ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫ ߘߴߊ߬ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߦߎߛߑߝ ߖߊߥߙߊ߫ ߟߋ߬ ߓߟߏ߫߸ ߡߊ߬ߟߌ ߞߏߕߌ߯ ߞߘߐ ߣߌ߲߬ ߡߎߛߊ߫ ߡߊ߰ߙߊ ߓߌ߬ߟߊ߬ ߘߊ߫ ߟߋ߬ ߥߛߎ ߟߊ߫ ߞߎߣߎ߲߬ ߥߎ߬ߙߊ ߝߍ߬߸ ߊ߬ ߞߊ߬ ߥߊ߯ߕߌ߫ ߟߊߓߊ߲߫ ߢߌ߲߬ ߠߎ߬ ߓߍ߯ ߞߍ߫ ߕߊ߯ߣߌߞߊߛߋߦߌ߲ ߠߋ߬ ߟߊ߫ ߛߊ߬ߙߌ߬ߦߊ߬ߟߊ߬ߡߐ߮ ߟߎ߬ ߢߊߞߘߐ߫߸ ߞߎߣߎ߲߬ ߡߐ߰ߡߍ ߟߋ߬ ߟߊ߫߸ ߊ߬ ߞߊ߬ ߕߎ߬ߡߊ߬ߙߋ߲߬ ߦߙߌߞߊ߫ ߟߋ߬ ߞߍ߫ ߡߊ߬ߟߌ ߓߟߐߟߐ߫ ߞߊ߲߫ ߞߍߢߊ߫ ߖߎ߮ ߟߎ߬ ߞߟߍ߬ߟߌ ߟߊ߫߸ ߞߎߓߋߘߊ ߞߕߌߘߊ ߞߙߍߞߙߍߣߍ߲߫ ߢߌߣߌ߲ߞߏ ߟߎ߫ ߖߋ߬ߓߌ ߘߐ߫.
ߗߍ߭ ߣߌ߲߬ ߖߙߊ߬ߞߌ߬ߣߍ߲߫ ߊ߬ ߖߍ߬ߘߍ ߟߊ߫ ߛߓߍߟߌ߫ ߞߍߣߍ߲߫ ߘߏ߫ ߞߏߛߐ߲߬ ߓߟߐߟߐ߫ ߞߊ߲߬؛ ߊ߬ ߦߴߊ߬ ߝߐ߫ ߟߊ߫ ߏ߬ ߡߍ߲ ߘߐ߫߸ ߞߏ߫ (ߊ߬ ߕߊ߯ ߘߊ߫ ߓߐ߫ ߥߛߎߟߊߘߋ߲ ߘߏ߫ ߟߎ߫ ߡߊ߬߸ ߡߍ߲ ߠߎ߬ ߡߌ߬ߣߊ߬ ߘߴߊ߬ߟߎ߫ ߡߙߌߦߊ ߟߊ߫) ߊ߬ ߟߊ߫ ߞߎߡߊ߫ ߞߋߟߋ߲߫ ߣߌ߲߬ ߘߐ߫ ߝߣߊ߫(ߞߏ߫ ߊ߬ߟߎ߬ ߓߍߣߵߊ߬ߟߎ߬ ߛߋߞߏ ߓߍ߯ ߟߋ߬ ߞߍ߫ ߦߛߊ߫ ߥߛߎߟߊߘߋ߲ ߡߍ߲߬ ߠߎ߬ ߘߌ߫ ߛߋ߫ ߟߊߓߌ߬ߟߊ߬ ߟߊ߫) ߞߊ߬ߙߌ߬ߝߐ ߕߋ߬ߟߋ߫ ߂߁ ߠߋ߬ ߟߊ߫߸ ߊ߬ ߕߎߣߎ߲߫ ߘߊ߫ ߡߊ߬ߟߌ ߞߣߐ߫ ߛߊ߲ߡߊߘߊ߲ ߠߊ߫߸ ߊ߬ ߞߏ߬ߣߌ߲ ߞߵߊ߬ ߞߎߣߎ߲߬ ߛߎ ߟߊߕߊ߬ߡߌ߲߬ ߥߛߎ ߟߋ߬ ߟߊ߫߸ ߡߊ߬ߟߌ ߞߣߐ߫.
ߊ߬ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߡ. ߡߎߕߊߜ߭ߊ߫ ߕߊߟߑߟ ߟߊ߫ ߘߊ߲߬ߕߍ߰ߟߌ߬ ߘߐ߫ ߞߎߣߎ߲߬߸ ߣߐ߬ߡߌ߬ߣߊ߬ߟߌ߬ ߣߊ߯ߣߌ߲߫ ߠߋ߬ ߞߍ߫ ߘߊ߫ ߛߊߓߎ߫ ߘߌ߫ ߊ߬ ߟߊ߫ ߞߏߕߌ߮ ߟߊߘߏ߲߬ ߘߊ߫ ߥߛߎ ߟߊ߫߸ ߓߊߏ߬߸ ߊ߬ ߞߊ߬ ߡߐ߱ ߟߎ߬ ߘߐߛߎ߫ ߟߋ߬ ߞߊ߬ ߡߎߙߎ߲ߕߌ߫ ߖߡߊ߬ߣߊ ߟߊ߫ ߝߊ߲߬ߞߊ ߡߊ߬߸ ߞߊ߬ ߖߡߊ߬ߣߊ ߕߐ߮ ߕߌߢߍ߫߸ ߊ߬ ߣߌ߫ ߞߊ߬ ߟߐ߲ߕߊ߫ ߝߎ߬ߕߎ߲߬ߕߌ߬ߡߊ ߟߎ߬ ߟߊߖߍ߲ߛߍ߲߫، ߞߏߕߌ߯ ߞߘߐ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߟߎ߬ ߝߣߊ߫ ߓߘߴߊ߬ߟߎ߬ ߞߊ߲ߓߐ߫ ߞߏ߫ ߊ߬ߟߎ߬ ߕߍߣߊ߬ ߓߍ߲߬ ߠߊ߫ ߣߐ߬ߡߌ߬ߣߊ߬ߟߌ ߢߌ߲߬ ߠߎ߫ ߡߊ߬ ߢߊ߫ ߛߌ߫ ߟߋ߬ ߡߊ߬߸ ߝߣߴߊ߬ߟߎ߬ ߓߍߣߵߊ߬ߟߎ߬ ߛߋߞߏ ߣߴߊ߬ߟߎ߫ ߝߊ߲߬ߞߊ ߟߋ߬ ߞߍ߫ ߖߐ߲߰ߛߊ߫ ߕߋߟߋ߲ߓߊ߯ߦߊ ߦߋ߫ ߞߍ߫ ߊ߬ ߞߏ ߞߊ߲߬.
ߞߕߌ ߞߏ߬ߣߌ߲ ߦߋ߫ ߛߋ߲߬ ߠߊ߫ ߕߎߟߊߝߌ߲ ߕߋ߬ߟߋ߫ ߂߉ ߟߊ߫߸ ߗߍ߭ ߣߌ߲߬ ߞߊ߬ ߕߊ߯ߣߌߞߊߛߋߦߌ߲߫ ߛߌߦߊߡߊ߲߫ ߠߋ߬ ߞߍ߫߸ ߓߌߖ߭ ߕߐ߲ߓߟߏߡߊߛߏ ߣߌ߫ ߓߡߊ߬ߞߐ߬ ߞߊ߬ߝߏ߬ߓߏ߬ߟߏ߲߬ ߣߊ߯ߣߌ߲߫ ߞߕߌߘߊ ߟߊ߫߸ ߞߵߊ߬ ߖߘߍ߬ ߢߊߝߐ߫ ߊ߬ ߟߊ߫ ߞߎߡߊ߫ ߞߊ߲ ߘߏ߫ ߟߎ߫ ߞߊ߲߬߸ ߊ߬ ߞߊ߬ ߡߍ߲ ߠߎ߬ ߟߛߊߙߌ߫ ߊ߬ ߟߊ߫ ߖߊ߬ߕߋ߬ߘߊ ߟߊ߫ ߓߟߐߟߐ ߞߊ߲߬߸ ߞߊ߬ߙߌ߬ߝߐ ߕߟߋ߬ ߣߊ߯ߣߌ߲ ߕߊ߬ߡߌ߲߬ߣߍ߲ ߠߊ߫، ߏ߬ ߞߐ ߘߐ ߛߊ߫ ߞߕߌߕߍ߯ߟߊ ߞߵߊ߬ ߟߊߘߏ߲߬ ߥߛߎ ߟߊ߫߸ ߞߎߣߎ߲߬ ߞߵߊ߬ ߕߊ߬ ߉ ߙߋ߲ ߡߊ߬ ߞߣߵߊ߬ ߛߌ߰ ߁߇ ߕߎߡߊ ߟߊ߫߸ ߊ߬ ߕߘߍ߬ ߦߴߊ߬ ߞߊ߲߬ ߞߊ߬ ߞߎߡߴߊ߬ ߟߊ߫ ߢߍߡߐ߰ߦߊ ߣߊ߲߬ߝߟߏ߬ ߟߊ߬ߓߊ߯ߙߊ߬ߟߌ ߘߏ߫ ߟߎ߫ ߞߊ߲߬.
