ߓߌ߬ ߓߌߟߏ߲ ߣߌ߲߬ ߡߊ߬߸ ߂߀߂߅ ߘߓߊ߬ߓߌߟߊ ߕߟߋ߬ ߇߸ ߔߊߞߌߛߦߊ߫ ߞߎ߲ߞߎߘߎ߲ߣߍ߲߫ ߠߋ߬ ߞߍ߫ ߘߊ߫ ߕߏ߭ߞߎ߬ߣߎ߲߬ ߘߋ߲ߡߌߛߍ߲ ߠߎ߬ ߓߟߏ߫߸ ߞߵߏ߬ ߞߎ߲߭ ߞߍ߫ ߛߏ߫ ߞߣߐ߫ ߡߐ߮ ߝߊ߲߬ߓߊ ߟߊ߫ ߟߊߒߠߦߊ ߘߐ߯ߦߊ ߘߌ߫ ߕߏ߭ߞߎ߬ߣߎ߲߬ ߞߊ߬ߝߏ߬ߙߋ߲߬ߘߊ ߞߣߐ߫ ߡߐ߮ ߟߎ߬ ߘߐ߫، ߊ߬ߟߋ߬ ߔߊߞߌߛߦߊߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߛߘߍ ߡߍ߲ ߦߋ߫ ߢߍ ߘߐ߫ ߕߋ߲߬߸ ߞߏ߫ ߝߏ߫ ߞߵߏ߬ ߟߎ߬ ߟߊߥߌ߬ߟߌ߫ ߟߋ߬߸ ߊ߬ߟߎ߬ ߟߊ߫ ߞߏ߫ ߟߊߕߊ߯ߡߊ߫ ߢߊ߫ ߖߎ߮ ߞߏߛߐ߲߬، ߓߊ߬ߙߌ߬߸ ߝߊ߰ߡߊ ߟߎ߬ ߞߊ߲߫ ߞߏ߫ ߡߐ߱ ߟߎ߬ ߦߋ߫ ߕߏ߫ ߡߊ߬ߝߊ ߘߐ߫߸ ߊ߬ ߣߌ߫ ߞߊ߬ ߞߏ ߟߎ߬ ߓߐ߫ ߊ߬ ߛߌߟߊ ߝߍ߬.
ߕߏ߭ߞߎ߬ߣߎ߲߫ ߡߙߊ߬ߘߊ߬ߙߋ߲߸ ߊ߬ߟߋ ߡߍ߲ ߦߋ߫ ߞߊ߲ߞߊ߲߫ ߡߙߊ߬ߓߊ߰ߘߊ ߞߣߐ߫߸ ߏ߬ ߘߋ߲ߡߌߛߍ߲ ߠߎ߬ ߟߋ߬ ߓߐߣߍ߲߫߸ ߞߵߊ߬ߟߎ߬ ߘߡߊߞߊ߬ߛߌ߬ ߖߐ ߞߣߐ߫߸ ߞߏ߫ ߝߏ߫ ߊ߬ߟߎ߬ ߟߊ߫ ߞߊ߬ߝߏ߬ߙߋ߲ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߦߋ߫ ߥߊ߫ ߟߋ߬ ߕߘߋ߫߸ ߏ߬ ߟߎ߬ ߡߍ߲ ߠߎ߬ ߣߊ߬ ߘߊ߫ ߕߏ߭ߞߎ߬ߣߎ߲߬ ߞߊ߬ߦߌ߯ ߂߀߂߄ ߞߏ߲ߞߏߘߓߌ ߟߊ߫، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߬ ߟߊ߫ ߓߐߟߌ ߣߌ߲߬ ߞߎ߲߭ ߦߋ߫ ߛߌߞߊ߫ ߞߍ ߟߋ߬ ߘߌ߫ ߞߙߎ ߢߌ߲߬ ߠߎ߫ ߡߊ߬ ߥߊߘߌ߫ ߢߡߊߞߍ߫ ߞߏ ߘߏ߫ ߘߐ߫߸ ߊ߬ ߣߌ߫ ߓߊ߯ߙߓߊߟߌߦߊ߸ ߊ߬ߟߎ߫ ߡߊ߬ߞߏ߬ ߛߌ߫ ߕߍ߫ ߕߏ߬ߞߎ߬ߣߎ߲߬ߞߊ ߟߎ߬ ߟߊ߫.
ߌߓߙߊߤߌߡߊ߫ ߛߏߙߌ߬ ߞߐ߲ߘߍ߫ ߡߍ߲ ߦߋ߫ ߔߊߞߌߛߦߊߟߊ ߢߌ߲߬ ߠߎ߬ ߢߍ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ ߓߐߣߍ߲߫ ߠߋ߬ ߓߌ߬߸ ߞߵߊ߬ ߦߌ߬ߘߊ߬ ߞߏ߫ ߗߋߘߋ߲߫ ߓߟߏߡߊߞߊ߬ߣߍ߲߫ ߞߘߐ߬ߡߊ߲ ߢߌ߲߬ ߠߎ߬ ߟߊ߫ ߛߘߍ ߡߊ߲߫ ߘߴߊ߲ ߦߋ߫߸ ߊ߲ ߧߋ߫ ߞߎߘߊ߫ ߟߋ߬ ߝߍ߬ ߛߍߣߍ߲߬߸ ߡߍ߲ ߠߎ߬ ߘߌ߫ ߛߏ ߟߊ߫ ߞߏ ߤߊߡߌ߲ ߛߌ߰ ߊ߬ߟߎ߬ ߟߊ߫ ߞߊ߬ ߡߐ߱ ߟߎ߬ ߥߢߊ߫ ߦߙߐ ߛߊ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߘߊ߫ ߛߓߍ߫ ߛߌߦߊߡߊ߲߫ ߠߋ߬ ߟߊߘߊ߲߫ ߣߌ߲߬ ߞߏ ߛߍ߬ߘߏ߲ ߘߐ߫߸ ߞߵߊ߬ ߟߊߕߊ߯ ߡߙߊ߬ߓߊ߰ߘߎ߯ߟߊ ߡߊ߬߸ ߛߊ߫ ߡߐ߱ ߢߌ߲߬ ߠߎ߬ ߘߌ߫ ߓߐ߫ ߦߋ߲߬.
ߊ߬ߟߎ߬ ߟߊ߫ ߞߎߡߊ ߟߎ߬ ߘߐ߫߸ ߊ߬ ߞߍߣߍ߲߫ ߦߏ߫ ߊ߬ߟߎ߫ ߞߊ߬ ߘߐ߬ߛߙߋ߬ ߝߟߐߡߊ ߟߊߕߊ߯ ߟߋ߬߸ ߞߊ߬ ߝߌߟߊߣߊ߲ ߠߊߕߊ߯߸ ߏ߬ ߡߍ߲ ߖߍ߬ߘߍ ߟߊ߬ߣߐ߬ߦߊ߬ ߘߊ߫ ߛߏߕߌ߮ ߓߟߏ߫߸ ߡߛߏ߬ ߞߎ߲ߕߌ߮ ߓߟߏ߫߸ ߣߊ߲߬ߒ߬ߕߊ߲߬ ߘߍ ߡߐ߰ ߞߋߟߋ߲߫ ߓߟߏ߫߸ ߊ߬ ߣߌ߫ ߘߋ߲ߡߌߛߍ߲߫ ߞߎ߲ߕߌ߮. ߞߎ߲߭ ߡߍ߲ ߕߍ߬ߘߍ߫ ߏ߬ ߟߊ߫߸ ߞߵߊ߬ߟߎ߬ ߟߊ߫ ߛߓߍ ߞߍ߫ ߛߓߍ߫ ߡߐ߬ߟߐ߲߬ߡߊ ߘߌ߫߸ ߞߵߊ߬ ߟߐ߲߫ ߞߏ߫ ߡߐ߰ ߞߋߟߋ߲߫ ߞߎߡߊ߫ ߞߊ߲߫ ߕߍ߫߸ ߏ߬ ߟߋ ߟߊߕߊ߯ ߘߊ߫ ߝߊ߰ߡߊ ߟߎ߫ ߡߊ߬ ߛߊ߫.
<<ߞߊ߲ߞߊ߲߫ ߡߙߊ߬ߓߊ߮ ߞߊ߬ ߛߓߍ߫ ߘߝߊߣߍ߲ ߠߋ߬ ߢߌߣߌ߲߫ ߊ߲ ߝߍ߬߸ ߡߍ߲ ߦߋ߫ ߖߊ߬ߡߊ ߞߎߡߊ߫ ߞߊ߲ ߘߌ߫߸ ߊ߲ ߘߏ߲߬ ߞߵߏ߬ ߞߍ߫ ߦߏ߫ ߊ߬ ߞߵߊ߬ ߝߐ߫ ߢߊ ߡߍ߲ ߡߊ߬، ߊ߲ ߓߊ߲߫ ߘߊ߫ ߞߵߊ߬ ߘߌ߫ ߡߙߊ߬ߓߊ߰ߘߎ߯ߟߊ ߡߊ߬߸ ߞߏ߫ ߞߵߊ߬ ߟߊߕߊ߯ ߞߊ߲ߞߊ߲߫، ߊ߬ ߘߌ߫ ߥߊ߫ ߟߋ߬߸ ߊ߬ ߕߍ߫ ߥߊ߫߸ ߊ߲ ߞߏ߬ߣߌ߲ ߡߴߏ߬ ߟߐ߲߫.>> ߌߓߙߊߤߌߡߊ߫ ߛߏߙߌ߬ ߞߐ߲ߘߍ߫ ߟߋ߬ ߞߊ߲߫ ߣߌ߲߬ ߓߍ߯ ߘߌ߫، ߓߊ߬ߙߌ߬ ߤߊ߲߯ ߕߋ߲߬߸ ߕߋߜߊ߫ ߟߋߟߋ߫߸ ߞߏ߫ ߊ߬ߟߎ߬ ߡߊ߫ ߖߋ߬ߓߌ߬ ߝߏߦߌ߬ ߛߐ߬ߘߐ߲߫ ߞߊ߬ ߝߘߊ߫ ߝߊ߰ߡߊ ߟߎ߬ ߟߊ߫، ߗߋߘߋ߲߫ ߓߟߏߡߊߞߊ߬ߣߍ߲ ߛߘߍߘߋ߲ ߝߊ߲߬ߓߊ ߘߏ߲߬ ߕߍ߫ ߓߊ߯ߙߊ߫ ߟߊ߫߸ ߏ߬ ߘߌ߫ ߥߊ߯ߕߌ߫ ߓߐ߫، ߞߊ߬ߦߌ߯ ߕߍ߮ ߞߍ߫ ߘߴߊ߬ߟߎ߬ ߟߊ߫ ߞߎ߲߬ߕߌ߮ ߘߐ߫ ߞߊߙߏ߫ ߛߊ߬ߣߍ߲ ߘߊߡߌߣߊ ߟߊ߫ ߤߊ߲߯ ߕߋ߲߬߸ ߡߐ߰ ߛߌ߫ ߡߊ߫ ߛߐ߬ߘߐ߲߫ ߊ߬ߟߎ߬ ߘߐ߫ ߞߊ߬ ߓߐ߫ ߞߊ߬ ߞߎߡߊ߫߸ ߞߊ߬ ߞߏ ߟߎ߬ ߥߊ߭ ߟߊߞߊ߬ ߖߊ߬ߡߊ ߦߋ߫. ߊ߬ ߘߏ߲߬߸ ߛߌߞߊ߫ ߞߍߣߴߊ߬ߟߎ߫ ߡߊ߬ ߥߊߘߌ߫ ߞߎ߲ߡߙߎ߫ ߞߏ ߘߏ߫ ߘߐ߫߸ ߡߍ߲ ߜߍ ߥߊߣߍ߲߫ ߝߏ߯ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߇ ߢߐ߲߰.
ߊ߲ ߛߋ߫ ߘߊ߫ ߕߏ߭ߞߎ߬ߣߎ߲߬ ߗߋߘߋ߲ ߠߎ߬ ߟߊ߫ ߞߊ߲ߕߌ߯ ߛߙߍߞߍ ߡߊߛߐ߬ߘߐ߲߬ ߠߊ߫߸ ߛߟߊߕߌ߯ ߝߋ߬ߟߌߞߛ߸ ߊ߬ ߡߊ߫ ߛߐ߲߬ ߞߎߡߊ߫ ߛߌ߫ ߟߊߟߐ߬ ߟߊ߫ ߡߊ߬ߝߌ߲߬ߞߊ߲߬ߠߊ ߟߎ߬ ߘߐ߫: <<ߕߏ߭ߞߎ߬ߣߎ߲߬ ߕߴߏ߬ ߛߏ߫ ߘߌ߫߸ ߡߐ߰ ߘߌ߫ ߛߋ߫ ߥߟߎ߬ߡߊ߬ ߇ ߢߡߊߞߍ߫ ߟߊ߫ ߦߙߐ ߡߍ߲ ߘߐ߫.>> ߊ߬ ߞߵߏ߬ ߟߋ ߝߐ߫، ߊ߬ ߞߊ߲߫ ߞߏ߫ ߊ߬ ߘߌ߫ ߛߋ߫ ߞߍ߫ ߟߊ߫ ߞߏ߫ ߟߎ߫ ߦߋ߫ ߦߋ߲߬ ߡߍ߲ ߠߎ߬ ߡߊ߫ ߢߌ߲߬߸ ߓߊ߬ߙߌ߬ ߛߘߍ ߣߌ߲߬ ߓߘߊ߫ ߛߋ߫ ߓߊ߯ߙߊ߫ ߛߌߦߊߡߊ߲߫ ߞߍ߫ ߟߊ߫ ߘߋ߬߸ ߓߊߏ߬ ߊ߬ߟߎ߬ ߓߘߊ߫ ߛߋ߫ ߡߊ߬ߞߍ߬ ߦߙߐ߫ ߝߌ߬ߟߊ߫ ߟߐ߬ ߟߊ߫، ߝߣߊ߫߸ ߔߊߞߌߛߦߊ߫ ߞߏ ߡߍ߲ ߦߋ߫ ߣߌ߲߬ ߓߊ߬߸ ߞߏ߫ ߊ߬ ߕߍ߫ ߝߏߦߌ߬ ߞߊ߬ߟߊߡߊ߬ ߏ߬ ߞߏ ߘߐ߫.
ߝߊ߰ߡߊ ߟߎ߬ ߟߊ߫ ߞߎ߲߬ߠߊ߫߸ ߝߊߙߌ߲ ߘߊ߯ߕߌ߮ ߊߡߊ߬ߘߎ߫ ߞߡߊ߬ߙߊ߬ ߡߍ߲ ߦߋ߫ ߕߏ߭ߞߎ߬ߣߎ߲߫ ߡߙߊ߬ߓߊ߰ߘߎ߯ߟߊ ߘߌ߫߸ ߏ߬ ߡߊ߫ ߞߟߏ߫ ߘߏ߲߬ ߞߏ ߟߎ߬ ߘߐ߫، <<ߝߏߦߌ߬ ߡߊ߫ ߞߍ߫ ߕߏ߭ߞߎ߬ߣߎ߲߬ ߞߣߐ߫ ߦߊ߲߬ ߖߎ߯ߡߊ߲߫ ߘߐ߫، ߡߐ߰ ߘߊ߲߬ߘߐ߬ߣߍ߲߫ ߠߋ߬ ߥߟߌ߬ߣߍ߲߫ ߕߋ߲߬ ߘߐߙߐ߲߫߸ ߝߋ߲ ߡߍ߲ ߠߎ߬ ߡߊ߫ ߡߐ߰ ߁߀ ߓߐ߫߸ ߞߵߊ߬ߟߎ߬ ߟߊߘߍ߬ ߦߋ߲߬ ߕߋ߲߬.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߋ ߡߊ߫ ߛߓߍ߫ ߝߏߦߌ߬ ߟߋ߬ ߛߐ߬ߘߐ߲߬ ߞߊ߬ ߝߘߊ߫ ߡߐ߱ ߢߌ߲߬ ߠߎ߬ ߟߊ߫߸ ߞߏ߫ ߊ߬ߟߎ߬ ߕߍ߫ ߗߋߘߋ߲ ߢߌ߲߬ ߠߎ߫ ߝߍ߬.
ߛߙߋ߫ ߘߏ߲߰ߣߍ߲ ߘߏ߫ ߟߎ߫ ߞߊ߬ ߡߍ߲ ߦߌ߬ߘߴߊ߲ ߠߊ߫߸ ߊ߬ ߣߌ߫ ߖߌ߬ߦߊ߬ߓߍ ߡߍ߲ ߠߎ߬ ߦߋߣߍ߲߫ ߊ߲ ߓߟߏ߫߸ ߏ߬ ߣߌ߫ ߡߙߊ߬ߓߊ߰ߘߎ߯ߟߊ ߞߎߡߊ߫ ߝߐߣߍ߲ ߕߍ߫ ߞߋߟߋ߲߫ ߘߌ߫، ߖߌ߬ߦߊ߬ߓߍ ߟߎ߬ ߘߐ߫߸ ߊ߲ ߧߋ߫ ߖߊ߬ߡߊ ߦߋ߫ ߟߊ߫߸ ߡߌ߬ߘߊ߬ߕߊ ߟߎ߬ ߦߴߊ߬ߟߎ߬ ߓߟߏ߫߸ ߊ߬ ߛߓߍߣߍ߲߫ ߘߏ߫ ߟߎ߫ ߞߊ߲߬ ߞߏ߫: <<ߞߊ߬ ߗߋߘߋ߲ ߢߌ߲߬ ߠߎ߬ ߓߐ߫ ߦߋ߲߬ ߌߞߘߐߞߘߐ߫.>> <<ߊ߲ ߧߋ߫ ߕߎ߬ߢߊ ߟߋ߬ ߝߍ߬ ߥߟߎ߬ ߡߊ߬ ߇ ߞߏ ߘߐ߫>> ߖߌ߬ߣߍ߬ ߓߊߟߏ߫߸ ߖߐ ߦߋ߫ ߓߊߟߏ߫ ߥߙߏ߬ߓߋ߬ ߞߣߐ߫.>>
ߔߊߞߌߛߦߊ ߣߌ߲߬ ߞߎ߲߬ߕߊ߮ ߡߊ߫ ߖߊ߲߰ߧߊ߫߸ ߡߌ߬ߛߍ߲߬ ߁߅ ߢߐ߲߰ ߘߐߙߐ߲߫ ߕߋ߲߬߸ ߞߊ߬ ߓߐ߫ ߕߏ߭ߞߎ߬ߣߎ߲߫ ߘߏ߲߬ߘߊ ߡߊ߬ ߞߊ߲ߞߊ߲߫ ߝߊ߲߭ ߝߍ߬߸ ߞߊ߬ ߥߴߊ߬ ߛߌ߰ ߊ߬ ߓߐߘߊ ߟߊ߫ ߞߛߌ߬ߘߎ߯ ߝߊ߲߭ ߝߍ߬. ߕߋ߲߭ߕߋ߲߭ ߣߌ߲߬ ߞߏ߬ߣߌ߲ ߘߐ߫߸ ߊ߲ ߡߊ߫߫ ߞߎߡߊ߫ ߝߏߦߌ߬ ߡߍ߲߫ ߡߎߣߎ߲߬ ߞߊ߬ ߝߘߊ߫ ߝߊ߰ߡߊ ߟߎ߬ ߟߊ߫.
ߔߊߞߌߛߦߊߟߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߛߌ߫ ߕߴߊ߬ߟߎ߬ ߞߐߞߘߐ߫ ߣߌ߲߬ ߞߏ ߘߐ߫، ߊ߬ ߝߣߊ߫߸ ߞߏ߫ ߊ߬ߟߎ߬ ߕߍ߫ ߛߍ߬ߘߏ߲ ߢߌ߲߬ ߠߊߟߐ߬ ߝߋߎ߫߸ ߝߏ߫ ߊ߬ߟߎ߬ ߢߌߣߌ߲ߞߏ ߓߊ߯ ߞߍ߫ ߊ߬ߟߎ߬ ߦߋ߫، ߤߊߟߌ߬ ߘߐ ߣߌ߲߬ ߞߐߝߍ߬߸ ߣߴߊ߬ߟߎ߬ ߡߊ߫ ߞߌ߬ߛߍ߬ ߦߋ߫ ߖߓߊ߬ ߘߐ߫߸ ߊ߬ߟߎ߬ ߘߌ߫ ߓߐ߫ ߝߣߊ߫، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߊ߲ߞߊ߲߫ ߡߙߊ߬ߓߊ߮ ߞߏ߬ߣߌ߲ ߞߵߊ߬ ߦߌ߬ߘߊ߫ ߟߋ߬ ߞߏ߫ ߡߙߌߦߊ ߡߍ߲ ߦߴߊ߬ߟߎ߬ ߟߊ߫߸ ߏ߬ ߕߍߣߊ߬ ߛߋ߫ ߟߊ߫ ߞߍ߫ ߟߊ߫، ߣߴߏ߬ ߦߋ߫ ߗߋߘߋ߲ ߠߎ߬ ߟߊ߫ ߛߘߍ ߟߊߥߌ߬ߟߌ ߘߌ߫ ߦߋ߲߬ ߕߋ߲߬ ߒߕߟߋߡߊ߬، ߓߊߏ߬߸ ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߦߙߐ߫ ߜߘߍ߫ ߝߣߊ߫ ߟߐ߬ ߊ߬ ߝߐ߫ ߟߊ߫ ߞߏ߫ ߝߏ߫ ߞߵߊ߬ߟߎ߬ ߕߊ ߟߊߥߟߌ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
