ߞߐ߬ߓߊ߬ߟߏ߲ ߂߀߂߅ ߘߓߊ߬ߓߌߟߊ ߕߟߋ߬ ߄ ߡߊ߬߸ ߛߣߍ߬ߜ߭ߊߟߌ߫ ߡߙߊ߬ߦߊ߬ߞߊ߲ߞߋ ߟߎ߬ ߞߵߊ߬ߟߎ߬ ߕߍ߯ ߞߍ߫ ߞߌ߬ߘߌ߲߬ߟߊ߲ ߞߌߘߊ߫ ߆߄߃ ߟߋ߬ ߘߐ߫ ߣߐߝߑߟߊߦߌ߬ ߘߌ߲߬ߞߌߙߊ ߘߐ߫ ߙߎߝߌߛߞ، ߊ߬ߟߎ߬ ߟߊ߫ ߦߙߍߞߍߟߌ ߣߌ߲߬ ߞߍߣߍ߲߫ ߕߊ߬ߡߌ߲߬ߘߊ߬ߕߌ߮ ߟߎ߬ ߣߌ߫ ߞߟߍ߬ߡߐ߮ ߟߎ߬ ߟߊ߫ ߝߊ߬ߙߊ ߢߐ߲߰ ߞߊ߲ ߠߋ߬ ߘߐ߫ ߞߊ߬ ߞߍ߫ ߝߊ߲߬ߞߊ߬ ߞߋߟߋ߲߫ ߘߌ߫ ߖߡߊ߬ߣߊ ߞߣߐ߫ ߞߏ߫ ߞߙߌߞߙߊ ߟߎ߫ ߞߟߍ߬ ߞߊ߲ߡߊ߬ ߡߍ߲ ߠߎ߬ ߦߋ߫ ߓߐ߫ ߟߊ߫ ߖߡߊ߬ߣߊ ߞߣߐ߫ ߞߊ߬ ߥߊ߫ ߞߐߞߊ߲߬ ߥߟߊ߫ ߞߊ߬ ߓߐ߫ ߞߐߞߊ߲߬ ߞߊ߬ ߘߏ߲߬ ߖߡߊ߬ߣߊ ߞߣߐ߫.
ߟߊ߬ߛߏ߬ߓߟߌ߬ߟߊ ߘߏ߫ ߟߎ߫ ߟߋ߬ ߞߊ߬ ߛߊ߲ߜ߭ߊߟߑߞߊߟߡ ߘߎ߰ߞߣߍ ߞߟߍ߬ߡߐ߰ ߛߘߍ ߟߊߟߐ߲ߠߌ߲߫߸ ߊ߬ ߣߌ߫ ߘߊ߬ߞߊ߯ߙߎ߫ ߣߌ߫ ߞߐߞߊ߲ߠߊ ߕߊ߬ߡߌ߲߬ߘߊ ߘߐ߬ߞߎߘߎ߲ߞߎߘߎ߲߸ ߏ߬ ߟߎ߬ ߝߣߊ߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߏ߬ ߟߋ ߘߐ߫ ߞߊߟߌߦߊ߫ ߓߟߏ ߡߊ߬ ߖߏߣߊ߫، ߥߛߊ߬ߘߊ߬ߕߌ߮ ߟߎ߫ ߞߊ߬ ߡߐ߰ ߛߊ߬ߓߊ߫ ߟߋ߬ ߡߌ߬ߣߊ߬߸ ߘߏ߬ߣߌ߲߬ ߠߊ߬ߛߘߌ ߘߏ߫ ߟߎ߫ ߕߘߍ߬ ߡߍ߲ ߠߎ߬ ߓߟߏ߫، ߡߐ߰ ߝߌ߬ߟߊ ߞߵߊ߬ߟߎ߫ ߓߏ߬ߙߌ߬߸ ߕߍ߮ ߞߍ߫ ߘߊ߫ ߛߓߊߣߊ߲ ߠߋ߬ ߘߐ߫ ߛߊ߫.
ߘߎ߰ߞߎߟߎ߲ ߠߎ߬ ߜߋ߬ߟߎ߲ ߞߍ߫ ߘߊ߫ ߕߙߎ߬ ߘߌ߫߸ ߝߏ߫ ߊ߬ߟߎ߬ ߛߋ߫ ߘߊ߫ ߞߌ߬ߘߌ߲߬ߟߊ߲ ߡߣߊߣߍ߲߫ ߆߄߃ ߦߋ߫ ߟߊ߫߸ ߡߍ߲ ߠߎ߬ ߓߍ߯ ߡߊߛߘߌ߬ߣߍ߲߫ ߕߘߍ߬ ߞߏߢߊ߬߸ ߊ߬ ߞߋߟߋ߲ߞߋߟߋ߲ ߓߍ߯ ߦߋ߫ ߞߌߘߊ߫ ߞߋߟߋ߲߫ ߠߋ߬ ߘߌ߫، ߓߌ߲߬ߘߌ߬ߓߊ߲߬ߘߊ߲߬ ߞߟߍ ߞߙߎߡߘߊ ߟߊ߫ ߘߐ߬ߛߏ߰ߙߋ߬ߟߌ ߟߎ߬ ߞߐߝߍ߬߸ ߊ߬ ߦߋ߫ ߘߋ߫ ߞߏ߫ ߞߌ߬ߘߌ߲߬ߟߊ߲ ߖߍ߬ߘߍߖߍ߬ߘߍ ߟߋ߬ ߦߴߊ߬ ߘߌ߫.
ߊ߬ߟߎ߬ ߛߎߘߊ߲ ߣߌ߲߬ ߞߏ ߘߐ߫ ߕߋ߲߬߸ ߏ߬ ߝߐ߫ ߕߍ߫ ߣߌ߲߬ ߘߌ߫، ߞߊ߬ߦߌ߯ ߂߀߂߄ ߠߋ߬ ߟߊ߫߸ ߊ߬ߟߎ߬ ߦߋ߫ ߓߊ߯ߙߓߊ ߣߌ߲߬ ߞߊ߲߬، ߞߊ߬ߕߎ߲߯߸ ߣߍߣߍߓߊ ߕߋ߬ߟߋ߫ ߂߄ ߡߊ߬߸ ߞߌ߬ߘߌ߲߬ߟߊ߲ ߞߌߘߊ߫ ߂߃߅ ߡߌ߬ߘߊ߬ ߘߊ߫ ߞߎ߲ߖߋ߳ߟ (ߞߊߝߌߙߌߣ)߸ ߏ߬ ߝߣߊ߫ ߦߋ߫ ߘߊ߫ ߞߐ߲߬ߛߏ ߘߏ߫ ߟߋ߬ ߞߣߐ߫ ߞߊ߬ ߓߐ߫ ߛߌ߰ߢߐ߲߰ ߖߡߊߣߊ ߘߏ߫ ߞߣߐ߫ ߞߊ߬ ߘߏ߲߬ ߛߣߍ߬ߜ߭ߊߟߌ߫ ߞߣߐ߫. ߏ߬ ߡߍ߲ ߥߊߘߌ ߞߵߊ߬ ߟߐ߬ ߛߍߝߊ ߥߟߎ߬ߡߊ߬ ߁߈،߈ ߘߐ߫.
߂߀߂߄ ߕߙߊߓߊ ߣߴߊ߬ ߣߍߣߍߓߊ ߕߍߟߊ ߘߐ߫߸ ߕߊ߬ߡߌ߲߬ߘߊ ߛߋ߫ ߘߊ߫ ߦߙߍߞߍߟߌ ߡߍ߲ ߠߎ߬ ߞߍ߫ ߟߊ߫ ߘߊ߬ߞߊ߯ߙߎ߫ ߣߌ߫ ߞߌ߬ߘߌߙߊ߬ ߕߊ߬ߡߌ߲߬ߦߙߐ ߟߎ߬ ߘߐ߫߸ ߊ߬ߟߎ߫ ߞߊ߬ ߞߌ߬ߘߌ߲߬ߟߊ߲ ߞߌߘߊ߫ ߂ ߁߁߄ ߠߋ߬ ߡߌ߬ߘߊ߫ ߦߋ߲߬߸ ߡߍ߲ ߥߊߘߌ ߘߌ߫ ߥߊ߫ ߤߊ߲߯ ߛߍߝߊ ߥߟߎ߬ߡߊ߫ ߁߆߉ ߢߐ߲߰.
ߝߊ߬ߛߏ߬ ߞߟߍ߬ߡߐ߰ߘߊ ߣߌ߫ ߕߊ߬ߡߌ߲߬ߘߊ ߡߊ߬ߡߙߊ߬ߟߌ߬ߟߊ ߟߎ߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍߣߊ߬ ߛߍ߰ ߟߊ߫ ߣߌ߲߬ ߞߏ ߢߊߢߌߣߌ߲ ߘߐ߫߸ ߞߏ߫ ߕߌߢߍߟߌߟߊ ߟߎ߬ ߓߐ߫ ߘߊ߫ ߝߊ߲߬ ߛߌ߫ ߘߐ߫ ߞߊ߬ ߖߡߊ߬ߣߊ ߞߣߐ߫߸ ߞߏ߫ ߊ߬ߟߎ߬ ߘߴߏ߬ ߟߎ߫ ߞߍ߬ߟߍ߫ ߊ߬ߟߎ߬ ߛߋߞߏ ߟߊ߫، ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߡߍ߲ ߢߌߣߌ߲߫ ߠߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬߸ ߏ߬ ߟߋ ߊ߬ߟߎ߬ ߡߊߘߍ߬ߡߍ߲ ߘߌ߫߸ ߊ߬ߟߎ߬ ߓߊ߯ ߛߌߞߊ߫ ߕߌߢߍߟߌ߫ ߝߋ߲ ߡߊ߬ ߦߙߐ߫ ߛߌ߫ ߘߐ߫߸ ߞߵߊ߬ߟߎ߬ ߟߊߟߐ߲ߠߌ߲߫ ߞߵߊ߬ߟߎ߬ ߟߊߛߏ߬ߓߌ߬.
