ߖߌ߬ߣߍ߫ ߓߌ߬ߛߊߥߏ߫ ߞߊ߲ߕߌ߮ ߟߊ߫ ߟߐ߬ߒ߬ߞߋ߬ߟߊ ߞߎ߲߭ ߘߏ߲߬ ߘߊ߫ ߞߎߣߎ߲߬ ߛߎ ߟߋ߬ ߘߐ߫߸ ߓߊ߬ߙߌ߫߸ ߗߍ߭ ߣߌ߲߬ ߞߵߊ߬ ߝߐ߫ ߟߋ߬ ߞߘߐ߬ߡߊ߲߫ ߞߏ ߊ߬ ߕߍߣߊ߬ ߝߊ߲߬ߞߊ ߓߌ߬ߟߊ߬ ߟߊ߫ ߝߏ߬ߣߌ߲߫ ߊ߬ ߣߘߐ߬ߓߌߟߊ ߛߎߥߊ߲ߘߌ߫ ߘߊ߫ ߞߊ߲ߕߌ߯ ߢߣߊߕߊߟߌ ߞߐ ߘߐ߫߸ߊ߬ ߘߏ߲߬߸ ߞߟߊ߬ߕߊ ߏ߬ ߦߋ߫ ߛߋ߲߬ ߠߊ߫ ߣߍߣߍߓߊ ߣߊ߬ߕߐ߫ ߕߋ߬ߟߋ߫ ߂߃ ߟߋ߬ ߟߊ߫߸ ߝߊ߲߬ߞߊ߫ ߛߌ߬ߣߊ ߟߎ߬ ߦߴߊ߬ ߞߊ߲߬ ߞߊ߬ ߞߴߏ߬ ߟߋ߬ ߞߐ߲߫ ߞߏߛߓߍ߫߸ ߓߊߏ߬߸ ߊ߬ ߦߋ߫ ߛߊ߬ߙߌ߬ߦߊ߬ ߛߐߛߐ ߟߋ߬ ߘߌ߫، ߎߡߊߙߏ߫ ߛߌ߬ߛߞߏ߬ ߊ߲ߓߊߟߏ߫ ߞߏߣߌ߲߬ ߕߘߍ߬ ߓߘߊ߫ ߞߎߡߊ߫ ߞߘߐ߬ߡߊ߲߫ ߞߵߊ߬ ߞߘߐ߫ ߝߐ߰ߓߍ߬ߦߊ߬ߟߊ ߟߎ߬ ߢߊߞߘߐ߫.
ߞߏ߫ ߊ߬ ߟߊ߫ ߟߐ߬ߒ߬ߞߋ߬ߟߊ ߓߘߊ߫ ߞߎ߲߭ ߘߏ߲߬߸ ߓߊ߬ߙߌ߫߸ ߏ߬ ߞߘߐ߫ ߕߍ߫ ߘߋ߬ ߞߏ߫ ߊ߬ ߘߴߊ߬ ߥߟߌ߬ ߞߊ߲ߕߌ߯ߦߊ ߟߊ߫߸ ߞߏ߫ ߝߏߛߌ߬ ߟߋ߬ ߕߴߊ߬ ߞߍ߫ ߞߏ߫ ߊ߬ ߘߌ߫ ߝߊ߲߬ߞߊ ߓߌ߬ߟߊ߬ ߣߴߊ߬ ߣߘߐ߬ߓߌߟߊ ߡߊ߫ ߛߎߥߊ߲ߘߌ߫ ߣߍߣߍߓߊ߫ ߞߊߙߏ ߣߊ߬ߕߐ ߞߟߊ߬ߕߊ ߛߋ߲߭ߝߍ߬߸ ߊ߬ ߘߏ߲߬ ߊ߬ߟߋ ߖߍ߬ߘߍ ߝߣߊ߫ ߦߋ߫ ߟߐ߬ߒ߬ߞߋ߬ߟߊ ߏ߬ ߞߟߊ߬ߕߊ ߘߐ߫߸ ߊ߬ ߘߊ߲߬ ߕߍ߫ ߎߡߊߙߏ߫ ߛߌ߬ߛߞߏ߬ ߊ߲ߓߊߟߏ߫ ߟߊ߫ ߟߐ߬ߒ߬ߞߋ߬ߟߊ߬ ߞߏ ߣߌ߲߬ ߘߐߙߐ߲߫ ߘߌ߫ ߘߋ߬߸ ߞߏ߫ ߛߌߦߊߡߊ߲߫ ߠߋ߬ ߓߘߊ߫ ߞߎ߲߭ ߘߏ߲߬ ߖߌ߬ߣߍ߫ ߓߌ߬ߛߊ߬ߥߏ߫ ߖߡߊ߬ߣߊ ߞߊ߲߬ ߥߊ߯ߕߌ߫ ߣߌ߲߬ ߠߊ߫.
ߞߊ߬ߦߌ߯ ߝߊ߬ߛߏ߬ߜߙߊ ߕߋ߬ ߘߊ߫ ߂߀߂߃ ߝߊ߲߭ߝߍ߬߸ ߖߡߊ߬ߣߊ߬ߘߋ߲ ߠߎ߬ ߓߍߣߊ߬ ߞߟߊ߬ߕߊ ߞߍ߫ ߏ߬ ߗߏ߯ߦߊ ߟߎ߬ ߟߋ߬ ߞߣߐ߫߸ ߣߍߣߍߓߊ ߣߊ߬ߕߐ ߕߋ߬ߟߋ߫ ߂߃ ߟߊ߫߸ ߞߵߊ߬ߟߎ߬ ߟߊ߫ ߖߡߊ߬ߣߊ ߞߊ߲ߕߌ߮ ߛߎߥߊ߲ߘߌ߫߸ ߏ߬ ߡߍ߲ ߛߎߥߊ߲ߘߌ߫ ߘߊ߫ ߎߡߊߙߏ߫ ߛߌ߬ߛߞߏ߬ ߊ߲ߓߊߟߏ߫ ߖߍ߬ߘߍ ߓߟߏ߫ ߞߊ߬ߣߌ߲߬، ߤߊߟߌ߬ ߝߊ߲߬ߞߊ߫ ߛߌ߬ߣߊ ߟߎ߬ ߞߏ߬ߣߌ߲ ߛߋ߲߬ ߡߊ߫ ߘߏ߲߬ ߖߌ߬ߣߍ߫ ߓߌ߬ߛߊ߬ߥߏ߫ ߥߊ߯ߕߌ߫ ߣߌ߲߬ ߠߊ߫ ߞ߸ ߝߊ߲߬ߞߊ߫ ߛߌ߬ߣߊ ߘߏ߫ ߟߎ߫ ߞߏ߬ߣߌ߲ ߞߊ߲߫ ߠߋ߬߸ ߞߏ߫ ߊ߬ߟߎ ߕߍ߫ ߛߐ߲߬ ߝߋߎ߫، ߎߡߊߙߏ߫ ߛߌ߬ߛߞߏ߬ ߦߋ߫ ߕߏ߫ ߞߊ߲ߕߌ߯ߦߊ ߟߊ߫߸ ߊ߬ ߟߊ߫ ߟߐ߬ߒ߬ߞߋ߬ߟߊ ߓߊ߲ߣߍ߲ ߞߐ ߘߐ߫.
ߝߊ߬ߙߊ߲߬ߒ߬ߞߊ߲߬ ߞߙߎ “ߊߔߋߦߋ” ߢߍߡߐ߮ ߓߊߛߌߙߎ ߖߊ ߟߊ߫ ߝߐߟߌ߫ ߘߐ߫߸ ߛߊ߬ߙߌ߬ߦߊ߬ߛߎ߲߬ߓߊ ߞߊ߬ ߛߊ߲߬ ߅ ߟߋ߬ ߟߊ߫ ߎߡߊߙߏ߫ ߛߌ߬ߛߞߏ߫ ߊ߲ߓߊߟߏ߫ ߞߎ߲߬߸ ߊ߬ ߘߏ߲߬߸ ߏ߬ ߓߘߊ߫ ߞߎ߲߭ ߘߏ߲߬ ߞߎߣߎ߲߬ ߛߎ ߘߐ߫߸ ߏ߬ ߓߟߏߡߊ߬߸ ߊ߬ ߞߊ߫ ߞߊ߲߫ ߠߋ߬ ߛߌߣߍ߲߬ ߞߊ߬ ߝߊ߲߬ߞߊ ߓߌ߬ߟߊ߬߸ ߣߴߏ߬ ߕߍ߫߸ ߞߊ߲ߕߌ߯ߦߊ߫ ߕߍ߫ ߊ߬ ߕߊ߫ ߣߌ߲߬ ߘߌ߫ ߓߎ߬ߕߎ߲߬߸ ߊ߬ ߟߊ߫ ߞߎߡߊ߫ ߘߐ߫ ߝߣߊ߫߸ ߖߌ߬ߣߍ߫ ߓߌ߬ߛߊߥߏ߫ ߖߡߊ߬ߣߊ߬ߘߋ߲ ߠߎ߬ ߓߍ߲߭ ߠߋ߬ ߝߍ߬߸ ߊ߬ߟߎ߬ ߕߍ߫ ߥߦߐ߬ ߛߌ߫ ߟߋ߬ ߝߍ߬، ߏ߬ ߓߟߏߡߊ߬߸ ߖߡߊ߬ߣߊ ߣߌ߲߬ ߞߊ߫ ߞߊ߲߫ ߞߊ߬ ߕߏ߫ ߓߍ߲߭ ߣߌ߫ ߛߓߊ߬ߕߌ ߟߋ߬ ߞߣߐߡߊ߬߸ ߏ߬ ߟߋ߬ ߞߍ߫ ߘߊ߫ ߓߊߛߌߙߎ ߖߊ ߟߊ߫ ߞߎߡߊ ߘߌ߫.
