ߖߌ߬ߣߍ߬ߞߊ߫ ߅߀߀ ߢߐ߲߰ ߠߋ߬ ߣߐ߬ ߊ߬ߟߎ߬ ߟߊ߫ ߛߏ ߓߌ߬ߟߊ߬ ߟߊ߫ ߕߋ߲߬ ߞߊ߬ ߕߊ߯ ߊ߬ߟߎ߬ ߡߊߞߍ߫ ߜߋ߲ߞߐ߰ߖߌ߬ߘߊ ߘߎ߰ߣߍ߲ ߘߏ߫ ߟߊ߫ ߟߏߛߜ߭ߏ߫߸ ߖߌ߬ߣߍ߬ ߣߌ߫ ߜߋ߲ߞߐ߰ߖߌ߬ߘߊ ߓߐߕߏ߲ ߠߊ߫߸ ߡߍ߲ ߠߎ߬ ߝߊ߲߬ߓߊ ߦߋ߫ ߘߋ߲ߣߍ߲ ߠߎ߬ ߘߌ߫، ߊ߬ߟߎ߫ ߣߐ߬ ߊ߬ߟߎ߫ ߓߏ߬ߙߌ߬ ߟߊ߫ ߡߊ߲߬ߞߊ߲ ߘߏ߫ ߟߋ߬ ߞߐߝߟߌ ߞߘߐ߫߸ ߡߍ߲ ߛߎ߲ ߦߋ߫ ߘߎ߰ ߞߏ߬ ߡߊ߲ߞߊ߲ ߘߌ߫، ߓߏ߬ߙߌ߬ߓߊ߰ߕߐ ߡߍ߲ ߠߎ߬ ߦߋ߫ ߣߌ߲߬߸ ߣߴߊ߬ߟߎ߬ ߓߐߣߍ߲߫ ߓߟߏߛߏ߫ ߘߎ߰ߣߍ߲ ߠߊ߫߸ ߊ߬ߟߎ߬ ߛߋ߫ ߘߊ߫ ߟߏߛߜ߭ߏ߫ ߘߎ߱ ߞߣߐ߫ ߞߊ߬ߦߌ߯ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߂߀߂߅ ߞߊ߬ߙߌ߬ߝߐ ߕߟߋ߬ ߁߂، ߟߏߏߛߜ߭ߏ߫ ߏ߬ ߦߋ߫ ߛߎߡߊ߲ߜ߭ߏ߫ ߡߙߊ߬ߘߊ߬ߙߋ߲ ߠߋ߬ ߘߐ߫ (ߞߓߊߘߎ߯ ߕߌ߲߬ߞߎߘߎ߲ ߘߐ߫).
ߦߋ߲߬ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߬ ߞߍ ߞߵߊ߬ߟߎ߬ ߟߊ߫ ߛߏ ߓߌ߬ߟߊ߬߸ ߣߊߟߌ߬ߡߎ߲߬ ߓߟߏߛߏ߫ ߘߌ߫߸ ߏ߬ ߡߍ߲ ߦߋ߫ ߓߎ߯ߟߊ߫ ߡߙߊ ߘߐ߫ ߖߌ߬ߣߍ߬ ߞߣߐ߫߸ ߞߊ߲ߞߊ߲߫ ߡߙߊ߬ߓߊ߰ߘߊ ߞߣߐ߫، ߊ߬ߟߎ߫ ߞߊ߬ ߘߊ߲߬ߕߍ߰ߟߌ ߡߍ߲ ߞߍ߫ ߜߋ߲ߞߐ߰ߖߌ߬ߘߊ ߝߊ߰ߡߊ ߟߎ߬ ߦߋ߫߸ ߞߏ߫ ߦߙߐ߫ ߝߌ߬ߟߊ߫ ߟߋ߬ ߕߘߍ߬ ߢߐ߲߮ ߠߊ߫߸ ߡߐ߱ ߘߏ߫ ߣߌ ߕߏ߫ ߘߴߊ߬ ߘߐ߫ ߏ߬ ߟߋ ߡߊ߲߬ߞߊ߲ ߞߏߛߐ߲߬߸ ߏ߬ ߞߏ ߢߊߢߌߣߌ߲ ߠߋ߬ ߞߊ߬ ߜߟߍ߬ߦߊ ߟߊߘߏ߲߬ ߛߏ ߞߣߐ߫߸ ߞߵߊ߬ߟߎ߫ ߟߐ߬ ߊ߬ߟߎ߫ ߓߏ߬ߙߌ߬ ߟߊ߫، ߓߊ߬ߙߌ߬߸ ߟߌ߬ߤߟߊ ߡߍ߲ ߠߎ߬ ߝߣߊ߫ ߦߋ߫ ߝߌߙߌ߲ߝߌߙߌ߲߫ ߠߊ߫ ߖߌ߬ߣߍ߬ ߞߣߐ߫ ߦߊ߲߬ (ߞߊ߬ ߝߘߊ߫ ߓߐߛߎ߲ ߘߏ߫ ߟߎ߫ ߟߊ߫)߸ ߟߞߊ߬ߙߊ߲߬ߠߌ߲߬ߠߊ ߡߍ߲ ߕߍ߬ߘߍ߫ ߡߏ߬ߙߌ߬ߝߌ߲߬ߖߊ߲߫ ߞߊ߬ߙߊ߲߬ߘߊ߬ߓߊ ߟߊ߫߸ ߣߴߊ߬ ߕߐ߯ ߞߏ߫ ߡߊ߬ߡߊ߬ߘߌ߬ ߂߲ ߞߙߏ߬ߡߊ߬߸ ߏ߬ ߟߋ ߣߌ ߕߏ߫ ߘߴߊ߬ߟߎ߬ ߟߊ߫ ߡߊ߲߬ߞߊ߲ ߏ߬ ߘߐ߫، ߒ߬ߓߊ߬߸ ߏ߬ ߞߏ ߢߊߢߌߣߌ߲ ߡߍ߲ ߦߴߌߘߐ߫ ߞߊ߲ߞߊ߲߫ ߡߙߊ߬ߓߊ߰ߘߊ ߝߊ߰ߡߊ ߟߎ߬ ߓߟߏ߫ ߛߊ߫߸ ߏ߬ ߟߋ ߣߊ߬ߣߍ߲߫ ߞߣߐ߬ߜߊ ߘߌ߫ ߘߎ߱ ߞߣߐ߫߸ ߞߊ߬ ߘߎ߰ߡߐ߮ ߟߎ߬ ߛߌߟߊ߲߫ ߞߊ߬ ߓߐ߫.
ߒ߬ߓߊ߬߸ ߜߟߍ߬ߦߊ ߏ߬ ߞߏߛߐ߲߬߸ ߊ߬ߟߎ߬ ߕߊ߯ߣߍ߲߫ ߘߎ߱ ߡߍ߲ ߠߊ߫ ߣߌ߲߬߸ ߞߏߕߌ߯ ߊߘߡߊ߫ ߞߏߣߋ߫߸ ߊ߬ ߣߌ߫ ߜߋ߲ߞߐ߰ߖߌ߬ߘߊ ߞߊ߲ߓߍ߲ ߞߊ߲ߕߌ߮ ߟߊ߫ ߟߊ߬ߟߌ߬ߟߌ߬ߟߊ ߝ߭ߊ߬ߛߘߌ߫ ߕߙߊߥߟߋ߫߸ ߞߵߏ߬ ߟߊ߫ ߥߛߊ߬ߘߋ߲߫ ߟߊ߬ߛߌߣߊ߬ ߖߊ߰ߓߌ߫ ߞߊ߲߬߸ ߊ߬ ߣߌ߫ ߊߟߛߊߣ ߘߎ߲ߓߎߦߊ߫߸ ߏ߬ ߟߎ߫ ߥߟߌ߬ ߘߊ߫ ߞߊߟߌߦߊ߫ ߘߐ߫ ߞߵߊ߬ߟߎ߫ ߞߎ߲߬ߛߌ߲߫ ߦߋ߲߬ ߠߊ߫، ߊ߬ߟߎ߬ ߕߊ߯ ߘߊ߫ ߡߊ߬ߜߍ߲ ߘߏ߫ ߟߎ߫ ߘߴߊ߬ߟߎ߬ ߓߟߏ߫߸ ߡߊ߬ߟߏ ߞߙߌߕߌ߫ ߥߐ߯ߙߐ߫߸ ߊ߬ ߣߌ߫ ߕߟߎ ߣߌ߫ ߛߓߍߝߙߏߞߏ ߘߏ߫߸ ߛߍߝߊ ߄߀ ߀߀߀ ߦߋ߫ ߡߍ߲ ߞߣߐ߫.
ߝߋ߲ ߏ߬ ߟߎ߬ ߘߌ߫ ߘߴߊ߬ߟߎ߫ ߡߊ߬ ߞߎߣߎ߲߬ ߞߎߣߎ߲ߟߏ߲ ߠߋ߬ ߡߊ߬߸ ߂߀߂߅ ߞߊ߬ߙߌ߬ߝߐ ߕߟߋ߬ ߁߆، ߜߟߋߓߊ߲߫ ߡߙߊ߬ߓߊ߮ ߖ߭ߋߖ߭ߋ ߕߋ߬ߟߌ߬ߦߊ߬ߟߌ߫ ߓߍ߬ߙߑߕߍ߲߫ ߞߵߊ߬ ߦߌ߬ߘߊ߬ ߞߣߍ ߞߊ߲߬ ߦߋ߲߬߸ ߞߏ߫: <<ߊ߲ ߛߍߥߊߣߍ߲ ߖߍ߬ߘߍߖߍ߬ߘߍ ߟߋ߬ ߡߊ߬ߘߍ߬ߡߍ߲߬ߠߌ߲߬ ߘߊߡߌߣߊ߫ ߢߊ ߣߌ߲߬ ߠߊ߫…>> ߊ߬ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߊ߬ ߖߘߐ߬ߣߍ߲߬ ߣߍ߲ߞߍ߫߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߦߟߍ߬ߡߊ߲ ߞߍߢߊ߫ ߛߎ߮ ߡߍ߲ ߦߋ߫ ߣߌ߲߬ ߓߙߊ߬ߒ߬ߘߐ߬ ߓߟߏ ߡߊ߬߸ ߟߊ߫ ߦߙߐ߫ ߞߏ ߣߌ߫ ߞߏ߫ ߡߌߛߍ߲ߣߍ߲ ߘߏ߫ ߟߎ߫ ߞߏߖߊ ߘߌ߫ ߛߋ߫ ߖߊ߲߬ߞߊߙߏ ߓߌ߬ߟߊ߬ ߟߴߊ߬ߟߎ߬ ߟߊ߫.
ߓߟߏߛߏ߫ ߛߏߕߌ߮ ߦߋ߫ ߕߊ߯ߡߊ ߣߌ߲߬ ߘߐ߫߸ ߊ߬ߟߋ ߡߍ߲ ߕߐ߯ ߞߏ߫ ߒߞߐ߬ߖߌ߮ ߞߋߕߊ߬߸ ߊ߬ ߞߵߊ߬߬ ߟߊ߫ ߛߍߥߊ ߦߌ߬ߘߊ߫ ߜߋ߲ߞߐ߰ߖߌ߬ߘߊ ߝߊ߰ߡߊ ߟߎ߬ ߟߊ߫ ߓߐߒߝߘߎߘߐ߫ ߞߏ߫ ߛߎ߮ ߣߌ߲߬ ߘߐ߫߸ ߊ߬ ߣߌ߫ ߊ߬ߟߎ߫ ߖߌ߰ߦߊ߬ߣߍ߲߫ ߛߏ ߡߍ߲ ߞߣߐ߫߸ ߟߊ߬ߖߌ߰ߦߊ߬ߟߌ߬ ߞߏ߬ߢߌߡߊ ߟߊ߫.
ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߡߐ߰ ߅߂߁ ߠߋ߬ ߓߐߣߍ߲߫ ߖߌ߬ߣߍ߬ ߞߣߐ߫߸ ߞߵߊ߬ߟߎ߫ ߞߎ߲߬ߛߌ߲߫ ߟߏߛߜ߭ߏ߫ ߟߊ߫، ߊ߬ߟߎ߬ ߓߍ߯ ߘߏ߲߬ ߡߊ߫ ߓߊ߲߫ ߛߋ߫ ߟߊ߫ ߦߋ߲߬ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
