ߖߌ߬ߣߍ߬ ߞߣߐߘߐ ߞߏߕߌ߯ߘߊ ߞߊ߬ ߖߌ߬ߣߍ߬ ߓߍ߯ߦߊ ߝߊ߲߬ߞߊ ߘߍ߭ ߓߘߍ߬ߓߘߍ߬ߟߌ߬ ߞߙߎ ߣߌ߲߬ ߠߊ߫ ߞߊ߬ߙߌ߬ߝߐ ߕߟߋ߬ ߆ ߕߊ߬ߡߌ߲߬ߣߍ߲ ߜߊ߬ߙߊ ߓߐ߫ ߊ߬ ߡߊ߬ ߟߋ߬߸ ߞߏߕߌ߮ ߟߊ߫ ߝߐߟߌ߫ ߘߐ߫߸ ߞߙߎ ߣߌ߲߬ ߝߊ߲߬ߞߊ ߛߌ߬ߣߊ ߟߎ߬ ߡߊ߫ ߛߊ߬ߙߌ߬ߦߊ߬ ߟߊ߬ߓߊߕߏ ߟߋ߬ ߞߍ߫، ߟߊߒߡߊ߫ ߘߐ߫߸ ߊ߬ߟߎ߬ ߡߊ߫ ߛߐ߲߬ ߞߎ߲߬ߠߊ߬ߛߌ߰ ߞߙߎ ߟߊ߫ ߛߌߛߍ߲߬ ߞߎߡߊ߫ ߟߊߛߋ ߟߊ߫ ߎߛߑߡߊ߯ߣ ߜ߭ߊߥߎߟ ߖߊߟߏ߫ ߦߋ߫ ߛߊ߬ߦߌ߲߬ ߞߙߎ ߣߌ߲߬ ߞߣߐ߫ ߦߏ߫ ߞߕߌߘߊ ߘߏ߫ ߟߎ߫ ߞߵߏ߬ ߟߊߢߌߣߌ߲߫ ߢߊ߫ ߡߍ߲، ߝߊ߲߬ߞߊ ߛߌ߬ߣߊ ߛߋߟߎ߫ ߘߊߟߍ߲ ߠߊ߫ ߓߍ߯ߦߊ߫ ߝߊ߲߬ߞߊ ߘߍ߭ ߟߊ߫ ߝߐߟߌ߫ ߘߐ߫߸ ߞߏߕߌ߯ߘߊ ߣߌ߲߬ ߠߊ߫ ߟߊ߬ߕߍ߰ߦߊ ߕߍ߫ ߛߊ߬ߙߌ߬ߦߊ ߞߊ߲߬، ߝߣߴߊ߬ߟߎ߬ ߓߘߊ߫ ߡߞߊ߬ߛߟߌ߬ ߛߓߍ ߟߊߘߏ߲߬ ߞߕߌߛߏߓߊ ߟߊ߫߸ ߊ߬ߟߎ߫ ߞߏ߬ߣߌ߲ ߟߊߣߍ߲߫ ߠߋ߬ ߊ߬ ߟߊ߫ ߞߏ߫ ߖߏ ߓߍߣߊ߬ ߘߴߊ߬ߟߎ߫ ߡߊ߬ ߞߕߌߛߏߓߊ ߓߟߏ߫.
ߓߘߍ߬ߓߘߍ߬ߟߌ߬ ߞߙߎ ߣߌ߲߬ ߢߍߡߐ߯ ߛߙߍߞߍ ߝߏߘߋ߬ ߥߎߛߎ߬ ߝߏߝߣߊ߫ ߟߊ߫ ߝߐߟߌ߫ ߘߐ߫ ߊ߬ߟߎ߫ ߞߊ߬ߣߎ߲߬ߓߊ߮ ߟߎ߬ ߢߍߝߍ߬ ߞߐ߰ߖߌ߬ߘߊ ߟߊ߫ ߞߍ߲ߘߍߟߏ߲ ߡߊ߬߸ ߞߏ߫ ߞߕߌߘߊ ߓߍߣߵߊ߬ߟߎ߫ ߖߡߊ߬ߙߌ߬ߦߊ߫ ߟߋ߬ ߞߏ߫ ߊ߬ߟߎ߬ ߦߋ߫ ߜߊ߬ߙߊ ߞߍ߫، ߓߊߏ߬߸ ߞߵߊ߬ ߞߎ߲߭ ߞߍ߫ ߞߏ߫ ߊ߬ߟߎ߬ ߓߘߊ߫ ߘߋߟߌߟߌ ߞߍ߫ ߞߕߌߘߊ ߟߊ߫߸ ߞߵߊ߬ ߦߌ߬ߘߊߞߊ߬ ߝߣߊ߫ ߞߏ߫ ߛߊ߬ߙߌ߬ߦߊ ߕߊ߫ ߓߟߏߡߊ߬ ߖߏ ߕߘߍ߬ ߦߴߊ߬ߟߎ߫ ߓߟߏ߫ ߞߏ߫ ߊ߬ߟߎ߬ ߦߋ߫ ߜߊ߬ߙߊ ߞߍ߫ ߞߊ߬ߙߌ߬ߝߐ ߕߟߋ߬ ߆ ߕߊ߬ߡߌ߲߬ߣߍ߲ ߡߊ߬، ߓߊ߬ߙߌ߬߸ ߞߊ߬ ߞߐ߲߰ ߏ߬ ߟߏ߲ ߢߍ߫ ߖߡߊ߬ߣߊ ߞߣߐߘߐ ߞߏߕߌ߮ ߞߵߊ߬ ߟߊߕߍ߰ ߟߋ߬ ߞߏ߫ ߖߌ߬ߣߍ߬ ߓߍ߯ߦߊ ߝߊ߲߬ߞߊ ߘߍ߭ ߕߍߣߵߊ߬ ߟߊ߫ ߜߊ߬ߙߊ ߣߌ߲߬ ߞߍ߫ ߟߊ߫߸ ߓߊߏ߬߸ ߞߏ߫ ߊ߬ߟߎ߬ ߡߊ߬ ߛߊ߬ߙߌ߬ߦߊ ߘߏ߫ ߟߎ߫ ߡߝߊ߫ ߞߊ߬ ߓߍ߲߬ ߜߊ߬ߙߊ ߣߌ߲߬ ߞߍ߫ ߕߎߡߊ ߡߊ߬߸ ߊ߬ ߣߌ߫ ߞߊ߬ ߓߍ߲߬ ߎߛߑߡߊ߯ߣ ߜ߭ߊߥߎߟ ߟߊ߫ ߛߊ߬ߦߌ߲߬ߠߌ߲ ߡߊ߬ ߞߙߎ ߣߌ߲߬ ߞߣߐ߫.
ߓߊߏ߬߸ ߎߛߑߡߊ߯ߣ ߜ߭ߊߥߎߟ ߖߊߟߏ߫ ߡߍ߲ ߦߋ߫ ߞߎ߲߬ߠߊ߬ߛߌ߰ ߞߙߎ ߞߣߐ߫ ߕߋ߲߬߸ ߞߕߌߘߊ ߘߏ߲߬ ߕߘߍ߬ ߞߵߊ߬ ߟߊߢߌߣߌ߲߫ ߞߏ߫ ߞߙߎ ߦߴߏ߬ ߖߡߊ߬ߙߌ߬ߦߊ߫ ߖߐ߲߰ߛߴߊ߬ ߘߌ߫ ߛߋ߫ ߞߊ߬ ߛߊ߬ߦߌ߲߬، ߓߊ߬ߙߌ߬߸ ߖߌ߬ߣߍ߬ ߓߍ߯ߦߊ߫ ߝߊ߲߬ߞߊ ߘߍ߭ ߞߎߡߊ߫ ߟߊߛߋ߫ ߟߊ߫ ߛߑߟߋ߬ߡߊ߯ߣ ߛߎߖ߭ߊ߬ ߞߏ߬ߣߊ߬ߕߋ߫ ߟߊ߫ ߞߎߡߊ߫ ߘߐ߫߸ ߊ߬ߟߎ߬ ߕߍߣߊ߬ ߛߐ߲߬ ߠߊ߫ ߢߊ߫ ߛߌ߫ ߟߋ߬ ߡߊ߬ ߎߛߑߡߊ߯ߣ ߜ߭ߊߥߎߟ ߦߋ߫ ߛߊ߬ߦߌ߲߬ ߓߍ߯ߦߊ߫ ߝߊ߲߬ߞߊ ߘߍ߭ ߞߣߐ߫، ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߢߊ߫ ߟߐ߲߬ߣߍ߲߫ ߞߕߌߛߏߓߊ ߟߋ߬ ߘߐ߫ ߏ߬ ߡߍ߲ ߠߊ߫ ߖߋ߬ߓߌ߬ߟߌ ߡߊߞߐ߬ߣߐ߲ ߦߴߌߘߐ߫߸ ߞߊ߬ߙߌ߬ߝߐ ߕߟߋ߬ ߁߇ ߣߊ߬ߕߐ ߟߊ߫، ߞߵߊ߬ ߟߐ߲߫ ߣߴߊ߬ ߘߌߣߊ߬ ߖߌ߬ߣߍ߬ ߓߍ߯ߦߊ ߝߊ߲߬ߞߊ ߘߍ߭ ߖߡߊ߬ߙߌ߬ߦߴߊ߬ ߟߊ߫ ߜߊ߬ߙߊ ߞߍߟߌ ߟߊ߫߸ ߥߟߊ߫ ߣߴߊ߬ ߘߌߣߊ߬ ߞߣߐߘߐ ߞߏߕߌ߮ ߟߋ߬ ߟߊ߫ ߟߊ߬ߕߍ߰ߦߊ ߏ߬ ߟߊߓߊ߬ߕߏ߬.
