ߡߊ߰ߣߍ߬ߦߊ߫ ߸ߘߎ߰ ߜߊߟߊ߲ߞߌ ߡߍ߲ ߞߍ߫ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߀ ߣߌ߫ ߂߁ ߛߎ ߘߐ߫ ߞߊ߬ ߡߐ߰ ߁߉ ߝߊ߰ ߸ߞߊ߬ ߡߐ߰ ߁߀ ߡߊߘߌߡߌ߲߫ ߞߊ߬ ߉ ߕߎߣߎ߲߫ ،ߏ߬ ߡߐ߰ ߁߅ ߟߋ߬ ߛߎ߬ ߞߏ ߞߍ߫ ߘߊ߫ ߓߌ߬ ߕߎߟߊߝߌ߲ ߕߟߋ߬ ߟߏ߯ߟߎ ߡߊ߬ ߂߀߂߅ ߡߊ߰ߣߍ߬ߦߊ߫ ߣߊ߲߬ߕߌ߰ ߞߊ߬ߙߊ߲߬ߕߊ ߟߊ߫ ߞߊ߬ ߝߊ߰ߓߊ߰ߕߐ ߟߎ߬ ߛߎ߬ ߓߙߌ߬ ߝߙߌ߬ߜ߭ߎ߬ߊ߬ߘߌ ߛߊ߬ߙߌ߬ߟߏ ߘߐ߫.
ߡߐ߰ ߞߟߊ߬ߒ߬ߞߋ߬ ߛߌߦߊߡߊ߲߫ ߠߋ߬ ߕߘߍ߬ ߞߣߍ ߞߊ߲߬ ߞߊ߬ ߓߐ߫ ߣߊ߬ߒ߬ߕߊ߲߬ ߞߎ߲߬ߘߊ߫ ߸ߞߎ߲߬ߠߊ߬ߛߌ߰ ߞߎ߲߬ߘߊ߫ ،ߣߊ߲߬ߕߌ߰ ߞߎ߲߬ߘߊ߫،ߣߊ߯ߡߎ߲߫ ߞߎ߲ߘߊ߫ ߸ߏ߬ ߟߎ߬ ߢߊߖߌߞߎߘߎ߲ߕߐ ߣߌ߫ ߛߎ߬ߣߎ߲ ߖߍ߬ߘߍߖߍ߬ߘߍ ߟߋ߬ ߕߍ߬ߘߍ߫ ߓߌ߬.
ߞߏߕߌ߯ ߝߟߐ ߓߊ ߎ߯ߙߌ߫ ߝߣߊ߫ ߕߘߍ߬ ߞߣߍ ߞߊ߲߬ ߸ߏ߬ ߞߊ߬ ߞߎߡߊ ߕߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߐ߯ ߘߐ߫ ،ߊ߬ ߞߵߊ߬ ߦߌ߬ߘߊ߫ ߊ߬ ߟߊ߫ ߞߎߡߊ ߘߐ߫ ߞߏ߫ :{ ߕߙߐ ߣߌ߫ ߛߎ߬ߣߎ߲ ߣߌ߫ ߖߛߎ߬ߞߊߛߌ ߡߍ߲ ߦߋ߫ ߡߐ߰ ߟߏ߯ߟߎ߫ ߦߋߓߊߟߌ ߟߎ߬ ߟߊ߫ ߞߐߙߍ ߞߊ߲߬ ߸ߞߴߌ ߞߴߏ߬ ߟߐ߲߫ ߝߋߎ߫ }.
ߊ߬ ߞߎߡߊ߫ ߘߊ߫ ߝߊ߬ߛߏ߬ߘߋ߲ ߠߎ߬ ߟߊ߫ ߢߐ߲߯ߘߍߡߍ߲ ߝߣߊ߫ ߞߊ߲߬ ߞߊ߬ ߥߴߊ߬ ߓߍ߲߬ ߝߊ߰ߓߊ߰ߕߐ ߟߎ߬ ߟߊ߫ ߞߐߙߍ ߕߏߣߍ߲ ߠߎ߬ ߡߊߘߍ߬ߡߍ߲߬ ߞߏ ߡߊ߬߸ߊ߬ ߓߊ߲߫ ߘߊ߫ ߞߵߊ߬ ߞߊ߲߫ ߕߏ߫ ߞߏ߫ :ߊ߬ ߞߣߊ߬ ߞߍ߫ ߡߐ߱ ߟߎ߬ ߢߣߊ߫ ߘߋ߬ ߞߴ ߌ ߘߌ߫ ߢߌ߬ߣߊ߫ ߘߎ߰ߜߊ߬ߟߊ߲߬ߞߌ߬ߓߊ߰ߕߐ ߟߎ߬ ߟߊ߫ ߞߏ ߟߊ߫ ߸ߞߏ߫ ߍ߲߬ߍ߲߫ ،ߞߏ߫ ߡߊ߰ߣߍ߬ߦߊ߫ ߓߊ߬ߟߊ߬ߥߎ߬ ߞߍߣߍ߲ ߓߘߊ߫ ߛߙߍߘߍߦߊ߫ ߞߵߊ߬ ߝߊ߬ߙߊ߫ ߓߟߊ߬ߥߎ߫ ߕߊ߬ߡߌ߲߬ߣߍ߲߬ ߞߘߐ ߟߎ߬ ߞߊ߲߬ ߡߍ߲ ߣߐ߬ ߖߌ߬ߣߍ߫ ߛߐ߬ߘߐ߲߬ ߠߊ߫
ߢߌ߬ߣߊ߲߫ ߛߊ߲߭ ߠߊ߫ ߦߏ߫ :ߞߐߣߊߞߙߌ߫ ߸ߘߎ߬ߓߙߋߞߊ߬ ߸ߡߊ߬ߛߊ߲߬ߕߊ߲߬߸ߛߌ߯ߙߌ߲߫ ߊ߬ ߣߌ߫ ߦߙߐ߫ ߜߘߍ߫ ߟߎ߫ ߖߌ ߣߌ߫ ߜߎ߰ ߜߊߟߊ߲ߞߌ ߟߊ߫ ߕߌߢߍߟߌ ߛߋ߫ ߘߊ߫ ߡߍ߲ ߠߎ߬ ߡߊ߬.
ߊ߬ ߞߵߊ߬ ߞߊ߲ߠߊߓߐ߫ ߝߣߊ߫ ߞߏ߫ ߞߵߊ߬ ߓߍ߲߬ ߢߌ߲߬ ߢߐ߲߰ ߓߟߊ߬ߥߎ߬ ߛߎ߮ ߡߊߕߊ߲߬ߞߊ ߡߊ߬ ߸ߞߏ߫ ߓߍ߯ ߦߴߌ ߖߊ߲߬ߕߏ߫ ߌ ߛߌ߰ ߦߙߐ߫ ߘߐ߫ ،ߛߊ߫ ߢߌ߲߬ ߛߎ߮ ߞߊߣߊ߬ ߒ߬ ߛߐ߬ߘߐ߲߫ ߡߎ߬ߕߎ߲߬.
ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫ ߸ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.
