ߖߊ߲ ߎ߯ߙߌ߬ ߛߘߌ߬ߓߋ߫ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߓߌߟߏ߯ߟߎ߫ ߢߐ߲߰ ߘߐ߫߸ ߏ߬ ߛߎ߭ ߟߋ߬ ߦߋߣߍ߲߫ ߞߍ߲ߘߍߟߏ߲ ߣߌ߲߬ ߡߊ߬߸ ߘߓߊ߬ߓߌߟߊ ߕߋ߬ߟߋ߫ ߂߃߸ ߛߣߍ߬ ߘߐ߬ ߕߊ߰ ߛߌߟߊ ߘߏ߫ ߟߊ߫ ߡߊ߬ߘߌߣߊ߫ ߖߌߟߋ߯ߖߌ߬، ߘߊ߲ߘߊߟߌߟߊ ߟߎ߬ ߟߊ߫ ߟߊ߬ߞߙߐ߬ߛߌ߬ߟߌ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ߣߍ߲߫ ߡߊ߬ߙߌ߬ߝߊ ߟߋ߬ ߟߊ߫߸ ߘߏ߲߬ߛߏ ߟߎ߬ ߟߊ߫ ߛߓߏ߬ ߝߊ߰ ߡߊߙߌߝߊ ߞߊ߬ߣߌ߲߬.
ߣߌ߲߬ ߞߍߣߍ߲߫ ߡߊ߬ߘߌߣߊ߬ ߖߌߟߋ߯ߖߌ߬ ߣߐ߬ߘߎ߮ ߟߋ߬ ߘߐ߫߸ ߞߎ߬ߓߌ߬ߦߊ߫ ߡߙߊ߬ߘߊ߬ߙߋ߲ ߞߣߐ߫߸ ߜ߭ߊ߯ߥߊߟ ߡߙߊ߬ߓߊ߰ߘߊ ߞߣߐ߫، ߖߊ߲߫ ߎ߯ߙߌ߬ ߛߘߌ߬ߓߋ߫ ߣߌ߲߬ ߛߎ߭ ߦߋ ߞߍ߫ ߘߊ߫ ߖߛߎ߬ߞߊ߬ߛߌ ߟߋ߬ ߘߌ߫߸ ߊ߬ߟߋ ߡߍ߲ ߓߊ߯ߙߊ ߦߋ߫ ߛߣߍ߬ߞߍ ߘߌ߫߸ ߊ߬ ߣߴߊ߬ ߦߋ߫ ߘߋ߲ߓߦߊ߫ ߕߌ߯ߓߊ߫ ߘߌ߫، ߞߍ߲ߘߍߟߏ߲ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߃ ߣߌ߲߬ ߡߊ߬߸ ߖߌߟߋ߯ߖߌ߬ ߘߎ߰ߘߋ߲ ߘߏ߫ ߟߋ߬ ߥߊߕߐߟߊ ߕߏ߫ ߘߊ߫ ߛߍ߬ߣߍ ߘߐ߫߸ ߞߊ߬ ߕߊ߯ ߡߐ߱ ߘߏ߫ ߟߊߣߍ߲ ߦߋ߫ ߛߌߟߊ ߞߍ߬ߙߍ߲߬ߞߍߙߍ߲ ߝߍ߬߸ ߊ߬ ߕߴߊ߬ ߟߊߡߊ߰ ߟߊ߫.
ߛߎ߭ ߦߋ ߡߍ߲ ߞߍ߫ ߘߊ߫ ߡߐ߱ ߟߎ߬ ߓߟߏ߫߸ ߛߌߞߊ߫ ߞߍ߫ ߘߊ߫ ߛߋ߲߬ߢߊ߬ ߝߟߐ ߏ߬ ߘߐ߫߸ ߞߏ߫ ߊ߬ ߛߊ߬ߣߴߊ߬ ߖߍ߬ߘߍ߫ ߡߊ߬ ߟߋ߬، ߝߏ߫ ߛߎ߭ ߛߋ ߡߍ߲ ߞߍ߫ ߘߊ߫ ߘߊ߲ߘߊߟߌߟߊ ߟߎ߬ ߕߊ߫ ߓߟߏ߫ ߡߊ߬ ߛߊ߫߸ ߣߌ߫ ߞߎ߲߬ ߜߘߍ߫ ߦߋ߫ ߘߴߊ߬ ߝߊ߰ ߢߊ ߟߊ߫߸ ߡߍ߲ ߣߴߏ߬ ߕߍ߫ ߞߋߟߋ߲߫ ߘߌ߫، ߓߊߏ߬߸ ߊ߬ ߡߊߝߟߍ ߞߐ ߘߐ߫߸ ߊ߬ ߦߋ߫ ߘߊ߫ ߞߌ߬ߛߍ߬ ߣߐ ߛߌߦߊߡߊ߲߫ ߦߋ߫ ߗߍ߭ ߣߌ߲߬ ߝߊ߬ߘߌ ߡߊ߬߸ ߘߏ߲߬ߛߏ ߟߎ߬ ߟߊ߫ ߛߓߏ߬ ߝߊ߰ ߡߊߙߌߝߊ ߞߊ߬߬ ߣߌ߲߬.
<<ߊ߲ ߠߊ߫ ߥߊߟߌ ߞߵߊ߬ ߛߐ߬ߘߐ߲߫ ߠߋ߬ ߛߎ߭ ߕߎ߲߬ ߓߘߊ߫ ߝߟߐ߫ ߟߊ߫ ߖߊ߬ ߟߊ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߓߏ߲ߠߌ߲ ߡߊ߫ ߞߍ߫ ߓߌ߬߸ ߊ߬ ߞߍߣߍ߲߫ ߛߌ߬ߣߌ߲߬ߟߏ߲ ߥߎ߬ߙߊ ߟߋ߬ ߝߍ߬، ߊ߲ ߞߊ߬ ߘߊ߲ߘߊߟߌߟߊ ߟߎ߬ ߡߊߞߐ߬ߣߐ߲߬߸ ߏ߬ ߟߎ߫ ߣߊ߬ ߘߊ߫ ߥߏ߭ ߘߏ߫ ߟߎ߫ ߦߌ߬ߘߊ߫ ߝߊ߬ߘߌ ߡߊ߬߸ ߡߍ߲ ߦߋ߫ ߡߊ߬ߙߌ߬ߝߊ߬ ߣߐ ߘߌ߫.>> ߏ߬ ߝߐ߫ ߘߊ߫ ߟߊ߬ߞߊ߲߬ߘߊ߬ߟߌ ߥߛߊ߬ߘߊ߬ߕߌ߮ ߘߏ߫ ߟߋ߬ ߓߟߏ߫߸ ߡߍ߲ ߕߎ߲߬ ߕߴߊ߬ ߝߍ߬ ߊ߬ ߕߐ߯ ߦߋ߫ ߝߐ߫.
ߜ߭ߊ߯ߥߊߟ ߞߕߌߞߊ߲ߘߊ ߜߊߡߐ߲ ߜ߳ߎߟߏߡߎ߫ ߞߵߊ߬ ߦߌ߬ߘߊ߬ ߞߏ߫ ߢߊߢߌߣߌ߲ߠߌ߲ ߦߋ߫ ߛߋ߲߬ߠߊ߫߸ ߊ߬ ߞߏ ߓߘߊ߫ ߘߏ߲߬ ߝߛߍ߬ߝߛߍ߬ߟߌ߬ߟߊ߬ ߢߣߊߡߊ ߟߎ߬ ߓߟߏ߫߸ ߡߍ߲ ߠߎ߬ ߘߐ߱ߘߏ߲߬ߣߴߊ߬ ߞߏ ߟߊ߫، ߟߊ߬ߛߋ߬ߟߌ߬ ߞߟߊߒߞߋ߫ ߓߍߣߊ߬ ߞߍ߫ ߊ߬ ߞߏ ߞߊ߲߬ ߟߏ߲߫ ߣߊ߬ߕߐ ߟߎ߬ ߘߐ߫.
ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߞߏ ߞߍߢߊ߫ ߖߐ߲ߖߐ߲߫ ߡߊ߫ ߟߐ߲߫ ߝߟߐ߫، ߦߋ߲߬ ߡߐ߮ ߟߎ߫ ߞߏ߬ߣߌ߲ ߖߎ߬ߛߎ ߕߙߐߣߴߊ߬ߟߎ߬ ߞߣߐ߫߸ ߞߵߏ߬ ߞߎ߲߭ ߞߍ߫ ߊ߬ ߛߎ߮ ߞߍߟߌ ߡߊ߲߫ ߛߌߦߊ߫ ߦߋ߲߬.
ߖߌ߬ߓߙߌ߬ߟߊ߫ ߡߊ߲߬ߘߋ߲߫ ߡߟߍ߬ߞߊ ߞߐ߲ߘߍ߫ ߓߟߏ߫
