ߞߎ߲߬ߠߊ߬ߛߌ߮ ߓߍ߯
ߟߊ߬ߞߊ߲߬ߘߊ߬ߟߌߡߊ߬ߟߌ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߘߊ߫ ߕߏ߫ ߞߟߊߘߊ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߛߋ߲߭ߝߍ߬ ߊ߬ ߡߊߞߍ߫ ߦߌߟߊ ߘߐ߫ ߞߊ߬ߕߌ߬، ߊ߬ ߦߋ߫ ߡߊ߬ߟߌ ߘߐ߬ߕߊߡߌ߲ ߡߐ߰ߘߐ߬ߜߍ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߖߡߊ߬ߣߊ ߓߍߣߵߊ߬ ߛߎ߬ߞߏ߬ߦߊ ߞߍ߫ ߖߌ߲ߘߊ߲ߓߊ߫ ߘߐ߫߸ ߏ߬ ߡߍ߲ ߟߏ߲ ߓߍߣߊ߬ ߟߊߕߍ߰ ߊ߬ ߕߊ߫ ߟߊ߬ߛߋ߬ߟߌ߬ ߜߘߍ߫ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߍߒߞߊ߲ߠߌ߲ߠߊ ߟߎ߬ ߡߊߕߊ߯߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߞߍ߲ߘߍߟߏ߲ ߣߌ߲߬ ߛߐ߱ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫، ߞߏ߫ ߊ߬ߟߎ߬ ߝߣߊ߫ ߣߐ߬ ߓߍߘߍ߲ߞߍߟߌ߫ ߦߙߍߞߍߟߌ ߟߋ߬ ߛߌ߰ ߟߴߊ߬ߟߎ߬ ߞߊ߲ߡߊ߬߸ ߞߵߊ߬ߟߎ߫ ߞߘߎ߬ߞߘߎ߬، ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߍߒߞߊ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߝߊ߰߸ ߞߏ ߟߎ߬ ߓߘߊ߫ ߛߌ߰ ߊ߬ߟߎ߬ ߕߊ߫ ߓߟߏ߫ ߞߊ߲߬ ߕߋ߲߬ ߝߛߊߦߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ > ߟߎ߬ ߓߘߊ߫ ߥߴߊ߬ߟߎ߬ ߞߍ߫ ߊ߬ߟߎ߬ ߟߊ߫ ߘߊ߯ ߛߌߦߊߡߊ߲߫ ߞߊ߲߬ ߛߐ߱ ߢߌ߲߬ ߡߊ߬ ߖߡߊ߬ߣߊ ߞߎߓߋߘߊ ߟߊ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߦߙߐ ߘߏ߫ ߟߎ߫ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߕߡߊ߬ߖߌ ߓߐ߫ ߓߍ߯ ߘߐ߫߸ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊߖߌ߰ ߦߋ߲߬ ߠߎ߬ ߘߐ߫߸ ߏ߬ ߟߎ߬ ߦߴߊ߬ߟߎ߬ ߛߋߞߏ ߞߍ ߞߊ߲߬، ߏ߬ ߘߐ߫߸ ߞߏ߫ ߖߡߊ߬ߣߊ߬ߘߋ߲ ߓߍ߯ ߦߋ߫ ߕߏ߫ ߡߊ߬ߝߊ ߘߐ߫.
ߞߍߞߎߘߊߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߦߙߍߞߍߟߌ ߘߏ߫ ߟߎ߫ ߞߍ߫ ߊߞߑߓߊߙ ߣߌ߫ ߟߞߊߡߊߣ߸ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߡߊߞߍ߫ ߦߌߟߊ ߟߎ߬ ߛߎߡߊ߲߫ ߖߐ߲ߖߐ߲߫߸ ߞߊ߬ ߜߊ߬ߟߏ ߟߴߊ߬ߟߎ߫ ߞߊ߲߬ ߊ߬ߟߎ߬ ߣߌ߫ ߖߋ߬ߟߌ߬ߓߊ߬ߘߎ߯ ߓߐߕߏ߲߫ ߝߊ߲ ߝߍ߬߸ ߊ߬ ߣߌ߫ ߞߊ߬ߦߋ߫ ߕߌ߲߬ߞߎߘߎ߲ ߘߐ߫.
ߞߍߞߎߘߊߡߊ߬ߟߌ ߓߘߊ߫ ߝߊ߬ߙߊ߲߬ߛߌ߬ߞߊ ߘߏ߫ ߟߎ߫ ߣߌ߫ ߞߟߍ߬ߕߌ߯ ߝߌ߬ߟߊ߫ ߡߌ߬ߘߊ߬ ߞߏ ߝߐ߫߸ ߊ߬ ߣߌ߫ ߣߊ߲߬ߒ߬ߕߊ߲ ߘߏ߫ ߟߎ߫߸ ߡߍ߲ ߠ߬ߎ ߡߊߝߌ߲߬ߣߍ߲߬ ߞߏ߫ ߊ߬ߟߎ߫ ߕߍ߬ߘߍ߫ ߊ߬ ߝߍ߬ ߞߊ߬ ߓߊߛߌ߯ߓߊߟߌߦߊ ߟߊߘߏ߲߬ ߡߊ߬ߟߌ ߟߊ߫.
