ߡߊ߬ߟߌ ߖߡߊ߬ߣߊ ߞߣߐ߫߸ ߊ߬ ߛߋ߲߬ߧߊ߬ ߝߟߐ ߟߋ߬ ߕߋ߲߬ ߛߛߞ ߘߍ߬ߞߙߎ ߦߋ߫ ߜߛߐ߫ ߛߌ߯ ߞߏ ߝߐ߫ ߡߊ߬ߟߌ ߘߌ߲߬ߞߌߙߊ ߘߏ߫ ߟߎ߫ ߘߐ߫߸ ߜߛߐ߫ ߛߌ߯ ߞߏ ߣߌ߲߬ ߘߏ߲߬ ߢߍߛߌ߲ߣߍ߲߫ ߕߍ߫ ߦߙߐ߫ ߜߘߍ߫ ߟߎ߫ ߡߊ߬ ߡߊ߬ߟߌ ߞߣߐ߫߸ ߞߊ߬ߦߋ߫ ߣߌ߫ ߢߐ߯ߙߐ߫ ߞߐ߫߸ ߛߊߤߍߟ ߡߙߊ߬ߓߟߏ ߟߎ߬، ߏ߬ ߟߎ ߡߍ߲ ߠߎ߬ ߦߋ߫ ߡߏߙߌߕߊ߲ߣߌ߲߫ ߣߌ߫ ߛߣߍ߬ߜ߭ߊ߬ߟߌ߫ ߓߐߕߏ߲ ߠߊ߫߸ ߞߎߣߎ߲߬ ߞߎߣߎ߲ߟߏ߲ ߕߊ߬ߡߌ߲ߣߍ߲ ߣߌ߲߬ ߡߊ߬߸ ߓߊ߰ߓߊ߰ߟߌ߬ ߞߙߎ ߡߍ߲ ߠߎ߫ ߞߊ߬ ߞߐ߲߬ߛߏ ߘߏ߫ ߟߎ߫ ߡߌ߬ߣߊ߫ ߟߋ߬ ߓߋߡߊ߫ ߣߌ߫ ߖߍ߲ߞߏ߫ ߕߍ ߘߐ߫߸ ߏ߬ ߞߐ߲߬ߛߏ ߡߍ߲ ߠߎ߬ ߦߋ߫ ߡߊ߬ߟߌ ߖߘߍ߬ߞߟߏ߬ߦߊ߬ߓߊ߮ ߢߍߡߐ߮ ߤߊߦߌߘߊߙߊ߬ ߕߊ ߟߎ߬ ߘߌ߫.
ߊ߬ߟߎ߫ ߘߏ߲߬ ߡߊ߫ ߘߊ߲߬ ߞߐ߲߬ߛߏ ߟߎ߬ ߘߐߙߐ߲߫ ߡߌ߬ߣߊ ߡߊ߬ ߘߋ߬߸ ߊ߬ߟߎ߬ ߓߊ߲߫ ߘߊ߫ ߟߋ߬ ߝߣߊ߫ ߞߊ߬ ߞߐ߲߬ߛߏ ߞߣߐߡߐ߮ ߟߎ߬ ߡߌ߬ߣߊ߬ ߞߊ߬ ߥߊ߫ ߏ߬ ߟߎ߬ ߘߌ߫߸ ߊ߬ߟߎ߫ ߞߊ߬ ߕߌߢߍߟߌ߫ ߜߘߍ߫ ߟߋ߬ ߝߣߊ߫ ߞߍ߫ ߞߊ߬ߦߋ߫ ߛߌߟߊ ߞߊ߲߬߸ ߓߊߏ߬߸ ߊ߬ߟߎ߫ ߞߊ߬ ߡߌ߬ߣߊ߬ߟߌ ߟߎ߬ ߣߌ߫ ߞߐ߲߬ߛߏ ߘߏ߫ ߟߎ߫ ߝߣߊ߫ ߖߋ߬ߣߌ߲߫ ߠߋ߬، ߛߛߞ ߖߍ߬ߘߍ ߟߊ߫ ߘߊ߲߬ߕߍ߰ߟߌ߬ ߘߐ߫ ߞߎߣߎ߲߬߸ ߡߐ߱ ߡߍ߲ ߠߎ߬ ߕߍ߫ ߞߊ߬ߦߋ߬ߞߊ߫ ߣߌ߫ ߢߐ߯ߙߐߞߊ߫ ߘߌ߫߸ ߊ߲ ߞߊ߬ ߏ߬ ߟߎ߬ ߟߊߓߌ߬ߟߊ߫ ߟߋ߬߸ ߊ߬ ߣߌ߫ ߊ߲ ߞߊ߬ ߖߘߍ߬ߞߟߏ߬ߦߊ߬ߓߊ߮ ߢߍߡߐ߮ ߟߊ߫ ߡߐ߱ ߡߍ߲ ߠߎ߬ ߡߌ߬ߣߊ߬߸ ߊ߲ ߞߊ߬ ߏ߬ ߟߎ߫ ߝߣߊ߫ ߟߊߓߌ߬ߟߊ߫ ߟߋ߬.
ߓߊ߬ߙߌ߫߸ ߊ߬ߟߎ߬ ߕߊ߯ ߘߊ߫ ߟߋ߬ ߟߊ߬ߓߏ߬ߙߟߌ߬ߟߊ ߣߌ߫ ߡߐ߰ ߜߘߍ߫ ߟߎ߫ ߘߌ߫߸ ߊ߬ ߘߏ߲߬ ߥߊ߬ߛߌ߬ߥߙߊ ߘߊߡߌߣߊ ߟߊ߫ ߛߛߞ ߓߏߟߏ߲ߝߘߊ ߞߊ߬ ߓߊ߰ߓߊ߰ߟߌ ߞߍ߫ ߟߋ߬ ߞߊ߬ߦߋ߫ ߣߌ߫ ߢߐ߯ߙߐ߫߸ ߊ߬ߟߎ߬ ߟߊ߫ ߖߌ߬ߦߊ߬ ߟߛߊߙߌߣߍ߲ ߠߎ߬ ߘߐ߫߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߞߊ߬ߦߋ߫ ߣߌ߫ ߢߐ߯ߙߐ߫ ߖߙߊ߬ߞߌ߫ ߞߊ߬ ߡߊ߬ߟߌ ߣߊ߲߬ߕߌ߮ ߟߎ߬ ߞߐߡߊߓߌ߲ߓߌ߲߫، ߛߛߞ ߓߘߴߊ߬ ߟߊߛߋ߫ ߞߏ߫ ߡߐ߰ ߛߌ߫ ߟߋ߬ ߞߊ߬ ߘߏ߲߬ ߕߊߖߌ ߘߌ߫ ߖߡߊ߬ߣߊ ߢߌ߲߬ ߞߣߐ߫ ߓߎ߬ߕߎ߲߬߸ ߊ߬ ߘߏ߲߬ ߞߏ߫ ߕߊߖߌ߫ ߡߊߘߏ߬ߠߌ߲߫ ߞߐ߲ߛߏ ߡߍ߲ ߠߎ߬ ߦߋ߫ ߓߐ߫ ߟߊ߫ ߡߏߙߌߕߊ߲ߣߌ߲߫ ߣߌ߫ ߜߋ߲ߞߐ߰ߖߌ߬ߘߊ ߣߌ߫ ߛߣߍ߬ߜ߭ߊ߬ߟߌ߫ ߟߎ߬ ߘߐ߫ ߥߟߊ߫ ߖߡߊ߬ߣߊ߬ ߜߘߍ߫ ߟߎ߫ ߞߊ߲߬߸ ߞߴߏ߬ ߓߍ߯ ߦߋ߫ ߕߊߖߌ ߟߊߘߏ߲߬ߠߌ߲ ߟߊߟߐ߬ ߝߟߐ߫.
ߝߏ߫ ߊ߬ߟߎ߬ ߦߋ߫ ߖߡߊ߬ߙߌ߬ߦߊ ߘߌ߫ ߕߎ߬ߡߊ߬ߣߊ ߡߍ߲ ߠߊ߫ ߞߏ߫ ߕߊߖߌ ߦߋ߫ ߘߏ߲߬߸ ߊ߬ߟߎ߫ ߓߊ߲߫ ߘߊ߫ ߟߋ߬ ߝߣߊ߫ ߞߊ߬ ߛߋ߲߬ߘߐ߬ߞߎߟߎ߲ ߘߏ߫ ߟߊ߫ ߓߏ߬ߙߌ߬ߟߌ ߓߟߏߕߍ߰߸ ߓߊߏ߬߸ ߞߴߏ߬ ߣߌ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߓߊ߯ߙߊ߫ ߞߋߟߋ߲߫ ߠߋ߬ ߡߊ߬، ߓߊ߬ߙߌ߫߸ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߝߋ߲߫ ߝߐ߫ ߛߛߞ ߟߊ߫ ߟߊ߬ߛߋ߬ߟߌ ߢߌ߲߬ ߞߊ߲߬߸ ߣߴߊ߬ ߦߋ߫ ߜߛߐ߫ ߛߌ߯ ߞߏ ߘߌ߫ ߥߟߊ߫ ߖߘߍ߬ߞߟߏ߬ߦߊ߬ߓߊ߮ ߢߍߡߐ߮ ߡߊߛߎ߬ߘߎ߲߬ߧߊ߬ ߡߐ߮ ߟߎ߫ ߟߊ߫ ߡߌ߬ߣߊ߬ߟߌ ߞߊ߲߬.
