ߓߌ߬ ߦߋ߫ ߘߝߐ߬ ߜߘߍ߫ ߛߓߍ ߟߋ߬ ߘߌ߫ ߛߊ߲߬ ߂߀߀ ߛߌ߰ߟߌ ߞߐ ߝߊ߬ߙߊ߲߬ߛߌ߫ ߣߊ߲߫ߕߌ߮ ߟߎ߬ ߓߘߴߊ߬ߟߎ߬ ߟߊ߫ ߘߊ߮ ߟߊߓߊ߲߫ ߓߌ߬ߟߊ߬ ߓߌ߬ ߛߣߍ߬ߜ߭ߊ߬ߟߌ߫، ߣߌ߲߬ ߞߍ߫ ߘߊ߫ ߟߊ߬ߘߍ ߘߏ߫ ߟߋ߬ ߛߋ߲߭ ߝߍ߬ ߓߌ߬ ߛߐ߱ߡߊ ߢߌ߲߬ ߠߊ߫ ߥߍߞߊߡ ߘߊߞߊ߯ߙߌ߫ ߞߌ߲߬ߘߊ ߘߏ߫ ߟߊ߫؛ ߞߊ߬ߦߌ߯ ߕߙߊߓߊ߫ ߞߊߙߏ ߟߌ߬ ߟߊ߫ ߓߊ߯ߙߊ ߡߍ߲߬ ߠߎ߬ ߦߋ߫ ߛߋ߲߬ߠߊ߫ ߘߊ߮ ߡߌߛߍ߲ ߠߎ߬ ߛߌ߰ߟߌ ߘߌ߫ ߝߟߐ߫߸ ߛߌߛߍ߲߬ ߝߊ߬ߙߊ߲߬ߛߌ߬ ߟߊ߫ ߣߊ߲߬ߕߌ߰ ߘߊ߮ ߝߏߛߌ߬ ߟߋ߬ ߕߍ߫ ߛߣߍ߬ߜ߭ߊߟߌ߫ ߘߎ߰ߞߟߏ ߞߊ߲߬ ߓߎ߬ߕߎ߲߬، ߛߣߍ߬ߜ߭ߊߟߌ߫ ߣߊ߲߬ߕߌ߰ ߢߍߡߐ߮ ߟߎ߬ ߣߌ߫ ߝߊ߬ߙߊ߲߬ߛߌ߬ ߕߊ ߘߏ߫ ߟߎ߫ ߝߏ߫ ߞߣߊ߬ ߛߋ߫ ߥߍߞߊߡ ߕߌ߲߬ߞߎߘߎ߲ ߢߍߡߐ߯ ߕߘߍ߬ ߞߣߍߓߊ ߞߊ߲߬߸ ߛߣߍ߬ߜ߭ߊߟߌ߫ ߖߊ߲߬ߖߏ߲ ߦߟߍ߬ߟߌ ߞߐߝߍ߬ ߝߊ߬ߙߊ߲߬ߛߌ߬ ߕߊ ߣߐ߭ ߘߐ߫.
ߜߘߋߕߌ߯ ߔߊߛߑߞߊߟ ߌߦߊߣߌ߫߸ ߝߊ߬ߙߊ߲߬ߛߌ߫ ߝߘߊ߬ߝߌ߲߬ߠߊ߫ ߛߏ߬ߙߌ߬ߡߊ߬ߘߋ߲߬ ߞߏߕߌ߮ ߟߊ߫ ߝߐߟߌ߫ ߘߐ߫ ߞߵߊ߬ ߕߊ߬ ߘߍ߲ߒߖߘߍߟߦߊ ߡߊ߬߸ ߤߴߊ߲ ߧߋ߫ ߦߙߐ ߝߍ߲ ߘߐ߫ ߕߋ߲߬ ߝߊ߬ߙߊ߲߬ߛߌ߫ ߣߊ߲߬ߕߌ߮ ߟߎ߬ ߕߘߍ߬ ߦߋ߫ ߛߣߍ߬ߜ߭ߊ߬ߟߌ߫ ߟߋ߬، ߓߊ߯ߙߊߢߐ߲߯ߦߊ ߟߎ߬ ߞߊ߬ ߛߌߟߊ߫ ߛߌߦߊߡߊ߲߫ ߠߋ߬ ߕߊ߯ߡߴߊ߬ ߣߌ߫ ߞߊ߬ ߦߟߍ߬ߡߊ߲߬ ߛߌߦߊߡߊ߲߫ ߘߏ߲߬ ߞߏ ߟߎ߬ ߘߐ߫߸ ߏ߬ ߓߟߏߡߊ߬ ߛߣߍ߬ߜ߭ߊߟߌ߫ ߞߟߍ߬ߓߟߏ ߢߍߡߐ߮ ߜߘߋߕߌ߮ ߡߑߓߊߦߋ߫ ߛߌ߬ߛߋ ߟߊ߫ ߞߎߡߊ߫ ߘߐ߫ ߝߊ߬ߙߊ߲߬ߛߌ߫ ߣߊ߲߬ߕߌ߮ ߟߎ߬ ߟߊ߫ ߕߊ߯ߟߌ ߕߍߣߊ߬ ߓߊ߯ߙߊߢߐ߲߯ߦߊ ߟߎ߬ ߟߊߟߐ߬ ߟߴߊ߬ߟߎ߬ ߣߌ߫ ߢߐ߲߯ ߕߍ߫߸ ߥߍߞߊߡ ߣߊ߲߬ߕߌ߰ ߘߊ߮ ߢߌ߲ ߓߘߊ߫ ߘߌ߫ ߛߣߍ߬ߜ߭ߊߟߌ߫ ߞߟߍ߬ߓߟߏ ߢߍߡߐ߮ ߡߊ߬ ߜߘߋߕߌ߯ ߔߊߛߑߞߊߟ ߌߦߊߣߌ߫ ߓߟߏ߫߸ ߏ߬ ߞߍ߫ ߘߴߊ߬ߟߎ߬ ߟߊ߫ ߟߊ߬ߢߌߣߌ߲ ߘߌ߫ ߓߌ߬߸ ߖߌߓߎߕߌ߫ ߕߊ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߝߊ߬ߙߊ߲߬ߛߌ߬ ߟߊ߫ ߘߊ߮ ߕߍ߫ ߝߘߊ߬ߝߌ߲߬ ߠߊ߫ ߜߙߋ߫ ߛߌ߫ ߞߊ߲߬ ߓߎ߬ߕߎ߲߬.
