ߊ߲ ߛߍߥߊߣߍ߲ߓߊ ߟߋ߬ ߕߋ߲߬ ߓߌ߬ ߢߐ߲߰ ߟߏ߲߫߸ ߞߵߏ߬ ߞߎ߲߭ ߞߍ߫ ߊ߲ ߠߊ߫ ߝߘߏ߬ߓߊ߬ ߗߋߕߌ߮ ߣߴߏ߬ ߦߋ߫ ߛߟߊߕߌ߮ ߟߏ߲ߞߊߛߌߦߊ߫ ߞߊ߬ߡߙߊ߬ ߟߊ߫ ߘߋ߲ߠߊߓߐ ߘߌ߫߸ ߏ߬ ߓߟߏߡߊ߬߸ ߊ߲ ߘߌ߫ ߡߊ߰ߙߌ ߕߊ߲߬ߘߏ߬ ߞߏߛߓߍ߫߸ ߊ߬ ߞߍ ߘߐ߫ ߞߊ߬ ߞߊ߬ߡߙߊ߬߬ߟߊ߬ߞߊ ߟߎ߬ ߛߐ߫ ߘߋ߲ߞߍ߫ ߞߎߘߎ߲ߓߊ߫ ߟߊ߫߸ ߏ߬ ߡߍ߲ ߡߏߦߌ߫ ߘߊ߫ ߂߀߂߅/߀߇߲/߂߁ ߠߊ߫߸ ߣߴߊ߬ ߓߍ߲߬ ߘߊ߫ ߞߐ߬ߓߊ߬ߟߏ߲ ߡߊ߬߸ ߊ߲ ߕߘߍ߬ ߦߋ߫ ߏ߬ ߟߋ߬ ߞߎ߲߬ߠߊ߬ߓߐ ߟߊ߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߊ߬ ߘߏ߲߬ ߡߐ߰ߓߊ߫ ߛߘߍߡߊ߲߫ ߠߋ߬ ߛߣߍ߫ ߘߊ߫ ߞߣߍ ߞߊ߲߬.
ߛߌ߰ߢߐ߲߮ ߠߎ߬ ߣߌ߫ ߓߊ߯ߙߊߢߐ߲߮ ߠߎ߬߸ ߊ߬ ߣߌ߫ ߞߵߏ߬ ߟߴߊ߲ ߞߙߊ߬ߡߐ߰ߓߊ ߘߏ߫ ߟߎ߫ ߝߣߊ߫ ߞߊ߲߬߸ ߏ߬ ߘߏ߫ ߟߎ߫ ߟߋ߬ ߦߋ߫ ߞߙߊ߬ߡߐ߰ ߓߊߛߓߊ߬ߕߌ ߛߘߌ߬ߓߋ ߘߌ߫߸ ߊ߬ ߣߌ߫ ߞߙߊ߬ߡߐ߰ ߞߏߕߍߓߊ߲߫ ߞߊ߬ߡߙߊ߬ ߞߵߏ߬ ߕߊ߬ ߞߵߊ߬ ߟߊ߫ ߊ߲ ߠߊ߫ ߥߎ߬ߦߊ߲߬ߞߟߌ߬ߟߊ ߛߏ߬ߙߌ߫ ߡߊ߲߬ߘߋ߲߬ߞߊ ߞߊ߬ߓߊ ߞߊ߲߬… ߊ߬ߟߋ ߡߍ߲ ߞߊ߬ ߘߋ߲ ߕߐ߮ ߟߊߥߊ߲߬ߞߊ߲߫ ߖߊ߬ߡߊ ߦߋ߫߸ ߞߏ߫(ߛߏ߬ߙߌ߫ ߞߊ߬ߡߙߊ߬) ߘߋ߲ ߕߐ߯ߟߊߣߍ߲߫ ߊ߲ ߠߊ߫ ߗߋߕߌ߮ ߝߊ߬ ߓߏ߲߬ߓߊ߫ ߟߋ߬ ߟߊ߫؛ ߞߊ߬ ߘߋ߲߫ ߞߎߘߊ ߓߊߟߏ߫ ߞߵߊ߬ ߣߊ߬ߞߊ߲ ߘߌߦߊ߫ ߞߊ߬ ߘߋ߲ߓߊ ߝߊ߬ߘߌ ߘߐߞߍ߲ߘߍߦߊ߫߸ ߞߵߊ߬ ߡߏߦߌߓߊ߮ ߝߌ߬ߟߊ ߟߎ߬ ߟߊ߫ ߝߘߎ ߣߌ߲߬ ߕߏ߫ ߊ߬ ߡߊ߬ ߟߋ߬ ߘߍ߯߹ ߣߴߏ߬ ߦߋ߫ ߛߟߊߕߌ߮ ߟߏ߲ߞߊߛߌߦߊ߫ ߞߊ߬ߡߙߊ߬ ߣߌ߫ ߓߐ߬ߟߐ߲߬ߞߊ ߞߊ߬ߣߌ߲߫ ߞߊ߬ߡߙߊ߬ ߘߌ߫.
