ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬߸ ߡߐ߰ ߄߀ ߢߐ߲߰ ߠߋ߬ ߝߊ߰ ߘߊ߫ ߞߵߊ߬ ߕߎ߬ߙߎ ߞߍ߫ ߛߊ߲ߖߌ ߟߊ߫ ߕߌߢߍߟߌ ߘߌ߫߸ ߛߙߋ ߟߎ߬ ߟߊ߫ ߝߐߟߌ߫ ߘߐ߫ ߛߊ߲ߖߌ߫ ߞߊߛߙߊ ߞߟߐ߬ߟߐ ߟߎ߬ ߓߘߊ߫ ߝߊ߲߬ߞߊ ߛߐ߬ߘߐ߲߬ ߛ߭ߊߜ߭ߊߙߌ߫ ߣߌ߫ ߦߏߟߑߘߋ߫ ߔߊߕߋ߫ ߣߌ߫ ߛߊߓߐ߲߫ ߔߋߖ߭ߌ߫ ߓߏ߬ߟߏ߲߬ߘߊ ߟߎ߬ ߟߊ߫ ߥߊ߯ߕߌ߫ ߢߌ߲߬ ߠߊ߫߸ ߖߊ߬ߕߋ߬ߦߊ ߟߎ߬ ߞߏ߬ߣߌ߲ ߝߐ߫ ߘߊ߫ ߟߋ߬ ߢߐ߲߮ ߞߐ߫߸ ߓߊߏ߬߸ ߦߏߟߊ߫ ߘߎ߰ߘߋ߲ ߠߎ߬ ߟߊ߫ ߝߐߟߌ߫ ߘߐ߫ ߡߐ߰ ߈߀ ߠߋ߬ ߞߊ߬ ߛߊ߬ߦߊ ߡߊߛߐ߲߬ߘߐ߲߬߸ ߞߎߓߋߘߊ ߡߍ߲ ߦߋ߫ ߞߊ߬ߛߙߊ߬ߞߏ ߟߎ߬ ߞߎ߲߬ߠߊ߫߸ ߏ߬ ߟߊ߫ ߓߋߟߋ߲ߕߌ߮ ߟߊ߫ ߞߎߡߊ߫ ߘߐ߫߸ ߊ߬ߟߎ߬ ߓߍߣߵߊ߬ߟߎ߬ ߛߋߞߏ ߞߍ߫ ߟߋ߬ ߞߊ߬ ߘߍ߬ߡߍ߲ ߘߏ߲߬ ߞߏߕߐ ߟߎ߬ ߦߋ߫.
ߦߏߟߊ߫ ߘߎ߰ߘߋ߲ ߠߎ߬ ߞߏ߬ߣߌ߲ ߡߊ߫ ߛߌ߬ ߤߙߍ ߓߟߏߡߊ߬ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߵߊ߬ ߕߎ߬ߙߎ ߞߍ߫ ߛߊ߲ߖߌ ߣߊ߬ ߞߏ߬ߖߎ߮ ߘߌ߫، ߖߌߥߦߏ ߟߊ߫ ߝߊ߲߬ߞߊ߬ ߛߐߘߐ߲ ߛߊߓߎ߫ ߟߊ߫߸ ߊ߬ߟߎ߬ ߡߊ߫ ߛߋ߫ ߛߎ߬ߣߐ߮ ߡߝߊ߫ ߟߊ߫، ߓߊߏ߬߸ ߖߌ ߕߊ߯ ߘߊ߫ ߟߋ߬ ߊ߬ߟߎ߬ ߟߊ߫ ߝߊߘߌߦߊߓߐ ߟߎ߬ ߣߴߊ߬ߟߎ߬ ߟߊ߫ ߓߊߟߏ ߟߎ߬ ߓߍ߯ ߘߌ߫߸ ߊ߬ ߣߌ߫ ߞߊ߬ ߓߏ߲߫ ߛߌߦߊߡߊ߲߫ ߝߣߊ߫ ߟߊߥߎ߬ߦߊ߬، ߊߓߎߓߞߊߙߌ߬ ߟߊߡߎ߲߫ ߊ߬ߟߋ ߦߋ߫ ߞߏߕߐ ߘߏ߫ ߟߋ߬ ߘߌ߫߸ ߊ߬ ߟߊ߫ ߝߐߟߌ߫ ߘߐ߫߸ ߡߐ߰ ߟߏ߯ߟߎ߫ ߢߐ߲߰ ߠߋ߬ ߕߘߍ߬ ߦߋ߫ ߓߏ߲߫ ߟߊߓߊ߲ߓߊߟߌ ߘߏ߫ ߟߊ߫ ߒߠߋ ߟߊ߫ ߟߎ ߞߍ߬ߙߍߝߍ߬߸ ߡߛߏ߬ߞߘߐ ߘߏ߫ ߣߌ߫ ߘߋ߲ߣߍ߲ ߘߏ߫ ߟߎ߫ ߕߘߍ߬ ߦߴߊ߬ ߘߐ߫߸ ߓߊ߬ߙߌ߬߸ ߥߊߦߌߞߊ߫ ߏ߬ ߟߎ߬ ߓߍ߯ ߕߎߣߎ߲߫ ߘߊ߫ ߟߋ߬ ߖߋ߲ߥߎ߲߫߹.
ߕߎ߬ߡߊ߬ߣߊ ߡߍ߲ ߠߊ߫ ߒߠߋ ߕߊ߯ ߘߊ߫ ߓߐ߫ ߊ߬ߟߎ߫ ߡߊ߬߸ ߊ߬ ߝߐ߫ ߘߊ߫ ߟߋ߬ ߒ ߧߋ߫ ߞߏ߫ ߊ߬ߟߎ߫ ߝߌ߬ߟߊ ߓߍ߯ ߕߎߣߎ߲߫ ߘߊ߫ ߟߋ߬߸ ߓߊ߬ߙߌ߬߸ ߞߌ߲߬ߘߊ ߢߍߡߐ߮ ߞߵߊ߬ ߦߌ߬ߘߊ߬ ߒ ߠߊ߫ ߞߏ߫ ߡߛߏ߬ߞߘߐ ߣߌ߫ ߘߋ߲ߣߍ߲ ߓߘߊ߫ ߦߋ߫߸ ߓߊ߬ߙߌ߬ ߤߊߟߌ߬ ߛߊ߫ ߡߐ߰ ߛߓߊ߬ ߜߘߍ ߟߎ߬ ߦߋߣߍ߲߫ ߕߍ߫ ߝߟߐ߫، ߛߊ߲ߖߌ߫ ߞߊߛߙߊ ߣߌ߲߬ ߞߊ߬ ߝߊ߲߬ߞߊ߬ߓߊ ߟߋ߬ ߛߐ߬ߘߐ߲߬߸ ߊ߬ ߓߘߊ߫ ߘߎ߰ߘߋ߲ ߠߎ߬ ߓߌ߬ߟߊ߬ ߖߐ߬ߘߐ ߖߍ߬ߘߍߖߍ߬ߘߍ ߟߋ߬ ߘߐ߫߸ ߛߙߋ߫ ߣߌ߲߬ ߠߊ߫ ߝߐߟߌ߫ ߘߐ߫ ߥߊ߯ߕߌ߫ ߣߌ߲߬ ߞߏ߬ߣߌ߲ ߠߊ߫߸ ߊ߲ ߖߌ߱ߕߍ߰ߣߍ߲߫ ߠߋ߬ ߞߊ߬ ߛߴߊ߬ ߘߊ߲߭ ߠߊ߫߸ ߓߊߏ߬߸ ߖߌ ߛߊߣߌ߲ߡߊ߲߫ ߝߏߛߌ߬ ߟߋ߬ ߕߴߊ߲ ߓߟߏ߫ ߓߎ߬ߕߎ߲߬߸ ߛߊ߲ߖߌߓߊ ߣߊ ߓߘߊ߫ ߞߍ߫ ߛߊߓߎ߫ ߘߌ߫ ߞߵߊ߲ ߠߊ߫ ߞߐ߬ߟߐ߲ ߠߎ߬ ߓߍ߯ ߕߌߢߍ߫؛ ߊ߲ ߞߏ߬ߣߌ߲ ߦߋ߫ ߞߟߌߟߌ ߟߊߛߋ߫ ߟߊ߫ ߞߎ߲߬ߠߊ߬ߛߌ߮ ߟߎ߬ ߣߌ߫ ߝߎߣߎ߲ߛߙߋ ߟߎ߬ ߡߊ߬߸ ߛߴߊ߬ߟߎ߬ ߘߌ߫ ߛߋ߫ ߘߍ߬ߡߍ߲ ߘߏ߲߬ ߠߴߊ߲ ߧߋ߫.
