߸ߓߊߏ߬ ߸ ߊ߬ ߞߍ߫ ߞߍ߲ߘߍߡߊ ߟߋ߬ ߖߌ߰ߣߍ߲ ߖߌ ߘߐ߫ ߸ ߞߏ߫ ߊ߬ ߡߊߡߌ߲߬ ߖߌ ߟߋ߬ ߘߐ߫.
ߌߞߏߡߌ߲߬ ߊ߬ ߞߏ ߦߋ߫ ߛߙߊ߬ ߛߎ߲ߞߎ߲ߡߊ ߟߋ߬ ߘߌ߫ ߸ ߊ߲ ߝߣߊ߫ ߞߵߊ߬ߟߎ߬ ߡߊߘߌߡߌ߲߫ ߛߊ߫ ߞߊ߬ ߛߎ߭ ߘߌ߫ ߊ߲ ߡߊ߬ >>
ߊ߬ ߞߵߊ߬ ߟߊ߫ ߞߎߡߊ߫ ߞߎ߲߭ ߘߏ߲߬ ߝߏ߬ߟߌ ߣߌ߫ ߓߊߙߌߞߊ߫ ߓߌߟߊ ߟߋ߬ ߡߊ߬߸ߞߊ߬ ߘߎ߬ߕߌ߮ ߟߎ߬ ߛߓߊߙߌ߫ ߟߊ߲ߘߌ߫
: << ߊ߲ ߦߋ߫ ߓߊߙߌߞߊ߫ ߓߌ߬ߟߊ߬ ߟߊ߫ ߓߍ߯ ߦߋ߫ ߸ ߓߊ،ߣߌ߫ ߞߏ ߕߍ߰ ߞߌ߲߬ߘߊ ߞߣߐ߫ ߸ߏ߬ ߞߌ߲߬ߘߊ߬ ߞߣߐ߬ߡߐ߮ ߟߎ߬ ߦߋ߫ ߞߏ ߏ߬ ߞߍ߫ ߊ߬ߟߎ߫ ߛߍ߬ߓߍ ߘߌ߫ ߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ߟߎ߫ ߣߐ߬ ߡߐ߰ߦߊ ߟߋ߬ ߞߍ߫ ߟߊ߫ ߝߟߐߦߊ ߘߌ߫ ߞߏ ߓߍ߯ ߢߍ߫ ߸ߏ߬ ߘߐ߫ ߊ߲ ߧߋ߫ ߓߍ߯ ߝߏ߬ ߟߊ߫ ߞߏߛߓߍ߫.
ߛߎ߰ߕߌ߮ ߟߎ߬ ߦߴߊ߬ ߟߐ߲߫ ߞߏ߫ ߥߊ߯ߕߌ ߟߋ߬ ߛߋߣߍ߲߫ ߊ߬ ߡߊ߬.
ߝߊ߰ߡߊ ߟߎ߫ ߥߟߋ߫ ߌߞߘߐ߫ ߸ߊ߬ߟߎ߬ ߓߍ߯ ߣߊ߬ ߘߊ߫ ߞߣߍ߫ ߞߊ߲߬ ߸ ߝߏ߫ ߘߊ߲ߘߊߟߌߟߊ ߟߎ߬ ߡߍ߲ ߠߎ߬ ߕߏߕߐ߫ ߕߘߍ߬ ߞߐߝߍ߬ ߊ߬ ߞߏߢߊ ߘߐ߫ ߣߍ߲ߞߍ߫ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߊ߬ߣߌ߲߬ ߞߏ߫ ߊ߬ߟߎ߬ ߞߵߊ߬ߟߎ߬ ߟߊ߫ ߓߊ߯ߙߊ߫ ߟߎ߬ ߞߍ߫ ߸ ߣߴߏ߬ ߕߍ߫ ߕߐ߭ ߟߎ߬ ߓߍ߯ ߞߊ߬ ߕߎ߬ߡߊ߬ߙߋ߲߫ ߡߊߓߎ߲߬ߧߊ߬ ߟߋ߬ >>
ߌߛߊ߫ ߞߓߊ߬ ߡߍ߲ ߦߋ߫ ߡߌߛߌ߬ߙߊ߲߬ ߡߐߓߌߟ ߞߌ߲߬ߘߊ߬ ߞߎ߲ߕߌ߮ ߘߌ߫ ߸ ߏ߬ ߟߋ߬ ߞߊ߬ ߖߡߊ߬ߙߌ ߘߌ߫ ߛߎ߰ߕߌ߮ ߟߎ߬ ߡߊ߬ ߞߊ߬ ߝߘߊ߫ ߝߊ߰ߡߊ ߟߎ߬ ߟߊ߫ ߞߏ߫߸ ߞߊ߬ ߛߎ߭ ߛߎ߬ߕߙߊ߬߸ ߏ߬ ߞߍ߫ ߘߊ߫ ߁߃ ߙߋ߲ ߡߊߜߍ߲߫ ߠߋ߬ ߘߐ߫ ߡߌߛߌ߬ߙߊ߲߬ ߡߏߓߌߟ ߞߌ߲߬ߘߊ ߞߎߘߎ߲߫ ߂߲ ߠߊ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫
