ߞߎߣߎ߲߬ ߕߎߟߊߝߌ߲ ߕߟߋ߬ ߁ ߟߋ߬ ߟߊ߫߸ ߞߊ߲ߕߌ߯ ߖߐߣ ߘߙߊߡߊߣߌ߫ ߡߤߊߡߊ߫ ߞߊ߬ ߞߕߌߘߊ߫ ߛߊ߲ߘߐ ߢߍߡߐ߯ ߡߛߏ ߜ߭ߍߙߑߕߙߎߘ ߊߙߊߓߊ߫ ߌߛߊߓߊ߫ ߕߐߙߑߞߐߙߑߣߎ߫ ߜߍ߲߫ ߠߋ߬ ߞߵߊ߬ ߓߟߏߓߐ߫ ߊ߬ ߟߊ߫ ߓߊ߯ߙߊ ߟߎ߬ ߟߊ߫߸ ߣߊ߲߬ߝߟߏ߬ ߞߎ߲߬ߡߙߎ߬ߞߏ߬ ߞߎߡߊ ߟߋ߬ ߣߌ߫ ߞߕߌߕߍ߯ ߞߏߖߎ߮ ߟߋ߬ ߛߎߡߊ ߦߋ߫ ߡߏ߬ߛߏ ߣߌ߲߬ ߝߍ߬߸ ߊ߬ ߘߏ߲߬ ߞߊ߬ߦߌ߯ ߞߏ߲ߞߏߘߌ߬ߓߌ ߟߋ߬ ߟߊ߫߸ ߢߊߢߌߣߌ߲ߠߌ߲ ߠߎ߬ ߘߊߡߌ߬ߣߊ߬ ߘߴߊ߬ ߞߏ ߢߊߘߐߜߍ ߟߐ߲ ߞߊ߲ߡߊ߬.
ߞߊߙߏ߫ ߆ ߟߋ߬ ߟߊ߫߸ ߊ߬ ߟߊߢߌߣߌ߲߫ ߘߊ߫ ߞߕߌߘߊ߫ ߛߊ߲ߘߐ ߢߍߡߐ߯ ߡߛߏ ߝߍ߬ ߊ߬ ߞߵߊ߬ ߟߊ߫ ߓߊ߯ߙߊ ߟߊߘߎ߲߫ ߦߊ߬ߣߌ߫ ߞߏ ߟߎ߬ ߢߊߘߐߜߍ ߟߐ߲߫ ߕߐ߫߸ ߓߊߏ߬߸ ߘߏ߫߫ ߟߋ߬ ߣߐ߬ ߦߋ߫ ߡߞߊ߬ߛߟߌ߬ ߛߓߍ ߟߊߘߏ߲߬ ߠߊ߫ ߡߏ߬ߛߏ ߣߌ߲߬ ߞߊ߲߬ ߕߐ߲ߓߟߏߦߟߊ߫߸ ߞߏ߫ ߊ߬ ߟߊ߫ ߞߏ ߟߎ߬ ߕߍ߫ ߕߎ߬ߢߊ ߛߌߟߊ ߞߊ߲߬߸ ߊ߬ ߣߌ߫ ߞߏ߫ ߊ߬ ߦߋ߫ ߖߡߊ߬ߣߊ ߣߊ߲߬ߝߟߏ ߞߎ߲߭ ߡߙߎߟߊ߫ ߟߋ߬ ߞߵߊ߬ ߟߊߘߏ߲߬ ߊ߬ ߖߍ߬ߘߍ߫ ߘߎ߲߬ߘߎ߲߬ߡߊ ߝߍ߬، ߒ߬ߓߊ߬߸ ߏ߬ ߟߋ߬ ߞߍ߫ ߘߊ߫ ߛߊߓߎ߫ ߘߌ߫߸ ߞߊ߬ ߣߐ߬ߝߍ߬ߜߍ߲ ߠߊߥߟߌ߬ ߡߏ߬ߛߏ ߣߌ߲߬ ߞߐ߫.
ߓߊ߬ߙߌ߫߸ ߜ߭ߍߙߑߕߙߎߘ ߊߙߊߓߊ߫ ߌߛߊߓߊ߫ ߕߐߙߑߞߐߙߑߣߎ߫ ߕߘߍ߬ ߞߊ߬ ߞߎߡߊ߫ ߞߊ߲ ߏ߬ ߟߎ߬ ߡߊ߫ ߛߐ߬ߛߐ߫ ߟߋ߬߸ ߝߏ߫ ߜ߭ߊߣߊ߬ ߝߊ߲߬ߞߊ߫ ߛߌ߬ߣߊ ߟߎ߬ ߟߊ߫ ߞߙߎߞߊ ߝߣߊ߫ ߕߍ߬ߘߍ߫ ߞߵߊ߬ ߞߐߡߊߓߌ߲ߓߌ߲߫ ߏ߬ ߥߊ߯ߕߌ ߟߊ߫߸ ߊ߬ ߟߊ߫ ߖߙߊ߬ߞߟߌ߬ ߞߎߡߊ ߛߍ߲߬ߓߍ߬ߒߕߋߦߊ߫ ߘߊ߫ ߜ߭ߊߣߊ߬ ߦߙߎ߬ߞߎ߬ߦߙߎ߬ߞߎ߬ ߞߏ ߛߍ߯ߛߍ߯ߟߌ ߞߎߓߋߘߊ ߟߋ߬ ߓߟߏ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬، ߏ߬ ߟߋ߬ ߞߐ ߞߍ߫ ߘߴߊ߬ ߝߐ߫ ߘߌ߫ ߞߊ߲ߕߌ߯ ߖߐߣ ߘߙߊߡߊߣߌ߫ ߡߊߤߊߡߊ߫ ߓߟߏ߫߸ ߞߏ߫ ߊ߬ ߓߘߊ߫ ߞߕߌߘߊ߫ ߛߊ߲ߘߐ ߢߍߡߐ߯ ߡߛߏ ߜߍ߲߫ ߊ߬ ߟߊ߫ ߓߊ߯ߙߊ ߘߊߞߘߐ߫ ߔߋߎ߫.
ߞߎ߲߬ߠߊ߬ߛߌ߰ ߞߙߎ ߟߎ߬ ߟߊ߫ ߓߋߟߋ߲ߠߊ߫ ߟߊߕߌߡߌ߲ߠߊ ߝߣߊ߫ ߞߵߊ߬ ߟߊߛߋ߫߸ ߞߏ߫ ߞߎ߲߬ߠߊ߬ߛߌ߮ ߟߎ߬ ߛߋ߲߬ ߕߍ߫ ߛߍ߯ߛߍ߯ߟߌ߫ ߢߌ߲߬ ߘߐ߫߸ ߊ߬ߟߎ߬ ߦߴߊ߬ ߦߌ߬ߘߊ߬ ߟߊ߫ ߝߣߊ߫߸ ߞߏ߫ ߖߡߊ߬ߣߊ߬ߘߋ߲ ߠߎ߬ ߓߍ߯ ߦߋ߫ ߞߋߟߋ߲߫ ߘߌ߫ ߛߊ߬ߙߌ߬ߦߊ ߢߊߞߘߐ߫߸ ߊ߬ ߛߋ߲߬ߧߊ߬ ߝߟߐ߫ ߟߋ߬ ߞߏ߬ߣߌ߲߬ ߦߋ߫ ߕߋ߲߬߸ ߛߍ߯ߛߍ߯ߟߌ ߦߋ߫ ߞߍ߫ ߜ߭ߊߣߊ߬ ߞߕߌߘߊ߫ ߛߊ߲ߘߐ ߢߍߡߐ߮ ߘߏ߫ ߞߊ߲߬، ߂߀߂߃ ߟߋ߬ ߟߊ߫ ߜ߭ߍߙߑߕߙߎߘ ߊߙߊߓߊ߫ ߌߛߊߓߊ߫ ߛߎߥߊ߲ߘߌߣߍ߲߫ ߕߘߍ߬ ߦߋ߫ ߜ߭ߊߣߊ߬ ߞߊ߲ߕߌ߯ ߞߘߐ ߣߊߣߊ߫ ߊߜ߭ߏߝߏ߫ ߟߋ߬ ߝߍ߬ ߞߊ߬ ߞߍ߫ ߜ߭ߊߣߊ߬ ߞߕߌߘߊ߫ ߛߊ߲ߘߐ ߢߍߡߐ߮ ߘߌ߫.
