ߞߎ߲߬ߢߐ߲߰ ߞߋߟߋ߲߫ ߠߋ߬ ߕߏߣߍ߲߫ ߥߊߛߌ߲ߕߐߣ ߠߊ߫ ߞߊ߬ߛߙߋ ߕߎ߬ߡߊ ߟߊ߫ ߡߎ߬ߕߎ߲߬߸ ߊ߬ ߞߊ߬ ߡߍ߲ ߟߐ߬ ߙߎ߬ߛߌ߫ ߡߊ߬، ߙߎ߬ߛߌ߫ ߓߋߟߋ߲ߕߌ߮ ߓߘߴߊ߬ ߡߊߝߏߦߌ߲߫ ߊߡߋߙߌߞߌ߬ ߡߎߍ ߡߊ߬ ߞߏߛߓߍ߫، ߘߡߌߕߙߌ ߔߍߛߑߞߐߝ߭ ߓߘߊ߫ ߛߑߕߋߝ߭ ߥߌߕߑߞߐߝ ߟߊ߫ ߣߊ߬ߟߌ ߝߐ߫ ߡߐߛߑߞߎ߫، ߊ߬ ߣߌ߫ ߙߎ߬ߛߌ߬ ߞߊ߲ߕߌ߮ ߣߌ߫ ߎ߳ߞߙߍߣ ߞߊ߲ߕߌ߮ ߟߎ߬ ߟߊ߫ ߢߐ߲߯ߦߋ߫ ߦߙߐ ߝߣߊ߫ ߘߐ߫ ߞߎߟߊߞߏߕߍ߫.
ߞߙߍߡߑߟߍ߲߫ ߓߘߴߊ߬ ߞߊ߲ߠߊߘߌ߫߸ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ߘߓߊ߬ߓߌߟߊ ߕߟߋ߬ ߄، ߞߏ߫ ߊ߬ ߓߘߊ߫ ߘߊ߬ߟߎ߫ ߛߐ߬ߘߐ߲߬ ߦߟߌߡߊߟߐ߫ ߓߟߋߓߟߋ ߘߐ߫ ߡߎ߯ߖߎ߯ߞߏ ߡߊ߬ߛߌ߬ߟߊ߲߬ߠߌ߲ ߠߊ߫، ߏ߬ ߞߍ߫ ߘߊ߫ ߊߡߋߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߟߊ߫ ߡߎߍ߫ ߝߌ߬ߟߊ߫ ߘߐߝߎߟߋ߲ ߞߐ ߟߋ߬ ߘߐ߫، ߏ߬ ߡߍ߲ ߞߍ߫ ߘߊ߫ ߛߌ߬ߣߌ߲߬ߟߏ߲ ߘߓߊ߬ߓߌߟߊ ߕߟߋ߬ ߝߟߐ ߡߊ߬ ߞߊ߬ߣߌ߲߫، ߙߎ߬ߛߌ߫ ߞߐߞߘߐ߫ ߞߊ߲ߕߌ߮ ߘߡߌߕߙߌ ߡߋߘߑߝ߭ߋߘߍߝ߭ ߟߊ߫ ߡߊ߬ߝߏ߬ߦߌ߬ߟߌ ߘߏ߫ ߞߏߛߐ߲߬، ߡߍ߲ ߞߏ߬ߣߌ߲߬ ߝߐ߫ ߘߊ߫ ߟߊ߬ߓߊ߲ ߠߊ߫، ߞߏ߫ ߏ߬ ߡߊ߫ ߦߊ߬ߝߊ ߟߋ߬ ߢߌߣߌ߲߫ ߊ߬ߟߎ߫ ߝߍ߬ ߊ߬ ߟߊ߫ ߡߊ߬ߝߏ߬ߦߌ߬ߟߌ ߞߐߝߍ߬.
ߙߎ߬ߛߌ߫ ߞߊ߲ߕߌ߯ߘߊ ߓߋߟߋ߲ߕߌ߮ ߓߘߴߊ߬ ߟߊߛߙߋߦߊ߫ ߞߏ߫ ߊߡߋߙߌߞߌ߬ ߡߎߍ߫ ߝߌ߬ߟߊ ߏ߬ ߦߴߊ߬ ߦߌ߬ߘߊ߬ ߟߊ߫ ߦߏ߫ ߊ߬ ߘߐߝߎߟߋ߲ߣߍ߲߫ ߘߏߣߊߟ ߕߑߙߐ߲ߔ ߟߋ߬ ߓߟߏ߫، ߏ߬ ߦߴߊ߬ߟߋ ߟߋ߬ ߟߊ߫ ߓߊ߯ߙߊ ߟߋ߬ ߟߊ߫ ߦߋ߲߬ ߞߘߊߎ߫، ߊ߬ ߞߵߊ߬ ߟߴߊ߬ ߞߊ߲߬ ߝߣߊ߫ ߞߏ߫ ߊ߲ ߛߍߥߊߣߍ߲߫ ߕߍ߫ ߘߊߘߐߞߟߍ ߞߍߢߊ߫ ߛߎ߮ ߏ߬ ߟߊ߫ ߝߋߎ߫.
ߘߡߌߕߙߌ ߞߵߊ߬ ߞߘߐߞߍ߬ߙߍ߲߬ߘߍ߬ ߞߏ߫ ߙߎ߬ߛߌ߫ ߦߋ߫ ߟߋ߬߸ ߦߏ߫ ߖߡߊ߬ߣߊ ߕߐ߭ ߟߎ߬، ߓߘߍ߬ߘߍ߬ߟߌ ߞߟߐ߬ߟߐ ߘߏ߲߬ ߛߏ߯ߙߏߣߍ߲߫ ߞߏ߫ ߛߌߦߊߡߊ߲߫ ߠߋ߬ ߟߊ߫، ߝߐߢߊ߫ ߜߘߍ߫ ߘߐ߫߸ ߞߏ߫ ߞߙߍߡߑߟߍ߲߫ ߓߋߟߋ߲ߕߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߡߐ߰ ߞߋߟߋ߲ ߡߍ߲ ߘߌ߫ ߛߋ߫ ߥߊߟߌ߫ ߓߘߍߓߘߍߟߌ ߣߌ߲߬ ߢߊߝߐ߫ ߟߊ߫߸ ߏ߬ ߟߋ ߦߋ߫ ߞߊ߲ߕߌ߮ ߝ߭ߑߟߊߘߡߌߙ ߔߎߕߌߣ ߘߌ߫ ߙߎ߬ߛߌ߫ ߞߣߐ߫، ߞߏ߬ߣߌ߲߬ ߝߊ߲߬ߞߊ ߦߋ߫ ߞߟߌߟߌ ߞߍ߫ ߟߊ߫ ߦߟߌߡߊߟߐ ߡߊ߬ ߡߎ߯ߖߎ߯ߞߏ ߕߞߌߕߞߌߦߊ ߟߊ߫.