ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߄ ߡߊ߬ ߸ߗߍ߭ ߘߏ߫ ߟߋ߬ ߛߎ߰ ߦߋ߫ ߣߍ߲߫ ߞߊߙߑߕߊ߫ ߞߐ߬ߖߌ ߘߐ߫ ߟߍ_ߘߐ߫ ߛߏ ߞߣߐ߫ ߸ ߊ߲ߠߎ߬ ߝߐ߰ߓߍ߬ߦߊ߬ߟߊ ߟߎ߬ ߝߣߊ߫ ߡߊ߫ ߕߏ߫ ߛߌ߰ߟߌ߬ ߘߐ߫ ߣߌ߲߬ ߞߏ ߡ ߘߐ߫.
ߏ߬ ߓߟߏߡߊ߬ ߸ ߊ߲ ߛߋ߫ ߘߊ߫ ߞߊ߬ ߘߊ߲ߘߊߟߌߟߊ ߊߓߘߎߟߊߦߌ߬ ߓߊߛߌߙߎ߬ ߞߐ߲ߘߍ߫ ߘߟߊߛߎ߲ߓߎ߫ ߊ߬ ߞߏ ߕߊ߬ߡߌ߲߬ ߢߊߡߊ߬ ߕߊ߲߬ ߘߐ߫، ߒ ߕߐ߯ ߟߋ߬ ߞߏ߫ : ߘߊ߲ߘߊߟߌߟߊ ߊߓߘߎߟߊߦߌ߬ ߓߊߛߌߙߎ߬ ߞߐ߲ߘߍ߫، ߣߌ߫ ߘߏ߫ ߟߎ߫ ߦߋ߫ ߒ ߥߟߋ߫ ߟߊ߫ ߞߏ߫ » ߊߓߋ߬ ߛߋ߫ » ߸ ߒ ߧߋ߫ ߘߊ߲ߘߟߊ ߘߊ߯ߕߌ߮ ߟߋ߬ ߘߌ߫߸ ߏ߬ ߡߍ߲ ߦߋ߫ ߝߊ߬ߛߏ ߞߟߍ߬ߡߐ߰ߟߊ߫ ߢߍߡߌߘߊ߫ ߛߊ߲ߘߐߕߊ ߣߌ߫ ߣߊ߲߬ߕߌ߰ ߗߋߘߊߕߌ߮ ߢߍߡߐ߮ ߘߌ߫ ߸ ߓߌ߬ ߒ ߧߋ߫ ߛߌ߯ߙߌ߫ ߘߊ߲ߘߊߛߏߓߊ ߟߋ߬ ߟߊ߫ ߸ߒ ߠߊ߫ ߓߊ߯ߙߊ߫ ߦߋ߫ ߡߊ߬ߜߍ߲߬ߠߌ ߣߌ߫ ߘߊ߲ߘߊߟߌ ߣߌ߫ ߘߐ߬ߓߛߏ߬ߟߌ ߟߋ߬ ߘߌ߫ . ߊ߬ ߞߵߊ߬ ߖߌߘߊ߫ ߞߊ߬ ߞߏ :<< ߓߌ߬ ߞߐ߬ߓߊ߬ߟߏ߲ ߉ߙߋ߲߬ ߖߋߞߎ ߟߊ߫ ߸ ߊ߲ ߞߊ߬ ߞߟߌߟߌ߫ ߞߊ߲߫ ߠߋ߬ ߛߐ߬ߘߐ߲߬ ߞߊ߬ ߝߘߊ߫ ߊ߲ ߠߊ߫ ߞߐߦߌߘߊߓߊ߮ ߟߊ߫ ߟߍߘߐ߫ ߸ ߞߵߊ߬ ߝߐ߫ ߊ߲ ߧߋ߫ ߞߏ߫ ߡߐ߰ ߘߏ߫ ߛߎ߭ ߓߘߊ߫ ߖߌ ߘߐ߫ ߟߍߘߐ߫ ߊ߬ ߜߋ߲ߜߋ߲߫ ߘߐ߫ ߞߐ߰ ߡߍ߲߫ ߦߋ߫ ߥߟߋ߫ ߟߊ߫ ߊ߬ߟߎ߬ ߓߟߏ߫ ߞߏ߫ ߞߊߙߑߕߊ߫ ߸ ߓߊߏ߬ ߛߌ߯ߙߌ߫ ߞߕߌߘߊ ߦߌߟߡߊ߫ ߝߟߐ߫ ߞߕߌߞߊ߲ߘߊ ߞߙߊ߬ߡߐ ߌߓߑߙߊ߬ߤߌߡߎ ߞߡߊ߬ߙߊ߬ ߊ߲ ߞߵߏ߬ ߟߊ߫ ߟߐ߲ߣߌߦߊ߫ ߸ ߏ߬ ߞߊ߬ ߖߡߊ߬ߙߌ ߘߌ߫ ߕߐ߲ߓߟߏߡߊ ߞߕߌߟߞߊ ߟߎ߬ ߡߊ߬ ߣߵߊ߬ ߦߋ߫ ߊ߬ߗߌ߬ߘߊ߲߬ ߞߏߣߌ ߘߌ߫ ߊ߬ ߟߋ ߣߌ߫ ߘߊ߲ߘߊߟߌߟߊ ߊߡߙߊ߫ ߥߎ߬ߟߊ߬ߙߋ ߏ߬ ߡߍ߲߫ ߦߋ߫ ߟߍߘߐ߫ ߘߊ߲ߘߊߛߏ ߞߎ߬ߣߊ߬ ߓߌ߬ ߞߏ߫ ߊ߬ߟߎ߬ ߦߋ߫ ߥߊ߫ ߛߋ߫ ߞߣߍߞߊ߲߬ ߞߵߊ߬ ߟߐ߲߫ ߡߍ߲߫ ߕߊ߬ߡߌ߲߬ߣߍ߲ ߦߋ߲߬ ، ߏ߬ ߢߊ߬ߢߣߌ߬ߣߌ߲߫ ߓߟߏߡߊ߬ ߊ߬ ߖߌߘߊ߫ ߞߊ߬ߘߊ߫ ߏ߬ ߟߎ߬ ߟߊ߫ ߞߏ߫ ߞߊ߲ߡߋߙߋ߲߫ ߡߍ߲߫ ߛߎ߭ ߦߋߣߍ߲߫ ߖߌ ߘߐ߫ ߣߌ߲߬ ߞߏ߫ ߊ߬ ߕߎ߲߬ ߦߋ߫ ߛߊߟߌߡߊߞߟߌߟߊ ߟߋ߬ ߘߌ߫ ߸ ߊ߬ ߛߎ߭ ߦߋ߫ ߘߊ߫ ߖߌ ߘߐ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߉ߙߋ߲߬ ߠߋ߬ ߡߊ߬ ، ߡߊ߬ߝߟߍ߬ߟߌ ߓߟߏߡߊ߬ ߊ߬ ߖߌߘߊ߫ ߞߊ߬ߘߊ߫ ߞߏ߫ ߘߊ߫ ߛߌ߫ ߡߊ߫ ߦߴߊ߬ ߡߊ߬ ߡߍ߲߫ ߘߴߊ߬ ߖߌߘߊߞߊ߬ ߞߏ߫ ߡߐ߱ ߟߋ߬ ߞߊ߬ ߣߌ߲߬ ߞߵߊ߬ ߟߊ߫ ߞߵߊ߬ ߓߌ߬ߟߊ߬ ߖߌ ߘߐ߫ ߏ߬ ߝߋ߲߫ ߡߊ߫ ߦߋ߫ ߸ ߡߍ߲߫ ߝߐ߫ ߘߴߊ߲߬ ߧߋ߫ ߞߏ߫ ߖߊ߲߬ߞߊ߬ߙߏ߬ߕߐ߬ߟߊ߬ߡߐ߮ ߟߋ߬ ߕߘߍ߬ ߊ߬ ߕߌ߯ߕߌ߯ ߞߏ߫ ߞߙߌ߬ߞߙߌ߬ߡߊ߬ߛߊ ߟߋ߬ ߕߘߍ߬ ߊ߬ ߟߊ߫ ߸ ߓߍ߯ ߘߏ߲߬ ߞߵߊ߬ ߞߏ߫ ߞߙߌ߬ߞߙߌ߬ߡߊ߬ߛߊ ߦߋ߫ ߡߐ߱ ߡߍ߲߫ ߠߊ߫ ߞߵߏ߬ ߕߌ߭ ߓߍ߲߬ߣߍ߲߫ ߕߍ߫ ߖߌߘߊߟߊ߫ ߞߎߡߊ߫ ߕߍ߫ ߕߊ߫ ߘߊ ߡߊ߬ ߸ ߓߊߏ߬ ߣߴߊ߬ ߥߟߌ߬ߘߊ߫ ߞߵߊ߬ ߕߏ߫ ߦߋ߲߬ ߠߎ߬ ߘߐ߫ ߣߴߊ߬ ߘߊ߫ ߝߊߦߌߘߊ߫ ߊ߬ ߓߘߊ߫ ߕߏ߫ ߛߊ߬ߦߊ ߟߋ߬ ߡߊ߬ ߏ߬ ߘߌ߫ ، ߊ߬ ߛߌߦߊߡߊ߲ ߘߐ߫ ߞߊ߲ߡߋߙߋ߲߫ ߣߌ߲߬ ߠߊ߫ ߖߊ߲ߞߊߙߏ ߥߟߌ߬ߣߍ߲߫ ߞߵߊ߬ ߕߏ߫ ߖߌ ߘߊ ߟߋ߬ ߟߊ߫ ߸ ߛߦߊ߬ߓߊ߰ߕߐ ߕߐ߮ ߟߋ߬ ߞߏ߫ ߡߎߛߊ߫ ߢߜ߭ߊ߬ߛߏ߬ ߊ߬ ߛߊ߲߬ ߂߆ ߖߊ߬ߕߋ ߟߋ߬ ߣߌ߲߬ ߊ߬ ߕߎ߲߬ ߓߘߊ߫ ߝߘߎ߫ ߞߍ߫ ߓߊ߬ߙߌ߬ ߘߋ߲ ߕߴߊ߬ ߓߟߏ߫ ߊ߬ ߕߎ߲߬ ߦߋ߫ ߟߍߘߐ߫ ߞߌ߲߬ߘߊ ߞߐߙߑߣߌߛ ߟߊ߫ ߊ߬ ߕߎ߲߬ ߦߋ߫ ߛߊߟߌߡߊߞߟߌߟߊ ߟߋ߬ ߘߌ߫ ߊ߬ ߝߊ߬ ߕߐ߯ ߞߏ߫ ߓߊ߲߬ߓߊ ߓߊ߬ߙߌ߬ ߏ߬ ߓߘߊ߫ ߛߊ߬ ߸ ߊ߬ ߣߊߣߊ߬ ߞߏ߬ߣߌ߲ ߦߋ߫ ߦߋ߲߬ ߏ߬ ߕߐ߯ ߞߏ߫ ߖߊ߲߬ߕߏ߲߬ ߞߡߊ߬ߙߊ߬ ، ߊ߲ ߞߊ߬ ߡߍ߲߫ ߛߐ߬ߘߐ߲߬ ߞߵߊ߬ ߝߐ߫ ߡߎߛߊ߫ ߢߜ߭ߊ߬ߛߏ߬ ߟߊ߫ ߛߦߊ߬ߞߏ ߘߐ߫ ߞߏ߫ ߊߟߊ߫ ߟߊ߫ ߛߦߊ ߟߋ߬ ߞߴߏ߬ ߛߊߓߎ߫ ߞߍ߫ ߞߙߌ߬ߞߙߌ߬ߡߊ߬ߛߊ ߟߊ߫ ߥߌ߬ߟߌ ߘߌ߫ ߞߵߊ߬ ߕߏ߫ ߖߌ߫ ߘߊ ߟߊ߫>>
ߘߊ߲ߘߊߟߌߟߊ ߊߓߑߘߎߟߊߦߌ߬ ߓߊߛߌߙߎ߬ ߞߐ߲ߘߍ߫ ߟߋ߬ ߞߊ߲߫ ߕߋ߲߬
ߖߌ߬ߺߺߓߙߌ߬ߺߺߺߺߟߊ߲ ߡߊ߲߬ߺߺߺߺߘߋ߲߫ ߡߟߍ߬ߺߺߺߺߞߊ ߞߐ߲ߺߘߍ߫ ߓߟߏ߫
