ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫߸ ߡߐ߰ ߄߄ ߠߋ߬ ߖߊ߲ߞߌ߫ ߘߊ߫ ߛߊ߲߬ ߛߌߦߊߡߊ߲߫ ߥߛߎ ߟߊ߫ ߞߏ߫ ߊ߬ߟߎ߫ ߞߊ߬ ߣߊ߲ߝߟߏ ߘߏ߲߬ ߓߊ߰ߓߊ߰ߟߌ ߛߌߟߊ ߟߋ߬ ߝߍ߬، ߛߊ߲߬ ߇ ߞߕߌ ߟߎ߬ ߟߊߟߐ߬ߣߍ߲ ߞߐ ߘߐ߫߸ ߟߐ߯ߞߎ߲߫ ߣߌ߲߬ ߠߊ߫ ߞߕߌߕߍ߯ߟߊ ߟߎ߬ ߓߘߊ߫ ߞߕߌ ߘߊߡߌ߬ߘߊ߬ ߝߣߊ߫߸ ߏ߬ ߡߍ߲ ߢߍߛߌ߲ߣߍ߲߫ ߡߐ߰ ߁߀߀߀ ߢߐ߲߰ ߡߊ߬، ߛߌߞߊ ߞߍߣߍ߲߫ ߕߘߍ߬ ߦߋ߫ ߊ߬ߟߎ ߡߍ߲ ߠߎ߬ ߡߊ߫ ߞߏ߬ߣߌ߲߬ ߞߏ߫ ߊ߬ߟߎ߬ ߣߌ߫ ߓߞߏ߫ ߤߙߊߡ ߞߙߎ ߦߋ߫ ߢߐ߲߮ ߞߊ߬ߟߊߡߊ߬، ߞߊ߬ ߝߙߵߊ߬ߟߎ߬ ߟߊ߫ ߖߊ߲߬ߞߌ߬ߟߌ ߟߎ߬ ߞߊ߲߬߸ ߊ߬ߟߎ߬ ߘߌߦߊߜߏߦߊߕߐ߫ ߟߋ߬ ߓߊ߯ߙߊ ߟߊ߫ ߝߣߊ߫، ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫ ߞߎߓߋߘߊ ߡߍ߲ ߘߐ
ߘߏ߲߬ߣߍ߲߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߟߊ߫.
ߏ߬ ߟߊ߫ ߓߋߟߋ߲ߕߌ߮ ߓߘߴߊ߬ ߦߌ߬ߘߵߊ߬ ߟߊ߫ ߓߋߟߋ߲ߠߊ ߘߏ߫ ߘߐ߫߸ ߡߐ߰ ߅߄ ߠߋ߬ ߟߊ߫ ߞߕߌ ߕߘߍ߬ ߦߴߌ ߘߐ߫ ߞߕߌߘߊ ߞߙߍߞߙߍߣߍ߲߫ ߘߏ߫ ߟߊ߫ ߞߊߦߌ߲ߖߌ߫ ߘߎ߱ ߟߊ߫ ߖߋ߬ߟߌ߬ߓߊߟߊ߫ ߕߍߡߊ߫ ߝߊ߲ߝߍ߰، ߊ߬ ߟߊ߫ ߞߎߡߊ߫ ߘߐ߫ ߝߣߊ߫ ߡߐ߱ ߘߏ߫ ߟߎ߫ ߦߋ߫ ߖߊ߲߬ߞߟߌ߬ߓߊ߰ߕߐ ߟߎ߬ ߕߍߡߊ߬߸ ߏ߬ ߟߎ߫ ߖߊ߲ߞߌߣߍ߲߫ ߛߊ߲߬ ߁߀ ߥߛߎ ߟߋ߬ ߟߊ߫߸ ߝߏ߫ ߞߣߊ߬ ߛߋ߫ ߛߊ߲߬ ߃߀ ߥߛߎ ߡߊ߬، ߊ߬ ߛߊ߲߬ ߇ ߟߋ߬ ߦߋ߫ ߕߋ߲߬ ߞߕߌ ߣߌ߲߬ ߕߘߍ߬ ߦߋ߫ ߟߊ߬ߘߎ߲߬ߠߌ߲ ߘߊߞߘߐ߫߸ ߓߊ߬ߙߌ߬߸ ߟߐ߯ߞߎ߲߫ ߣߌ߲߬ ߠߊ߫ ߖߋ߬ߟߌ߬ߓߊ߬ߟߊ߫ ߓߘߊ߫ ߞߕߌ ߘߊߡߌ߬ߘߊ߬ ߞߊ߬ ߡߊ߬ߝߌ߲߬ߓߊ߰ߕߐ ߟߎ߬ ߞߕߌ߫، ߦߏ߫ ߊ߲ ߕߘߍ߬ ߓߘߊ߫ ߕߊ߬ߡߌ߲߬ ߊ߬ ߞߊ߲߬ ߢߊ߫ ߡߍ߲߫ ߡߊ߬ ߛߌߛߍ߲߬ ߞߏ߫ ߊ߬ߟߎ߬ ߖߊ߲ߞߌ߫ ߘߊ߫ ߟߋ߬ ߞߏ߫ ߊ߬ߟߎ߬ ߣߌ߫ ߓߞߏ߫ ߤߙߊߡ ߞߙߎ ߦߋ߫ ߢߐ߲߮ ߞߊ߬ߟߊߡߊ߬.
ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ߟߌ ߞߎߓߋߘߊ ߟߊ߫ ߟߊ߬ߛߋ߬ߟߌ ߘߐ߫߸ ߡߐ߰ ߇߀߀ ߣߌ߫ ߞߐ߫ ߟߊ߫ ߞߕߌ ߓߘߊ߫ ߞߍ߫، ߞߏ߫ ߞߋߟߋ߲߫ ߣߌ߲߬ ߠߋ߬ ߛߊߓߎ߫ ߟߊ߫߸ ߊ߬ ߛߊ߲߬ ߁߆ ߟߋ߬ ߦߋ߫ ߕߋ߲߬ ߞߏ߫ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߬ ߦߴߊ߬ ߞߊ߲߬ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ ߖߋ߬ߟߌ߬ߓߊ߬ߟߊ߫ ߞߐ߬ߘߎ߮ ߣߴߊ߬ ߞߐߘߐ߲ ߕߍ߫، ߝߘߊ߬ߝߌ߲߬ߠߊ߫ ߘߍ߭ ߟߊ߫ ߝߐߟߌ߫ ߘߐ߫ ߡߐ߰ ߄߀ ߀߀߀ ߢߐ߲߰ ߠߋ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫߸ ߊ߬ ߣߌ߫ ߞߊ߬ ߡߐ߰ ߂ ߀߀߀ ߀߀߀߀ ߟߐ߬ ߊ߬ߟߎ߫ ߡߊߞߍ߫ ߦߌߟߊ ߓߌ߬ߟߊ߬ ߟߊ߫ ߘߌߦߊߜߏߦߊ ߓߟߏߡߊ߬.
