ߡߊ߬ߟߌ ߟߊ߫ ߓߊ߰ߓߊ߰ߟߌ߬ ߞߎߘߊ߫ ߟߎ߫ ߟߋ߬ ߦߴߊ߬ ߞߊ߲߬ ߞߊ߬ ߢߍߛߌ߲߫ ߞߎ߲߬ߠߊ߬ߛߌ߰ ߛߌ߲ߝߏ߲ߧߘߊ ߟߎ߬ ߟߊ߫ ߓߊ߯ߙߘߊ ߟߎ߫ ߡߊ߬߸ ߛߛߞ ߓߘߊ߫ ߝߊ߲߬ߝߘߊ ߘߏ߫ ߟߎ߫ ߟߊߥߊ߲߬ߞߊ߫ ߖߎ߬ߓߌߟߊ ߟߎ߬ ߕߌߢߍ ߞߊ߲ߡߊ߬ ߛߌߟߊ ߟߎ߫ ߞߊ߲߬߸ ߓߡߊ߬ߞߐ߫ ߣߌ߫ ߛߌ߰ߢߐ߲߰ ߖߡߊߣߊ ߟߎ߬ ߕߍ߫ ߞߊ߬ߣߌ߲߬߸ ߊ߬ ߜߋ߲ߜߋ߲ ߘߐ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ߠߊ ߟߎ߬ ߕߍ߫، ߛߎ߬ߟߋ߬ߡߊ߯ߣ ߛߡߊ߬ߞߋ߫߸ ߊ߬ߟߋ ߡߍ߲ ߦߋ߫ ߕߊߖߌ߫ ߖߟߐߞߐ ߘߍ߭ ߝߘߏ߬ߓߊ߬ ߞߟߊߕߌ߮ ߘߌ߫߸ ߊ߬ ߞߊ߬ ߞߟߌߟߌ ߟߊߛߋ߫ ߟߋ߬ ߡߊ߬ߟߌ ߞߎ߲߬ߠߊ߬ߛߌ߮ ߟߎ߫ ߡߊ߬ ߞߏ߫ ߊ߬ߟߎ߬ ߦߋ߫ ߓߊ߰ߓߊ߰ߟߌ߬ ߞߏ ߣߌ߲߬ ߕߊ߬ ߘߊ߫ ߘߐ߫ ߞߏߛߓߍ߫.
ߊ߬ ߟߊ߫ ߝߐߟߌ߫ ߘߐ߫߸ ߤߊߟߌ߬ ߡߐ߱ ߡߍ߲ ߠߎ߬ ߖߍ߬ߘߍ߫ ߕߍ߫ ߊ߲ߠߎ߬ ߟߊ߫ ߞߌ߲߬ߘߊ ߞߣߐ߫߸ ߊ߬ ߞߊ߫ ߞߊ߲߫ ߞߊ߬ ߏ߬ ߕߌ߱ ߖߘߐ߬ ߞߏߛߓߍ߫߸ ߓߊߏ߬߸ ߣߌ߫ ߕߊߖߌ߫ ߕߍ߫ ߖߡߊ߬ߣߊ ߡߍ߲ ߞߣߐ߫߸ ߏ߬ ߕߍ߫ ߖߡߊ߬ߣߊ߬ ߘߌ߫، ߣߴߊ߬ ߝߐ߫ ߘߊ߫ ߞߏ߫ ߞߊ߬ ߏ߬ ߟߊ߫ ߣߊ߬ߟߌ ߓߟߏߕߍ߰߸ ߖߡߊ߬ߣߊ ߕߍ߫ ߛߋ߫ ߕߊ߯ ߟߊ߫ ߢߍ߫߸ ߊ߬ ߖߐ߬ߘߐ ߞߊ߫ ߓߏ߲߬ ߞߏߛߓߍ߫߸ ߓߊߏ߬߸ ߊ߲ߠߎ߬ ߓߊ߯ߙߊ߫ ߞߍ߫ ߟߊ߫ ߞߙߎ ߡߍ߲ ߠߎ߬ ߦߴߊ߬ ߞߣߐ߫߸ ߣߌ߫ ߕߊߖߌ߫ ߕߍ߫ ߦߋ߲߬߸ ߊ߲ߠߎ߬ ߛߙߊ߬ߕߐ߫ ߘߌ߫؟ ߏ߬ ߘߐ߫ ߞߊ߬ ߣߌ߲߬ ߞߏ ߢߊߢߌߣߌ߲߫ ߖߏߣߊߡߦߊ߫ ߓߟߏߡߊ߬߸ ߣߴߏ߬ ߕߍ߫ ߞߐߝߟߌ߫ ߢߌߡߊ߫ ߕߴߊ߬ ߟߊ߫.
ߞߊ߬ߦߌ߯ ߊ߲ ߞߊ߬ ߞߎߡߊ߫ ߢߌ߲߬ ߡߍ߲߫ ߊ߲ ߕߟߏ ߟߊ߫߸ ߊ߲ ߡߊ߫ ߟߊߝߙߍ߫ ߓߎ߬ߕߎ߲߬߸ ߏ߬ ߟߋ߬ ߘߐ߫߸ ߊ߲ ߧߴߊ߬ ߟߊߢߌߣߌ߲߫ ߠߊ߫ ߖߡߊ߬ߣߊ ߢߍߡߐ߮ ߟߎ߬ ߝߍ߬߸ ߡߍ߲ ߝߐߣߍ߲߫ ߕߋ߲߬߸ ߊ߬ ߞߏ ߞߊߣߊ߬ ߞߍ߫ ߛߌ߬ߓߏ߫ ߘߌ߫ ߛߐ߰ߣߊ߬ߝߙߍ߫ ߞߵߊ߬ ߞߍ߫.
