ߊ߲ߠߎ߬ ߝߐ߰ߓߍ߬ߦߊ߬ߟߊ ߟߎ߬ ߝߣߊ߫ ߡߊ߫ ߕߏ߫ ߛߌ߰ߟߌ߬ ߘߐ߫ ߣߌ߲߬ ߞߏߢߊ ߡߊ߬ߘߎ߮ ߘߐ߫ ߝߛߍߞߘߎ߫.
ߏ߬ ߓߟߏߡߊ߬ ߸ ߊ߲ ߛߋ߫ ߘߊ߫ ߞߊ߬ ߘߊ߲ߘߊߟߌߟߊ ߊߓߘߎߟߊߦߌ߬ ߓߊߛߌߙߎ߬ ߞߐ߲ߘߍ߫ ߘߟߊߛߎ߲ߓߎ߫ ߊ߬ ߞߏ ߕߊ߬ߡߌ߲߬ ߢߊ ߞߊ߲߬ ߕߊ߲߬ ߘߐ߫، ߒ ߕߐ߯ ߟߋ߬ ߞߏ߫ : ߘߊ߲ߘߊߟߌߟߊ ߊߓߘߎߟߊߦߌ߬ ߓߊߛߌߙߎ߬ ߞߐ߲ߘߍ߫، ߣߌ߫ ߘߏ߫ ߟߎ߫ ߦߋ߫ ߒ ߥߟߋ߫ ߟߊ߫ ߞߏ߫ » ߊߓߋ߬ ߛߋ߫ » ߸ ߒ ߧߋ߫ ߘߊ߲ߘߟߊ ߘߊ߯ߕߌ߮ ߟߋ߬ ߘߌ߫߸ ߏ߬ ߡߍ߲ ߦߋ߫ ߝߊ߬ߛߏ ߞߟߍ߬ߡߐ߰ߟߊ߫ ߢߍߡߌߘߊ߫ ߛߊ߲ߘߐߕߊ ߣߌ߫ ߣߊ߲߬ߕߌ߰ ߗߋߘߊߕߌ߮ ߢߍߡߐ߮ ߘߌ߫ ߸ ߓߌ߬ ߒ ߧߋ߫ ߛߌ߯ߙߌ߫ ߘߊ߲ߘߊߛߏߓߊ ߟߋ߬ ߟߊ߫ ߸ߒ ߠߊ߫ ߓߊ߯ߙߊ߫ ߦߋ߫ ߡߊ߬ߜߍ߲߬ߠߌ ߣߌ߫ ߘߊ߲ߘߊߟߌ ߣߌ߫ ߘߐ߬ߓߛߏ߬ߟߌ ߟߋ߬ ߘߌ߫ .
<< ߞߍ߲ߘߍߟߏ߲ ߥߎ߬ߙߘߊ߬ ߟߊ߫ ߁߉ ߙߋ߲ ߡߊߜߍ߲߫ ߝߊ߲ߝߍ߬ ߸ߊ߲ ߣߐ߬ ߞߟߌߟߌ߫ ߞߊ߲ ߠߊ߫ ߟߋ߬ ߛߐ߬ߘߐ߲߬ ߠߊ߫ ߜߋߟߋ߲ߜߋߟߋ߲ ߠߊ߫ ߸ߞߊ߬ ߝߘߊ߫ ߓߎ߬ߙߋ߬ ߛߌߟߊߓߘߊ ߘߊ߮ ߞߎ߲߬ߕߌ߮ ߟߊ߫ ߞߏ߫ ߡߐ߱ ߘߏ߫ ߛߎ߭ ߓߘߊ߫ ߦߋ߲߫ ߊ߬ ߟߊ߫ ߓߊ߯ߙߊ߫ ߦߌߟߊ ߞߍ߬ߙߍߝߍ߬ ߦߋ߲߬ ߸ ߏ߬ ߟߋ߬ ߞߣߍ߫ ߛߌ߯ߙߌ߲߫ ߞߕߌߞߊ߲ߘߊ߫ ߦߌߟߡߊ߫ ߝߟߐ߫ ߟߊ߫ ߟߐ߲ߠߌ߲ߧߊ ߘߌ߫ ߌߞߘߐ߫ ߣߊߟߌ߬ߡߎ߲߫ ߡߍߕߙ ߌߓߙߊߤߌߡߊ߬ ߁ ߞߡߊ߬ߙߊ߫ ߘߌ߫߸ߏ߬ ߟߋ߬ ߞߊ߬ ߖߡߊ߬ߙߌ ߘߌ߫ ߞߏ߫ ߞߊ߬ ߛߍ߲߬ߛߍ߲߬ߠߌ߲ ߛߌ߰ ߛߋ߲߬ߞߊ߲߬ ߞߵߊ߬ ߢߊߘߐߜߍ ߟߐ߲߫. ߒ߬ߓߊ߬ ߸ ߢߊߢߌߣߌ߲ߠߌ߲ ߏ߬ ߞߵߊ߬ ߦߌ߬ߘߊ߬ ߞߏ߫ ߛߊ߬ߓߊ߰ߕߐ ߣߴߊ߬ ߟߊ߫ ߞߐߙߍ ߟߎ߫ ߟߋ߬ ߞߊ߬ ߛߐ߰ߡߊ߬ ߘߊߓߐ ߘߊߡߎ߲߫ ߞߋߟߋ߲߫ ߘߌ߫ ߸ ߊ߬ߟߎ߫ ߞߊ߬ ߘߏ߫ ߓߐ߫ ߛߎ߬ߡߊ߲ ߏ߬ ߟߋ߬ ߟߊ߫ ߸ ߞߊ߬ ߘߏ߫ ߓߌ߬ߟߵߊ߬ ߕߊ߫ ߡߎ߬ߙߊ߲߬ ߜߘߍ߫ ߘߐ߫ ߞߊ߬ ߕߊ߯ ߏ߬ ߘߴߊ߬ ߝߍ߬ ߓߊ߯ߙߊ߫ ߘߌ߲ߞߌߙߊ ߘߐ߫ ߕߟߋ߬ߘߐ߬ ߞߏ ߘߐ߫ ߸ ߓߊߏ߬ ߊ߬ ߕߎ߲߬ ߦߋ߫ ߓߙߍ߬ ߟߊ߬ߘߍ߲ ߠߋ߬ ߟߊ߫ ߞߵߊ߬ ߝߙߋ߫. ߌߞߏߡߌ߲߬ ߝߌ߬ߕߙߌ ߓߘߊ߫ ߛߋ߫ ߊ߬ ߡߊ߫ ߦߋ߲߫ ߸ ߊ߬ߟߎ߫ ߞߵߊ߬ ߢߌߣߌ߲߫ ߞߊ߬ ߥߴߊ߬ ߕߘߍ߬ ߊ߬ ߟߊ߫ ߓߊ߯ߙߊ߫ ߦߌߟߊ ߛߌߣߍ߲߬ ߊ߬ ߛߊ߬ߣߍ߲߫ ߟߊߣߍ߲߫ ߦߋ߲߬ ߸ ߒ ߞߵߊ߬ ߞߏ߫ ߢߊߢߌߣߌ߲߫ ߏ߬ ߟߋ߬ ߘߐ߫ ߸ߓߊ߬ߙߌ߬ ߕߐ߰ߡߊ߬ߛߙߋ ߛߌ߫ ߕߴߦߋ߲߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߛߊ߭ ߟߋ߬ ߛߋߣߍ߲߫ ߊ߬ ߡߊ߬ ߥߟߊ߫ ߡߐ߱ ߘߏ߫ ߤߊߡߊ߲ߕߍ߫ ߞߏ߫ ߜߘߍ߫ ߸ ߊ߬ ߞߵߊ߬ ߟߊ߫ ߔߏߔߏ ߟߊߟߐ߬ ߢߊ߫ ߡߍ߲ ߡߊ߬ ߸ ߊ߲ ߞߵߊ߬ ߕߘߍ߬ ߕߋ߲߬ ߠߋ߬ ߸ߊ߬ ߖߍ߬ߘߍ ߓߟߏ ߝߣߊ߫ ߡߊ߫ ߛߋ߫ ߛߎ߬ߡߊ߲ ߡߊ߬ ߸ ߢߊߢߌߣߌ߲ߠߌ߲ ߏ߬ ߟߎ߫ ߟߋ߬ ߓߍ߯ ߞߐߝߍ߬ ߛߊ߫ ߸ ߊ߲ ߞߊ߬ ߛߌ߯ߙߌ߲߫ ߞߕߌߞߊ߲ߘߊ߫ ߦߌߟߡߊ߫ ߝߟߐ߫ ߌߓߙߊߤߌߡߊ߬ ߁ ߞߡߊ߬ߙߊ߫ ߟߊ߫ ߟߐ߲ߠߌ߲ߧߊ ߞߏ߫ ߸ ߛߊ߬ߓߊ߰ߕߐ ߟߊ߫ ߛߊ߬ߦߊ ߦߋ߫ ߊߟߊ߫ ߟߊ߫ ߛߊ߬ߦߊ ߟߋ߬ ߘߌ߫ ( ߛߦߊ߬ ߛߎ߲ߞߎ߲ߡߊ ߞߊ߬ߣߌ߲߬) ߊ߬ ߕߐ߯ ߟߋ߬ ߞߏ߫ ߞߙߊ߬ߡߐ߯ ߓߙߋߕߋ߫ ߸ߊ߬ ߞߊ߬ ߝߘߎ߫ ߞߍ߫ ߓߊ߬ߙߌ߬ ߘߋ߲ ߕߴߊ߬ ߓߟߏ߫ ߸ ߊ߬ ߛߌ߰ ߘߌ߲ߞߌߙߊ ߕߘߍ߬ ߦߋ߫ ߓߎ߬ߙߋ߬ ߛߌߟߊߓߘߊ ߟߋ߬ ߟߊ߫ ߸ ߊ߬ ߟߊ߫ ߓߊ߯ߙߊ߫ ߕߘߍ߬ ߦߋ߫ ߛߣߍ߬ߞߍ ߟߋ߬ ߘߌ߫>>
ߘߊ߲ߘߊߟߌߟߊ ߊߓߘߎߟߊߦߌ߬ ߓߊߛߌߙߎ߬ ߞߐ߲ߘߍ߫ ߟߋ߬ ߞߊ߲߫ ߕߋ߲߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
