ߟߌߞߐ߯ ߖߊ߲ߞߊߙߏ ߦߋ߫ ߖߊ߲߬ߞߊߙߏ߫ ߟߋ߬ ߘߌ߫ ߡߍ߲ ߓߘߊ߫ ߟߊߓߊ߲߫ ߘߎߢߊ߫ ߤߊߡߌߣߊ߲ߞߏ ߘߌ߫ ߛߊ߲߭ ߠߎ߬ ߞߘߐ߫.
ߊ߬ߟߋ߬ ߖߊ߲߬ߞߊߙߏ ߡߊߛߎߡߊߣߍ߲ ߠߋ߬ ߸ߓߊ߬ߙߌ߬ ، ߊ߬ ߦߋ߫ ߛߓߊ߬ߕߌ߬ ߟߊ߫ ߘߏ߯ߣߍ߲߫-ߘߏ߯ߣߍ߲߫ ߠߋ߬.
ߖߌ߬ߣߍ߬ ߞߣߐ߫ ߓߌ߬ ߢߐ߲߰ ߟߏ߲߫ ߸ ߟߐ߲ߕߊ ߟߎ߬ ߦߴߊ߬ߟߎ߬ ߟߊ߫ ߖߘߐ߬ߡߊ߬ߦߊ ߦߌ߬ߘߊ߬ ߟߊ߫ ߡߐ߰ߓߊ߬ߞߘߐ ߟߎ߫ ߟߋ߬ ߟߊ߫ ߞߊ߬ ߕߊ߬ߡߌ߲߬ ߝߎߣߎ߲ߞߋ ߟߎ߬ ߞߊ߲߬ .
ߊ߲ ߘߍ߬ߢߐ߯ ߝߐ߰ߓߍ߬ߦߊ߬ߟߊ ߘߏ߫ ߟߎ߫ ߞߵߊ߬ߟߎ߫ ߕߏ߲߬ ߕߊ߬ ߞߊ߬ ߕߊ߯ ߛߋ߫ ߘߊ߲ߘߊߟߌߟߊ ߊߡߙߊ߫ ߞߡߊ߬ߙߊ߫ ߡߊ߬ ߸ߝߘߏ߬ߓߊ߬ ߘߊ߲ߘߊߟߌߟߊ ߟߋ߬ ߸ ߡߍ߲ ߞߙߍߞߙߍߣߍ߲߫ ߖߊ߲߬ߞߊߙߏ߫ ߞߎߘߊߦߌ ߟߎ߬ ߡߊߘߊ߲ ߘߐ߫ ߸ ߦߏ߫ ߟߌߞߐ߯ߓߣߊ ߣߌ߫….
ߘߟߊߛߎ߲ߓߎߟߌ ߏ߬ ߓߍ߲߬ߒ߬ߛߋ߲߬ߡߊ ߣߌ߲߬ ߕߣߐ߬ߓߐ߫ ߞߏߛߓߍ߫ ߸ ߘߊ߲ߘߟߊ ߣߌ߲߬ ߞߎߡߊ߫ ߘߊ߫ ߟߌߞߐ߯ߓߣߊ ߞߎ߲߭ ߠߎ߫ ߞߊ߲߬߸ ߊ߬ ߣߴߊ߬ ߡߊ߬ߕߊ߲߬ߞߊ߬ߟߌ ߝߍ߬ߙߍ ߟߎ߬߸ ߊ߬ ߣߌ߫ ߞߊ߬ ߖߊ߲߬ߞߊߙߏ ߣߌ߲߬ ߗߏ߯ߦߊ ߡߊߝߟߍ߫ ߖߌ߬ߣߍ߬ ߞߣߐ߫ ߕߋ߲߬ߕߋ߲߬.
ߘߊ߲ߘߊߟߌߟߊ ߞߡߊ߬ߙߊ߫ ߞߵߊ߬ ߟߊߛߋ߫ ߞߏ߫ : ߟߌߞߐ߯ ߖߊ߲ߞߊߙߏ ߦߋ߫ ߖߊ߲߬ߞߊߙߏ߫ ߟߋ߬ ߘߌ߫ ߡߍ߲ ߞߎ߲߬ ߘߐ߬ ߞߊߟߌߡߊ߲߫ ߞߏߛߓߍ߫ ߸ ߓߊ߬ߙߌ߬ ߊ߬ ߞߏ ߘߐ߫ ߛߎߡߊߣߍ߲߫ ߠߋ߬ ߞߘߊߎ߫.
ߖߊ߲߬ߞߊߙߏ߫ ߞߎߘߊߦߌ ߡߍ߲ ߦߋ߫ ߣߌ߲߬߸ ߡߍ߲ ߦߋ߫ ߓߛߌ߬ߞߌ߬ ߟߊ߫ ߡߐ߰ ߛߘߍߡߊ߲߫ ߓߟߏ߫ ߖߊ߲߬ߞߊ߬ߙߏ߬ ߘߌ߫ ߡߍ߲ ߞߊ߬ ߘߐ߯ ߥߟߴߊ߬ ߦߋ߫ ߡߙߊ߬ ߟߊ߫ ߖߡߊ߬ߣߊ߫ ߛߓߊ߬ߕߌ߬ߣߍ߲ ߠߋ߬ ߞߊ߲߬ ، ߏ߬ ߓߘߊ߫ ߣߊ߬ ߞߍ߫ ߝߘߏ߬ߓߊ߬ ߜߋߙߋ߲ߜߋߙߋ߲ߧߊ߫ ߝߙߋߞߋߓߊ ߘߌ߫ ߖߌ߬ߣߍ߫ ߞߣߐ߫.
ߟߌߞߐ߯ ߖߊ߲ߞߊߙߏ ߦߋ߫ ߛߎ߯ߦߊ߫ ߖߋ߬ߟߌ߬ ߘߌ߫ ؟
ߟߌߞߐ߯ ߖߊ߲ߞߊߙߏ ߛߎ߯ߦߊ߫ ߞߊ߫ ߛߌߦߊ߫ ߞߏߛߓߍ߫.
ߞߐ߬ߣߌ߲߬ ߊ߲ ߧߴߊ߲ ߖߊ߲߬ߕߏ߫ ߝߟߐ (߁߭) ߣߌ߲߬ ߘߐ߫ ߸ߡߍ߲ ߦߋ߫ ߖߘߍ߬ߞߎ߬ߡߊ߲߬ߘߌ߬ߟߊ߲ ߘߌ߫ ߕߎ߬ߡߊ߬ ߛߘߍߡߊ߲߫.
ߊ߬ ߦߋ߫ ߝߎߣߎ߲ߞߋ ߟߎ߬ ߣߌ߫ ߞߎ߲߬ߡߊߞߘߎ߬ߣߍ߲ ߠߎ߬ ߟߋ߬ ߝߍ߬ ߞߊ߬ ߛߌߦߊߦߊ߫.
ߏ߬ ߞߘߐ ߦߋ߫ ߟߋ߬ ߞߏ߫ ߝߊ߬ߘߌ ߕߍ߫ ߕߌ߲ߓߎߦߌߘߐ ߛߌ߫ ߟߊߥߟߏ߫ ߟߊ߫.
ߊ߬ߟߋ߬ ߖߊ߲߬ߞߊߙߏ ߘߊ߲ߘߊ ߦߋ߫ ߛߋ߲ߛߋߘߋ߲ ߠߋ߬ ߘߌ߫ ߞߵߊ߬ ߓߍ߲߬ ߕߌ߲ߓߎߦߌߘߐ ߡߊ߬ ߸ߏ߬ ߞߘߐ߫ ߟߋ߬ ߞߏ߫ ߸ߕߌ߲ߓߎߦߌߘߐ ߘߊ߲ߘߊߟߌ ߏ߬ ߦߋ߫ ߞߍ߫ ߟߊ߫ ߡߐ߱ ߓߍ߯ ߟߋ߬ ߟߊ߫ .
ߟߌߞߐ߯ ߖߊ߲ߞߊߙߏ ߓߏߟߏ߲߫ ߝߌߟߊߣߊ߲(߂߲) ߡߍ߲ ߦߋ߫ ߡߐ߱ ߟߎ߬ ߟߊ߫ ߞߊ߬ ߛߌߦߊߦߊ߫߸ߞߊ߬ߕߎ߲߰ ߊ߬ %߉߀ ߤߊ߲߯ ߉߅ ߟߋ߬ ߦߋ߫ ߦߋ߲߫ ߠߊ߫ ߛߐ߲߬.
ߒ߬ߓߊ߬ ،ߊߟߎ߫ ߟߐ߲߫ ߓߘߴߊ߬ ߟߐ߲߫ ߛߍߣߍ߲߬ ߞߏ߫ ߊ߬ ߡߐ߬ߟߐ߲߫ ߞߊ߫ ߓߏ߲߬ ߢߊ߫ ߡߍ߲ ߡߊ߬.
ߊ߬ ߦߋ߫ ߞߍ߫ ߟߊ߫ ߡߐ߱ ߟߴߊ߬ ߛߊ߲߬ ߄߀ ߞߊ߬ ߕߊ߯ ߛߊ߲߬ ߄߅ ߡߊ߬، ߏ߬ ߖߍ߬ߘߍ ߝߣߊ߫ ߞߊߟߌߡߊ߲߫ ߓߊߟߋ߬ ߞߍ߫ ߟߊ߫ ߖߏߣߊ߫.
ߟߌߞߐ߯ ߖߊ߲ߞߊߙߏ( ߃߲) ߦߋ߫ ߖߊ߲߬ߞߊߙߏ ߟߋ߬ ߘߌ߫ ߡߍ߲ ߡߛߏ߬ ߞߣߐߡߊ߫ ߡߌ߬ߘߊ߬ ߟߴߊ߬ ߞߣߐ߫ ߞߊߙߏ߫ ߛߊ߬ߓߊ ߡߊ߬ ߸ ߡߍ߲ ߖߐ߬ߘߐ ߞߊ߫ ߓߏ߲߬ ߘߋ߲ߓߊ ߣߴߊ߬ ߢߋ߬ߟߋ߲ ߡߊ߬ ߸ ߊ߬ ߦߋ߫ ߡߐߦߌߟߌ߫ ߜߟߍߦߊ ߟߊߛߋ߫ ߟߊ߫ ߡߛߏ߬ ߞߣߐߡߊ ߡߊ߬ ߛߐ߲߬.
ߡߛߏ߬ ߞߣߐߡߊ߫ ߓߊ߯ ߡߐߙߌ߫ ߌߞߘߐ߫ ߸ߊ߬ ߟߊ߫ ߟߌߞߐ߯ ߞߛߊߞߊ ߘߌ߫ ߛߋ߬ߦߌ߬ ߊ߬ ߣߐ߭ ߘߐ߫.
ߟߌߞߐ߯ ߖߊ߲ߞߊߙߏ، ߣߴߊ߬ ߜߋ߬ߟߎ߲߬ ߘߊ߫ ߞߊ߬ ߢߊ߬ ߸ ߞߵߊ߬ ߞߎ߲߬ߠߊߞߊ߬ ߖߏߣߊ߫ ߸ ߞߵߊ߬ ߡߊߡߙߊ߬ ߖߏߣߊ߫ ߸ ߊ߬ ߕߌ߱ ߘߌ߫ ߛߋ߫ ߛߌ߰ ߖߊ߲߫ ߛߐ߬ߘߐ߲߬ ߠߊ߫ ߸ ߦߏ߫ ߊ߬ ߓߍ߫ ߢߊ ߡߍ߲ ߞߊ߲߬ ߖߊ߲߬ߞߊߙߏ ߜߘߍ ߟߎ߬ ߟߊ߫ ߸ߞߊ߬ߕߎ߲߰ ߖߋ߬ߟߌ ߡߊߦߟߍ߬ߣߍ߲ ߦߴߏ߬ ߘߐ߫.
ߒ߬ߞߊ߬ ߣߴߊ߬ߟߋ߬ ߡߊ߫ ߛߋ߫ ߜߋ߬ߟߎ߲߬ ߠߊ߫ ߞߊ߬ ߢߊ߬ ߸ ߊ߬ ߞߏ ߘߌ߫ ߕߊ߬ߡߌ߫ ߜߟߍ߬ߦߊ߬ ߟߊ߫.
ߟߌߞߐ߯ ߖߊ߲ߞߊߙߏ ߘߊ߲ߘߊߟߌ ߞߊ߫ ߣߐ߲߰ ߞߏߛߓߍ߫ ߸ ߞߏ߬ߣߌ߲߬ ߊ߬ ߦߋ߫ ߕߊ߬ ߟߊ߫ ߜߟߍ߬ߦߊ ߘߏ߫ ߟߎ߫ ߣߌ߫ ߞߣߐ߬ߜߍ߲߬ߠߌ߲ ߠߋ߬ ߟߊ߫ ߕߎ߬ߡߊ߬ ߓߍ߯.
ߊ߬ߟߋ ߦߋ߲ߝߊߘߌ ߦߋ߫ ߦߟߍ߬ߡߊ߲߬ ߠߊ߫ ߝߊ߬ߘߌ߬ ߜߘߍ߫ ߟߋ߬ ߘߐ߫ ߛߐ߲߬.
ߟߌߞߐ߯ ߖߊ߲ߞߊߙߏ߫ ߛߎ߯ߦߊ (߁߭) ߘߊ߲ߘߊߟߌ ߦߋ߫ ߡߐ߰ ߛߌߦߊߡߊ߲߫ ߠߋ߬ ߟߊ߫ ߞߵߏ߬ ߟߊ߫ ߕߌ߲ߓߎߦߌߘߐ ߞߊ߲߬،
ߣߴߊ߬ ߦߋ߫ ߞߟߌ߫ ߟߊ߫ ߞߏ߫ » ߕߌ߲ߓߎߦߌߘߐ߫ ߘߊ߲ߘߊߟߌ »
ߊ߬ ߛߎ߯ߦߊ߫ ( ߂߲) ߛߊ߫ ߸ ߝߏ߫ ߞߊ߬ ߣߌ ߞߣߐ߬ߜߍ߲߬ ߠߋ߬ ߞߊ߬ ߓߊߛߌ߫ ߢߣߊߡߊ ߟߎ߬ ߛߓߍ߫ ߖߊ߲߬ߞߊ߬ߙߏ߬ߕߐ ߞߎ߲߬.
ߞߎߡߊ߫ ߞߎ߲߬ߘߏ߲ ߘߐ߫ ߸ ߟߌߞߐ߯ ߖߊ߲ߞߊߙߏ ߦߋ߫ ߖߊ߲߬ߞߊߙߏ߫ ߡߊߞߎ߲߬ߣߍ߲ ߠߋ߬ ߘߌ߫ ،ߓߊ߬ߙߌ߬ ߟߊ߬ߕߍ߮ ߕߍ߫ ߘߋ߬ ߸ ߊ߲ ߘߌ߫ ߛߋ߫ ߞߵߊ߬ ߡߊߕߊ߲߬ߞߊ߫ ߞߵߊ߬ ߓߍ߲߬ ߞߍߢߊ ߘߏ߫ ߟߎ߫ ߡߊ߬ ߕߊ߲߬ ߘߐ߫ : ߞߊ߬ ߘߊߡߎߣߎ߲ߠߌ߲ ߞߍ߫ ߊ߬ ߢߌ߬ߡߊ ߟߊ߫ ߞߵߊ߬ ߡߊߓߍ߲߬ ߸ߞߊ߬ ߓߊߛߌ߫ ߟߎ߬ ߕߊ߬ ߊ߬ ߕߊ߬ߢߊ ߡߊ߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
