ߖߐ߲߫ ߦߋ߫ ߖ߭ߏߛߌߦߊߣ ߜ߭ߏߟߏ߲ߜ߭ߊ߫ ߤߊߙߊ߲ߜ߭ߘߊ߫ ߘߌ߫߸ ߞߊߡߋߙߎߣ ߂߀߂߅ ߦߙߐߕߐߕߐ؟

ߊ߬ߟߋ ߟߋ߬ ߞߍߣߍ߲߫ ߞߊߡߋߙߎߣ ߂߀߂߅ ߦߙߐߕߐߕߐ ߘߌ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߂߃ ߟߋ߬ ߘߐ߫، ߞߍ߲ߘߍߟߏ߲ ߂߀߂߅ ߞߊ߬ߙߌ߬ߝߐ ߕߟߋ߬ ߁߂ ߡߊ߬، ߟߊ߬ߓߊ߲ ߞߎ߲߬ߕߐ߰ ߓߟߋߓߟߋ ߘߏ߫ ߟߋ߬ ߞߘߐ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߞߎ߲߬ߙߜߊ ߞߎߓߋ ߟߊ߫.
ߞߊߡߋߙߎߣ ߂߀߂߅ ߦߙߐߕߐߕߐ ߜߊ߬ߛߊ ߘߐ߬ߞߕߌ߬ߘߊ ߓߘߊ߫ ߞߊߡߋߙߎߣ ߂߀߂߅ ߗߋ߲߰ߧߊ ߡߊ߲߬ߛߊ߬ߡߛߏ ߦߌ߬ߘߊ߬ ߘߎߢߊ߫ ߟߊ߫، ߖ߭ߏ߬ߛߌߦߊߣ ߜ߭ߏߟߏ߲ߜ߭ߊ߫ ߤߊߙߊ߲ߜ߭ߘߊ߫ ߦߙߐߕߐߕߐ ߡߍ߲ ߦߋ߫ ߓߐ߫ ߟߊ߫ ߞߐ߬ߘߎ߮ ߞߐߞߘߐ߫، ߏ߬ ߟߋ ߞߍߣߍ߲߫ ߘߐ߬ߞߕߌ߬ߘߊ ߛߌ߲߬ߝߏ߲ ߠߎ߬ ߤߣߍߕߊ ߘߌ߫߸ ߊ߬ ߣߌ߫ ߞߊߡߋߙߎ߲ߞߊ ߡߍ߲ ߠߎ߬ ߕߘߍ߬ ߘߊ߫ ߛߎߥߊ߲ߘߟߌ ߘߐ߫ ߓߟߐߟߐ ߛߌߟߊ ߝߍ߬، ߊ߬ ߡߏߦߌ߫ ߘߊ߫ ߦߊߜ߭ߎߦߊ߫ ߟߋ߬ ߂߀߀߂ ߟߊ߫߫، ߞߐ߬ߘߎ߮ ߞߐߞߘߐ ߕߌ߲߬ߞߎߘߎ߲ ߞߣߐ߫، ߊ߬ ߞߵߊ߬ ߟߊ߫ ߞߊ߬ߙߊ߲ ߓߊߖߎߟߞߊ ߣߴߊ߬ ߕߍߡߕߊ ߘߊߡߌ߬ߣߊ߫ ߦߋ߲߬ ߠߋ߬.
ߊ߬ ߦߋ߫ ߘߋ߲ߡߛߏߣߍ߲߫ ߠߋ߬ ߘߌ߫߸ ߡߍ߲ ߗߋ߲߰ߧߊ߬ߣߍ߲߫ ߊ߬ ߘߏ߲߬ ߖߊߙߌߒߕߋ߫، ߖߍ߬ߝߙߍ߬ߓߊ ߛߐ߬ߘߐ߲ ߊ߬ ߓߟߏ߫߸ ߊ߬ ߛߎߘߊ߲߫ ߘߊ߫ ߞߊ߬ߙߊ߲߬ߕߊ ߛߊ߲ߘߐߕߊ߫ ߟߊ߫ ߘߏ߲ߠߌ߲ ߜߊ߬ߛߊ ߘߐ߫߸ ߟߐ߲ߞߏ ߟߎ߬ ߣߌ߫ ߞߌ߬ߓߊ߬ߙߏ߬ߦߊ߬ߟߌ ߛߋߒߞߏߟߦߊ ߟߎ߬ ߣߌ߫ ߓߌ߬ߟߊ߬ߢߐ߲߰ߡߊ ߟߎ߫ ߓߊߓߋ߬ ߞߊ߲ߡߊ߬، ߣߴߊ߬ ߟߊߘߛߏߣߍ߲ ߦߋ߫ (ESTTIC) (ߞߛߟߞߛߓ) ߸ ߊ߬ ߞߊ߬ ߛߓߍߞߘߐ ߟߎ߬ ߣߌ߫ ߘߐ߬ߛߙߋ߬ߟߊ߬ߞߊ ߘߏ߫ ߟߎ߫ ߘߐߥߟߏߡߊ߫ ߂߀߂߄ ߠߊ߫߸ ߊ߬ ߟߊ߫ ߝߏߘߋߦߊ ߢߌߣߌ߲ ߘߐ߫.
ߞߍߢߊ ߣߌ߫ ߗߋ߲߰ߧߊ ߣߋ߬ߦߌ߬ߕߐ ߡߍ߲ ߦߋ߫ ߣߌ߲߬߸ ߊ߬ ߓߘߊ߫ ߛߐ߬ߘߐ߲߬ ߗߋ߲߰ߧߊ ߜߊ߬ߛߊ ߛߌߦߊߡߊ߲߫ ߠߋ߬ ߘߐ߫، ߞߵߊ߬ ߕߘߍ߬ ߊ߬ ߦߴߊ߬ߟߎ߬ ߟߊ߫ ߞߊ߬ߙߊ߲߬ߘߊ߬ߓߊ ߓߍ߯ ߘߐ߫ ߘߋ߲ߣߍ߲ ߠߋ߬ ߘߌ߫، ߊ߬ ߥߊ߫ ߞߏ߫ ߝߟߐ ߗߋ߲߰ߧߊ ߜߊ߬ߛߊ ߘߐ߫߸ ߊ߬ ߞߍ߫ ߘߊ߫ ߡߐ߰ ߝߌߟߊߣߊ߲ ߠߋ߬ ߘߌ߫ ߏ߬ ߘߐ߫ ߘߏߝߌߣ، ߂߀߁߈ ߠߊ߫߸ ߊ߬ ߞߍ߫ ߘߊ߫ ߦߊߜ߭ߎߦߊ߫ ߘߋ߲ߡߌߛߍ߲߫ ߦߙߐߕߐߕߐ ߟߋ߬ ߘߌ߫، ߂߀߂߁ ߝߣߊ߫ ߟߊ߫߸ ߊ߬ ߞߊ߬ ߞߐ߬ߘߎ߮ ߞߐߞߘߐ ߞߋ߬ߟߋ߲߬ߧߊ ߦߙߐߕߐߕߐߦߊ ߡߐ߬ߟߐ߲߲ ߛߐ߬ߘߐ߲߬߸ ߊ߬ ߣߌ߫ ߝߊ߬ߛߏ ߦߙߐߕߐߕߐߦߊ.
ߊ߬ ߡߊ߫ ߘߊ߲߬ ߏ߬ ߡߊ߬߸ ߊ߬ ߞߴߊ߬ ߓߌ߬ߟߊ߫ ߍߛߑߕߌߞ ߗߋ߲߰ߧߊ ߜߊ߬ߛߊ ߘߐ߫، ߊ߬ ߞߊ߬ ߛߊ߲߬ ߓߌ߬ߟߏ߰ߟߎ߬ߟߊ߬ߞߊ ߦߙߐߕߐߕߐ߫ ߖߊ߲ߓߋ ߕߊ߬ ߦߋ߲߬ ߠߋ߬߸ ߏ߬ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߏ߬ ߡߊ߬ߞߟߐ߫ ߛߊ߲߬ ߅߀ ߟߎ߬ ߓߟߏ߫ ߞߊ߬ߣߌ߲߫، ߊ߬ ߡߴߊ߬ ߟߊ߫ ߛߏ߬ߘߊ߲߬ߛߏ߬ߦߊ߬ ߢߌߣߌ߲ ߠߊߟߐ߬ ߣߌ߲߬ ߛߌ߫ ߘߐ߫، ߊ߬ ߞߵߊ߬ ߕߐ߮ ߛߓߍ߫ ߞߊߡߋߙߎߣ ߦߙߐߕߐߕߐ߫ ߜߛߊ ߘߐ߫߸ ߏ߬ ߡߍ߲ ߛߌ߬ߝߏ߲߬ߧߊ߬ߣߍ߲߫ ߞߏߡߌߞߊ ߓߟߏ߫߸ ߊ߬ ߟߊ߫ ߞߏߟߊߘߍ ߘߊߞߎ߲ ߦߙߐ ߘߐ߫، ߒ߬ߓߊ߬ ߖ߭ߏ߲ߛߌߦߊߣ ߠߊ߫ ߘߊߘߐߥߛߊ ߣߴߊ߬ ߟߊ߫ ߗߋ߲߰ߧߊ ߣߴߊ߬ ߟߊ߫ ߡߌ߬ߙߌ߲߬ߡߊ߬ߦߊ ߞߵߊ߬ ߞߍ߫ ߞߊߡߋߙߎߣ ߦߙߐߕߐ߫ ߞߎߘߊ ߘߌ߫ ߦߋ߲߬ ߠߋ߬ ߂߀߂߅ ߢߌ߲߬ ߠߊ߫.
ߖ߭ߏߛߌߦߊߣ ߜ߭ߏߟߏ߲ߜ߭ߊ߫ ߤߊߙߊ߲ߜ߭ߘߊ߫، ߗߋ߲߰ߧߊ ߡߊ߲߬ߛߊ߬ߡߛߏ߬ ߞߎߘߊ ߕߍ߫ ߘߊ߲߬ ߠߊ߫ ߝߊ߬ߛߏ ߕߊ ߏ߬ ߡߊ߬ ߘߋ߬߸ ߓߊߏ߬߸ ߊ߬ߟߋ ߟߋ߬ ߥߊߕߐ߫ ߞߊߡߋߙߎߣ ߞߐߦߌ߬ߘߊ߬ ߟߊ߫ ߖߊ߯ߓߊ ߗߋ߲߰ߧߊ ߜߊ߬ߛߊ߫ ߣߊ߬ߕߐ ߘߐ߫، ߞߵߊߟߎ߫ ߖߊ߲߬ߓߌ߬ߟߊ߬ ߞߏ߫ ߊ߬ ߣߐ߬ ߛߊ߲ߞߊ ߡߍ߲ ߛߐ߬ߘߐ߲߬ ߠߊ߫ ߕߋ߲߬، ߞߏ߫ ߏ߬ ߞߍ߫ ߘߊ߫ ߙߊߌߛ߫ߊ ߣߎߙߊ߫ ߒߗ߭ߌ߲ߞߊߡ ߠߋ߬ ߘߌ߫ ߂߀߂߄.
ߊ߬ߟߌ߫ ߞߙߊ߬ߞߐ߬ߞߊ߫ ߞߊ߬ߟߐ ߓߟߏ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.