ߞߊ߬ߛߙߊ ߣߌ߲߬ ߞߍ߫ ߘߊ߫ ߞߊ߯ߙߌ ߕߊ߬ߡߌ߲ߣߍ߲ ߠߋ߬ ߡߊ߬ ߛߊ߲ߖߌߓߊ ߣߊ ߘߏ߫ ߛߋ߲߭ߝߍ߬ ߕߙߊߛߌ߲߫ ߘߎ߯ ߟߊ߫߸ ߘߊߙߑߝߎߙ ߡߊ߬ߙ ߞߣߐ߫، ߘߎ߱ ߣߌ߲߬ ߕߌ߰ߦߊ ߦߋ߫ ߍߛ ߺ ߍߟ ߺ ߍߡ ߡߙߊ߬ߡߊ߬ߝߋ߲߬ ߕߌ߮ ߟߎ߬ ߟߋ߬ ߓߟߏ߫߸ ߒ߬ߓߊ߬ ߏ߬ ߟߎ߫ ߖߍ߬ߘߍ ߟߋ߬ ߣߐ߬ ߦߋ߫ ߞߎ߲߬ߠߊ߬ߝߎߟߋ߲ ߣߌ߲߬ ߠߊߛߋ߫ ߟߊ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߒ߬ߓߊ߬߸ ߛߎߘߊ߲߫ ߞߊ߲ߠߊߓߌߟߊ ߕߏ߰ߝߏ ߟߎ߬ ߟߋ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫߸ ߊ߬ߟߎ߬ ߟߊ߫ ߝߐߟߌ߫ ߘߐ߫ ߡߐ߰ ߁߀߀߀ ߢߐ߲߰ ߠߋ߬ ߛߌ߰ߣߍ߲߫ ߕߘߍ߫ ߦߋ߫ ߕߙߊߛߌ߲߫ ߘߎ߱ ߞߊ߲߬߸ ߒ߬ߓߊ߬߸ߘߎ߰ ߥߎߛߊ߲ߞߌ߲ ߣߌ߲߬ ߛߊߓߎ߫ ߟߊ߫߸ ߊ߬ ߓߍ߯ ߟߋ߬ ߕߏ߫ ߘߴߊ߬ ߘߐ߫ ߝߏ߫ ߡߐ߰ ߞߋߟߋ߲߫.
ߕߏ߰ߝߏ ߣߌ߲߬ ߠߊ߫ ߝߐߟߌ߫ ߘߐ߫ ߝߣߊ߫߸ ߕߙߊߛߌ߲߫ ߘߎ߱ ߦߴߊ߬ ߞߊ߲߬ ߞߊ߬ ߕߌߢߍ߫߸ ߏ߬ ߘߏ߲߬ ߦߋ߫ ߞߍ߫ ߟߊ߫ ߛߊߓߎ߫ ߘߌ߫ ߟߋ߬ ߞߊ߬ ߦߙߐ ߟߎ߬ ߟߊߛߐ߬ߛߐ߲߬ߠߌ߲ ߜߟߍ߬ߦߊ߫ ߞߏߛߓߍ߫، ߕߏ߰ߝߏ ߣߌ߲߬ ߞߊ߬ ߖߌ߬ߦߊ ߘߏ߫ ߟߎ߫ ߟߛߊߙߌ߫ ߏ߬ ߡߍ߲ ߘߌ߫ ߡߐ߱ ߟߎ߬ ߟߊߘߍ߲߬ߞߣߍ߬ߦߴߊ߬ ߞߏߢߊ ߡߊ߬߸ ߊ߬ߟߎ߬ ߡߊ߫ ߘߊ߲߫ ߖߌ߬ߦߊ߬ ߞߋߟߋ߲߫ ߠߛߊߙߌ߫ ߡߊ߬ ߘߋ߬ ߊ߬ߟߎ߫ ߞߊ߬ ߖߌ߬ߦߊ߬ ߜߘߍ߫ ߟߎ߫ ߝߣߊ߫ ߟߛߊߙߌ߫ ߟߋ߬ ߏ߬ ߡߍ߲ ߦߋ߫ ߘߎ߱ ߡߎ߰ߡߍ ߦߌ߬ߘߊ߬ ߟߊ߫߸ ߒ߬ߓߊ߬߸ ߊ߬ߟߎ߬ ߓߊ߲ ߞߐ ߖߌ߬ߦߊ߬ ߟߛߊߙߌ߫ ߟߊ߫ ߛߊ߫߸ ߞߙߎ ߢߌ߲߬ ߞߊ߬ ߘߍ߬ߡߍ߲ ߢߌߣߌ߲߫ ߡߊ߲߬ߕߏ߲߬ ߠߊߘߍ߬ߣߍ߲ ߣߌ߫ ߘߍ߬ߡߍ߲߬ߠߌ߲ ߞߙߎ ߟߎ߬ ߡߊ߬.
ߘߍ߬ߡߍ߲߬ߠߌ߲߬ ߢߌߣߌ߲ ߞߎ߲߭ ߠߋ߬ ߦߋ߫ ߊ߬ߟߎ߫ ߘߍ߬ߡߍ߲ ߘߌ߫ ߞߊ߬ ߛߋ߫ ߞߊ߬ ߛߎ߭ ߟߎ߬ ߟߊߓߐ߫ ߓߐ߱ ߞߘߐ߫ ߊ߬ ߣߌ߫ ߞߊ߬ ߘߍ߬ߡߍ߲߬ߠߌ߲߬ ߞߙߎ ߝߣߊ߫ ߟߊ߫ ߘߍ߬ߡߍ߲߬ߠߌ߲ ߛߐ߬ߘߐ߲߬߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߝߣߊ߫ ߡߊ߫ ߕߏ߫ ߡߊ߬ߞߎ߲߬ ߘߐ߫ ߣߌ߲߬ ߞߏߢߊ ߞߊ߲߬߸ ߊ߬ߟߋ ߞߊ߬ ߞߟߌߟߌ ߟߊߛߋ߫ ߝߊ߲߭ ߝߌ߬ߟߊ߫ ߡߊ߬ ߡߍ߲ ߠߎ߬ ߦߋ߫ ߞߍ߬ߟߍ ߟߊ߫ ߛߎߘߊ߲߫߸ ߞߏ߫ ߊ߬ߟߎ߬ ߦߋ߫ ߡߏ߬ߙߌ߬ߝߊ ߓߌ߬ߟߊ߬߸ ߞߊ߬ ߝߙߊ߬ ߢߐ߲߮ ߞߊ߲߬ ߞߊ߬ ߘߍ߬ߡߍ߲ ߘߏ߲߬ ߘߎ߰ ߥߎߛߊ߲ߞߌ߲ ߣߌ߲߬ ߞߊ߬ߛߙߊ߬ߓߊ߰ߕߐ ߟߎ߬ ߦߋ߫، ߘߊߙߑߝߎߙ ߡߙߊ߬ߓߊ߮ ߡߍ߲ ߦߋ߫ ߜߘߋߕߌ߯ ߊߟߑߓߎߙߑߤߊ߲߫ ߠߊ߫ ߝߊ߲߬ߞߊ ߞߐߡߊߓߌ߲ߓߌ߲߫ ߠߊ߫߸ ߏ߬ ߞߵߊ߬ ߟߊ߫ ߘߌߡߌ߲ ߦߌ߬ߘߊ߬ ߟߊ߬ߛߋ߬ߟߌ߬ ߛߓߍ ߘߏ߫ ߘߐ߫.
ߘߎ߰ߞߟߏ߬ ߥߎߛߊ߲ߞߌ߲ ߦߋ߫ ߞߊ߬ߛߙߊ߬ߓߊ ߟߋ߬ ߘߌ߫߸ ߊ߬ߟߋ ߝߣߊ߫ ߞߊ߬ ߞߟߌߟߌ ߟߊߛߋ߫ ߘߍ߬ߡߍ߲߬ߠߌ߲߬ ߞߙߎ ߡߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߥߟߌ߬ ߞߊߟߌߦߊ ߘߝߊߣߍ߲ ߘߐ߫ ߞߊ߬ ߘߍ߬ߡߍ߲ ߘߏ߲߬ ߞߊ߬ߛߙߊ߬ߓߊ߰ߕߐ ߟߎ߬ ߦߋ߫.
