ߞߎߣߎ߲߬ ߞߐ߬ߓߊ߬ߟߏ߲ ߂߀߂߅ ߘߓߊ߬ߓߌߟߊ ߕߟߋ߬ ߁߈ ߢߌ߲߬ ߠߊ߫ ߸ߟߊ߬ߞߟߏ߬ߞߟߏ߬ߟߌ ߞߏߕߌ߯ߘߊ ߣߐ߬ ߛߌ߲߬ߝߏ߲߬ߦߊ߬ߟߌ ߘߏ߫ ߟߋ߬ ߛߌ߰ ߟߊ߫ ߛߋ߲߬ߠߊ ߖߌ߬ߣߍ߫ ߘߎ߰ ߞߣߍ ߝߊ߲߬ ߛߘߍߡߊ߲߫ ߘߐ߫ ߸ߞߵߏ߬ ߟߊߥߟߌ߬ ߞߊ߬ߙߊ߲߬ߘߋ߲߬ ߛߎߘߊ߲ߓߊ߯ߕߐ߫ ߞߟߏߞߕߏ ߟߎ߬ ߞߎߟߎ߲ߖߋ߫ ߡߊ߬߸ߞߊ߬ ߓߊ߲߫ ߞߊ߬ ߝߌߛߙߌ ߟߎ߬ ߘߴߊ߬ߟߎ߫ ߡߊ߬.
ߒ߬ߓߊ߬ ߸ ߞߊ߲ߞߊ߲ߞߊ ߟߎ߬ ߕߊ ߏ߬ ߟߋ߬ ߞߍ߫ ߘߊ߫ ߐߛߑߡߌ߲ߣ ߟߊ߫ ߞߎߣߎ߲߬ ߸ߞߊ߲ߞߊ߲߫ ߡߊ߬ߞߟߐ ߟߎ߬ ߛߘߍߡߊ߲߫ ߞߊ߬ ߖߊ߲߬ߖߏ߲ ߡߍ߲ ߢߣߊߓߊ߯ߦߊ߫ ،ߣߊߟߌ߬ߡߎ߲߫ ߞߊ߲ߞߊ߲߫ ߞߎ߬ߣߊ߬ߛߌ߰ߟߊ ߣߌ߫ ߡߙߊ߬ߓߊ߮ ߣߌ߫ ߞߊ߲ߞߊ߲߫ ߟߊ߬ߞߟߏ߬ߞߟߏ߬ߟߌ ߕߌ߲߬ߞߎߘߎ߲ ߜߋ߬ߟߎ߲߬ߠߌ߲߬ߠߊ ߸ߞߵߏ߬ ߟߊ߫ ߞߊ߬ߙߊ߲߬ߕߊ߬ ߞߙߊߡߐ߮ ߟߎ߬ ߣߌ߫ ߘߋ߲ߝߊ ߟߎ߬ ߞߊ߲߬.
ߖߊ߲߬ߖߏ߲ ߣߌ߲߬ ߓߋߟߋ߲ߠߊ ߓߐ߬ߙߌ߬ ߘߊ߫ ߛߌߡߊ߲ߘߎ߫ ߂߀߄߀ ߖߊ߬ߕߋ߬ߘߐ߬ߛߌ߮ ߟߋ߬ ߞߊ߲߬ ߕߊ߲߬ߘߐ : << ߛߌߡߊ߲ߘߎ߫ ߂߀߄߀ ߖߊ߬ߕߋ߬ߘߐ߬ߛߌ߮ ߛߌ߬ߓߏ߲߬ߞߊ߲߬ߠߊ ߓߘߊ߫ ߣߊ߬ ߞߍ߫ ߜߍߘߐߞߏ ߘߌ߫ ߥߍ߫ ߸ ߏ߬ ߡߍ߲ ߣߊ߬ߕߐ߫ ߖߌ߬ߣߍ߬ ߞߊ߲ߓߍ߲ ߡߎ߰ߡߍ ߡߊߝߊ߬ߟߋ߲߬ ߠߊ߫ ߝߊ߬ߘߌ߬ ߞߎߘߊ ߘߐ߫ ߞߊ߬ߣߌ߲߬ ߸ߛߌߡߊ߲ߘߎ߫ ߂߀߄߀ ߖߊ߬ߕߋ߬ߘߐ߬ߛߌ߮ ߕߍ߫ ߘߊ߬ߡߊ߲ ߘߐߙߐ߲߫ ߘߌ߫ ߘߋ߬ ߸ߊ߬ߟߋ ߦߋ߫ ߖߊ߬ߕߋ߬ߘߐ߬ߛߌ߮ ߟߋ߬ ߘߌ߫ ߡߍ߲ ߘߌ߫ ߟߊ߬ߞߟߏ߬ߞߟߏ߬ߟߌ ߝߊ߲߬ߞߊ ߘߏ߲߬ ߸ߞߍ߲ߘߍߦߊ ߓߊ߬،
ߞߵߏ߬ ߟߊ߫ ߖߌ߬ߣߍ߫ ߘߎ߰ߘߋ߲ ߠߎ߬ ߟߌ߬ߤߟߊ ߟߎ߬ ߓߍ߯ ߡߊߝߊ߬ߟߋ߲߬ ߞߊ߲߬.
ߖߌ߬ߣߍ߫ ߏ߬ ߡߍ߲ ߘߎ߰ߞߟߏ߬ ߣߊ߲ߝߟߏ ߕߍ߫ ߘߊ߲߬ ߠߴߊ߬ ߟߊ߫ ߓߊ߯ߙߊߜߍ ߡߊ߬ ߦߋ߲߬ ߕߋ߲߬ ߘߋ߬ ߸ߓߊ߬ߙߌ߬ ،ߊ߬ ߓߊ߯ߙߊ߫ ߡߎ߰ߡߍ߫ ߓߍ߯ ߦߋ߫ ߞߍ߫ ߟߴߊ߲ ߖߍ߬ߘߍ ߤߊ߲ߞߟߌ߫ ߣߌ߫ ߒ߬ ߓߟߏ ߟߎ߫ ߟߋ߬ ߟߊ߫.
ߏ ߟߋ߬ ߓߍ߯ ߞߏߛߐ߲߬ ߊ߲ߠߎ߬ ߞߊ߬ߙߊ߲߬ߘߋ ߠߎ߬ ߝߣߊ߫ ߟߊߞߏ ߦߴߊ߬ ߞߏߢߊ ߘߐ߫ ߸ߓߊߏ߬ ߛߌߡߊ߲ߘߎ߫ ߂߀߄߀ ߖߊ߬ߕߋ߬ߘߐ߬ߛߌ߮ ߕߍߣߊ߬ ߛߋ߫ ߟߊ߫ ߓߐ߫ ߟߊ߫ ߢߟߊ߫ ߝߋߎ߫ ߸ߝߏ߬ ߣߴߊ߲ ߠߎ߬ ߘߋ߲ߡߌߛߍ߲߫ ߞߊ߬ߙߊ߲߬ߘߋ߲ ߠߎ߬ ߡߴߊ߬ ߞߎ߬ߙߎ߲߬ߘߎ ߟߎ߬ ߓߊߓߋ߬ >> ߞߊ߬ߙߊ߲߬ߘߋ߲ ߘߏ߫ ߟߋ߬ ߞߊ߲߫ ߕߋ߲߬ ߤߊ߲߰.
ߌߓߙߊߤߌߡߊ߬ ߞߊߟߌߟߌ߬ ߖߊ߬ߞߌ߬ߕߋ ߟߋ߬ ߞߍ߫ ߘߊ߫ ߛߞߎ߬ߦߊ߬ߟߊ ߘߌ߫ ߸ ߏ߬ ߦߋ߫ ߞߊ߬ߙߊ߲߬ߓߏ߫ ߉ ߠߋ߬ ߟߊ߫ ،ߞߊ߲ߞߊ߲߫ ߘߎ߲߬ߘߎ߬ߡߊ߬ ߞߊߙߊ߲ߕߊ ߋߡߊߦߌߛ ߋߡߊߣߌߦߍߟ ߟߊ߫ ߸ ߏ߬ ߟߊ߫ ߛߎ߬ߞߎ ߓߐ߬ߙߌ߬ ߘߊ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߸ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߊ߲߬ߘߏ߬ߟߌ ߟߋ߬ ߞߊ߲߬ ߊ߬ ߟߊ߫ ߘߐ߬ߖߊ߬ ߞߍߣߍ߲߫ ߠߎ߬ ߘߏ߫ ߟߎ߫ ߟߊ߫ ( ߊ߬ ߜߋ߲ߜߋ߲߫ ߞߊ߬ߙߊ߲߬ߞߏ ߡߊ߬ߘߎ߮ ߘߐ߫ )
ߜ߭ߙߊߛߌߦߊߟ ߡߊ߲߬ߛߊ߬ߙߋ߲ ،ߞߊ߲ߞߊ߲߫ ߞߊ߬ߙߊ߲߬ߕߊ ߕߙߎߥߊ߫ ߊߝ߭ߙߌߟ ߞߊ߬ߙߊ߲߬ߘߋ߲ ߘߏ߫ ߸ ߏ߬ ߝߣߊ߫ ߟߊ߫ ߛߎ߬ߞߎ ߓߐ߬ߙߌ߬ ߘߊ߫ ߖߌ߬ߣߍ߫ ߟߊ߬ߞߟߏ߬ߞߟߏ߬ߟߌ ߞߏߕߌ߮ ߗߊ߭ ߔߏߟ ߛߋߘߌ߫ ߞߎߟߎ߲ߖߋ߫ ߟߋ߬ ߡߊ߬ ߸ ߏ߬ ߡߍ߲ ߘߐ߱ߘߏ߲߬ߣߍ߲ ߖߌ߬ߣߍ߫ ߞߊ߬ߙߊ߲߬ߞߏ ߟߊ߫ ߕߎ߬ߡߊ߬ ߓߍ߯.
<< ߊ߲ ߠߊ߫ ߞߏߢߌߡߊߟߐ߲߫ ߝߏ߬ߟߌ ߦߋ߫ ߛߋ߫ ߟߴߌ ߡߊ߬ ߕߎ߬ߡߊ߬ ߓߍ߯ ߸ ߊ߲ ߝߊ߬ ߓߘߍ ߡߊ߬ߓߎ߲߬ߧߊ߬ߕߊ ߞߏߕߌ߯ ߗ߭ߊ߲߭ ߔߏߟ ߛߋߘߌ߫ ߸ ߊ߲ߠߎ߬ ߖߌ߬ߣߍ߫ ߞߊ߬ߙߊ߲߬ߘߋ߲ ߠߎ߬ ߦߴߊ߬ ߝߐ߫ ߟߴߌ ߡߊ߬ ߞߏ߫ ߓߊߙߌߞߊ߫ ߸ ߌ ߞߍ߫ ߘߐ߫ ߞߊ߬ ߖߌ߬ߣߍ߫ ߞߊ߬ߙߊ߲߬ߓߏ߲ ߕߊ߬ ߌ ߖߛߎ߬ߞߎ߲ ߠߊ߫ ߸ ߡߊ߬ߓߎ߲߬ߧߊ߬ߕߊ ߌ ߛߊߓߎ߫ ߟߊ߫ ߸ ߊ߬ ߛߎ߯-ߎ-ߛߎ߯ ߞߊ߫ ߘߵߊ߲ ߧߋ ، ߊ߲ ߘߌ߫ ߛߋ߫ ߞߍ߫ ߟߊ߫ ߏ߬ ߓߍ߯ ߘߌ߫ ߸ ߌ ߣߴߊ߬ ߝߐ߫ ߘߊ߲ߘߊߟߌߟߊ ، ߟߊ߬ߞߊ߬ߙߊ߲߬ߠߌ߲߬ߠߊ ߸ ߞߊ߬ ߞߍ߫ ߞߏߕߌ߮ ߘߌ߫ ߤߊߟߵߊ߲ ߘߌ߫ ߛߋ߫ ߞߍ߫ ߟߊ߫ ߞߊ߲ߕߌ߮ ߘߌ߫ .
ߞߊ߬ߙߊ߲߬ߛߏ ߟߎ߬ ߝߊ߬ ، ߌ ߖߊ߲߬ ߦߴߊ߲ߠߎ߬ ߞߐ߫ ߦߏ߫ ߖߋ߬ߟߌ ߡߍ߲ ߦߋ߫ ߖߊ߲߬ ߦߴߊ߬ ߟߊ߫ ߞߏߙߊ ߞߐ߫ ߕߎ߬ߡߊ߬ ߓߍ߯ ߸ߌ ߞߎߡߊߞߊ߲ ߠߎ߬ ߓߍ߯ ߦߋ߫ ߝߊ߲߬ߞߊ ߘߌ߫ ߟߴߊ߲ ߡߊ߬ ߸
ߌ ߟߊ߫ ߞߍߕߊ ߟߎ߬ ߦߋ߫ ߊ߲ ߠߊ߫ ߛߌ߲߫ ߠߊ߫ ߒ߬ ߠߊ߫ ߟߊ߬ߢߌߣߌ߲߫ ߠߎ߬ ߡߊ߬.
ߊ߲ߠߎ߬ ߖߌ߬ߣߍ߬ߘߋ߲ ߠߎ߬ ߦߴߊ߬ ߝߐ߫ ߟߴߌ ߡߊ߬ ߓߌ߬ ߢߐ߲߰ ߟߏ߲ ߞߏ߫߸ ߌ ߞߎߟߎ߲ߖߋ߫ ߘߏ߲߯ ، ߞߊ߬ ߖߌ߬ߣߍ߬ߞߊ ߟߎ߬ ߓߊߟߏ߫ ߞߊ߬ ߖߌ߬ߣߍ߬ ߞߊ߲ߓߍ߲ ߓߊߟߏ߫ >>.
ߟߊ߲߬ߛߌ߬ߣߍ߲߫ ߞߓߊ߬ ،ߞߐߛߑߣߊߞ ߞߊ߬ߙߊ߲߬ߘߋ߲ ߘߏ߫ ߸ ߏ߬ ߞߎߡߊ߫ ߘߊ߫ ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߢߊ߬ߕߣߐ߫ ߣߴߊ߬ ߡߐ߬ߟߐ߲ ߘߏ߫ ߟߎ߫ ߟߋ߬ ߞߊ߲߬ ߸ߓߊߏ߬ ߞߏ߫ ߖߌ߬ߣߍ߫ ߛߌ߰ߞߊ߲ ߦߋ߫ ߖߡߊ߬ߣߊ ߛߡߊ߬ߛߋ߲ ߘߏ߫ ߟߋ߬ ߘߌ߫.
ߓߊߘߋ߲߫ ߓߘߍ ߟߎ߬ ߸ ߞߎߣߎ߲߬ ߝߌߛߙߌ ߟߕߊߡߌ߲ ߣߌ߲߬ ߘߐ߫ ߸ߛߌ߲߬ߝߏ߲߬ߧߊ߬ߟߊ ߟߎ߫ ߛߋ߫ ߘߊ߫ ߞߊ߬ ߘߐ߲߬ߞߟߌ ߘߏ߫ ߟߊ߫ ߞߊ߬ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߡߊߕߐ߯ ߸ ߊ߬ ߝߐߣߍ߲߫ ߘߐ߲߬ߞߟߌ ߏ߬ ߡߍ߲ ߦߌߟߊ ߘߏ߫ ߘߐ߫ ߞߊ߬ߣߌ߲߬ ߞߏ߫ << ߊߟߎ߫ ߦߋ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߛߊ߬ߙߊ ߡߊߞߊ߬ߝߏ߬ >>.
ߘߌ߲߬ߞߌߙߊ ߏ߬ ߞߊ߬ ߝߏ߮ ߞߣߐߟߊ ߟߊ߫ ߛߐ߲ߞߐ߫ ߟߋ߬ ߞߏߛߓߍ߫.
ߗ߭ߊ߲߭ ߔߏߟ ߛߋߘߌ߫ ߞߐߦߌߘߊߓߊ߮ ߣߌ߫ ߞߊ߲ߞߊ߲߫ ߞߎ߲߬ߠߊ߬ߛߌ߰ߟߊ ߟߎ߬ ߟߊ߫ ߛߙߊ߬ߣߎ߲ ߓߐ߬ߙߌ߬ ߘߊ߫ ߛߎߘߊ߲ߓߊ߯ߕߐ߫ ߟߎ߬ ߟߊ߫ ߞߟߏߞߕߏ ߟߎ߫ ߟߋ߬ ߝߏ߭ ߡߊ߬ ߊ߬ߟߎ߬ ߞߍ߫ ߘߐ߫ ߞߊ߬ ߞߟߊߓߎ߫ ߣߌ߫ ߕߡߌߣߊ߲ߘߌߦߊ߫ ߞߍ߫ ߝߟߐߦߊ ߘߌ߫ ߸ߊ߬ ߞߊ߬ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߝߣߊ߫ ߞߎߟߎ߲ߖߋ߫ ߊ߬ߟߎ߬ ߟߊ߫ ߛߍ߰ߘߏ߲߫ ߠߊ߫ ߞߊ߬ߙߊ߲߬ߘߋ߲ ߠߎ߬ ߦߋ߫ ߸ߞߊ߬ ߘߋ߲ߓߊߕߌ߮ ߟߎ߫ ߝߣߊ߫ ߝߏ߬.
ߊ߬ߟߎ߫ ߞߴߊ߬ ߢߌߣߌ߲߫ ߞߟߏߞߕߏ ߟߎ߬ ߝߍ߬ ،ߞߏ߫ ߊ߬ߟߎ߬ ߦߋ߫ ߘߏ߫ ߟߊ߫ ߖߌߖߊ߫ ߞߊ߲߬ ߕߎ߬ߡߊ߬ ߓߍ߯.
ߗ߭ߊ߲߭ ߔߏߟ ߛߋߘߌ߫ ߞߐߦߌߘߊߓߊ߮ ߏ߬ ߟߊ߫ ߞߎߟߎ߲ߖߋߟߌ ߝߏ߬ߟߌ ߛߋ߫ ߘߊ߫ ߞߊ߲ߞߊ߲߫ ߞߊ߬ߙߊ߲߬ߕߊ ߟߎ߬ ߓߍ߯ ߡߊ߬ ߸ ߓߊ߬ߙߌ߬، ߊ߬ ߞߊ߬ ߞߊ߬ߙߊ߲߬ߕߊ߬ߓߊ ߡߊߙߌߦߍ߲ߣ ߒߜ߭ߎ߬ߥߊ߬ߓߌ߫ ߕߐ߯ ߘߐߕߍ߰ ߟߋ߬ ߝߏ߬ߟߌ ߣߌ߲߬ ߘߐ߫ ߸ ߞߏ߫ ߊ߬ߟߋ ߟߋ߬ ߟߋ߬ ߞߍߣߍ߲߫ ߞߊ߲ߞߊ߲߫ ߞߊ߬ߙߊ߲߬ߕߊ ߟߎ߬ ߓߍ߯ ߟߊ߫ ߝߟߐ ߘߌ߫ ߖߌߖߊ ߣߌ߫ ߛߎߘߊ߲ߠߌ߲ ߞߏ ߡߊ߬ߘߎ߮ ߘߐ߫ ߢߌ߬ߣߊ߲߬ ߂߀߂߅ ߸ ߊ߬ ߞߊ߬ ߞߊ߬ߙߊ߲߬ߕߊ ߕߐ߭ ߟߎ߬ ߝߣߊ߫ ߟߐ߬ ߊ߬ߟߎ߬ ߢߊ ߡߟߊ ߟߊ߫ ߡߊߙߌߦߍ߲ߣ ߒߜ߭ߎ߬ߥߊ߬ߓߌ߫ ߡߊ߬.
ߏ߬ ߟߋ ߞߏߛߐ߲߬ ߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌߣߊ߬ ߞߊ߬ߙߊ߲߬ߕߊ ߟߎ߬ ߓߍ߯ ߟߊߘߍ߬ߣߍ߲ ߞߐ߲ߘߐ߲߫ ߡߍ߲ ߠߎ߬ ߣߐ߬ ߊ߬ߟߎ߬ ߘߐߖߊ߬ ߟߊ߫ ߞߊ߬ߣߌ߲߬.
ߊ߬ߟߎ߫ ߞߊ߬ ߖߊ߲߬ߖߏ߲߬ߓߊ ߣߌ߲߬ ߞߎ߲߭ ߘߏ߲߬ ߝߌߛߙߌ ߟߕߊߡߌ߲ ߠߋ߬ ߡߊ߬ ߛߎߘߊ߲ߓߊ߯ߕߐ߫ ߟߎ߬ ߟߊ߫ ߞߟߏߞߕߏ ߟߎ߬ ߡߊ߬.
ߏ߬ ߞߍߣߍ߲߫ ߞߊ߲ߞߊ߲߫ ߐߛߑߡߌ߲ߣ ߠߋ߬ ߟߊ߫ ߞߊ߲ߞߊ߲߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߣߌ߫ ߛߎ߯ߟߊ߲ߘߌ߫ ߛߊ߰ߞߐ߬ ߓߟߏ߫
